Malak 3
3
Godope gibamina kadepa gi
1Da: tila na: na:dowali Gigiwinapa auwaminamalowa, obate da:pe nabidi sa:leminamalelo. Amale de uwalelewamena LOD obate obape genamama sela pa:labega elamalelo. Enoba Gigiwinapa gibalama bata gi de iwiminewamena. Obate pa:lelo, enoba LOD Kamalinapate lalelona gilala.
2Obate pa:lamalelona kadepala powate pa:pa ilapada:maleloya. Powate lelolamaleloya obate pa:lamalelona kadepala. Obate babalelalona ila a:na:pi o lopala wida:mina sopo a:na:pi. 3Obate ila genagena a:na:pi silibape ani ololadele wiyaminadele pa:kepa:keminadele manalamalelo. A:pite obate Libai luma wida:munote gaolodota: silibata: a:na:pi obaimunu tatali wama wida:munamalelo. LOD amale luma alolamalelo, obaite sogola bapinapa nabidile nagala lopala oba dima alete pa:da:mada:le. 4Yuda wanata: gwama Yelusalem baiganata:te alete pa:da:madilina nagala lopala LOD awapage lalamalelo a:ma enoba obaite lope edeliyana gi a:na:pi.
5Enobala na: LOD Kamalinapate lalelowa, na: gi bamina gima da: auwama pa:lamalowa. Na: wasiwada:nata: ato ili dala ilinata: sewatale gilala lada:nata: okona lumumunu wisa papala ilile aleda:nata: gaigiyanata: gwama gamisinata: a:pite salipana a:ima etoda:mininina lumata: atakabina lumadima gi pa:pa sogolale a:na:da:mininina lumata: a:pite na: pa:pa emodilina lumata: obaimunu gi babamudamonamalowa.
God ili mina gi
6Na: enoba LOD, na: pa: opa:ya etanapa. Enobala da: Ya:kobipe a:iwina:pi pa:pa binibapi edeyamana. 7Da: enobai da:dowali abata:mite edeliyana gi a:na:pile edelewa. Da: na:dowali babalama pa:pa gima kamidelewa, a:pite na:dowali gilala da:dila pa:pa dololo. Da:na: dima pa:da:la, a:pite na: da:dima pa:lamalowa. Na: LOD Kamalinapate lalelowa.
Da: ameta na: nanate tilelewa, sa: a:ta:pi a: dima pa:da: eda:madela:ya.
8Lumagi awapata God ili mina gima. Pa: awapa, da: na: ilina:minenewa.
Da: ameta a:nege latedelewa, powa a:na:mina gile sa: a: iliminena:ya.
Enoba 10 papala gobala menagi pala apila gi gobala da: na: ilina:minenewa. 9Da: iumina gi gobala edelamadelewa, gi ase da:dowali edelewamena wa kabigibegale da: na: gasuna:minenewa. 10Da: 10 papala gobala menagi pala alila, nana lopalate dowatilina genama gobama, na:pe genama gobala nana lopalate dowatelamada:le. Da: ma:ma gile na: teteda:te tila, LOD Kamalinapate lalelo, na: sawisaka ogosa da:dima gagamunamalowa. Na: da: gima sa:sa:lena lopala waelabeyagai a: kokolomunamalowa, a:pite da:pe gegenama gobala alila sasaba uwaledelamadelewa ase Godote da: sa:kelada:mina:no. 11Na: egada lopala sosaweda:mininina bono lopala ekeda:minamalowa obaite da:pe egada lopala naena gile. A:pite da:pe galip adami i waelabeyagaite alawada:te litatelamadili, na: LOD Kamalinapate lalelowa.
12Amale waelabega eta:mi a:ibaigana lumate da: sa:kelana lumage laelamadili, gi ase da:pe wa sa:lenapa ela saba elamalelo, LOD Kamalinapate lalelona gilala.
13Da:na: dima sosawenena gi a laedeleyamana, LOD enoba gi lalelo.
Da: ametana: dima latedelewa, sa: powa sosawena gilala a: dima a ladelimanaya.
14Da: a:nege letedelewa, Godope gi gobala eda: gi kalekale bega. Sa: powa gima obate ladolona gilalama gima kaminana luma edelamadela:ya, gwama sa: powa gile LODote lalelona sa:pe sosawena a:na:da:mina gima gwana saweda: edelamadela:ya Kamalinapa LODope sosoko palala. 15Enobala amapulale gi a tila:mena a:na:pi potada:mina kabigida:na lumate sa:keladili, ameta pa: sogoda:na gi a:na:da:mininina lumate ya:biya:bida:na edeli. Ameta obaite God teteda:te tilite amale emoda:tedili.
16A:pite LOD emona luma eta:mite eta:midima gwalemeniyana a:pite LODote obaimunu gilala enamayana. LODope sosoko palala lumate a:na:da:minetedilina gi aliletediliyana golowaminanapa pepa gobama obaite God emoda:dele oba gibalamale iwaleletedilina lumumunu gagi aliliyana.
17Obaite na:dowali luma bapi edelamadili. LOD enoba gi lalelo. Ne gi a:na:mina gi aseminamalowamena kadepala obai na:dowali luma eda:madili. Wawate obape gilalama gima kaminanola, obate a:ma pulagi sa:lele iwalolamalelona gi a:na:pile na: da: iwaledolamalowa. 18Da: amale eta bamina gi gwama tilamadelewa, enoba sosawe a:na:da:mininina lumata: gwama sogoda:na gi a:na:da:mininina lumata: gobala, enoba God ewaminina lumata: gwama God pa:pa ewaminina lumata:.
Currently Selected:
Malak 3: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Malak 3
3
Godope gibamina kadepa gi
1Da: tila na: na:dowali Gigiwinapa auwaminamalowa, obate da:pe nabidi sa:leminamalelo. Amale de uwalelewamena LOD obate obape genamama sela pa:labega elamalelo. Enoba Gigiwinapa gibalama bata gi de iwiminewamena. Obate pa:lelo, enoba LOD Kamalinapate lalelona gilala.
2Obate pa:lamalelona kadepala powate pa:pa ilapada:maleloya. Powate lelolamaleloya obate pa:lamalelona kadepala. Obate babalelalona ila a:na:pi o lopala wida:mina sopo a:na:pi. 3Obate ila genagena a:na:pi silibape ani ololadele wiyaminadele pa:kepa:keminadele manalamalelo. A:pite obate Libai luma wida:munote gaolodota: silibata: a:na:pi obaimunu tatali wama wida:munamalelo. LOD amale luma alolamalelo, obaite sogola bapinapa nabidile nagala lopala oba dima alete pa:da:mada:le. 4Yuda wanata: gwama Yelusalem baiganata:te alete pa:da:madilina nagala lopala LOD awapage lalamalelo a:ma enoba obaite lope edeliyana gi a:na:pi.
5Enobala na: LOD Kamalinapate lalelowa, na: gi bamina gima da: auwama pa:lamalowa. Na: wasiwada:nata: ato ili dala ilinata: sewatale gilala lada:nata: okona lumumunu wisa papala ilile aleda:nata: gaigiyanata: gwama gamisinata: a:pite salipana a:ima etoda:mininina lumata: atakabina lumadima gi pa:pa sogolale a:na:da:mininina lumata: a:pite na: pa:pa emodilina lumata: obaimunu gi babamudamonamalowa.
God ili mina gi
6Na: enoba LOD, na: pa: opa:ya etanapa. Enobala da: Ya:kobipe a:iwina:pi pa:pa binibapi edeyamana. 7Da: enobai da:dowali abata:mite edeliyana gi a:na:pile edelewa. Da: na:dowali babalama pa:pa gima kamidelewa, a:pite na:dowali gilala da:dila pa:pa dololo. Da:na: dima pa:da:la, a:pite na: da:dima pa:lamalowa. Na: LOD Kamalinapate lalelowa.
Da: ameta na: nanate tilelewa, sa: a:ta:pi a: dima pa:da: eda:madela:ya.
8Lumagi awapata God ili mina gima. Pa: awapa, da: na: ilina:minenewa.
Da: ameta a:nege latedelewa, powa a:na:mina gile sa: a: iliminena:ya.
Enoba 10 papala gobala menagi pala apila gi gobala da: na: ilina:minenewa. 9Da: iumina gi gobala edelamadelewa, gi ase da:dowali edelewamena wa kabigibegale da: na: gasuna:minenewa. 10Da: 10 papala gobala menagi pala alila, nana lopalate dowatilina genama gobama, na:pe genama gobala nana lopalate dowatelamada:le. Da: ma:ma gile na: teteda:te tila, LOD Kamalinapate lalelo, na: sawisaka ogosa da:dima gagamunamalowa. Na: da: gima sa:sa:lena lopala waelabeyagai a: kokolomunamalowa, a:pite da:pe gegenama gobala alila sasaba uwaledelamadelewa ase Godote da: sa:kelada:mina:no. 11Na: egada lopala sosaweda:mininina bono lopala ekeda:minamalowa obaite da:pe egada lopala naena gile. A:pite da:pe galip adami i waelabeyagaite alawada:te litatelamadili, na: LOD Kamalinapate lalelowa.
12Amale waelabega eta:mi a:ibaigana lumate da: sa:kelana lumage laelamadili, gi ase da:pe wa sa:lenapa ela saba elamalelo, LOD Kamalinapate lalelona gilala.
13Da:na: dima sosawenena gi a laedeleyamana, LOD enoba gi lalelo.
Da: ametana: dima latedelewa, sa: powa sosawena gilala a: dima a ladelimanaya.
14Da: a:nege letedelewa, Godope gi gobala eda: gi kalekale bega. Sa: powa gima obate ladolona gilalama gima kaminana luma edelamadela:ya, gwama sa: powa gile LODote lalelona sa:pe sosawena a:na:da:mina gima gwana saweda: edelamadela:ya Kamalinapa LODope sosoko palala. 15Enobala amapulale gi a tila:mena a:na:pi potada:mina kabigida:na lumate sa:keladili, ameta pa: sogoda:na gi a:na:da:mininina lumate ya:biya:bida:na edeli. Ameta obaite God teteda:te tilite amale emoda:tedili.
16A:pite LOD emona luma eta:mite eta:midima gwalemeniyana a:pite LODote obaimunu gilala enamayana. LODope sosoko palala lumate a:na:da:minetedilina gi aliletediliyana golowaminanapa pepa gobama obaite God emoda:dele oba gibalamale iwaleletedilina lumumunu gagi aliliyana.
17Obaite na:dowali luma bapi edelamadili. LOD enoba gi lalelo. Ne gi a:na:mina gi aseminamalowamena kadepala obai na:dowali luma eda:madili. Wawate obape gilalama gima kaminanola, obate a:ma pulagi sa:lele iwalolamalelona gi a:na:pile na: da: iwaledolamalowa. 18Da: amale eta bamina gi gwama tilamadelewa, enoba sosawe a:na:da:mininina lumata: gwama sogoda:na gi a:na:da:mininina lumata: gobala, enoba God ewaminina lumata: gwama God pa:pa ewaminina lumata:.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.