Luki 10
10
Isa la talibe bi wɔrɔwila nun fila kii koe
1Wo tanbi kɔma, Marige Isa ka mɔgɔ bi wɔrɔwila nun fila do tugun masubɛ, a ka anu kii a ɲatɔ fila fila saa bɛ tɔ, anun dula bɛ tɔ, a yɛtɛ be diren tagala ka min na. 2A ka a fɔ anu ye, a ko: «Sɛnɛtɔfeŋɛ min be tɛgɛla wo siyata, kɔnɔ a tɛgɛlanu ma siya. Wo sɛnɛ tige madiya a ni walilanu donu lasanba anu ni a tɛgɛ. 3Wo taga, wo a fɛlɛ, n bata wo kii wo ni ma iko saaka deŋɛnu minnu be tagala wuula-butɔ-wulenu tɛma. 4Nafulu safeŋɛ nun bɔnfɛ, anun samata, wo kana hali dɔndɔ doni. Wo kana mɛ kɔntɔri ma koe la kila tɔ.
5Wo tini yigiya boŋɛ min tɔ, wo ni a fɔ betunna: ‹Ala mu hɛra tola kɛ boŋɛ tɔ›. 6Ka bon tige be diren hɛra ye, wo duba si to a ye. Ka wo ma, wo duba si saagi wo ma. 7Minnu sɔnta wo yigiyala, wo ni to wondelen bolo. Anu ka fenfen dii wo ma dɔmɛ la, wo ni a dɔmɔ. Anu ka fenfen dii wo ma minnɛŋɛ la, wo ni a min, bayi walila bɛnta a ni a sɔŋɛ sɔtɔ. Wo kana bɔɔ wo yigiya tɔ wo ni taga yigiya kan do. 8Wo tini don saa min yo tɔ, ka ɲɔ mɔgɛnu ka wo labɛn anu ka dɔmɛ min sigi wo kɛn kɔtɔ, wo ni a dɔmɔ. 9Bandibaganu minnu be ɲɔ saa butɔ, wo ni wonu lakendeya. Wo ni a fɔ mɔgɛnu ye, wo ko: ‹Ala la mansabaya bata sutuya wo la›. 10Kɔnɔ wo tini don saa min tɔ, ka ɲɔ mɔgɛnu ma sɔn wo labɛnna, wo bɔɔ wo ni taga sɔ saa tɛma, wo ni a fɔ anu ye, wo ko: 11‹Hali wo la saa banbaŋɛ min be mɔ kɛŋɛnu ma, mɔ bata wo konkon ka a to wo tɔgɛ la. Kɔnɔ wo ni a lɔn tun, Ala la mansabaya bata sutuya.› 12N ni a fɔ wo ye kiiti luŋɛ tini ke, jihade min si sigi wo saa ma, wo si fisaya Sodɔmu saa tɛŋɛ ko.#10:12 Taureta Musa, kitabu fɔlɛ, sora 19.
13Korasɛn kaanu, ɲagankata be wo ye. Bɛtisayida kaanu, ɲagankata be wole tugun ye, bayi kabanako belebelenu mata wo bata. Ka wonu ɲɔgɔn mata Tiiri nun Sidɔn saa butɔ, kɔtɛ nun wo saa mɔgɛnu bata tuubɛ nun bima, anu ni sigi buguta tɔ, anu ni kinikini kuta tijɛ anu ma. 14Wolo mu, kiiti banba sa luŋɛ tini ke, wole la jihadi bɛlɛŋɛ si tanbi Tiiri kaanu nun Sidɔn kaanu tɛŋɛ la. 15Kapɛrinamu kaanu, wole go? Wo be a miraren de ba wo si yɛlɛ han saŋɛ tɔ? Ade, wo si jigi han ka ke jahannama.»
16Isa ka a fɔ a la talibenu ye, a ko: «Mɔgɔ min bata wo tɛn kumari kulɛ lamɔɛ a ka a bita, wo tigi bata nde kulɛ bita. Min ka wo kulɛ lafili, a bata nde kulɛ tugun nafili. Min ka nde kulɛ lafili, wo bata Ala tugun nafili min be n kiiren.»
Talibi bi wɔrɔwila nun fila saagi koe
17Wo kɔma, talibi bi wɔrɔwila nun fila tasaagita anu be sɛɛwaren koola, anu nata dantɛgɛ sa Isa ye, anu ko: «Marige, hali jinna koroŋɛnu yati bata sujudu mɔ ye i tɔgɛ la ko la.» 18A ka a fɔ anu ye, a ko: «N ka Sentanɛ yen boela kabɔɔ saŋɛ tɔ iko sangi malaŋɛ. 19Wo a fɛlɛ, n bata sɛnbɛ dii wo ma, wo ni wo kɛŋɛ sɔ kaanu nun buntalenu tɔ, wo si sɛnbɛ sɔtɔ wo jague Sentanɛ nun a sɛnbɛ bɛ kunma. Fenfen koron te wo yen. 20Tɔɲa le, wo si nɔ sɛɛwala jinna koroŋɛnu majigi koe la wo ye, kɔnɔ koe min fisa wo bɛ ko, wo ni sɛɛwa wo tɔgɛ sɛbɛ koe le la saŋɛ tɔ.»
21Wo tɛmuɛ yati, Isa sɛɛwata a banba la Ala Hakkili saniyandeŋɛ la, a ko: «N baaba, saŋɛ nun duge tige, n be i tantula, bayi i bata ko ɲinmanu dogon hakkilimanu nun lɔnnilanu la, i ka anu yita dendeŋɛnu la. Iyon n Baaba, a diyata i ye ɲɔgɔnna le.
22N Baaba bata koe bɛ don n bolo. Nde Ala la den kayireŋɛ, mɔgɔ yo ma n lɔn, fɔ n Baaba, mɔgɔ yo tugun ma n Baaba lɔn fɔ nde dɔrɔn, a la den kayireŋɛ, anun n be diren n Baaba yitala minnu la.» 23Wo kɔma, Isa ka a firifiri a la talibenu ma a ka a fɔ anu dore tɛma, a ko: «Hɛra be wo ye, wo be min yenden na ko la. 24N ni a fɔ wo ye, wo be koe minnu yenden, a sɔgɔ be nabiyonmɛ siyama nun mansa siyama la nun anu ni wonu yen, kɔnɔ anu ma fɛrɛ sɔtɔ anu yen koe la. Wo be koe minnu mɔɛren, a sɔgɔ be anu la anu ni wonu mɔɛ, kɔnɔ anu ma fɛrɛ sɔtɔ anu mɔɛ koe la.»
Ala nun i mɔgɔɲɔgɛ kanu koe
25Wo kɔma, sariya karamɔgɛ do wulita Isa laɲinila, a ko: «Karamɔgɔ, n ni fen ma alako n ni abada kise sɔtɔ?» 26Isa ka a fɔ a ye, a ko: «Fen de be sɛbɛren Taureta tɔ? I be fen karanna ɲɔ?» 27Ale kaye ka a jaabi, a ko: «Aa i ni i Marige Ala kanu i sondoŋɛ bɛ la, i juse bɛ la, i sɛnbɛ bɛ la, anun i la mira bɛ la.#10:27 Taureta Musa, kitabu looluɲɔgɛ sora 6, haaya 5. Aa i ni i mɔgɔɲɔgɛ tugun kanu iko i fan yati.#10:27 Taureta Musa, kitabu sabaɲɔgɛ sora 19 haaya 18.» 28Isa ka a jaabi, a ko: «I bata tɔɲa fɔ. Ka i ka wo ma, i si kisi le.»
29Kɔnɔ wo karamɔgɛ to be diren tɔɲa diila a fan de ma, a ka Isa maɲininka, a ko: «Bɔ, n mɔgɔɲɔgɛ mu ɲɔmɔ le la?» 30Isa ka a jaabi, a ko: «Kaye do bɔɔta Darisalamu a be jigila Yeriko, a be kila tɔ, boenmalanu boeta a ma anu ka a bolofeŋɛ bɛ jigan a bolo, anu ka a botege a koroŋɛ la, donden anu ma a faga, anu bɔɔta a kunma, anu ka a to ɲɔ. 31Ala ka a ma, sarika lakela do be jigila wo kila la. A keta wo dula tɔ, a ka kayi botegereŋɛ yen saren, a bɔɔta wo kila sɔngɔ la, a tanbita. 32Lewi bɔnsɛ, Ala batu bon banba tabɛnna kaye do tugun be jigila wo kila la. A keta wo dula tɔ, a ka kaye yen saren, ale tugun bɔɔta kila sɔngɔ la, a tanbita. 33Wo tanbi kɔma, Samari kaa kaye do nata, min be biyase tɔ, a keta kaye kɛnna, a ka a yen, a kinikinita a ma. 34A ka a madon a la, a ka beere nun tule sa a la mamabanu ma, a ka anu makiti, a ka a tajigan, a ka a sa a la sofale kɔɛ tɔ, a ka a doni luntan yigiya boŋɛ do tɔ, a ka a dankun ɲɔ. 35Wo lun tabantaka, a ka kaalise kolo fila labɔɔ, a ka a don bon tige bolo, a ka a fɔ a ye, a ko: ‹I ni kɛ kaye dankun, i mɛn ka min yo ladon a la ko tɔ, ka n saagita nala yan, n si a lasaagi i ma.› »
36Isa ka karamɔgɛ ɲininka, a ko: «I la mira tɔ, kɛ mɔgɔ saba, ɲɔmɔ le mata kɛ kayi mɔgɔɲɔgɛ la, boenmalanu boeta min ma?» 37A ka a jaabi, a ko: «Min kinikinita a ma, a ka a dɛman.» Isa ka a fɔ, a ko: «Awa, ile tugun ka taga wo koe mɔɔlenu ma.»
Isa la taga Mariyama nun Marata bata
38Awa Isa nun a la talibenu to be tagala kila la, a donta saa lanma do tɔ, muse do ka a yigiya a bata. Wo muse tɔgɔ Marata. 39Marata dɔgɔ musuma tugun be ɲɔ, a tɔgɔ Mariyama. Mariyama tagata sigi Marige Isa kɛn kɔtɔ, a be a tolomasɔren a la kuma la. 40Wo ka a taran, Marata be jindɛren wali siyama la. A ma mɛ, a ka a madon Isa la a ka a fɔ a ye, a ko: «Marige, n dɔgɛ bata n dɔrɔn to wale la ɲɔ. Wo te i tɔɔrɔ ba? A fɔ a ye a ni kafu n ma wali koe la.» 41Marige Isa ka a jaabi, a ko a ma: «Marata, Marata, i be hanmɛren ko siyama la han i be i yɛtɛ lajindɛren. 42Kɔnɔ ko dɔndɔ pɛti le tɔnɛ kolo. Mariyama le bata wo tɔnɛ masubɛ. Fenfen te wo bɔɔ a bolo.»
Currently Selected:
Luki 10: MOG
Highlight
Share
Copy
Want to have your highlights saved across all your devices? Sign up or sign in
Luki 10
10
Isa la talibe bi wɔrɔwila nun fila kii koe
1Wo tanbi kɔma, Marige Isa ka mɔgɔ bi wɔrɔwila nun fila do tugun masubɛ, a ka anu kii a ɲatɔ fila fila saa bɛ tɔ, anun dula bɛ tɔ, a yɛtɛ be diren tagala ka min na. 2A ka a fɔ anu ye, a ko: «Sɛnɛtɔfeŋɛ min be tɛgɛla wo siyata, kɔnɔ a tɛgɛlanu ma siya. Wo sɛnɛ tige madiya a ni walilanu donu lasanba anu ni a tɛgɛ. 3Wo taga, wo a fɛlɛ, n bata wo kii wo ni ma iko saaka deŋɛnu minnu be tagala wuula-butɔ-wulenu tɛma. 4Nafulu safeŋɛ nun bɔnfɛ, anun samata, wo kana hali dɔndɔ doni. Wo kana mɛ kɔntɔri ma koe la kila tɔ.
5Wo tini yigiya boŋɛ min tɔ, wo ni a fɔ betunna: ‹Ala mu hɛra tola kɛ boŋɛ tɔ›. 6Ka bon tige be diren hɛra ye, wo duba si to a ye. Ka wo ma, wo duba si saagi wo ma. 7Minnu sɔnta wo yigiyala, wo ni to wondelen bolo. Anu ka fenfen dii wo ma dɔmɛ la, wo ni a dɔmɔ. Anu ka fenfen dii wo ma minnɛŋɛ la, wo ni a min, bayi walila bɛnta a ni a sɔŋɛ sɔtɔ. Wo kana bɔɔ wo yigiya tɔ wo ni taga yigiya kan do. 8Wo tini don saa min yo tɔ, ka ɲɔ mɔgɛnu ka wo labɛn anu ka dɔmɛ min sigi wo kɛn kɔtɔ, wo ni a dɔmɔ. 9Bandibaganu minnu be ɲɔ saa butɔ, wo ni wonu lakendeya. Wo ni a fɔ mɔgɛnu ye, wo ko: ‹Ala la mansabaya bata sutuya wo la›. 10Kɔnɔ wo tini don saa min tɔ, ka ɲɔ mɔgɛnu ma sɔn wo labɛnna, wo bɔɔ wo ni taga sɔ saa tɛma, wo ni a fɔ anu ye, wo ko: 11‹Hali wo la saa banbaŋɛ min be mɔ kɛŋɛnu ma, mɔ bata wo konkon ka a to wo tɔgɛ la. Kɔnɔ wo ni a lɔn tun, Ala la mansabaya bata sutuya.› 12N ni a fɔ wo ye kiiti luŋɛ tini ke, jihade min si sigi wo saa ma, wo si fisaya Sodɔmu saa tɛŋɛ ko.#10:12 Taureta Musa, kitabu fɔlɛ, sora 19.
13Korasɛn kaanu, ɲagankata be wo ye. Bɛtisayida kaanu, ɲagankata be wole tugun ye, bayi kabanako belebelenu mata wo bata. Ka wonu ɲɔgɔn mata Tiiri nun Sidɔn saa butɔ, kɔtɛ nun wo saa mɔgɛnu bata tuubɛ nun bima, anu ni sigi buguta tɔ, anu ni kinikini kuta tijɛ anu ma. 14Wolo mu, kiiti banba sa luŋɛ tini ke, wole la jihadi bɛlɛŋɛ si tanbi Tiiri kaanu nun Sidɔn kaanu tɛŋɛ la. 15Kapɛrinamu kaanu, wole go? Wo be a miraren de ba wo si yɛlɛ han saŋɛ tɔ? Ade, wo si jigi han ka ke jahannama.»
16Isa ka a fɔ a la talibenu ye, a ko: «Mɔgɔ min bata wo tɛn kumari kulɛ lamɔɛ a ka a bita, wo tigi bata nde kulɛ bita. Min ka wo kulɛ lafili, a bata nde kulɛ tugun nafili. Min ka nde kulɛ lafili, wo bata Ala tugun nafili min be n kiiren.»
Talibi bi wɔrɔwila nun fila saagi koe
17Wo kɔma, talibi bi wɔrɔwila nun fila tasaagita anu be sɛɛwaren koola, anu nata dantɛgɛ sa Isa ye, anu ko: «Marige, hali jinna koroŋɛnu yati bata sujudu mɔ ye i tɔgɛ la ko la.» 18A ka a fɔ anu ye, a ko: «N ka Sentanɛ yen boela kabɔɔ saŋɛ tɔ iko sangi malaŋɛ. 19Wo a fɛlɛ, n bata sɛnbɛ dii wo ma, wo ni wo kɛŋɛ sɔ kaanu nun buntalenu tɔ, wo si sɛnbɛ sɔtɔ wo jague Sentanɛ nun a sɛnbɛ bɛ kunma. Fenfen koron te wo yen. 20Tɔɲa le, wo si nɔ sɛɛwala jinna koroŋɛnu majigi koe la wo ye, kɔnɔ koe min fisa wo bɛ ko, wo ni sɛɛwa wo tɔgɛ sɛbɛ koe le la saŋɛ tɔ.»
21Wo tɛmuɛ yati, Isa sɛɛwata a banba la Ala Hakkili saniyandeŋɛ la, a ko: «N baaba, saŋɛ nun duge tige, n be i tantula, bayi i bata ko ɲinmanu dogon hakkilimanu nun lɔnnilanu la, i ka anu yita dendeŋɛnu la. Iyon n Baaba, a diyata i ye ɲɔgɔnna le.
22N Baaba bata koe bɛ don n bolo. Nde Ala la den kayireŋɛ, mɔgɔ yo ma n lɔn, fɔ n Baaba, mɔgɔ yo tugun ma n Baaba lɔn fɔ nde dɔrɔn, a la den kayireŋɛ, anun n be diren n Baaba yitala minnu la.» 23Wo kɔma, Isa ka a firifiri a la talibenu ma a ka a fɔ anu dore tɛma, a ko: «Hɛra be wo ye, wo be min yenden na ko la. 24N ni a fɔ wo ye, wo be koe minnu yenden, a sɔgɔ be nabiyonmɛ siyama nun mansa siyama la nun anu ni wonu yen, kɔnɔ anu ma fɛrɛ sɔtɔ anu yen koe la. Wo be koe minnu mɔɛren, a sɔgɔ be anu la anu ni wonu mɔɛ, kɔnɔ anu ma fɛrɛ sɔtɔ anu mɔɛ koe la.»
Ala nun i mɔgɔɲɔgɛ kanu koe
25Wo kɔma, sariya karamɔgɛ do wulita Isa laɲinila, a ko: «Karamɔgɔ, n ni fen ma alako n ni abada kise sɔtɔ?» 26Isa ka a fɔ a ye, a ko: «Fen de be sɛbɛren Taureta tɔ? I be fen karanna ɲɔ?» 27Ale kaye ka a jaabi, a ko: «Aa i ni i Marige Ala kanu i sondoŋɛ bɛ la, i juse bɛ la, i sɛnbɛ bɛ la, anun i la mira bɛ la.#10:27 Taureta Musa, kitabu looluɲɔgɛ sora 6, haaya 5. Aa i ni i mɔgɔɲɔgɛ tugun kanu iko i fan yati.#10:27 Taureta Musa, kitabu sabaɲɔgɛ sora 19 haaya 18.» 28Isa ka a jaabi, a ko: «I bata tɔɲa fɔ. Ka i ka wo ma, i si kisi le.»
29Kɔnɔ wo karamɔgɛ to be diren tɔɲa diila a fan de ma, a ka Isa maɲininka, a ko: «Bɔ, n mɔgɔɲɔgɛ mu ɲɔmɔ le la?» 30Isa ka a jaabi, a ko: «Kaye do bɔɔta Darisalamu a be jigila Yeriko, a be kila tɔ, boenmalanu boeta a ma anu ka a bolofeŋɛ bɛ jigan a bolo, anu ka a botege a koroŋɛ la, donden anu ma a faga, anu bɔɔta a kunma, anu ka a to ɲɔ. 31Ala ka a ma, sarika lakela do be jigila wo kila la. A keta wo dula tɔ, a ka kayi botegereŋɛ yen saren, a bɔɔta wo kila sɔngɔ la, a tanbita. 32Lewi bɔnsɛ, Ala batu bon banba tabɛnna kaye do tugun be jigila wo kila la. A keta wo dula tɔ, a ka kaye yen saren, ale tugun bɔɔta kila sɔngɔ la, a tanbita. 33Wo tanbi kɔma, Samari kaa kaye do nata, min be biyase tɔ, a keta kaye kɛnna, a ka a yen, a kinikinita a ma. 34A ka a madon a la, a ka beere nun tule sa a la mamabanu ma, a ka anu makiti, a ka a tajigan, a ka a sa a la sofale kɔɛ tɔ, a ka a doni luntan yigiya boŋɛ do tɔ, a ka a dankun ɲɔ. 35Wo lun tabantaka, a ka kaalise kolo fila labɔɔ, a ka a don bon tige bolo, a ka a fɔ a ye, a ko: ‹I ni kɛ kaye dankun, i mɛn ka min yo ladon a la ko tɔ, ka n saagita nala yan, n si a lasaagi i ma.› »
36Isa ka karamɔgɛ ɲininka, a ko: «I la mira tɔ, kɛ mɔgɔ saba, ɲɔmɔ le mata kɛ kayi mɔgɔɲɔgɛ la, boenmalanu boeta min ma?» 37A ka a jaabi, a ko: «Min kinikinita a ma, a ka a dɛman.» Isa ka a fɔ, a ko: «Awa, ile tugun ka taga wo koe mɔɔlenu ma.»
Isa la taga Mariyama nun Marata bata
38Awa Isa nun a la talibenu to be tagala kila la, a donta saa lanma do tɔ, muse do ka a yigiya a bata. Wo muse tɔgɔ Marata. 39Marata dɔgɔ musuma tugun be ɲɔ, a tɔgɔ Mariyama. Mariyama tagata sigi Marige Isa kɛn kɔtɔ, a be a tolomasɔren a la kuma la. 40Wo ka a taran, Marata be jindɛren wali siyama la. A ma mɛ, a ka a madon Isa la a ka a fɔ a ye, a ko: «Marige, n dɔgɛ bata n dɔrɔn to wale la ɲɔ. Wo te i tɔɔrɔ ba? A fɔ a ye a ni kafu n ma wali koe la.» 41Marige Isa ka a jaabi, a ko a ma: «Marata, Marata, i be hanmɛren ko siyama la han i be i yɛtɛ lajindɛren. 42Kɔnɔ ko dɔndɔ pɛti le tɔnɛ kolo. Mariyama le bata wo tɔnɛ masubɛ. Fenfen te wo bɔɔ a bolo.»
Currently Selected:
:
Highlight
Share
Copy
Want to have your highlights saved across all your devices? Sign up or sign in