Íꞌdóngárá 36

Úyú Ị́sọ̃wụ̃ vé rĩ

1Úyú Ị́sọ̃wụ̃ vé rĩ pi ꞌdĩ. (Ị́sọ̃wụ̃ vé rụ́ ãzi rĩ Ẽdómã ꞌi.)

2Ị́sọ̃wụ̃ je ívé ũkú rĩ pi íngázú anji ũkú Kãnánã vé rĩ pi ãsámvú gé. Ũkú kãyú rĩ Ãdá ꞌi, ĩri Ẽlónĩ Hị́tị̃gú rĩ vé mvá ũkú, ꞌdeépi vú ni gé sĩ rĩ Õhõlĩbámã ꞌi, ĩri Ánã vé mvá ũkú, ĩrivé ẹ́ꞌbị́pị Zĩbẽyónã Hívĩgú rĩ ꞌi. 3Ũkú ụ̃dụ́ rĩ Bãsẽmátã ꞌi, ẹ́tẹ́pị ni Ĩsĩmãélẽ ꞌi, ĩrivé ọ́mvụ́pị Nẽbãyótĩ ꞌi.

4Ãdá tị Ẽlĩfájã ri Ị́sọ̃wụ̃ ní, Bãsẽmátã tị Rẽúlẽ ri, 5Õhõlĩbámã tị Jẽúsĩ pi Jãlámã be, Kórã sĩ. Anji ãgõ ꞌdĩꞌbée Ị́sọ̃wụ̃ vé ni, tịkí kộpi Kãnánã gá.

6Ị́sọ̃wụ̃ ꞌdụ ívé ũkú rĩ pi, anji ãgõ rĩ pi, anji ũkú rĩ pi, ívé ꞌbá ꞌbẹ̃tị́ ãsámvú gé rĩ pi, ívé ãnyãpá rĩ pi, ngá ãrẽvú céré ĩri ní ị́sụ́ Kãnánã gá ꞌdãá rĩ pi be, mụ adrií ẹ́drị́pị Yõkóbũ gãrã gá sĩ rárá rú. 7Kộpivé ãꞌbú ízú ambamba, sẽ kộpi ícókí adrií ẹ́drị́pị be trụ́ ku, ãnyãpá rĩ pi ní adrií tré rĩ sĩ, vũrã kộpi ní adrizú rĩ ca kộpi ní ku. 8(Ị́sọ̃wụ̃ vé rụ́ ãzi Ẽdómã ꞌi.) Ị́sọ̃wụ̃ ní kúru ꞌdezú mụzú adrizú ãngũ ánga rú Sẽyírĩ vé rĩ gé.

9Ị́sọ̃wụ̃ ri sụ́rụ́ Ẽdómã vé rĩ pi vé ẹ́ꞌbị́pị, úyú ĩrivé rĩ pi rikí adrií ãngũ ánga rú Sẽyírĩ vé rĩ gé.

10Anji ãgõ Ị́sọ̃wụ̃ vé rĩ pi vé rụ́,

Ẽlĩfájã ꞌi, ĩrivé ẹ́ndrẹ́pị Ãdá ꞌi, mvá ágó rĩ ãzi Rẽúlẽ ꞌi, ĩrivé ẹ́ndrẹ́pị Bãsẽmátã ꞌi.

11Anji ãgõ Ẽlĩfájã vé rĩ pi,

Tẽmánã ꞌi, Ómãrĩ ꞌi, Zéfõ ꞌi, Gãtámã ꞌi, Kẽnázĩ sĩ.

12Ị́sọ̃wụ̃ vé mvá Ẽlĩfájã ri ũkú ãzi be, ũkú rĩ ã rụ́ Tímĩnã ꞌi, tị Ãmãlékẽ ri nĩ. Anji ꞌdĩꞌbée vé ẹ́ꞌbị́pị Ị́sọ̃wụ̃ ꞌi, kộpivé ị̃drẹ́pị Ãdá ꞌi.

13Anji ãgõ Rẽúlẽ vé rĩ pi,

Nãhátã ꞌi, Zérã ꞌi, Sámã ꞌi, Mízã sĩ. Anji ꞌdĩꞌbée vé ẹ́ꞌbị́pị Ị́sọ̃wụ̃ ꞌi, kộpivé ị̃drẹ́pị Bãsẽmátã ꞌi.

14Ị́sọ̃wụ̃ vé ũkú Õhõlĩbámã vé ẹ́ndrẹ́pị Ánã ꞌi, Õhõlĩbámã ri Zĩbẽyónã mvọ́pị ã mvá. Anji Ị́sọ̃wụ̃ pi ní tịị́ Õhõlĩbámã be rĩ,

Jẽúsĩ ꞌi, Jãlámã ꞌi, Kórã sĩ.

15Ị́sọ̃wụ̃ vé mvá kãyú

Ẽlĩfájã vé anji ãgõ rĩ pi gõkí adrií drị̃koma rú. Anji rĩ pi vé rụ́,

Tẽmánã ꞌi, Ómãrĩ ꞌi, Zéfõ ꞌi, Kẽnázĩ ꞌi, 16Kórã ꞌi, Gãtámã ꞌi, Ãmãlékẽ sĩ. Anji Ẽlĩfájã vé drị̃koma rú ꞌdĩꞌbée, kộpi ri adri ãngũ Ẽdómã vé rĩ agá, kộpivé ị̃drẹ́pị Ãdá ꞌi.

17Ị́sọ̃wụ̃ vé mvá Rẽúlẽ vé anji ãgõ gõkí ícá drị̃koma rú, kộpivé rụ́,

Nãhátã ꞌi, Zérã ꞌi, Sámã ꞌi, Mízã sĩ. Anji drị̃koma rú ꞌdĩꞌbée Rẽúlẽ vé ni, kộpi ri adri ãngũ Ẽdómã vé rĩ agá, anji ꞌdĩꞌbée zịkí Ị́sọ̃wụ̃ vé ũkú Bãsẽmátã ri ị̃drẹ́pị.

18Anji Ị́sọ̃wụ̃ pi ní tịị́ ũkú ni Õhõlĩbámã be rĩ pi gõkí ícá drị̃koma rú, anji rĩ pi vé rụ́,

Jẽúsĩ ꞌi, Jãlámã ꞌi, Kórã sĩ. Anji drị̃koma rú ꞌdĩꞌbée úyú Ị́sọ̃wụ̃ vé ni, kộpivé ẹ́ndrẹ́pị Õhõlĩbámã ꞌi, Õhõlĩbámã ri mvá Ánã vé ni.

19Úyú Ị́sọ̃wụ̃ vé ꞌdĩꞌbée, kộpi drị̃koma rú ãngũ Ẽdómã vé rĩ agá.

20Sẽyírĩ Hórĩgú rĩ ri ọ́tụ́ adrií ãngũ ánga rú Sẽyírĩ#36:20 Sẽyírĩ: Sẽyírĩ ri ãngũ ánga rú ni, ꞌdakí ágó ãmbúgú Sẽyírĩ ã rụ́ sĩ. Vụ́drị̃ ni gé, úyú Ị́sọ̃wụ̃ vé rĩ pi gõkí ãngũ rĩ a rụ́ ꞌdaá Ẽdómã. vé rĩ gé. Ĩrivé anji rĩ pi ã rụ́,

Lõtánã ꞌi, Sõbálã ꞌi, Zĩbẽyónã ꞌi, Ánã ꞌi, 21Dĩsónĩ ꞌi, Ézẽrẽ ꞌi, Dĩsánĩ sĩ. Anji Sẽyírĩ vé adriꞌbá ãngũ Ẽdómã vé rĩ agá ꞌdĩꞌbée, kộpi drị̃koma sụ́rụ́ Hórĩ vé rĩ pi vé ni.

22Anji ãgõ Lõtánã vé rĩ pi

Hórĩ pi Hẽmánã be. Lõtánã vé ọ́mvụ́pị Tímĩnã ꞌi.

23Anji ãgõ Sõbálã vé rĩ pi

Ãlĩvánã ꞌi, Mãnãhátã ꞌi, Ẽbálã ꞌi, Séfõ ꞌi, Õnámã sĩ.

24Anji ãgõ Zĩbẽyónã vé rĩ pi

Ãyá pi Ánã be. Ánã ị́sụ́ yị̃ị́ íkpúpi nyọ̃ọ́kụ́ agálésĩ ãngũ ãꞌwí cínyáfã rú rĩ agá koópi koko rĩ nĩ. Ị́sụ́ yị̃ị́ rĩ sâ ĩri ní rizú ẹ́tẹ́pị Zĩbẽyónã vé dõngí úcézú rĩ gé.

25Anji Ánã vé rĩ pi ꞌdĩ,

Mvá ágó rú rĩ Dĩsónĩ ꞌi, ũkú rú rĩ Õhõlĩbámã ꞌi.

26Anji ãgõ Dĩsónĩ vé rĩ pi

Hẽmĩdánĩ ꞌi, Ẽsĩbánã ꞌi, Ĩtãránã ꞌi, Kẽránã sĩ.

27Anji ãgõ Ézẽrẽ vé rĩ pi

Bĩlĩhánã pi Zãvánã be, Ãkánã sĩ.

28Anji ãgõ Dĩsánĩ vé rĩ pi

Ụ́zị̃ pi Ãránã be.

29Hórĩ vé anji drị̃koma rú rĩ pi,

Lõtánã ꞌi, Sõbálã ꞌi, Zĩbẽyónã ꞌi, Ánã ꞌi, 30Dĩsónĩ ꞌi, Ézẽrẽ ꞌi, Dĩsánĩ sĩ. Anji Hórĩ vé adriꞌbá drị̃koma rú rĩ pi ꞌdĩ, kộpi acokí ĩ sụ́rụ́ ĩvé rĩ pi vúgá sĩ, ãngũ Sẽyírĩ vé rĩ agá.

ꞌBãgú Ẽdómã vé rĩ

31ꞌBãgú ãngũ Ẽdómã vé rĩ rụꞌbá ị́sụ́zú ꞌbãgú ãzi rụ drĩ ꞌbá Ĩsẽrélẽ vé rĩ pi kuyé rĩ pi vé rụ́ ꞌdĩ,

32Bẽórã vé mvá Bélã rụ ãngũ Ẽdómã vé rĩ nĩ. Kụ̃rụ́ ĩri ní adrizú ꞌa ni gé rĩ ã rụ́ Dĩnĩhábã.

33Bélã kã drãá, Zérã íngápi Bõzírã gá rĩ vé mvá Jõbábã gõ adrií ꞌbãgú rú Bélã ã vũrã gá.

34Jõbábã kã drãá, Hũsámã íngápi ãngũ Tẽmánã vé rĩ agá rĩ gõ adrií ꞌbãgú rú Jõbábã ã vũrã gá.

35Hũsámã kã drãá, Bẽdádĩ vé mvá Hãdádĩ ẹ̃ꞌdị́ ꞌdịị́pi ꞌbá Mĩdĩyánã vé rĩ pi be ãngũ Mõábã vé rĩ agá, kộpi ndẽépi rá rĩ, gõ ãngũ rĩ rụụ́ nĩ Hũsámã ã vũrã gá. Kụ̃rụ́ ĩri ní adrizú ꞌa ni gé rĩ ã rụ́ Ãvítĩ.

36Hãdádĩ kã drãá, Sãmílã íngápi ãngũ Mãsẽrékã vé rĩ gé rĩ, gõ ãngũ rĩ rụụ́ nĩ Hãdádĩ ã vũrã gá.

37Sãmílã kã drãá, Sáwũlã íngápi kụ̃rụ́ Rẽhõbótĩ vé rĩ gé yị̃ị́#36:37 Yị̃ị́: Yị̃ị́ rĩ Yũfẽrétã ꞌi. gãrã gá rĩ gõ ãngũ rĩ rụụ́ nĩ Sãmílã ã vũrã gá.

38Sáwũlã kã drãá, Ãkĩbórĩ vé mvá Bãlã Hãnánĩ gõ ãngũ rĩ rụụ́ nĩ Sáwũlã ã vũrã gá.

39Ãkĩbórĩ vé mvá Bãlã Hãnánĩ kã drãá, Hãdádĩ gõ úrí ꞌbãgú rú nĩ. Kụ̃rụ́ ĩri ní adrizú rĩ Páwũ ꞌi. Ũkú ĩrivé rĩ ã rụ́ Mẽhẽtãbélẽ ꞌi, Mẽhẽtãbélẽ ri mvá ũkú Mãtẽrédĩ vé ni, Mãtẽrédĩ ri mvá ũkú Mẽzãhábã vé ni.

40Úyú Ị́sọ̃wụ̃ vé adriꞌbá ꞌbãgú rú rĩ pi ꞌdakí kộpi ã rụ́ ĩvé sụ́rụ́ ã rụ́ sĩ, ãzini ĩvé ãngũ ã rụ́ sĩ, kộpivé rụ́ pi ꞌdĩ,

Tímĩnã ꞌi, Álĩvã ꞌi, Jẽtétĩ ꞌi, 41Õhõlĩbámã ꞌi, Élã ꞌi, Pĩnónĩ ꞌi, 42Kẽnázĩ ꞌi, Tẽmánã ꞌi, Míbĩzã ꞌi, 43Mãgãdĩyélẽ ꞌi, Ĩrámã sĩ. ꞌBãgú ꞌdĩꞌbée Ẽdómã vé rĩ pi, sĩkí kộpivé rụ́ ãngũ kộpi ní adrizú rĩ pi vúgá sĩ.

Kộpi céré úyú Ị́sọ̃wụ̃ vé ni, Ị́sọ̃wụ̃ ri ẹ́ꞌbị́pị ꞌbá Ẽdómã vé rĩ pi vé ni.

Currently Selected:

Íꞌdóngárá 36: kbo

Highlight

Copy