Yowel 2
2
Miwalite LODope ga:o kadepa gima lumadima gibaba edeli
1Tutuli iwidela, Sayon baiga gobala,
na:dowali awana sakala siya pakamina.
Wa gobala edelina luma da: sasiwadela,
gi ase LODope kadepa a pa:lelo,
a:ma kadepa a auwapula elelo,
2wa isa apela ete gogote pa:lelola wate itilamalelona a:na:pi elamalelo,
a:ma kadepala sidila iti waelabega ete wa iti kanabi elamalelo.
Kadepate pulelola kadepa gweyate podoma manamalelona gi a:na:pi,
waelabega kakamalina giwa:lanate pa:dili,
a:na:pinapa gi lope tepala pa:pa saodiyana
gwama wapikina gogole pa:pa saolamalelo.
3Ilate obaimunu lopa palale lopala oloda:lo,
obaimunu wapiki palale babalelate sidima ditelelo.
Obaimunu lopa palala wa Iden egada a:na:pi dololo,
ameta obaimunu baiga palala, wa a:napa wa elelo,
obai eta lopala pa:pa elatelili.
4 #
Eka 9:7-9
Obai os apeda:,
giwa:la os a:na:pi obai gugula:te pa:dili.
5Giwa:la gawa a:na:pi siyada pa:dili
obai podo sidila sikasikale pa:dili,
kakapa oloda:lona ila babalela siya a:na:pi,
kakamalina giwa:lana a:na:pi, baiga egelama litatili.
6 # 2:6 Waelabega lumate obai tida:te palama gugula:te palama gugula:te edelamadili,
lumumunu sosoko malabega eda:madili.
7Obai kakamalina giwa:lana a:na:pi gugula:te pa:dili,
giwa:lana dala a:na:pi obai baiga ta sidima didili.
Obai menagi nabidile a:i saominini,
obai giwiminale sogolale a:i saowaminada:le pa:da: gi pa:pa ekedili.
8Obai pa:pa etate eta dubumitale na:dili,
obai sa:lele lopa palama na:dili.
Obai baiga ta talamite sa:eda:te giwiminale na:da: pa:pa ekedili.
Obai giwimina pa:pa talada:minini.
9Obai baiga gobama sa:eda:mada:le gugulili,
obai ta sidila guguglili.
Obai gegenama gogobama didili,
ilina a:na:pi obai totokaba gobale sa:edili.
10 #
Eka 8:12
Obaimunu lopa palala a:ibaiga sasiwolo,
a:pite sawisaka gagaga elelo,
kadepata: samosota: a iti kanabi ediwina,
a:pite ibina pa:ipila gi a ekediwina.
11 #
Eka 6:17
LODote kadepa siya a:na:pi gigilalo,
obape giwa:lanapimunu lopa palala,
obape giwa:lana gagasida: domona pa: awapa,
a:pite obape kakami gilala enamada:te gima kamidilina giwa:lana kakamalibeyagai.
LODope kadepa enoba kamlibega,
a:pite emosa:mida:bega,
a:ma gobala powate kanika:wamaleloya.
Lumate gi iwalela opa:yada:mina gima obai awada:miyana gi
12A:te amapula LOD a:negelalelo,
na: dima gwama pa:da:la da:pe gwana goba gida,
baya awana gita: adimada: gita: sabe gita:da.
13Da:dowali alipo tatalada:mina,
pa: da:dowali kaliko.
Gwama pa:da:la LOD da:dowali Gododima,
oba enoba nagalata: awe iwalelata: tawanapa,
pa: sela ga:otanapa a:pite awe iwalela kabiginapa,
oba gi iwalela opa:yamineno galabete pa:pa saolamalele.
14Powate itawaya, oba esa:te da: aweda:maleloga
a:pite wapiki palama sa:kelamina gi elatelamalelo,
kon tao nagala lopalata: adami wi nagala lopalata:,
da:dowali LOD Gododima apila gima.
15Tutuli iwila Sayon sakala,
baya awana eda: gima luma danala,
awanale gaomina gima awada:mina.
16Luma gaogoda:mina,
luma Gododima awanana da:mina,
wawana dala menagi sabama alete pa:da:la,
segeta: gaogoda:mina,
ya:mai omo nanilina sege kokowabi.
Awapa susa:gi gwalila kanika: obate obape genama elatete pa:lamalelo,
a:pite dalagi awa kanika: obape saba elatete saolamalelo.
17 LOD dima gisaola edelina guwali dalate
balelamina genama ogosata: awana ba:kele genama palata: tepa tepala adimadelamadili.
Obaite lalamadili, O LOD, awe gi kekemi a:dowali lumadima.
Ege e aleloyana lumadima pisala data,
eta:mi lumate obai iyada:minamada:le,
powa gima obai luma gobala ma:na:pi lala eda:madiliya,
obaimunu God ba:maya.
LODope gilala wisa
18 LOD obape wa gima kabigibegale gi iwalelalo,
obape luma oba iwaleda:lo.
19 LOD obai dima wisa gilala lalamalelo.
Na: da:dima konata: adami wi kanika:ta: sapeta: auda:minamalowa,
de nidelete da:dowali gwanate ida:mada:le.
Na: pa:pa gwama lumate da:
pisalada:minamada:le wabeganapa wama da: auwada:minamalowa.
20Ne wawi ya:dele pa:diyana giwa:lana da: gobala wabegama alete welamalowa,
na: obai wi bininapa a:napa wama galada:minamalowa,
obai lopadamate pa:yana gagasila kaolanapa wasewa gobama auda:minamalowa,
a:pite a:yatanapa gagasila Meditaliyan wasewa gobama auda:minamalowa.
Apite lumumunu obebete pokopoko edelamadili,
aula: ipowate sidima dilamalelo.
Gibapi obaite a: dima kabigida:na gi a:na:da:miniyana.
21A:i, a: ege emo.
A: sa:keladele sikasika eyo.
Gi ase LOD kabigida:na gi a a:na:da:munowena.
22Wa gobana wai, da: ege emodela,
wa gobana tila a sa:lele apedili.
Adami ite adami a alawadaminini,
pigi ita: tokobe i adamita: obaimunu ya:biya:bi a alawada:minini.
23Sa:keladela da: Sayon baigana luma,
da: LOD da:dowali Gododima sa:keladela,
gi ase oba da:dima a dapulowena
sogola gobana ibowa gwi.#2:23 Ibulu gilala pa:pa kekele dololo
Oba awapale kabiginapa gwi aumiwila a ononowena,
lopala pa: tolanapa tepala gwama nana ulama pa: patilanapa tepala.
24Kon tukuda:mina gegenama kon taote tawatawabega eda:madili,
kanika:da:na waenta: oweleta: tawatawabega eda:madili.
25Miwalite naniyana gogona lopala gima na: gwama wisa elamalowa,
kabigida:na miwalita: a:pite kokowabina sa:sa:ta:,
eta:mi tagada:ta: gwama eta:mi sa:sa: waelabeyagaita:,
enobai giwa:lana dala ne da: gobama auda:miyamana.
26Da: nana lopala kabigibega nanete gwana ida:madili,
a:pite da: da:dowali LOD Godope gagi ewamenamadelewa,
obate memelada:na gi da: gima a a:na:da:munowena,
na:dowali luma pa:pa gwama pisala eda:madili.
27Amale da: itawa eda:madelewa na: Islael wala elelowa,
a:na:pi na: enoba da:dowali LOD God elelowa,
eta God bini balama,
na:dowali lumate pisala pa:pa gwama egelamadili.#2:27
LODope kadepa gi
28 # 2:28 3.1 Ibulu bukala A:pite tepa saolamalelo na:
na:dowali limo waelabega luma sidima saminamalowa.
Da:dowali kakasita: aminata: wala gilala ladelamadili,
da:dowali wawana dalate inigwile gi tidelamadili.
Da:dowali apeda: kanika:da:na dala taote opa:ya eda:te gi tidelamadili.
29Na: na:dowali gisaolanadima, enobai dalata: atota:,
na:dowali limo saminamalowa a:ma kadepala.
30Kadepa sidila na: memelada:na gi kekeda:munamalowa,
a:ibaigata:la,
enoba dedeta: ilata: a:pite waota:.
31Kadepa itikanabi elamalelo
samosote dede bega elamalelo
LODope emosa:mida:napa kadepa pa: saolelona tepala.
32 #
Aud 2:17-21
#
Lau 10:13
A:pite LODope gagi gima mamamidelamadilina
a:mai lumate galabe pawamina gi egelamadili,
gi ase Sayon sakata: Yelusalem baigalata:
galabe pawamina gite dololamalelo,
LODote layana gi a:na:pi,
enobai galabe gobala wama alete saoyana luma gobala
LODote awada:miyana luma.
Currently Selected:
Yowel 2: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Yowel 2
2
Miwalite LODope ga:o kadepa gima lumadima gibaba edeli
1Tutuli iwidela, Sayon baiga gobala,
na:dowali awana sakala siya pakamina.
Wa gobala edelina luma da: sasiwadela,
gi ase LODope kadepa a pa:lelo,
a:ma kadepa a auwapula elelo,
2wa isa apela ete gogote pa:lelola wate itilamalelona a:na:pi elamalelo,
a:ma kadepala sidila iti waelabega ete wa iti kanabi elamalelo.
Kadepate pulelola kadepa gweyate podoma manamalelona gi a:na:pi,
waelabega kakamalina giwa:lanate pa:dili,
a:na:pinapa gi lope tepala pa:pa saodiyana
gwama wapikina gogole pa:pa saolamalelo.
3Ilate obaimunu lopa palale lopala oloda:lo,
obaimunu wapiki palale babalelate sidima ditelelo.
Obaimunu lopa palala wa Iden egada a:na:pi dololo,
ameta obaimunu baiga palala, wa a:napa wa elelo,
obai eta lopala pa:pa elatelili.
4 #
Eka 9:7-9
Obai os apeda:,
giwa:la os a:na:pi obai gugula:te pa:dili.
5Giwa:la gawa a:na:pi siyada pa:dili
obai podo sidila sikasikale pa:dili,
kakapa oloda:lona ila babalela siya a:na:pi,
kakamalina giwa:lana a:na:pi, baiga egelama litatili.
6 # 2:6 Waelabega lumate obai tida:te palama gugula:te palama gugula:te edelamadili,
lumumunu sosoko malabega eda:madili.
7Obai kakamalina giwa:lana a:na:pi gugula:te pa:dili,
giwa:lana dala a:na:pi obai baiga ta sidima didili.
Obai menagi nabidile a:i saominini,
obai giwiminale sogolale a:i saowaminada:le pa:da: gi pa:pa ekedili.
8Obai pa:pa etate eta dubumitale na:dili,
obai sa:lele lopa palama na:dili.
Obai baiga ta talamite sa:eda:te giwiminale na:da: pa:pa ekedili.
Obai giwimina pa:pa talada:minini.
9Obai baiga gobama sa:eda:mada:le gugulili,
obai ta sidila guguglili.
Obai gegenama gogobama didili,
ilina a:na:pi obai totokaba gobale sa:edili.
10 #
Eka 8:12
Obaimunu lopa palala a:ibaiga sasiwolo,
a:pite sawisaka gagaga elelo,
kadepata: samosota: a iti kanabi ediwina,
a:pite ibina pa:ipila gi a ekediwina.
11 #
Eka 6:17
LODote kadepa siya a:na:pi gigilalo,
obape giwa:lanapimunu lopa palala,
obape giwa:lana gagasida: domona pa: awapa,
a:pite obape kakami gilala enamada:te gima kamidilina giwa:lana kakamalibeyagai.
LODope kadepa enoba kamlibega,
a:pite emosa:mida:bega,
a:ma gobala powate kanika:wamaleloya.
Lumate gi iwalela opa:yada:mina gima obai awada:miyana gi
12A:te amapula LOD a:negelalelo,
na: dima gwama pa:da:la da:pe gwana goba gida,
baya awana gita: adimada: gita: sabe gita:da.
13Da:dowali alipo tatalada:mina,
pa: da:dowali kaliko.
Gwama pa:da:la LOD da:dowali Gododima,
oba enoba nagalata: awe iwalelata: tawanapa,
pa: sela ga:otanapa a:pite awe iwalela kabiginapa,
oba gi iwalela opa:yamineno galabete pa:pa saolamalele.
14Powate itawaya, oba esa:te da: aweda:maleloga
a:pite wapiki palama sa:kelamina gi elatelamalelo,
kon tao nagala lopalata: adami wi nagala lopalata:,
da:dowali LOD Gododima apila gima.
15Tutuli iwila Sayon sakala,
baya awana eda: gima luma danala,
awanale gaomina gima awada:mina.
16Luma gaogoda:mina,
luma Gododima awanana da:mina,
wawana dala menagi sabama alete pa:da:la,
segeta: gaogoda:mina,
ya:mai omo nanilina sege kokowabi.
Awapa susa:gi gwalila kanika: obate obape genama elatete pa:lamalelo,
a:pite dalagi awa kanika: obape saba elatete saolamalelo.
17 LOD dima gisaola edelina guwali dalate
balelamina genama ogosata: awana ba:kele genama palata: tepa tepala adimadelamadili.
Obaite lalamadili, O LOD, awe gi kekemi a:dowali lumadima.
Ege e aleloyana lumadima pisala data,
eta:mi lumate obai iyada:minamada:le,
powa gima obai luma gobala ma:na:pi lala eda:madiliya,
obaimunu God ba:maya.
LODope gilala wisa
18 LOD obape wa gima kabigibegale gi iwalelalo,
obape luma oba iwaleda:lo.
19 LOD obai dima wisa gilala lalamalelo.
Na: da:dima konata: adami wi kanika:ta: sapeta: auda:minamalowa,
de nidelete da:dowali gwanate ida:mada:le.
Na: pa:pa gwama lumate da:
pisalada:minamada:le wabeganapa wama da: auwada:minamalowa.
20Ne wawi ya:dele pa:diyana giwa:lana da: gobala wabegama alete welamalowa,
na: obai wi bininapa a:napa wama galada:minamalowa,
obai lopadamate pa:yana gagasila kaolanapa wasewa gobama auda:minamalowa,
a:pite a:yatanapa gagasila Meditaliyan wasewa gobama auda:minamalowa.
Apite lumumunu obebete pokopoko edelamadili,
aula: ipowate sidima dilamalelo.
Gibapi obaite a: dima kabigida:na gi a:na:da:miniyana.
21A:i, a: ege emo.
A: sa:keladele sikasika eyo.
Gi ase LOD kabigida:na gi a a:na:da:munowena.
22Wa gobana wai, da: ege emodela,
wa gobana tila a sa:lele apedili.
Adami ite adami a alawadaminini,
pigi ita: tokobe i adamita: obaimunu ya:biya:bi a alawada:minini.
23Sa:keladela da: Sayon baigana luma,
da: LOD da:dowali Gododima sa:keladela,
gi ase oba da:dima a dapulowena
sogola gobana ibowa gwi.#2:23 Ibulu gilala pa:pa kekele dololo
Oba awapale kabiginapa gwi aumiwila a ononowena,
lopala pa: tolanapa tepala gwama nana ulama pa: patilanapa tepala.
24Kon tukuda:mina gegenama kon taote tawatawabega eda:madili,
kanika:da:na waenta: oweleta: tawatawabega eda:madili.
25Miwalite naniyana gogona lopala gima na: gwama wisa elamalowa,
kabigida:na miwalita: a:pite kokowabina sa:sa:ta:,
eta:mi tagada:ta: gwama eta:mi sa:sa: waelabeyagaita:,
enobai giwa:lana dala ne da: gobama auda:miyamana.
26Da: nana lopala kabigibega nanete gwana ida:madili,
a:pite da: da:dowali LOD Godope gagi ewamenamadelewa,
obate memelada:na gi da: gima a a:na:da:munowena,
na:dowali luma pa:pa gwama pisala eda:madili.
27Amale da: itawa eda:madelewa na: Islael wala elelowa,
a:na:pi na: enoba da:dowali LOD God elelowa,
eta God bini balama,
na:dowali lumate pisala pa:pa gwama egelamadili.#2:27
LODope kadepa gi
28 # 2:28 3.1 Ibulu bukala A:pite tepa saolamalelo na:
na:dowali limo waelabega luma sidima saminamalowa.
Da:dowali kakasita: aminata: wala gilala ladelamadili,
da:dowali wawana dalate inigwile gi tidelamadili.
Da:dowali apeda: kanika:da:na dala taote opa:ya eda:te gi tidelamadili.
29Na: na:dowali gisaolanadima, enobai dalata: atota:,
na:dowali limo saminamalowa a:ma kadepala.
30Kadepa sidila na: memelada:na gi kekeda:munamalowa,
a:ibaigata:la,
enoba dedeta: ilata: a:pite waota:.
31Kadepa itikanabi elamalelo
samosote dede bega elamalelo
LODope emosa:mida:napa kadepa pa: saolelona tepala.
32 #
Aud 2:17-21
#
Lau 10:13
A:pite LODope gagi gima mamamidelamadilina
a:mai lumate galabe pawamina gi egelamadili,
gi ase Sayon sakata: Yelusalem baigalata:
galabe pawamina gite dololamalelo,
LODote layana gi a:na:pi,
enobai galabe gobala wama alete saoyana luma gobala
LODote awada:miyana luma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.