A:bak 3
3
Abakakape timo gi
1Wala gilala lada:napa A:bakakate timo eladele ladoloyana gilala. Dilile gwaledoloyana timo gilala.
2 LOD na: a:dowali gi kabigibega a enamadolowamena,
na: e a:na:da:munowena gima emolelowa, o LOD.
Sa:dowali tepale gwama a:na:da:mu,
a: sa:dowali tepala gwama kekeda:mu,
gwama a: sa:pe giwa:lana dima ga:olelona tepala sa:lebega sa:dima nagala ela gi iwalo.
3God Teman wale pa:yana,
awananapate Palan sakale pa:yana. Sela
Obape lulilate sawisaka waelabega kawapida:yana
a:pite obape ewama: gite a:ibaiga kabigibega tawamiyana.
4Obape lulila enoba kadepa sosola a:na:pi,
obape maile kadepa sosolate saodiyana,
obape kamali amale a:wate dololoyana.
5Gite tida: gite oba lopama:te weleyana,
enoba gite obape a:iwale weleyana.
6Oba patate a:ibaiga gagamiyana,
oba lotobada:yala a:ibaigala luma sasiwadiliyana.
Amatana podo babasa:midiyana
a:pite amatabegale dowatamidiliyana sakate nisisiliyana.
Obate a:na:da:minanona gi elomina tepala dowatili.
7Na: Kusan wana bikiwa tida:yamana galabe gite obai atida:yana,
Midiyan wana gegenamama alikikimina gite a saodiyana.
8A: wasewa dima ga:oloyana, o LOD.
A:dowali ga:o gite tulibi dima dololo.
A: kalama wasewa dima ga:o pakamite kamalibega eyana,
e a:dowali osole wamunote,
a:pite a:dowali kamalinapa giwa:la gawale wamunoyana tepala.
9A: a:dowali gagi giwa:la gima sa:lemiyana,
a: soba kotama kakamiyana. Sela
A:ibaiga baeyala tulibi eyana,
10podo sakate a: tilite alikikimina enamadiliyana.
Wite kanika:da:na siwile kamalile iwidiliyana,
a:i gobala wite gwaleladele
a:pite obape ka:ka:lowa sidima auda:munoyana.
11Kadepata: samosota: sidile a:wada:te dowatiliyana
a:dowali agogoda:na sobate wamidiliyana tepala,
a:pite a:dowali ila babaleladana kibilite wamidiliyana tepala.
12A: a:i gobala ilada a:i saominoyana
a:pite ga:o gida a:ibaiga waelabega sasada:miyana.
13A: a:dowali Islael luma alolamalale saoyana,
a:dowali mai etapaminanapa lumagipe galabe pawamina gima.
A: ya:ma sosawe gidanapa wape ganabinapa ganabima sasamiyana,
a: sosawenapa lumagipe genama, a:sole kwakwalamida:mitata pelote timi sokatema saote a:ibapima saoyana. Sela
14A:dowali kibilite obape giwa:la kanaba kotomiyana
obape giwa:lanate sa: opa:ya alisa: eda:mada:le sela pa:da:bega ediyana tepala,
oba sa:kelaloyana nana lopala munitilamalale
enoba a:wada:te mitatiliyana salipana luma.
15A: wasewa etomiyana a:dowali osole,
amale wasewana kabigida:na wite patimadiyana.
16Enamayamana tepala na:dowali alipote maiyatoloyana,
na:dowali magata pite ya:ma siya gima sasiwaloyana,
babalada: gite na:dowali gosa gobama manaya,
a:pite na:dowali a:i sakite sasiwadiliyana.
Ameta na: gelada ga:o kadepa atolomunamalowa
sa: ilapalada:mininina lumadima pa:lamalale.
17Pig adami ite pa:pa sosola da:minadili
a:pite ga:lip adami tokobele pa:pa dowatamadili,
a:pite olib pa:pa awapamalelona
a:pite egadate nana ulama pa:pa alawada:minamalelona,
sip ta gobala sip binibega elamalelona
a:pite ka:o waite ta gobala bini elamalelona,
18na: ameta LOD gobala sa:kelolamalowa,
na:dowali God galabe pawada:mida:napa gobale sa:kelolamalowa.
19Sidinapa LOD enoba na:dowali kamali elelo,
obate na:pe a:i saki diya waipe a:i saki apela da:minano,
obate na:da elelola na: saka sidima dite waminotolowa.
Currently Selected:
A:bak 3: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
A:bak 3
3
Abakakape timo gi
1Wala gilala lada:napa A:bakakate timo eladele ladoloyana gilala. Dilile gwaledoloyana timo gilala.
2 LOD na: a:dowali gi kabigibega a enamadolowamena,
na: e a:na:da:munowena gima emolelowa, o LOD.
Sa:dowali tepale gwama a:na:da:mu,
a: sa:dowali tepala gwama kekeda:mu,
gwama a: sa:pe giwa:lana dima ga:olelona tepala sa:lebega sa:dima nagala ela gi iwalo.
3God Teman wale pa:yana,
awananapate Palan sakale pa:yana. Sela
Obape lulilate sawisaka waelabega kawapida:yana
a:pite obape ewama: gite a:ibaiga kabigibega tawamiyana.
4Obape lulila enoba kadepa sosola a:na:pi,
obape maile kadepa sosolate saodiyana,
obape kamali amale a:wate dololoyana.
5Gite tida: gite oba lopama:te weleyana,
enoba gite obape a:iwale weleyana.
6Oba patate a:ibaiga gagamiyana,
oba lotobada:yala a:ibaigala luma sasiwadiliyana.
Amatana podo babasa:midiyana
a:pite amatabegale dowatamidiliyana sakate nisisiliyana.
Obate a:na:da:minanona gi elomina tepala dowatili.
7Na: Kusan wana bikiwa tida:yamana galabe gite obai atida:yana,
Midiyan wana gegenamama alikikimina gite a saodiyana.
8A: wasewa dima ga:oloyana, o LOD.
A:dowali ga:o gite tulibi dima dololo.
A: kalama wasewa dima ga:o pakamite kamalibega eyana,
e a:dowali osole wamunote,
a:pite a:dowali kamalinapa giwa:la gawale wamunoyana tepala.
9A: a:dowali gagi giwa:la gima sa:lemiyana,
a: soba kotama kakamiyana. Sela
A:ibaiga baeyala tulibi eyana,
10podo sakate a: tilite alikikimina enamadiliyana.
Wite kanika:da:na siwile kamalile iwidiliyana,
a:i gobala wite gwaleladele
a:pite obape ka:ka:lowa sidima auda:munoyana.
11Kadepata: samosota: sidile a:wada:te dowatiliyana
a:dowali agogoda:na sobate wamidiliyana tepala,
a:pite a:dowali ila babaleladana kibilite wamidiliyana tepala.
12A: a:i gobala ilada a:i saominoyana
a:pite ga:o gida a:ibaiga waelabega sasada:miyana.
13A: a:dowali Islael luma alolamalale saoyana,
a:dowali mai etapaminanapa lumagipe galabe pawamina gima.
A: ya:ma sosawe gidanapa wape ganabinapa ganabima sasamiyana,
a: sosawenapa lumagipe genama, a:sole kwakwalamida:mitata pelote timi sokatema saote a:ibapima saoyana. Sela
14A:dowali kibilite obape giwa:la kanaba kotomiyana
obape giwa:lanate sa: opa:ya alisa: eda:mada:le sela pa:da:bega ediyana tepala,
oba sa:kelaloyana nana lopala munitilamalale
enoba a:wada:te mitatiliyana salipana luma.
15A: wasewa etomiyana a:dowali osole,
amale wasewana kabigida:na wite patimadiyana.
16Enamayamana tepala na:dowali alipote maiyatoloyana,
na:dowali magata pite ya:ma siya gima sasiwaloyana,
babalada: gite na:dowali gosa gobama manaya,
a:pite na:dowali a:i sakite sasiwadiliyana.
Ameta na: gelada ga:o kadepa atolomunamalowa
sa: ilapalada:mininina lumadima pa:lamalale.
17Pig adami ite pa:pa sosola da:minadili
a:pite ga:lip adami tokobele pa:pa dowatamadili,
a:pite olib pa:pa awapamalelona
a:pite egadate nana ulama pa:pa alawada:minamalelona,
sip ta gobala sip binibega elamalelona
a:pite ka:o waite ta gobala bini elamalelona,
18na: ameta LOD gobala sa:kelolamalowa,
na:dowali God galabe pawada:mida:napa gobale sa:kelolamalowa.
19Sidinapa LOD enoba na:dowali kamali elelo,
obate na:pe a:i saki diya waipe a:i saki apela da:minano,
obate na:da elelola na: saka sidima dite waminotolowa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.