Yaun 1
1
Yaunate LODole wama emote weloyana
1 #
2Kn 14:25
LODope gilalate Amitaipe mata Yaunadima pa:yana. 2A: Niniba kabiginapa baiga gobama wete obai dima gilala ladolamalelo, gi ase obape sosawete na:pe sosoko palama a saodiwina.
3Ameta Yaunate Tasis palama welamalale iwimunoyana LOD dile emote. Obate Yopa wama pelote amale gawa tiliyana Tasis wama welamalale dololoyana. Obate gawa wisa ete gawama sa:eyana obaida Tasis wama welamalale LOD dile wama emote.
4 LODote kabiginapa laoda: auwamiyana kabiginapa wasewama, amale ya:ma gogo laoda:te wasewa gobama kalekale begale laodoloyana. Obaimunu gawate babela gima auwapula bapi eyana. 5Waelabega gawa okona emoda:dele obaiya obaimunu gododima adimadiliyana. A:pite obaite gawana lopala waelabega wima ba:ba:miniyana gawate aolamalale.
A:ma tepala Yauna lope pelote gawa a:iya:dema tenete inigwima weleyana. 6Amale gawa apeyanapate oba dima pelote oba dima a:negelayana, a: powa gile a:na:pi tene eleloya, a: patate a:dowali gododima mamamido, pa: itawa, oba sa: awesa:malelo a:pite sa: pa:pa sosawe eda:madili.
7A:ma gawana dalate obai gabama gwalemenete a:nege laiyana, pa:da:la, saga gi kakalamina ba:kele miditite sa: galabema alisa:wena lumagi tilamadili. Obaite a:ma gi a:na:miyana tepala, Yaunape gagite saoyana.
8Amale obaite Yaunadima a:nege laiyana, A: amapulale sa: sana, ma:ma galabe gi powate sa:dima egete pa:wena. A: powa gi a:na:minanoya, a: miya wa napaya, a: miya a:ibaiganapaya. A: miya luma gagasila gobanapaya.
9Oba amale gilala wisa eyana, na: Ibulu lumagi. Na: Sawisakanapa LOD God balelamunote edolowamena, oba wasewata: a:ita: a:na:da:mida:napa.
10Yauna ma:ma gi layala obai kabigibegale emodiliyana. Obaite a:nege laiyana, a: powa gi a:na:miwinaya, obai a itawa ediyana obate LODole wama emote weloyana gi, gi ase obaya obai a danayana.
11Wasewa goba a sosawe balama elaleyala gawa okona dalate oba aniyana. Sa: a: dima powa gi a:na:minamadela:ya ma:ma wasewate sa:dima gelamalale.
12Yauna amale a:negelayana, na: gwalina:te wi gobama miditina:la a:pite ma:ma wasewate gelamalelo. Na: itawa ewamena ma:ma enoba na:dowali sosawe gile ma:ma kabiginapa gogote da:dima pa:wena.
13Ameta gawa okona dalate kamaliminiyana gawa gwaima egete na:da:mada:le obaite gawa duliyana, ameta obai pa:pa awapa ediyana. Laoda: ameta kamalibapi elaleyala wisesete ameta patimadiliyana. Lopenapa laodoloyana laoda: giwitite ameta kamalile laodoloyana. 14Amale obaite LOD dima adimadiliyana. Obaite a:nege laiyana, O LOD, pa: awapa ma:ma dalagipe kanika:wate wama saolamalelona gima se kaokolamadela:. A: ege sa:dima ma:ma sosawe pa:pa a:na:miwina dalagipe kaola gi elatesamamalelo, gi ase LOD, a: a:pe iwile gi a:na:da:mineno. 15Amale obaite Yauna gwalite wima miditiyana, a:pite wasewa kabigibegate tatabate dolayana. 16A:ma gi tiliyana tepala obaite kabigibegale LOD emodiliyana, amale obaite LOD dima dapoda:na nagala lopala apiladele oba dima gima kamidiyana oba balelaminamada:le.
17 #
Ma:t 12:40
Amale LODote kabiginapa mewa auwamiyana Yauna munitilamalale. Yaunate salikiliwa kadepata: salikiliwa isata: mewape gwana gobala eloyana.
Currently Selected:
Yaun 1: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Yaun 1
1
Yaunate LODole wama emote weloyana
1 #
2Kn 14:25
LODope gilalate Amitaipe mata Yaunadima pa:yana. 2A: Niniba kabiginapa baiga gobama wete obai dima gilala ladolamalelo, gi ase obape sosawete na:pe sosoko palama a saodiwina.
3Ameta Yaunate Tasis palama welamalale iwimunoyana LOD dile emote. Obate Yopa wama pelote amale gawa tiliyana Tasis wama welamalale dololoyana. Obate gawa wisa ete gawama sa:eyana obaida Tasis wama welamalale LOD dile wama emote.
4 LODote kabiginapa laoda: auwamiyana kabiginapa wasewama, amale ya:ma gogo laoda:te wasewa gobama kalekale begale laodoloyana. Obaimunu gawate babela gima auwapula bapi eyana. 5Waelabega gawa okona emoda:dele obaiya obaimunu gododima adimadiliyana. A:pite obaite gawana lopala waelabega wima ba:ba:miniyana gawate aolamalale.
A:ma tepala Yauna lope pelote gawa a:iya:dema tenete inigwima weleyana. 6Amale gawa apeyanapate oba dima pelote oba dima a:negelayana, a: powa gile a:na:pi tene eleloya, a: patate a:dowali gododima mamamido, pa: itawa, oba sa: awesa:malelo a:pite sa: pa:pa sosawe eda:madili.
7A:ma gawana dalate obai gabama gwalemenete a:nege laiyana, pa:da:la, saga gi kakalamina ba:kele miditite sa: galabema alisa:wena lumagi tilamadili. Obaite a:ma gi a:na:miyana tepala, Yaunape gagite saoyana.
8Amale obaite Yaunadima a:nege laiyana, A: amapulale sa: sana, ma:ma galabe gi powate sa:dima egete pa:wena. A: powa gi a:na:minanoya, a: miya wa napaya, a: miya a:ibaiganapaya. A: miya luma gagasila gobanapaya.
9Oba amale gilala wisa eyana, na: Ibulu lumagi. Na: Sawisakanapa LOD God balelamunote edolowamena, oba wasewata: a:ita: a:na:da:mida:napa.
10Yauna ma:ma gi layala obai kabigibegale emodiliyana. Obaite a:nege laiyana, a: powa gi a:na:miwinaya, obai a itawa ediyana obate LODole wama emote weloyana gi, gi ase obaya obai a danayana.
11Wasewa goba a sosawe balama elaleyala gawa okona dalate oba aniyana. Sa: a: dima powa gi a:na:minamadela:ya ma:ma wasewate sa:dima gelamalale.
12Yauna amale a:negelayana, na: gwalina:te wi gobama miditina:la a:pite ma:ma wasewate gelamalelo. Na: itawa ewamena ma:ma enoba na:dowali sosawe gile ma:ma kabiginapa gogote da:dima pa:wena.
13Ameta gawa okona dalate kamaliminiyana gawa gwaima egete na:da:mada:le obaite gawa duliyana, ameta obai pa:pa awapa ediyana. Laoda: ameta kamalibapi elaleyala wisesete ameta patimadiliyana. Lopenapa laodoloyana laoda: giwitite ameta kamalile laodoloyana. 14Amale obaite LOD dima adimadiliyana. Obaite a:nege laiyana, O LOD, pa: awapa ma:ma dalagipe kanika:wate wama saolamalelona gima se kaokolamadela:. A: ege sa:dima ma:ma sosawe pa:pa a:na:miwina dalagipe kaola gi elatesamamalelo, gi ase LOD, a: a:pe iwile gi a:na:da:mineno. 15Amale obaite Yauna gwalite wima miditiyana, a:pite wasewa kabigibegate tatabate dolayana. 16A:ma gi tiliyana tepala obaite kabigibegale LOD emodiliyana, amale obaite LOD dima dapoda:na nagala lopala apiladele oba dima gima kamidiyana oba balelaminamada:le.
17 #
Ma:t 12:40
Amale LODote kabiginapa mewa auwamiyana Yauna munitilamalale. Yaunate salikiliwa kadepata: salikiliwa isata: mewape gwana gobala eloyana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.