Ko fɔlɔfɔlɛ 16
16
Isumayila la sɔtɔreŋɛ
1Iburama la musu Sarayi ma den sɔtɔ a ye. Wo tɛmuɛ Misira kaa den musereŋɛ do le be Sarayi bolo jonya la, a tɔgɔ Hagara. 2Lun do, Sarayi ka a fɔ Iburama ye, a ko: «Iburama, i ka a yen, Alatala ma n kɔ deŋɛ la. Kɔtɛ i ni taga ki n na jon den musereŋɛ fɛ, alako ale la ko sabu si a ma a ni deŋɛ sɔtɔ n ɲɛ.» Iburama ma Sarayi kulɛ sɔsɔ. 3Wo butɔ, a la musu Sarayi ka a la joŋɛ Misira kaa jigan, a ka a dii Iburama ma a ni a ma a la muse la. Wo ka a taran, Iburama bata san tan ma Kanana duge tɔ. 4Iburama tagata ki Hagara fɛ. Wo kɔma, Hagara ka bue jigan. A ka a lɔn tɛmuɛ min tɔ a bata bue jigan, a fɔlɔta yola a tige Sarayi la. 5Sarayi ka a fɔ Iburama ye, a ko: «Narile min be n masɔtɔren, a be fatanden ile le la. N ka n na joŋɛ dii i ma a ni ma i la muse la. Kɔnɔ kɔtɛ, a to bata a lɔn a bata bue jigan, a be yola n na. Alatala mu kiite sala nde nun ile tɛma.» 6Iburama ka Sarayi jaabi, a ko: «I la joŋɛ le ka, a be i la nɔɛ kɔtɔ. Min diyata i ye, i ni wo ma a la.» Wo butɔ, Sarayi ka Hagara dɔgɔya, han Hagara borita Sarayi la, a tagata.
7Alatala la maleka ka Hagara taran tenge do kɛnna janfue butɔ. Wo tenge be Suri kila dala le. 8Maleka ka a fɔ a ye, a ko: «Ile Hagara, Sarayi la joŋɛ, i be bɔɔren mina? I be tagala mina?» Hagara ka a jaabi, a ko: «N be boriren n ni yanfaya n tige Sarayi le la.» 9Alatala la maleka ka a fɔ a ye, a ko: «Saagi i tige bata, i ni taga i yɛtɛ majigi a ye.»
10Maleka mɛn ko: «N si naa i bɔnsɛ lasiya, mɔgɔ te nɔ min kɔnte lɔnna abada.» 11Alatala la maleka ka a fɔ tugun, a ko:
«I be bue le fɛ ka.
I si naa den kayireŋɛ sɔtɔ,
i ni a tɔgɔ sa Isumayila,
bayi maluya min be sigiren i ma,
Alatala bata i kulɛ mɔɛ.
12Wo deŋɛ si to iko sofale min bele koloren,
bayi ale kan bɛlɛ.
A si bɛ kɛlɛ, bɛ tugun si a kɛlɛ.
A nun a baaba dɔndɛnu te bɛn feu.»
13Hagara ka a fɔ a yɛtɛ ye, a ko: «N bata Alatala yen, kɔnɔ n ma faga de!» A ka tɔgɔ do sa Alatala la, min kumata a ye, a ko: «Ala min ɲa be n na.» 14Hagara taranta sigiren tenge min dala, anu ka wo tenge tɔgɔ sa: «Ala min be baluren, min ɲa be n na, a la tenge.» Ɲɔ be Kadesi saa nun Barɛdi saa le tɛma.
15Wo tanbireŋɛ kɔma, Hagara ka den kayireŋɛ sɔtɔ Iburama ye. Iburama ka a tɔgɔ sa Isumayila. 16Hagara ka Isumayila sɔtɔ tɛmuɛ min tɔ, Iburama la simaya be san bisagin nun wɔɔrɔ.
Currently Selected:
Ko fɔlɔfɔlɛ 16: MOG
Highlight
Share
Copy
Want to have your highlights saved across all your devices? Sign up or sign in
Ko fɔlɔfɔlɛ 16
16
Isumayila la sɔtɔreŋɛ
1Iburama la musu Sarayi ma den sɔtɔ a ye. Wo tɛmuɛ Misira kaa den musereŋɛ do le be Sarayi bolo jonya la, a tɔgɔ Hagara. 2Lun do, Sarayi ka a fɔ Iburama ye, a ko: «Iburama, i ka a yen, Alatala ma n kɔ deŋɛ la. Kɔtɛ i ni taga ki n na jon den musereŋɛ fɛ, alako ale la ko sabu si a ma a ni deŋɛ sɔtɔ n ɲɛ.» Iburama ma Sarayi kulɛ sɔsɔ. 3Wo butɔ, a la musu Sarayi ka a la joŋɛ Misira kaa jigan, a ka a dii Iburama ma a ni a ma a la muse la. Wo ka a taran, Iburama bata san tan ma Kanana duge tɔ. 4Iburama tagata ki Hagara fɛ. Wo kɔma, Hagara ka bue jigan. A ka a lɔn tɛmuɛ min tɔ a bata bue jigan, a fɔlɔta yola a tige Sarayi la. 5Sarayi ka a fɔ Iburama ye, a ko: «Narile min be n masɔtɔren, a be fatanden ile le la. N ka n na joŋɛ dii i ma a ni ma i la muse la. Kɔnɔ kɔtɛ, a to bata a lɔn a bata bue jigan, a be yola n na. Alatala mu kiite sala nde nun ile tɛma.» 6Iburama ka Sarayi jaabi, a ko: «I la joŋɛ le ka, a be i la nɔɛ kɔtɔ. Min diyata i ye, i ni wo ma a la.» Wo butɔ, Sarayi ka Hagara dɔgɔya, han Hagara borita Sarayi la, a tagata.
7Alatala la maleka ka Hagara taran tenge do kɛnna janfue butɔ. Wo tenge be Suri kila dala le. 8Maleka ka a fɔ a ye, a ko: «Ile Hagara, Sarayi la joŋɛ, i be bɔɔren mina? I be tagala mina?» Hagara ka a jaabi, a ko: «N be boriren n ni yanfaya n tige Sarayi le la.» 9Alatala la maleka ka a fɔ a ye, a ko: «Saagi i tige bata, i ni taga i yɛtɛ majigi a ye.»
10Maleka mɛn ko: «N si naa i bɔnsɛ lasiya, mɔgɔ te nɔ min kɔnte lɔnna abada.» 11Alatala la maleka ka a fɔ tugun, a ko:
«I be bue le fɛ ka.
I si naa den kayireŋɛ sɔtɔ,
i ni a tɔgɔ sa Isumayila,
bayi maluya min be sigiren i ma,
Alatala bata i kulɛ mɔɛ.
12Wo deŋɛ si to iko sofale min bele koloren,
bayi ale kan bɛlɛ.
A si bɛ kɛlɛ, bɛ tugun si a kɛlɛ.
A nun a baaba dɔndɛnu te bɛn feu.»
13Hagara ka a fɔ a yɛtɛ ye, a ko: «N bata Alatala yen, kɔnɔ n ma faga de!» A ka tɔgɔ do sa Alatala la, min kumata a ye, a ko: «Ala min ɲa be n na.» 14Hagara taranta sigiren tenge min dala, anu ka wo tenge tɔgɔ sa: «Ala min be baluren, min ɲa be n na, a la tenge.» Ɲɔ be Kadesi saa nun Barɛdi saa le tɛma.
15Wo tanbireŋɛ kɔma, Hagara ka den kayireŋɛ sɔtɔ Iburama ye. Iburama ka a tɔgɔ sa Isumayila. 16Hagara ka Isumayila sɔtɔ tɛmuɛ min tɔ, Iburama la simaya be san bisagin nun wɔɔrɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in