A:imo 2
2
1Ma:ma enoba LODote lalelona gilala,
Mowa:bape sosawe gi salikiliwa gima,
o sakisaki gima na: na:dowali ga:o gi pa:pa ekeminamalo.
Gi ase obate Idomonapa kanabape gosasa ilama aliyala
pulu bapi eyana gima.
2Na: Mowa:b wama ila auwaminamalowa
enoba ilate Keliyot wana kakaleda:na tadana baigabaiga oloda:malelo.
Mowa:b wa siya kabigibegada a:ima dilamalelo, gegemada:da,
gwama tutuli siyada a:ima dilamalelo.
3Ne obape wa iwa:lanapa lapolamalowa,
a:pite obape okona dala obada dapolamalowa,
LODote lalelo.
4Ma:ma enoba LODote lalelona gilala,
Yudape sosawe gi salikiliwa gima,
o sakisaki gima na: na:dowali ga:o gi pa:pa ekeminamalowa.
Gi ase obai LODope kakami gilala a ilapala eda:te
a:pite obape babalama pa:pa gima kamidili,
gi ase obai sewatana ididali balelada:mina gile gibalama nabidile a wama ka:odiyana,
enobai obaimunu iniwalite gwaladaminiyana ididali.
5Na: Yuda wama ila auwaminamalowa
enoba ilate Yelusalemape kakaleda:na tadana baiga oloda:malelo.
Islael wape gi bamina gi
6Ma:ma enoba LODote lalelona gilala.
Islaelpe sosawe gi salikiliwa gima,
o sakisaki gima na: na:dowali ga:o gi pa:pa ekeminamalowa.
Obaite siliba alela gima gi sogolana luma ewadili,
a:pite aitapadilina luma obaite a:i lopalama ewadili.
7Obaite lopala binina lumumunu gaganabi a:i puluma etoda:minini,
obaite a:i pulu etoda:mina pela edili,
a:pite obaite menemenena gite dapololona lumadima ameta sogolale gi bamina gi pa:pa a:na:minini.
Wawate obape pulagida gisaolanapa aminagi menagi iliminetedili,
a:na:pile Obaite na:dowali Awananapa Gagi a sosawe miyana.
8Obaite awanana nagala lopala aliletediliyana awana ba:kele genama ebatala dowatiliyana,
obaite ilile aleliyana kakana lopala alapoda:te dowatiliyana.
Obaimunu ididaligipe genama gobala
obaite lumate sosawe gi wisama aliliyana waen nidiliyana.
9 #
Diu 3:8-11
Ne obaimunu tao luliyabala Amolona luma dapoloyamana,
ameta oba Seda i a:na:pi gigisabega
a:pite obape kamali a kalekalenapa i a:na:pi ewena.
Ne obape sidina adami sosaweda:mite
a:pite obape a:ina sasa ta:temunoyamana.
10Ne Isipt wala a: wama gwalite saoyamana,
a:pite ne a: 40 gogo gobala lopama:te pa:yamana a:napa wa gobala
a: dima Amolina lumumunu a:i atamalale.
11 #
Nam 6:1-8
Ne da:pe sege gobala wala gilala lada:na dala pakada:miyamana,
a:pite da:dowali apeda: kanika:da:na luma gobala na: Awanana dala pakada:miyamana.
Da: ma:ma gi kowana eda: gima pa: awapa, O Islael luma,
LODote lalelo.
12Ameta de ya:mai awanana dala waen dapileyamana,
a:pite de ya:mai wala gilala lada:na dalate wala gilala lada: gima obai ekeda:miyamana.
13Na: a: sasaminamalowa,
kon tao a:na:mite weladele dilamalelona sakanapa anekeyapote siliminanona gawa a:na:pi a: dilamalelo.
14A:i agogoda:nate pa:pa emoda:madili,
kakamalinate obaimunu kakamali pa:pa pakakaminamadili
a:pite kamalinapa dalagite obaya obape galabe pa:pa pawaminamalelo.
15Gagi kota kalekalele gwalulamalelona dalagite gwa:ima sikamida:malelo,
a:i agola bapinapa dalagite pa:pa wama guluda:malelo,
a:pite osole waminanona dalagite obape galabe pa:pa pawaminamalelo.
16Kakamali bapina giwa:lana dala iya:ta:,
a:ma kadepala abadu emoda:te gugula:madili,
LODote lalelo.
Currently Selected:
A:imo 2: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
A:imo 2
2
1Ma:ma enoba LODote lalelona gilala,
Mowa:bape sosawe gi salikiliwa gima,
o sakisaki gima na: na:dowali ga:o gi pa:pa ekeminamalo.
Gi ase obate Idomonapa kanabape gosasa ilama aliyala
pulu bapi eyana gima.
2Na: Mowa:b wama ila auwaminamalowa
enoba ilate Keliyot wana kakaleda:na tadana baigabaiga oloda:malelo.
Mowa:b wa siya kabigibegada a:ima dilamalelo, gegemada:da,
gwama tutuli siyada a:ima dilamalelo.
3Ne obape wa iwa:lanapa lapolamalowa,
a:pite obape okona dala obada dapolamalowa,
LODote lalelo.
4Ma:ma enoba LODote lalelona gilala,
Yudape sosawe gi salikiliwa gima,
o sakisaki gima na: na:dowali ga:o gi pa:pa ekeminamalowa.
Gi ase obai LODope kakami gilala a ilapala eda:te
a:pite obape babalama pa:pa gima kamidili,
gi ase obai sewatana ididali balelada:mina gile gibalama nabidile a wama ka:odiyana,
enobai obaimunu iniwalite gwaladaminiyana ididali.
5Na: Yuda wama ila auwaminamalowa
enoba ilate Yelusalemape kakaleda:na tadana baiga oloda:malelo.
Islael wape gi bamina gi
6Ma:ma enoba LODote lalelona gilala.
Islaelpe sosawe gi salikiliwa gima,
o sakisaki gima na: na:dowali ga:o gi pa:pa ekeminamalowa.
Obaite siliba alela gima gi sogolana luma ewadili,
a:pite aitapadilina luma obaite a:i lopalama ewadili.
7Obaite lopala binina lumumunu gaganabi a:i puluma etoda:minini,
obaite a:i pulu etoda:mina pela edili,
a:pite obaite menemenena gite dapololona lumadima ameta sogolale gi bamina gi pa:pa a:na:minini.
Wawate obape pulagida gisaolanapa aminagi menagi iliminetedili,
a:na:pile Obaite na:dowali Awananapa Gagi a sosawe miyana.
8Obaite awanana nagala lopala aliletediliyana awana ba:kele genama ebatala dowatiliyana,
obaite ilile aleliyana kakana lopala alapoda:te dowatiliyana.
Obaimunu ididaligipe genama gobala
obaite lumate sosawe gi wisama aliliyana waen nidiliyana.
9 #
Diu 3:8-11
Ne obaimunu tao luliyabala Amolona luma dapoloyamana,
ameta oba Seda i a:na:pi gigisabega
a:pite obape kamali a kalekalenapa i a:na:pi ewena.
Ne obape sidina adami sosaweda:mite
a:pite obape a:ina sasa ta:temunoyamana.
10Ne Isipt wala a: wama gwalite saoyamana,
a:pite ne a: 40 gogo gobala lopama:te pa:yamana a:napa wa gobala
a: dima Amolina lumumunu a:i atamalale.
11 #
Nam 6:1-8
Ne da:pe sege gobala wala gilala lada:na dala pakada:miyamana,
a:pite da:dowali apeda: kanika:da:na luma gobala na: Awanana dala pakada:miyamana.
Da: ma:ma gi kowana eda: gima pa: awapa, O Islael luma,
LODote lalelo.
12Ameta de ya:mai awanana dala waen dapileyamana,
a:pite de ya:mai wala gilala lada:na dalate wala gilala lada: gima obai ekeda:miyamana.
13Na: a: sasaminamalowa,
kon tao a:na:mite weladele dilamalelona sakanapa anekeyapote siliminanona gawa a:na:pi a: dilamalelo.
14A:i agogoda:nate pa:pa emoda:madili,
kakamalinate obaimunu kakamali pa:pa pakakaminamadili
a:pite kamalinapa dalagite obaya obape galabe pa:pa pawaminamalelo.
15Gagi kota kalekalele gwalulamalelona dalagite gwa:ima sikamida:malelo,
a:i agola bapinapa dalagite pa:pa wama guluda:malelo,
a:pite osole waminanona dalagite obape galabe pa:pa pawaminamalelo.
16Kakamali bapina giwa:lana dala iya:ta:,
a:ma kadepala abadu emoda:te gugula:madili,
LODote lalelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.