Osey 8
8
Islael lumate paiwa ganabi nana ulama dapolamadili
1A:pe magata pima tutuli miya:,
giwa:lanapa waliyate LODope genama sidile puwilamina:no,
gi ase luma na:dowali gima kamina gi babala a ka:miyana
a:pite obai na:dowali babala asakamiyana.
2Islaelatena: dima mamamidolo, O, sa:dowali God, sa: a: gi itawada:.
3Ameta Islael sa:lenapa gi a ilapala eyana,
giwa:lanapate oba gwalama:malelo.
4Obaite kakanaba pakakaminini pa: na:pe itawa gile,
na:pe gilala bini gobala obaite kanabape sege domonini.
Obaimunu silibata: gaolodota:le
obaite obaiya obai gima ididali a:na:da:miniyana
enobala obaite obaiya obai dima galabe egete pa:diyana.
5O Sama:liya, a:dowali bulumakao kowabi ididaligi wama miditi,
Na:dowali ga:o gite a:ma gima babalelalo.
Obai powa tepala tatali binina edelamadiliya.
6Obai Islaelana luma,
Ma:ma bulumakao lumagite maile a:na:miyana lopala,
enobala oba pa: God.
Obate baelamalelona alisasi bapi eda:madili,
ya:ma Sa:maliya wanapa ka:o kowabi.
7Obaite ibowa todiyana
a:pite nana ulama nana tepala ameta paiwa ganabi tiliyana.
Kon i bapi ganabi bininapa,
obate ulama pa:pa alawaminamalelo.
Ameta kon dowata tepala ulama atakabinate naenamadili.
8Islael a munitiyana,
oba amapula eta:mi luma gobala elelo
pa: lopala a:na:pi, lumate pa:pa iwiminili.
9Obaite Asiliya wama a didiyana
Obaite wa gobanapa donki a:na:pi oba kopa wa gobala a: wamina:no.
Ipala:im obaya oba a obate iwaleda:lona daladima ewadoloyana.
10Ameta obaite eta:mi a:ibaigana lumadima obaiya obai ewadiliyana sabala
na: obai menagi sabama alolamalowa.
Obaite asemite lopala binina eda:madili,
kamalinapa kanabape a:na:mina gi gobala eda:dele.
11Islael obate sosawe wida:mina gima balelada:mina sasaba waelabeyagai a:na:da:munoyana,
a:mai sasaba a ameta sosawe a:na:da:mina sasaba ediyana.
12Na: obai gima na:pe babala gobama gi waelabeyagai aliloyamana,
ameta obaite a:ma gi ameta atakabinapimunu gi miyana.
13Obaitena: dima nagala eda:tediliyana nagala lopala nagala gima alitediliyana
amale obaite a:mai sesepo nanetediliyana,
ameta LOD obai dima pa:pa sa:kelalotoloyana.
Amapula obate obaimunu sosawe a:na:da:mina gi iwaleda:munamalelo
a:pite obaimunu sosawe gi wisa dapulamalelo.
Obaite gwama Isipt wama isola:da:madili.
14Islael obate oba a:na:minanapa lumagi a elatete
eta:mi kabigida:na kanaba gegenama a a:na:da:munoyana,
Yuda obate giwa:late sa:ela gima pa: awapada:na baigabaiga a a:na:da:munoyana.
Ameta na: ila obaimunu baiga gobama auwada:minamalowa
a:mai ilate amale a:mai kakaleda:na baigabaiga oloda:malelo.
Currently Selected:
Osey 8: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Osey 8
8
Islael lumate paiwa ganabi nana ulama dapolamadili
1A:pe magata pima tutuli miya:,
giwa:lanapa waliyate LODope genama sidile puwilamina:no,
gi ase luma na:dowali gima kamina gi babala a ka:miyana
a:pite obai na:dowali babala asakamiyana.
2Islaelatena: dima mamamidolo, O, sa:dowali God, sa: a: gi itawada:.
3Ameta Islael sa:lenapa gi a ilapala eyana,
giwa:lanapate oba gwalama:malelo.
4Obaite kakanaba pakakaminini pa: na:pe itawa gile,
na:pe gilala bini gobala obaite kanabape sege domonini.
Obaimunu silibata: gaolodota:le
obaite obaiya obai gima ididali a:na:da:miniyana
enobala obaite obaiya obai dima galabe egete pa:diyana.
5O Sama:liya, a:dowali bulumakao kowabi ididaligi wama miditi,
Na:dowali ga:o gite a:ma gima babalelalo.
Obai powa tepala tatali binina edelamadiliya.
6Obai Islaelana luma,
Ma:ma bulumakao lumagite maile a:na:miyana lopala,
enobala oba pa: God.
Obate baelamalelona alisasi bapi eda:madili,
ya:ma Sa:maliya wanapa ka:o kowabi.
7Obaite ibowa todiyana
a:pite nana ulama nana tepala ameta paiwa ganabi tiliyana.
Kon i bapi ganabi bininapa,
obate ulama pa:pa alawaminamalelo.
Ameta kon dowata tepala ulama atakabinate naenamadili.
8Islael a munitiyana,
oba amapula eta:mi luma gobala elelo
pa: lopala a:na:pi, lumate pa:pa iwiminili.
9Obaite Asiliya wama a didiyana
Obaite wa gobanapa donki a:na:pi oba kopa wa gobala a: wamina:no.
Ipala:im obaya oba a obate iwaleda:lona daladima ewadoloyana.
10Ameta obaite eta:mi a:ibaigana lumadima obaiya obai ewadiliyana sabala
na: obai menagi sabama alolamalowa.
Obaite asemite lopala binina eda:madili,
kamalinapa kanabape a:na:mina gi gobala eda:dele.
11Islael obate sosawe wida:mina gima balelada:mina sasaba waelabeyagai a:na:da:munoyana,
a:mai sasaba a ameta sosawe a:na:da:mina sasaba ediyana.
12Na: obai gima na:pe babala gobama gi waelabeyagai aliloyamana,
ameta obaite a:ma gi ameta atakabinapimunu gi miyana.
13Obaitena: dima nagala eda:tediliyana nagala lopala nagala gima alitediliyana
amale obaite a:mai sesepo nanetediliyana,
ameta LOD obai dima pa:pa sa:kelalotoloyana.
Amapula obate obaimunu sosawe a:na:da:mina gi iwaleda:munamalelo
a:pite obaimunu sosawe gi wisa dapulamalelo.
Obaite gwama Isipt wama isola:da:madili.
14Islael obate oba a:na:minanapa lumagi a elatete
eta:mi kabigida:na kanaba gegenama a a:na:da:munoyana,
Yuda obate giwa:late sa:ela gima pa: awapada:na baigabaiga a a:na:da:munoyana.
Ameta na: ila obaimunu baiga gobama auwada:minamalowa
a:mai ilate amale a:mai kakaleda:na baigabaiga oloda:malelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.