Osey 13
13
LODope ga:o gi Islael dima
1Ipala:imite gwalemonoyana tepala eta:mi lsalael lumate sasiwadiliyana,
Islael wa gobala obate sidinapa sabama oba pakamiyana.
Ameta obaite Ba:il ididali balelada:miniyana a:ma gima obaite kaokolamadili.
2Amapula obaite sosawe gi gwama a:na:da:mineta gwama a:na:da:mineta edili.
Obaite obaiya obaimunu silibale obaimunu ididali a:na:da:mineta edili.
Sa:kemale a:na:da:miniyana ididali a:mai lopala waelabega enobai ididali a:na:da:minete edilina dalimunu sa:kema.
Enobala ma:mai luma gima lalili.
Obaite luma ilama nagala lopala apiletedili,
a:pite ididali ka:o totoda:minetedili.
3Enobala obaite ibasegenapa wao a:na:pi edelamadili,
sela binitolona ibasegenapa mimida:bi a:na:pi edelamadili,
wit paiwada:mina sabale ibowate kakapa wama paiwada:minona gi a:na:pi edelamadili,
wao a:na:pi genama totokaba gobale wama saolelona gi a:na:pi.
4Ameta na: enoba da:dowali LOD God,
ne da: Isipt wa gobale wama alete saoyamana,
da: eta God gi pa:pa itawa eda:madelewa,
da: ameta na: menagi itawa eda:madelewa.
A:pite eta galabe pawada:mida:napa pa:pa tilamadelewa, ameta na: menagi.
5 #
Diu 8:11-17
Ne a:napa wala da: tida:napa eloyamana,
a:ma wa enoba ilabapinapa wa.
6Na: obai baya dapulaleyamala obai gwana idiyana,
obai gwana idiyana tepala na: awagana: gima saodiyana,
amale obaite na: gi kobele ediyana.
7Enobala layon a:na:pi na: obai dima pa:lamalowa,
a:pite lepad a:na:pi obaimunu nabidi ebatala a:wate manonamalowa.
8A:na:pi beyape sege lumate ilile aleliyana,
enoba a:na:pile na: obai datate wete obai ta:ta:munamalowa.
Layon a:na:pi na: obai nanote binida:minamalowa,
wa wai a:na:pi na: obai ta:ta:munamalowa.
9O Islael, a: a sosawe ewena,
gi ase a: na: asakana:mineno, a:dowali amowada:napa.
10 #
1Sa 8:5,6 A:dowali kanaba ba:maya obate a:dowali galabe pawamina gima.
A:dowali kokowabina baiga gogobala a:dowali ganabinapa ba:maya,
a: e layana,
na: dima kanabata: kanabape matata: napu.
11Enobala na:pe ga:o gobala na: da:dima kanaba datayamana,
a:pite na:dowali ga:o gi galabele na: oba gwama gwalite wama saoyamana.
12Ipala:im a sosawete papamiwina,
a:pite tilimina bega dowatili.
13Pulagite elamalale susa:gite alikikimina enamanona gi a:na:pi oba dima saolamalelo,
ameta oba iwalela bininapa pulagi elelo,
oba sege ana ogosala saola gima ilapala elelo.
14 #
1Ko 15:55
Na: olawape kamali gobala obai wisale pa:pa alolamalowa,
na: kaola gobale obaimunu galabe pa:pa pawamidamamalowa.
Kaola, a:dowali kamali egete pa:ya:,
Olawa, a:dowali luma dapololona kamali egete pa:ya:,
na: obai pa:pa awedolamalowa.
15Obate obape kakata:mi gobale sa:lele apelamalelo,
kadepate ditolona palale LODote pa:lamalelo.
Obate a:napa wale laoda:te pa:lamalelo,
obape wi daodote sosawe elamalelo,
a:pite obape wi tulate apamalelo.
Obape baya genama ilile tatala da:minamadili,
a:pite lumate obape sa:sa:lena lopala alelamadili.
16Samaliyana lumate obaiya obaimunu sosawe gi wisa egelamadili,
gi ase obaite obaimunu God dima a sosawe ediyana.
Luma obai giwa:la gilile dapolamadili,
obaimunu kokowabina sege lumate a:ima dapolamadilli,
obaimunu oposomadana ato lumate gilile tatalada:minamadili.
Currently Selected:
Osey 13: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Osey 13
13
LODope ga:o gi Islael dima
1Ipala:imite gwalemonoyana tepala eta:mi lsalael lumate sasiwadiliyana,
Islael wa gobala obate sidinapa sabama oba pakamiyana.
Ameta obaite Ba:il ididali balelada:miniyana a:ma gima obaite kaokolamadili.
2Amapula obaite sosawe gi gwama a:na:da:mineta gwama a:na:da:mineta edili.
Obaite obaiya obaimunu silibale obaimunu ididali a:na:da:mineta edili.
Sa:kemale a:na:da:miniyana ididali a:mai lopala waelabega enobai ididali a:na:da:minete edilina dalimunu sa:kema.
Enobala ma:mai luma gima lalili.
Obaite luma ilama nagala lopala apiletedili,
a:pite ididali ka:o totoda:minetedili.
3Enobala obaite ibasegenapa wao a:na:pi edelamadili,
sela binitolona ibasegenapa mimida:bi a:na:pi edelamadili,
wit paiwada:mina sabale ibowate kakapa wama paiwada:minona gi a:na:pi edelamadili,
wao a:na:pi genama totokaba gobale wama saolelona gi a:na:pi.
4Ameta na: enoba da:dowali LOD God,
ne da: Isipt wa gobale wama alete saoyamana,
da: eta God gi pa:pa itawa eda:madelewa,
da: ameta na: menagi itawa eda:madelewa.
A:pite eta galabe pawada:mida:napa pa:pa tilamadelewa, ameta na: menagi.
5 #
Diu 8:11-17
Ne a:napa wala da: tida:napa eloyamana,
a:ma wa enoba ilabapinapa wa.
6Na: obai baya dapulaleyamala obai gwana idiyana,
obai gwana idiyana tepala na: awagana: gima saodiyana,
amale obaite na: gi kobele ediyana.
7Enobala layon a:na:pi na: obai dima pa:lamalowa,
a:pite lepad a:na:pi obaimunu nabidi ebatala a:wate manonamalowa.
8A:na:pi beyape sege lumate ilile aleliyana,
enoba a:na:pile na: obai datate wete obai ta:ta:munamalowa.
Layon a:na:pi na: obai nanote binida:minamalowa,
wa wai a:na:pi na: obai ta:ta:munamalowa.
9O Islael, a: a sosawe ewena,
gi ase a: na: asakana:mineno, a:dowali amowada:napa.
10 #
1Sa 8:5,6 A:dowali kanaba ba:maya obate a:dowali galabe pawamina gima.
A:dowali kokowabina baiga gogobala a:dowali ganabinapa ba:maya,
a: e layana,
na: dima kanabata: kanabape matata: napu.
11Enobala na:pe ga:o gobala na: da:dima kanaba datayamana,
a:pite na:dowali ga:o gi galabele na: oba gwama gwalite wama saoyamana.
12Ipala:im a sosawete papamiwina,
a:pite tilimina bega dowatili.
13Pulagite elamalale susa:gite alikikimina enamanona gi a:na:pi oba dima saolamalelo,
ameta oba iwalela bininapa pulagi elelo,
oba sege ana ogosala saola gima ilapala elelo.
14 #
1Ko 15:55
Na: olawape kamali gobala obai wisale pa:pa alolamalowa,
na: kaola gobale obaimunu galabe pa:pa pawamidamamalowa.
Kaola, a:dowali kamali egete pa:ya:,
Olawa, a:dowali luma dapololona kamali egete pa:ya:,
na: obai pa:pa awedolamalowa.
15Obate obape kakata:mi gobale sa:lele apelamalelo,
kadepate ditolona palale LODote pa:lamalelo.
Obate a:napa wale laoda:te pa:lamalelo,
obape wi daodote sosawe elamalelo,
a:pite obape wi tulate apamalelo.
Obape baya genama ilile tatala da:minamadili,
a:pite lumate obape sa:sa:lena lopala alelamadili.
16Samaliyana lumate obaiya obaimunu sosawe gi wisa egelamadili,
gi ase obaite obaimunu God dima a sosawe ediyana.
Luma obai giwa:la gilile dapolamadili,
obaimunu kokowabina sege lumate a:ima dapolamadilli,
obaimunu oposomadana ato lumate gilile tatalada:minamadili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.