Osey 10
10
1Islael enoba wa kabigibega egetata welelona tokobe,
obate obaya oba dima adami alawada:munoyana.
Obape adamite waeda:liyala,
oba ididali balelada:mina sasaba waelabeyagai a:na:da:munoyana.
Obape a:ite apelaleyala,
obape awanana ba:kele sidima awapana lopala aliliyana.
2Obaimunu alipole gasumitatada: gite dowatili,
a:pite amapulale obaite a:ma gipe wisa egelamadili.
LODote obaimunu balelamina ba:kele gegenama sosaweda:munamalelo
a:pite obaimunu awanana ba:kele sosaweda:munamalelo.
3Amale obai a:nege lalamadili, sa: kanaba bini
gi ase sa: LOD pa:pa emodilimana.
Ameta kanaba sa:da elamalelona tepala,
oba powa sa:lenapa gi sa:gima a:na:minamaleloya.
4Obaite eta:mi lumada gima kamina gi a:na:da:minetedilina tepala obai ameta a:mai gi pa:pa a:na:da:minetedili,
a:ma gile gi babamina sabana gi babamina gi a sidi bapi eyana,
enoba kaola widana gologote a:i pasamina sabale apelalona gi a:na:pi.
5Samaliya wala edelina lumate sasiwadelamadili,
Bet Aben wanapa pa: gilaladanapa ka:o ididalagi lopala kowabi gima.
Obape lumate a:ma ididali gima gwana saweda: edelamadili,
a:pite guwali dala iya:ta: oba gima adimadelamadili. Gi ase obadila gweya a biniyana. #10:5 Bet Aben a:goba gi enoba sosawe gipe genama enoba Betol wape gagi, a:goba gi enoba Godope genama
6Obaite Asiliya wama a:iwate na:da:madili
enoba kanabape nagala lopala a:na:pi egete na:da:madili,
Ipala:im obate pisala egelamalelo,
Islael obate obape ile a:na:da:miniyana ididali gima pisala egelamalelo.#10:6 o obape gilala
7Samaliyata: obape kanabata: wama owada:te na:da:madili,
enoba wi sidila owaminanona tokobe lopala a:na:pi.
8Sidina sosawe gi a:na:da:mininina sasaba waelabeyagai #10:8 Ibuluba:kele seyata, Bet Abenepe gagiBetol gagi sosawemina gilala.
gagaminete sosaweda:minamadili,
Oladana tilata: teyata:te apeda:te amale obaimunu nagala lopala apila i gegenama kawapida:madili.
Amale obaite lalamadili sidina sasaka dima,
sa: kawapisa:,
a:pite kokowabina sasaka dima lalamadili, sa: sidima nisisila. 9#Kak 19:1-30O Islael, Gibiyate eloyana kadepala, da: sosawe gi a:na:miyamana,
a:pite da: a:ma sosawe sidile litate sosawe gi a:na:da:minenewa.
Giwa:la gi da: atida:malelo,
ase da: Gibiya wana sosawe a:na:da:mida:na luma.
10Ne iwimite obai dapolamalowa
waelabega a:igaibate obai asakaminamadili
obaimunu sosawe gwama a:na:mita gwama a:na:mita gima obai papada:mina gima.
11Ipala:im enoba itawa a egeyana ka:o kowabi,
obate wit tukumina gi iwimunotoloyana
ameta na: a:i pasamina i obape gelanapa madama mimela
oba a:i pasamunamalelo.
Na: Ipala:im a:i pasamina okoma usumite a:pite oba keyali elamalowa.
Yudate a:i pasamunamalelo,
a:pite Ya:kobote a:i pasamina gabile a:i dapolamalelo.
12 #
Yel 4:3
A: a:ya a: gima sogola gi tolamalelo,
gwama a: pa: binitanapa awe nagala dapolamalelo,
a:pite a: a:i pasamina gabile pa: pasaminanapa a:i babamunamalelo,
gi ase ma:ma enoba LOD uwala tepa,
sa: oba uwalelemela oba sa:dima saolamalelo
amale sa: sidima sogola gi sasamunamalelo.
13Ameta da: sosawe gi a toleyamana,
enobala da: sosawe gi nana ulama aleleyamana,
da: sewata gi ulama naneyamana.
Gi ase da: da:ya da:pe kamali awapage layamana,
gwama da:pe giwa:lana dala waelabegaimunu kakamali awapage layamana.
14Giwa:la gipe mene gite da:pe lumadima kamalibega elamalelo.
Da:pe kakaleda:na baigabaiga tale gwanamada:mida:na sosawe eda:madili,
Salman obate giwa:la tepala Bet Abel baiga lapoloyana tepala,
a:ma tepala giwa:lanate agita:mi obaimunu segeda a:ile suguda:miyana.
15Ma:ma galabe gi menagite a: dima saolamalelo,
gi ase a:dowali sosawe kabigibega bapi.
A:ma kadepate pulamalelona kadepala
Islael wanapa kanaba giwa:la gite sosawe bapi minamalelo.
Currently Selected:
Osey 10: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Osey 10
10
1Islael enoba wa kabigibega egetata welelona tokobe,
obate obaya oba dima adami alawada:munoyana.
Obape adamite waeda:liyala,
oba ididali balelada:mina sasaba waelabeyagai a:na:da:munoyana.
Obape a:ite apelaleyala,
obape awanana ba:kele sidima awapana lopala aliliyana.
2Obaimunu alipole gasumitatada: gite dowatili,
a:pite amapulale obaite a:ma gipe wisa egelamadili.
LODote obaimunu balelamina ba:kele gegenama sosaweda:munamalelo
a:pite obaimunu awanana ba:kele sosaweda:munamalelo.
3Amale obai a:nege lalamadili, sa: kanaba bini
gi ase sa: LOD pa:pa emodilimana.
Ameta kanaba sa:da elamalelona tepala,
oba powa sa:lenapa gi sa:gima a:na:minamaleloya.
4Obaite eta:mi lumada gima kamina gi a:na:da:minetedilina tepala obai ameta a:mai gi pa:pa a:na:da:minetedili,
a:ma gile gi babamina sabana gi babamina gi a sidi bapi eyana,
enoba kaola widana gologote a:i pasamina sabale apelalona gi a:na:pi.
5Samaliya wala edelina lumate sasiwadelamadili,
Bet Aben wanapa pa: gilaladanapa ka:o ididalagi lopala kowabi gima.
Obape lumate a:ma ididali gima gwana saweda: edelamadili,
a:pite guwali dala iya:ta: oba gima adimadelamadili. Gi ase obadila gweya a biniyana. #10:5 Bet Aben a:goba gi enoba sosawe gipe genama enoba Betol wape gagi, a:goba gi enoba Godope genama
6Obaite Asiliya wama a:iwate na:da:madili
enoba kanabape nagala lopala a:na:pi egete na:da:madili,
Ipala:im obate pisala egelamalelo,
Islael obate obape ile a:na:da:miniyana ididali gima pisala egelamalelo.#10:6 o obape gilala
7Samaliyata: obape kanabata: wama owada:te na:da:madili,
enoba wi sidila owaminanona tokobe lopala a:na:pi.
8Sidina sosawe gi a:na:da:mininina sasaba waelabeyagai #10:8 Ibuluba:kele seyata, Bet Abenepe gagiBetol gagi sosawemina gilala.
gagaminete sosaweda:minamadili,
Oladana tilata: teyata:te apeda:te amale obaimunu nagala lopala apila i gegenama kawapida:madili.
Amale obaite lalamadili sidina sasaka dima,
sa: kawapisa:,
a:pite kokowabina sasaka dima lalamadili, sa: sidima nisisila. 9#Kak 19:1-30O Islael, Gibiyate eloyana kadepala, da: sosawe gi a:na:miyamana,
a:pite da: a:ma sosawe sidile litate sosawe gi a:na:da:minenewa.
Giwa:la gi da: atida:malelo,
ase da: Gibiya wana sosawe a:na:da:mida:na luma.
10Ne iwimite obai dapolamalowa
waelabega a:igaibate obai asakaminamadili
obaimunu sosawe gwama a:na:mita gwama a:na:mita gima obai papada:mina gima.
11Ipala:im enoba itawa a egeyana ka:o kowabi,
obate wit tukumina gi iwimunotoloyana
ameta na: a:i pasamina i obape gelanapa madama mimela
oba a:i pasamunamalelo.
Na: Ipala:im a:i pasamina okoma usumite a:pite oba keyali elamalowa.
Yudate a:i pasamunamalelo,
a:pite Ya:kobote a:i pasamina gabile a:i dapolamalelo.
12 #
Yel 4:3
A: a:ya a: gima sogola gi tolamalelo,
gwama a: pa: binitanapa awe nagala dapolamalelo,
a:pite a: a:i pasamina gabile pa: pasaminanapa a:i babamunamalelo,
gi ase ma:ma enoba LOD uwala tepa,
sa: oba uwalelemela oba sa:dima saolamalelo
amale sa: sidima sogola gi sasamunamalelo.
13Ameta da: sosawe gi a toleyamana,
enobala da: sosawe gi nana ulama aleleyamana,
da: sewata gi ulama naneyamana.
Gi ase da: da:ya da:pe kamali awapage layamana,
gwama da:pe giwa:lana dala waelabegaimunu kakamali awapage layamana.
14Giwa:la gipe mene gite da:pe lumadima kamalibega elamalelo.
Da:pe kakaleda:na baigabaiga tale gwanamada:mida:na sosawe eda:madili,
Salman obate giwa:la tepala Bet Abel baiga lapoloyana tepala,
a:ma tepala giwa:lanate agita:mi obaimunu segeda a:ile suguda:miyana.
15Ma:ma galabe gi menagite a: dima saolamalelo,
gi ase a:dowali sosawe kabigibega bapi.
A:ma kadepate pulamalelona kadepala
Islael wanapa kanaba giwa:la gite sosawe bapi minamalelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.