Ko fɔlɔfɔlɛ 25
25
Iburahima la faga
1Iburahima ka muse do tugun futu, a tɔgɔ Ketura. 2Ketura ka den kayireŋɛnu minnu sɔtɔ Iburahima ye, anu tɔgɛ le ka: Simiran, Yokisan, Medan, Madiyan, Yisibaki, anun Suwa. 3Yokisan tugun ka den kayiren fila sɔtɔ. Wonu tɔgɔ Seeba nun Dedan. Dedan bɔnsɛnu mata Asuri kaanu la, anun Letusi kaanu anun Lemi kaanu. 4Madiyan na den kayireŋɛnu mata Efa, Efari, Enoki, Awida, anun Elida le la. Wonu bɛ mu Ketura bɔnsɛ le la.
5Iburahima ka a sɔtɔfeŋɛ bɛ dii Isiyaka le ma. 6Kɔnɔ a la den kayiren tɔɛnu minnu ma ma a la musu Sara tɛn deŋɛ la, a ka wonu bɛ kɔ fondonu la yannun a ni faga. Iburahima ka anu lasanba jamanɛ do tɔ tele yɛlɛ mafanna, alako anu ni yanfaya a la den Isiyaka la.
7Iburahima to ka san kɛmɛ san bi wɔrɔwila nun loolu sɔtɔ, 8a nɛ bɔɔta; a ka simaya yanfama nun kunnawule sɔtɔ han a fagata. A ka a benbanu jokki minnu fɔlɛ fagata nun. 9A la den kayiren fila, Isiyaka nun Isumayila ka a fure mandi Makipela la fanmɛ tɔ. Ɲɔ be Hɛti bɔnsɛ le la duge tɔ, min tɔgɔ Efurɔn, Sohari la den kayireŋɛ. Ɲɔ be Mamire tabɛŋɛ tɔ le. 10Iburahima ka wo dula le san nun Hɛti bɔnsɛnu ma. A nun a la musu Sara fure sata ɲɔ le. 11Iburahima la faga kɔma, Ala ka barikɛ sa a la den kayireŋɛ Isiyaka la ko tɔ, wo be sigiren nun Lahayi-Royi kɔlɔŋɛ kɛnna le.
Isumayila bɔnsɛnu
12Iburahima la den kayireŋɛ Isumayila bɔnsɛ le mu kɛnu la. Isumayila mu Misira kaa Hagara la den kayireŋɛ le la. Hagara mata Sara la jon muse la. A ka Isumayila sɔtɔ Iburahima ye. 13Isumayila la den kayireŋɛnu be sɔtɔren ɲɔgɔn kɔma ki min na, anu tɔgɛ le mu kɛ la. A ka Nebayoti sɔtɔ, anun Kedari, anun Adibeyɛli, anun Mibusamu, 14anun Misema, anun Duuma, anun Masa, 15anun Hadadi, anun Tema, anun Yeturu, anun Nafusi anun Keduma. 16Isumayila la den kayireŋɛnu le mu wonu la. Anu mata kuntigi tan nun fila la, anu mɛn mata jama tan nun fila kuŋɛ la. Anu tɔgɛnu sata anu la saanu kunma, anun anu la daaka dulanu kunma. 17Isumayila ka san kɛmɛ san bi saba nun wɔrɔwila le sɔtɔ, a nɛ bɔɔta, a fagata, a ka a benbanu jokki minnu fɔlɛ fagata nun. 18A la deŋɛnu be sabatiren nun dula min tɔ, ɲɔ be Hawila nun Suuru le tɛma. Suuru be ɲamatelenden Misira le ma, Asuri kila la. Anu sabatita ɲɔ le, anu yanfayata anu bareŋɛnu la.
Esayu nun Yaguba
19Iburahima la den kayireŋɛ Isiyaka la tarigu le mu ka. Iburahima la deŋɛ le mu Isiyaka la. 20Isiyaka la sɔtɛ ka san bi naani bɔɔ tɛmuɛ min tɔ, a ka Rebeka futu. Rebeka baaba le mu Betuyɛli la. Rebeka kɔtɔ kayima le mu Laban na, anu mu Arami kaanu le la: anu be bɔɔren Padan-Arami jamanɛ tɔ le. 21Isiyaka la muse Rebeka mu den sɔtɔ bale le la. Wo butɔ, Isiyaka tota Alatala mataranna a la muse ye. Alatala ka a la wo mamataraŋɛ jigan a ye, a la muse Rebeka ka bue jigan. 22A la wo deŋɛnu tota ɲɔgɔn matugula anu nɛɛnɛ bue tɔ. Rebeka ko a yɛtɛ ma: «Fen de be a maren n bue be n matɔɔrɔla?» A tagata Alatala maɲininka wo koe la. 23Alatala ka a fɔ a ye, a ko:
«Sii fila be i bue tɔ,
bɔnsɔ fila si bɔɔ i tɔ, minnu te bɛn.
Dɔndɛ sɛnbɛ si koloya dɔndɛ ko,
kinama si naa ma dɔgɔmaŋɛ la joŋɛ la.»
24Rebeka den sɔtɔ luŋɛ to keta, a lɔnta le yati Rebeka ka fɛrɛŋɛnu sɔtɔ. 25Min fɔlɛ sɔtɔta a wulenma le mu. A bale bɛ be maren te la, iko te be kolofeŋɛ bole ma ki min na: anu ka wo tɔgɔ sa Esayu. 26Wo kɔma, a dɔgɔ kayima sɔtɔta, a be a kɔtɔ kayima tingiliŋɛ bitaren a bole la: anu ka a tɔgɔ sa Yaguba. Rebeka ka anu sɔtɔ tɛmuɛ min tɔ Isiyaka ye, wo ka a taran Isiyaka la simaya bata san bi wɔɔrɔ bɔɔ.
27Wo den kayireŋɛnu koloyata. Esayu mata waaɲɛmalá fatima la, wula butɔ diyata a ye. Yaguba kan mata mɔgɔ makimareŋɛ la, ale be kɛnɛ sigila tantanu kɔtɔ le. 28Esayu la ko diyata Isiyaka ye, bayi sube di a ye. Yaguba tugun diyata le Rebeka ye.
29Lun do, Yaguba be maafe tabala. Esayu to korireŋɛ donta ka bɔɔ wula butɔ, 30a ka a fɔ Yaguba ye: «N bele nɔla fenfen na ka; a to n ni kɛ maafi ji wuleŋɛ do makunun teriya.» Wolo ka a ma, Esayu tɔgɔ sata Edɔmi, wo be fɔren de «a Wulenma». 31Yaguba ko: «Fɔ i ni i la kayibaya sɔdula dii n ma betunna.» 32Esayu ka a fɔ, a ko: «N be faga koe tɔ kɔnkɛ le la ka, kayibaya sɔdula be fen gasɛla n ma?» 33Yaguba ko: «Fɔ i ni i kali betunna.» Esayu ka a kali, a bata a la kayibaya sɔdula dii Yaguba ma. 34Wo kɔma, Yaguba ka a kɔ maafe sɔsɔnɛŋɛ la anun dɛgɛ. Esayu ka a dɔmɔ, a ka je min a wulita, a tagata. Awa, a mata ɲɔgɔnna le: Esayu ma sɔdula yo yen a la kayibaya la.
Currently Selected:
Ko fɔlɔfɔlɛ 25: MOG
Highlight
Share
Copy
Want to have your highlights saved across all your devices? Sign up or sign in
Ko fɔlɔfɔlɛ 25
25
Iburahima la faga
1Iburahima ka muse do tugun futu, a tɔgɔ Ketura. 2Ketura ka den kayireŋɛnu minnu sɔtɔ Iburahima ye, anu tɔgɛ le ka: Simiran, Yokisan, Medan, Madiyan, Yisibaki, anun Suwa. 3Yokisan tugun ka den kayiren fila sɔtɔ. Wonu tɔgɔ Seeba nun Dedan. Dedan bɔnsɛnu mata Asuri kaanu la, anun Letusi kaanu anun Lemi kaanu. 4Madiyan na den kayireŋɛnu mata Efa, Efari, Enoki, Awida, anun Elida le la. Wonu bɛ mu Ketura bɔnsɛ le la.
5Iburahima ka a sɔtɔfeŋɛ bɛ dii Isiyaka le ma. 6Kɔnɔ a la den kayiren tɔɛnu minnu ma ma a la musu Sara tɛn deŋɛ la, a ka wonu bɛ kɔ fondonu la yannun a ni faga. Iburahima ka anu lasanba jamanɛ do tɔ tele yɛlɛ mafanna, alako anu ni yanfaya a la den Isiyaka la.
7Iburahima to ka san kɛmɛ san bi wɔrɔwila nun loolu sɔtɔ, 8a nɛ bɔɔta; a ka simaya yanfama nun kunnawule sɔtɔ han a fagata. A ka a benbanu jokki minnu fɔlɛ fagata nun. 9A la den kayiren fila, Isiyaka nun Isumayila ka a fure mandi Makipela la fanmɛ tɔ. Ɲɔ be Hɛti bɔnsɛ le la duge tɔ, min tɔgɔ Efurɔn, Sohari la den kayireŋɛ. Ɲɔ be Mamire tabɛŋɛ tɔ le. 10Iburahima ka wo dula le san nun Hɛti bɔnsɛnu ma. A nun a la musu Sara fure sata ɲɔ le. 11Iburahima la faga kɔma, Ala ka barikɛ sa a la den kayireŋɛ Isiyaka la ko tɔ, wo be sigiren nun Lahayi-Royi kɔlɔŋɛ kɛnna le.
Isumayila bɔnsɛnu
12Iburahima la den kayireŋɛ Isumayila bɔnsɛ le mu kɛnu la. Isumayila mu Misira kaa Hagara la den kayireŋɛ le la. Hagara mata Sara la jon muse la. A ka Isumayila sɔtɔ Iburahima ye. 13Isumayila la den kayireŋɛnu be sɔtɔren ɲɔgɔn kɔma ki min na, anu tɔgɛ le mu kɛ la. A ka Nebayoti sɔtɔ, anun Kedari, anun Adibeyɛli, anun Mibusamu, 14anun Misema, anun Duuma, anun Masa, 15anun Hadadi, anun Tema, anun Yeturu, anun Nafusi anun Keduma. 16Isumayila la den kayireŋɛnu le mu wonu la. Anu mata kuntigi tan nun fila la, anu mɛn mata jama tan nun fila kuŋɛ la. Anu tɔgɛnu sata anu la saanu kunma, anun anu la daaka dulanu kunma. 17Isumayila ka san kɛmɛ san bi saba nun wɔrɔwila le sɔtɔ, a nɛ bɔɔta, a fagata, a ka a benbanu jokki minnu fɔlɛ fagata nun. 18A la deŋɛnu be sabatiren nun dula min tɔ, ɲɔ be Hawila nun Suuru le tɛma. Suuru be ɲamatelenden Misira le ma, Asuri kila la. Anu sabatita ɲɔ le, anu yanfayata anu bareŋɛnu la.
Esayu nun Yaguba
19Iburahima la den kayireŋɛ Isiyaka la tarigu le mu ka. Iburahima la deŋɛ le mu Isiyaka la. 20Isiyaka la sɔtɛ ka san bi naani bɔɔ tɛmuɛ min tɔ, a ka Rebeka futu. Rebeka baaba le mu Betuyɛli la. Rebeka kɔtɔ kayima le mu Laban na, anu mu Arami kaanu le la: anu be bɔɔren Padan-Arami jamanɛ tɔ le. 21Isiyaka la muse Rebeka mu den sɔtɔ bale le la. Wo butɔ, Isiyaka tota Alatala mataranna a la muse ye. Alatala ka a la wo mamataraŋɛ jigan a ye, a la muse Rebeka ka bue jigan. 22A la wo deŋɛnu tota ɲɔgɔn matugula anu nɛɛnɛ bue tɔ. Rebeka ko a yɛtɛ ma: «Fen de be a maren n bue be n matɔɔrɔla?» A tagata Alatala maɲininka wo koe la. 23Alatala ka a fɔ a ye, a ko:
«Sii fila be i bue tɔ,
bɔnsɔ fila si bɔɔ i tɔ, minnu te bɛn.
Dɔndɛ sɛnbɛ si koloya dɔndɛ ko,
kinama si naa ma dɔgɔmaŋɛ la joŋɛ la.»
24Rebeka den sɔtɔ luŋɛ to keta, a lɔnta le yati Rebeka ka fɛrɛŋɛnu sɔtɔ. 25Min fɔlɛ sɔtɔta a wulenma le mu. A bale bɛ be maren te la, iko te be kolofeŋɛ bole ma ki min na: anu ka wo tɔgɔ sa Esayu. 26Wo kɔma, a dɔgɔ kayima sɔtɔta, a be a kɔtɔ kayima tingiliŋɛ bitaren a bole la: anu ka a tɔgɔ sa Yaguba. Rebeka ka anu sɔtɔ tɛmuɛ min tɔ Isiyaka ye, wo ka a taran Isiyaka la simaya bata san bi wɔɔrɔ bɔɔ.
27Wo den kayireŋɛnu koloyata. Esayu mata waaɲɛmalá fatima la, wula butɔ diyata a ye. Yaguba kan mata mɔgɔ makimareŋɛ la, ale be kɛnɛ sigila tantanu kɔtɔ le. 28Esayu la ko diyata Isiyaka ye, bayi sube di a ye. Yaguba tugun diyata le Rebeka ye.
29Lun do, Yaguba be maafe tabala. Esayu to korireŋɛ donta ka bɔɔ wula butɔ, 30a ka a fɔ Yaguba ye: «N bele nɔla fenfen na ka; a to n ni kɛ maafi ji wuleŋɛ do makunun teriya.» Wolo ka a ma, Esayu tɔgɔ sata Edɔmi, wo be fɔren de «a Wulenma». 31Yaguba ko: «Fɔ i ni i la kayibaya sɔdula dii n ma betunna.» 32Esayu ka a fɔ, a ko: «N be faga koe tɔ kɔnkɛ le la ka, kayibaya sɔdula be fen gasɛla n ma?» 33Yaguba ko: «Fɔ i ni i kali betunna.» Esayu ka a kali, a bata a la kayibaya sɔdula dii Yaguba ma. 34Wo kɔma, Yaguba ka a kɔ maafe sɔsɔnɛŋɛ la anun dɛgɛ. Esayu ka a dɔmɔ, a ka je min a wulita, a tagata. Awa, a mata ɲɔgɔnna le: Esayu ma sɔdula yo yen a la kayibaya la.
Currently Selected:
:
Highlight
Share
Copy
Want to have your highlights saved across all your devices? Sign up or sign in