Ko fɔlɔfɔlɛ 21
21
Isiyaka la sɔtɛ
1Alatala hinnɛta Sara la iko a ka a fɔ a ye ki min na. A ka lahire min jigan a ye nun a ka wo lakamali. 2Iburahima la kikalakɔtɔya butɔ, Sara ka bue jigan, a ka den kayireŋɛ sɔtɔ Iburahima ye, iko Ala ka tɛmuɛ min fɔ a ye nun. 3Sara ka den kayireŋɛ min sɔtɔ, Iburahima ka a tɔgɔ sa Isiyaka. 4Isiyaka la sɔtɛ tele sagin luŋɛ, Iburahima ka a sunna iko Ala ka a yamɔri ki min na nun. 5Isiyaka la sɔtɛ ka a taran de Iburahima la sɔtɛ bata san kɛmɛ bɔɔ. 6Sara ko:
«N bata sɛɛwa sɔtɔ Ala bolo, han n jeleta.
Ka kɛ den sɔtɔ koe fɔta min ye,
wo tugun si sɛɛwa, han a ni jele n fɛ.»
7Sara takumata, a ko: «Ɲɔmɔ le si a fɔ nun Iburahima ye ka a fɔla Sara si singe dii deŋɛ ma? N dun bata den kayireŋɛ sɔtɔ a ye, wo ka a taran a bata kikala kɔtɔya koola.»
Hagara nun Isumayila lasanba koe
8Bɔɔbɛ koloyata anu ka a singi bɔɔ. Iburahima ka muradi belebele ma a la den Isiyaka singi bɔɔ luŋɛ.
9Wo lun, Hagara Misira kaa ka deŋɛ min sɔtɔ Iburahima ye, Sara ka wo yen yola Isiyaka la. 10A ka a fɔ Iburahima ye, a ko: «Wo jon muse bee anun a la den kayireŋɛ, alako a nun n na den Isiyaka kana ma kɛɛ dɔndɔ jiganna la.» 11Iburahima mɔnɛta wo kuma la koola, bayi Isumayila tugun mu a la den kayireŋɛ le la. 12Kɔnɔ Ala ka a fɔ a ye, a ko: «Iburahima wo kana i mɔnɛ. I kana hanmɛ i la den kayireŋɛ nun i la jon muse la ko la. Sara ka fenfen fɔ i ye, i ni wo ma a ye, bayi n ka bɔnsɛ min lahire jigan i ye, wo bɔnsɛ be bɔɔla Isiyaka le tɔ. 13Kɔnɔ i la jon muse la den kayireŋɛ, n si wo tugun ma le jama banba tige la, bayi a bɔɔta ile le tɔ.»
14Iburahima wulita saguma piri. A ka dɛgɛ jigan, a ka je sa ji sa feŋɛ butɔ, a ka wo dii Hagara ma. Wo butɔ, a ka feŋɛnu sa a gabakunkuŋɛ ma, a ka a la deŋɛ don a bolo, a ka anu lasanba anu ni bɔɔ a bata. Hagara bɔɔta, a tagata a matagaman janfue butɔ, ka min tɔgɔ Bɛri-Seba. 15Je banta ji sa feŋɛ butɔ tɛmuɛ min tɔ, Hagara ka a la deŋɛ to saren bapɛ do kɔtɔ. 16A tagata sigi kan do iko i tini kala fili a be danna ka min ɲɔgɔn, a sigita ɲɔ le. A ka a fɔ, a ko: «N te sɔn n ɲa sɔla n na deŋɛ la a ni faga n ɲala.» A sigita dula yanfama tɔ, a dita koola. 17Ala ka deŋɛ diri kulɛ mɔɛ. Ala la maleka kumari kulɛ bɔɔta saŋɛ tɔ, a ka Hagara kele, a ko a ma: «Hagara fen de be maren? I kana kilan, bayi Ala bata i la deŋɛ diri kulɛ mɔɛ bapɛ kɔtɔ. 18Wuli, i ni taga deŋɛ lawuli i ni a bole bita, bayi n si naa a ma le jama banba tige la.» 19Ala ka Hagara ɲa laka a ka kɔlɔŋɛ do yen. A tagata ji sa feŋɛ lafa je la a ka a dii deŋɛ ma, deŋɛ ka je min.
20Ala be a hakkile tola deŋɛ ma: a be koloyala. A sabatita janfue butɔ a mata kala filila bolo telendeŋɛ la. 21A be sabatiren Paran janfue butɔ tɛmuɛ min tɔ nun, a nɛɛnɛ ka Misira kaa muse do futu, a ka wo dii a ma.
Iburahima nun Abimelɛki la lahire
22Wo wagate ma, Abimelɛki ka a la sɔɔri kuntige Pikoli jigan, anu tagata kuma Iburahima ye, a ko: «Ala be i fɛ i la koe bɛ la. 23Wo butɔ, n be diren i ni i kali Ala la yan bi, ka a fɔla i te nde nun n na deŋɛnu anun n mamareŋɛnu janfa. Mɔ bata ko ɲinma min ma i ye, ile tugun ni wo ko ɲinma ɲɔgɔn ma mɔ ye. I be luntanya tɔ mɔ la jamanɛ min tɔ kɛ la, i si wo ɲinmaya ɲɔgɔn ma kɛ jamanɛ mɔgɛnu bɛ tugun ye.» 24Iburahima ko: «N bata n kali Ala la.» 25Kɔnɔ Iburahima ka a fan madi Abimelɛki ma kɔlɔŋɛ la ko la, Abimelɛki la joŋɛnu ka min bita nun nɔɛ la. 26Abimelɛki ka Iburahima jaabi, a ko: «N ma wo tigi lɔn. Ile tugun ma a fɔ n ɲɛ, fɔ bi n ka a mɔɛ.»
27Wo kɔma, Iburahima ka saakanu anun ningenu jigan a ka anu dii Abimelɛki ma; anu ka bɛnɲɔgɔya lakoti ɲɔgɔn tɛma. 28Iburahima mɛn ka saaka yɛrɛ wɔrɔwila do tugun bɔɔ a la saakanu la. 29Abimelɛki ka a maɲininka a ko: «I be kɛ saaka yɛrɛ wɔrɔwila bɔɔren fen de la ko la?» 30Iburahima ka a jaabi, a ko: «N bata kɛ saaka wɔrɔwila don i bolo, a ni ma mɔ tɛma seede la, a ni lɔn ma ko nde le ka kɛ kɔlɔŋɛ soe.»
31Wo kɔma le, anu ka wo dula tɔgɔ sa Bɛri-Seba, bayi Iburahima nun Abimelɛki ka anu kali ɲɔgɔn ye wo dula le tɔ. 32Anu ka anu ban kalila ɲɔgɔn ye tɛmuɛ min tɔ, Abimelɛki nun a la sɔɔri kuntige Pikoli ka anu kɔ sɔ saagi koe la Filisiti kaanu la jamanɛ tɔ. 33Iburahima ka lɔgɛ do ki Bɛri-Seba min tɔgɔ Tamarisi. A ka Alatala batu ɲɔ le, a ka a tɔgɔ sa «Abada Ala». 34Iburahima mɛta Filisiti kaanu la jamanɛ tɔ, a ka tɛmu yanfama ma ɲɔ.
Currently Selected:
Ko fɔlɔfɔlɛ 21: MOG
Highlight
Share
Copy
Want to have your highlights saved across all your devices? Sign up or sign in
Ko fɔlɔfɔlɛ 21
21
Isiyaka la sɔtɛ
1Alatala hinnɛta Sara la iko a ka a fɔ a ye ki min na. A ka lahire min jigan a ye nun a ka wo lakamali. 2Iburahima la kikalakɔtɔya butɔ, Sara ka bue jigan, a ka den kayireŋɛ sɔtɔ Iburahima ye, iko Ala ka tɛmuɛ min fɔ a ye nun. 3Sara ka den kayireŋɛ min sɔtɔ, Iburahima ka a tɔgɔ sa Isiyaka. 4Isiyaka la sɔtɛ tele sagin luŋɛ, Iburahima ka a sunna iko Ala ka a yamɔri ki min na nun. 5Isiyaka la sɔtɛ ka a taran de Iburahima la sɔtɛ bata san kɛmɛ bɔɔ. 6Sara ko:
«N bata sɛɛwa sɔtɔ Ala bolo, han n jeleta.
Ka kɛ den sɔtɔ koe fɔta min ye,
wo tugun si sɛɛwa, han a ni jele n fɛ.»
7Sara takumata, a ko: «Ɲɔmɔ le si a fɔ nun Iburahima ye ka a fɔla Sara si singe dii deŋɛ ma? N dun bata den kayireŋɛ sɔtɔ a ye, wo ka a taran a bata kikala kɔtɔya koola.»
Hagara nun Isumayila lasanba koe
8Bɔɔbɛ koloyata anu ka a singi bɔɔ. Iburahima ka muradi belebele ma a la den Isiyaka singi bɔɔ luŋɛ.
9Wo lun, Hagara Misira kaa ka deŋɛ min sɔtɔ Iburahima ye, Sara ka wo yen yola Isiyaka la. 10A ka a fɔ Iburahima ye, a ko: «Wo jon muse bee anun a la den kayireŋɛ, alako a nun n na den Isiyaka kana ma kɛɛ dɔndɔ jiganna la.» 11Iburahima mɔnɛta wo kuma la koola, bayi Isumayila tugun mu a la den kayireŋɛ le la. 12Kɔnɔ Ala ka a fɔ a ye, a ko: «Iburahima wo kana i mɔnɛ. I kana hanmɛ i la den kayireŋɛ nun i la jon muse la ko la. Sara ka fenfen fɔ i ye, i ni wo ma a ye, bayi n ka bɔnsɛ min lahire jigan i ye, wo bɔnsɛ be bɔɔla Isiyaka le tɔ. 13Kɔnɔ i la jon muse la den kayireŋɛ, n si wo tugun ma le jama banba tige la, bayi a bɔɔta ile le tɔ.»
14Iburahima wulita saguma piri. A ka dɛgɛ jigan, a ka je sa ji sa feŋɛ butɔ, a ka wo dii Hagara ma. Wo butɔ, a ka feŋɛnu sa a gabakunkuŋɛ ma, a ka a la deŋɛ don a bolo, a ka anu lasanba anu ni bɔɔ a bata. Hagara bɔɔta, a tagata a matagaman janfue butɔ, ka min tɔgɔ Bɛri-Seba. 15Je banta ji sa feŋɛ butɔ tɛmuɛ min tɔ, Hagara ka a la deŋɛ to saren bapɛ do kɔtɔ. 16A tagata sigi kan do iko i tini kala fili a be danna ka min ɲɔgɔn, a sigita ɲɔ le. A ka a fɔ, a ko: «N te sɔn n ɲa sɔla n na deŋɛ la a ni faga n ɲala.» A sigita dula yanfama tɔ, a dita koola. 17Ala ka deŋɛ diri kulɛ mɔɛ. Ala la maleka kumari kulɛ bɔɔta saŋɛ tɔ, a ka Hagara kele, a ko a ma: «Hagara fen de be maren? I kana kilan, bayi Ala bata i la deŋɛ diri kulɛ mɔɛ bapɛ kɔtɔ. 18Wuli, i ni taga deŋɛ lawuli i ni a bole bita, bayi n si naa a ma le jama banba tige la.» 19Ala ka Hagara ɲa laka a ka kɔlɔŋɛ do yen. A tagata ji sa feŋɛ lafa je la a ka a dii deŋɛ ma, deŋɛ ka je min.
20Ala be a hakkile tola deŋɛ ma: a be koloyala. A sabatita janfue butɔ a mata kala filila bolo telendeŋɛ la. 21A be sabatiren Paran janfue butɔ tɛmuɛ min tɔ nun, a nɛɛnɛ ka Misira kaa muse do futu, a ka wo dii a ma.
Iburahima nun Abimelɛki la lahire
22Wo wagate ma, Abimelɛki ka a la sɔɔri kuntige Pikoli jigan, anu tagata kuma Iburahima ye, a ko: «Ala be i fɛ i la koe bɛ la. 23Wo butɔ, n be diren i ni i kali Ala la yan bi, ka a fɔla i te nde nun n na deŋɛnu anun n mamareŋɛnu janfa. Mɔ bata ko ɲinma min ma i ye, ile tugun ni wo ko ɲinma ɲɔgɔn ma mɔ ye. I be luntanya tɔ mɔ la jamanɛ min tɔ kɛ la, i si wo ɲinmaya ɲɔgɔn ma kɛ jamanɛ mɔgɛnu bɛ tugun ye.» 24Iburahima ko: «N bata n kali Ala la.» 25Kɔnɔ Iburahima ka a fan madi Abimelɛki ma kɔlɔŋɛ la ko la, Abimelɛki la joŋɛnu ka min bita nun nɔɛ la. 26Abimelɛki ka Iburahima jaabi, a ko: «N ma wo tigi lɔn. Ile tugun ma a fɔ n ɲɛ, fɔ bi n ka a mɔɛ.»
27Wo kɔma, Iburahima ka saakanu anun ningenu jigan a ka anu dii Abimelɛki ma; anu ka bɛnɲɔgɔya lakoti ɲɔgɔn tɛma. 28Iburahima mɛn ka saaka yɛrɛ wɔrɔwila do tugun bɔɔ a la saakanu la. 29Abimelɛki ka a maɲininka a ko: «I be kɛ saaka yɛrɛ wɔrɔwila bɔɔren fen de la ko la?» 30Iburahima ka a jaabi, a ko: «N bata kɛ saaka wɔrɔwila don i bolo, a ni ma mɔ tɛma seede la, a ni lɔn ma ko nde le ka kɛ kɔlɔŋɛ soe.»
31Wo kɔma le, anu ka wo dula tɔgɔ sa Bɛri-Seba, bayi Iburahima nun Abimelɛki ka anu kali ɲɔgɔn ye wo dula le tɔ. 32Anu ka anu ban kalila ɲɔgɔn ye tɛmuɛ min tɔ, Abimelɛki nun a la sɔɔri kuntige Pikoli ka anu kɔ sɔ saagi koe la Filisiti kaanu la jamanɛ tɔ. 33Iburahima ka lɔgɛ do ki Bɛri-Seba min tɔgɔ Tamarisi. A ka Alatala batu ɲɔ le, a ka a tɔgɔ sa «Abada Ala». 34Iburahima mɛta Filisiti kaanu la jamanɛ tɔ, a ka tɛmu yanfama ma ɲɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in