Yaun 3
3
Yaunate Niniba wama weleyana gi
1Amale LODope gilalate saki tepama Yaunadima pa:yana. 2A: Niniba kabiginapa baigama wete ne a: anadolamalowamena gilala ladolamalelo.
3Yaunate LODope gilalama gima kamite Niniba kabiginapa baigama weleyana. Niniba enoba kabaiginapa baiga bapi, a:pite lumagite a:i saowamitata pala a:yatama saolamalelona enoba salikiliwa kadepate pa:na:da:madili. 4Lopanapa kadepala Yaunate a:ma kabiginapa baiga gobama wamina gi asemiyana. Obate gilala lada: gi aseminadele a:negelayana, 40 kadepa pa:na:diwila Niniba kabiginapa baiga lapolamadili. 5Ninibana lumate God gibapimiyana. Obai amale baya awanale timo eda: gima kadepa omoniyana, a:pite kokowabina lumata: kabigida:na lumata: obaite esesawalida:na kakana lopala kakamiyana.
6A:ma gilalate wete Ninibanapa kanaba dalagi atiyana tepala obate mananoyana sabale patate obape kanaba kakana lopala kwakwamunote a:pite esesawalida:na kakana lopala kakamite amale pelote puluma manayana. 7Amale obate kamalinapa gilala miyana Ninibana luma waelabega dima, obate layana,
Kanabata: gwama obape sidina okona lumata: obaite gi a miyana.
Awapa waelabeyagai lumata: anekekeyapota: bayape ila gi pa:pa itawa eda:madili. Obai baya pa:pa naenamadili o wi pa:pa nidelamadili. 8Awapa lumata: anekekeyapota: obaite esesawalida:na kakana lopala kakaminamadili, obaimunu pa: sogoda:na a:na:da:mina gita: gwama eta:mi sosawe gita:le wama eseda:madili. 9Powate itawaya, God iwalela opa:yaminamaleloga, a:pite pa:pa gwama ga:olamaleloga, a:pite sa: pa:pa kaokolamadela:.
10A:pite God obaite a:na:miyana gi tiliyana. Obaite pa: sogoda:na a:na:da:mina gile wama esediyana amale obate gi iwalela gi opa:ya mite obai sosaweda:mina gi layana gi pa:pa a:na:miyana.
Currently Selected:
Yaun 3: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Yaun 3
3
Yaunate Niniba wama weleyana gi
1Amale LODope gilalate saki tepama Yaunadima pa:yana. 2A: Niniba kabiginapa baigama wete ne a: anadolamalowamena gilala ladolamalelo.
3Yaunate LODope gilalama gima kamite Niniba kabiginapa baigama weleyana. Niniba enoba kabaiginapa baiga bapi, a:pite lumagite a:i saowamitata pala a:yatama saolamalelona enoba salikiliwa kadepate pa:na:da:madili. 4Lopanapa kadepala Yaunate a:ma kabiginapa baiga gobama wamina gi asemiyana. Obate gilala lada: gi aseminadele a:negelayana, 40 kadepa pa:na:diwila Niniba kabiginapa baiga lapolamadili. 5Ninibana lumate God gibapimiyana. Obai amale baya awanale timo eda: gima kadepa omoniyana, a:pite kokowabina lumata: kabigida:na lumata: obaite esesawalida:na kakana lopala kakamiyana.
6A:ma gilalate wete Ninibanapa kanaba dalagi atiyana tepala obate mananoyana sabale patate obape kanaba kakana lopala kwakwamunote a:pite esesawalida:na kakana lopala kakamite amale pelote puluma manayana. 7Amale obate kamalinapa gilala miyana Ninibana luma waelabega dima, obate layana,
Kanabata: gwama obape sidina okona lumata: obaite gi a miyana.
Awapa waelabeyagai lumata: anekekeyapota: bayape ila gi pa:pa itawa eda:madili. Obai baya pa:pa naenamadili o wi pa:pa nidelamadili. 8Awapa lumata: anekekeyapota: obaite esesawalida:na kakana lopala kakaminamadili, obaimunu pa: sogoda:na a:na:da:mina gita: gwama eta:mi sosawe gita:le wama eseda:madili. 9Powate itawaya, God iwalela opa:yaminamaleloga, a:pite pa:pa gwama ga:olamaleloga, a:pite sa: pa:pa kaokolamadela:.
10A:pite God obaite a:na:miyana gi tiliyana. Obaite pa: sogoda:na a:na:da:mina gile wama esediyana amale obate gi iwalela gi opa:ya mite obai sosaweda:mina gi layana gi pa:pa a:na:miyana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.