A:bak 1
1
1A:bakuk Godope wala gilala lada:napa dalagite tida:te aleloyana gilala.
A:bakakate lumumunu gima ilapala eloyana gi.
2Na: a:ta:pi tepa a: dima mamamida:malowaya, O LOD, e na: amowana:malale,
ameta a: na:dowali gilala pa:pa enamano.
Gwama na: a: dima adimada:dele layamana, sosawenapa lapitada: kamali a:meta,
ameta powa gi ase a: na:dowali galabe pa:pa pawamiyanaya.
3Pa: sogolale gi babamina gi tilalowa.
Powa gi ase a: pa:pa ekeda:minanoya.
Eta:mite eta:mi dapola gita: lapitada: kamali gita: na:pe sosoko palale dololo,
lapitada: gita: giwa:la gita: kabigibega a:meta.
4Enobala kakami gilala a: dololo,
a:pite sogolale gi bamina gi pa:pa kekelelo.
Sosawena lumate gi sogoda:na luma gwanamada:minini,
enobala obai sogolale gi bamina gi pa:pa sa:lele a:na:minini.
LODope gilala wisa
5 #
Aud 13:41
Baigabaiga waelabegama tao lotobada:te ti,
a:pite a:pe alipo ka:elamamalelo.
Gi ase e elelona tepala na: eta gi a:na:minamalowa
a:ma gi a: pa:pa gibapiminamalelo gwama
a:e enama tepala iya:ta:.
6 #
2Kn 24:2
Na: Ba:bilon luma pakada:minanowa,
sosawena gi a:na:da:mina gima kakamalina luma,
obaite a:ibaiga kabigibega wamideletedili
pa: obimunu wa obaite a:mala eda: gima aleletedili.
7Lumate obai kabigibegale emoda:dele mosele wamideletedili,
obai obaiya obaimunu babalale eda:dele
awaga gi kabigibega a:pite obaiya obaimunu gi awapada:na ladeleta babalale gi a:na:da:mina gi ladeletana luma.
8Obaimunu os a:i agogoda: beyagai obai lepad waimunu agogoda: giwidili,
wa debela wamidilina wa soka:imunu kamali giwidili.
Obaimunu giwa:la oso sela gugula:te pa:na:dili,
obaimunu osole wamidilina dala wabegale pa:dili.
Waliya puwida:te nana lopala egelamalale pelotolona gi a:na:pi obai pa:na:dili,
9obaimunu giwa:lana waelabeyagaite kamalile luma sosaweda:minamada:le pa:na:dili.
Obaimunu luma waelabeyagai a:napa wanapa kamalinapa laoda: a:na:pi pa:na:dili
a:pite dibulama luma sasasa a:na:pi alelili.
10Obai kanabana luma tuwatada:minete
a:pite wa apeyana iyada:minini.
Ba:kele tadana baigabaiga obai iyada:minini,
obai a:i ta ebatama tilida:minete ya:mai baigabaiga aleleli.
11A:pite obai laoda: a:na:pi lopala paiwada:minadele na:dili,
obai obaiya obaimunu kamali a godoge laiyana.
A:bakuk gwama LOD dima ilapala eloyana gi
12O LOD, a: elomina tepala God elelo.
Na: a: ewamonowa O God, A: tatali pala bininapa pa: kaotanapa.
O LOD a: Ba:bilon luma a domonoyana obaite sa:pe gi babaminamada:le,
a:pite a: enoba sape a:wa ba:kele elelo, a: obaimuunu gwana a kakalada:miyana obaite sa:dima wisa dapilamada:le.
13A: sosawe bininapa a:te enobala a: sosawe tila gima pa: awapa,
sosawe gi a: pa:pa pa: gige lalelo.
Powa gi ase a: sosawena gi a:na:da:ininina kakamalina luma tida:lona ameta gi pa:pa a:na:minanoya.
Enobala a: powa gi ase gilala bini eleloya ma:mai sosawena Ba:bilon lumate
sogoda:na luma alelilina tepala.
14A: sa: a wasewa gobana mewa a:na:pi sa:miwina lumate pa:pa madakaelalele lapodili,
enoba apeyanapa bininapa wasewana tukalu a:na:pi.
15Giwa:lanapa sosawebegate obai waelabega tudile alelalo,
obate tiyale obai alelote
kabiginapa silimina tiyale obai goloma gagsada:mitelelo,
a:te enobala oba kabigibegale sa:kelalo.
16Enobala oba obape tiya dima awanana nagala lopala atalo
a:pite sa:sa:lena ipowada:na nagalala lopala obape kabigida:na silimina tiyadima ilale ololotelelo,
gi ase obate tiyale alelotolona sa:sa:lena lopalate obape sabale oba sa:kelaminini
a:pite obate sa:sa:lena baya nanotolona gima sa:kelalotelelo.
17Oba tepa waelabegale obape giwa:la gili wiwimunamalelo,
oba awe nagala bini eladele baigabaiga dima giwa:la eladele obai dapolalo.
Currently Selected:
A:bak 1: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
A:bak 1
1
1A:bakuk Godope wala gilala lada:napa dalagite tida:te aleloyana gilala.
A:bakakate lumumunu gima ilapala eloyana gi.
2Na: a:ta:pi tepa a: dima mamamida:malowaya, O LOD, e na: amowana:malale,
ameta a: na:dowali gilala pa:pa enamano.
Gwama na: a: dima adimada:dele layamana, sosawenapa lapitada: kamali a:meta,
ameta powa gi ase a: na:dowali galabe pa:pa pawamiyanaya.
3Pa: sogolale gi babamina gi tilalowa.
Powa gi ase a: pa:pa ekeda:minanoya.
Eta:mite eta:mi dapola gita: lapitada: kamali gita: na:pe sosoko palale dololo,
lapitada: gita: giwa:la gita: kabigibega a:meta.
4Enobala kakami gilala a: dololo,
a:pite sogolale gi bamina gi pa:pa kekelelo.
Sosawena lumate gi sogoda:na luma gwanamada:minini,
enobala obai sogolale gi bamina gi pa:pa sa:lele a:na:minini.
LODope gilala wisa
5 #
Aud 13:41
Baigabaiga waelabegama tao lotobada:te ti,
a:pite a:pe alipo ka:elamamalelo.
Gi ase e elelona tepala na: eta gi a:na:minamalowa
a:ma gi a: pa:pa gibapiminamalelo gwama
a:e enama tepala iya:ta:.
6 #
2Kn 24:2
Na: Ba:bilon luma pakada:minanowa,
sosawena gi a:na:da:mina gima kakamalina luma,
obaite a:ibaiga kabigibega wamideletedili
pa: obimunu wa obaite a:mala eda: gima aleletedili.
7Lumate obai kabigibegale emoda:dele mosele wamideletedili,
obai obaiya obaimunu babalale eda:dele
awaga gi kabigibega a:pite obaiya obaimunu gi awapada:na ladeleta babalale gi a:na:da:mina gi ladeletana luma.
8Obaimunu os a:i agogoda: beyagai obai lepad waimunu agogoda: giwidili,
wa debela wamidilina wa soka:imunu kamali giwidili.
Obaimunu giwa:la oso sela gugula:te pa:na:dili,
obaimunu osole wamidilina dala wabegale pa:dili.
Waliya puwida:te nana lopala egelamalale pelotolona gi a:na:pi obai pa:na:dili,
9obaimunu giwa:lana waelabeyagaite kamalile luma sosaweda:minamada:le pa:na:dili.
Obaimunu luma waelabeyagai a:napa wanapa kamalinapa laoda: a:na:pi pa:na:dili
a:pite dibulama luma sasasa a:na:pi alelili.
10Obai kanabana luma tuwatada:minete
a:pite wa apeyana iyada:minini.
Ba:kele tadana baigabaiga obai iyada:minini,
obai a:i ta ebatama tilida:minete ya:mai baigabaiga aleleli.
11A:pite obai laoda: a:na:pi lopala paiwada:minadele na:dili,
obai obaiya obaimunu kamali a godoge laiyana.
A:bakuk gwama LOD dima ilapala eloyana gi
12O LOD, a: elomina tepala God elelo.
Na: a: ewamonowa O God, A: tatali pala bininapa pa: kaotanapa.
O LOD a: Ba:bilon luma a domonoyana obaite sa:pe gi babaminamada:le,
a:pite a: enoba sape a:wa ba:kele elelo, a: obaimuunu gwana a kakalada:miyana obaite sa:dima wisa dapilamada:le.
13A: sosawe bininapa a:te enobala a: sosawe tila gima pa: awapa,
sosawe gi a: pa:pa pa: gige lalelo.
Powa gi ase a: sosawena gi a:na:da:ininina kakamalina luma tida:lona ameta gi pa:pa a:na:minanoya.
Enobala a: powa gi ase gilala bini eleloya ma:mai sosawena Ba:bilon lumate
sogoda:na luma alelilina tepala.
14A: sa: a wasewa gobana mewa a:na:pi sa:miwina lumate pa:pa madakaelalele lapodili,
enoba apeyanapa bininapa wasewana tukalu a:na:pi.
15Giwa:lanapa sosawebegate obai waelabega tudile alelalo,
obate tiyale obai alelote
kabiginapa silimina tiyale obai goloma gagsada:mitelelo,
a:te enobala oba kabigibegale sa:kelalo.
16Enobala oba obape tiya dima awanana nagala lopala atalo
a:pite sa:sa:lena ipowada:na nagalala lopala obape kabigida:na silimina tiyadima ilale ololotelelo,
gi ase obate tiyale alelotolona sa:sa:lena lopalate obape sabale oba sa:kelaminini
a:pite obate sa:sa:lena baya nanotolona gima sa:kelalotelelo.
17Oba tepa waelabegale obape giwa:la gili wiwimunamalelo,
oba awe nagala bini eladele baigabaiga dima giwa:la eladele obai dapolalo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.