Maik 1
1
1Yotamata: Eyasata: Esekayata: obaite Yuda wa tiliyana tepala, LODote Maikape tao opa:ya da:miyala obate Samaliyata: gwama Yelusalemata: dima saolamalelona gi tida:yana.
2Luma da: ma:ma gilala enamada:la,
a:i baiga a: enama, gwama a:mala edelina luma da: enamada:la.
Enoba Sidinapa LODote da: gima gibabanapa elelo,
LOD obape Awana balelamina genamala enoba gi lalelo.
Yelusalemata: Samaliyata: obaimunu gi bamina gi
3Tila, LOD obate obape elelona sabale pa:lelo,
obate pelote a:ibaigana sidina saba etoda:minano.
4Podote oba a:iya:dela sosela:dili
a:pite golo gogobate tetepama babelili
walaga sape ilate olololola sosola:dilina gi a:na:pi sosola:dili,
wi a:na:pi ilatatale sa:elelo.
5Ma:ma Ya:ikobape sosawe gi waelabegape mene,
Gi ase Islaelpe genama gobanate a:na:miyana sosawe gipe wisa.
Ya:ikobape sosawe gi powaya.
Pa: Samaliyape sosawe gita.
Yudape sidinapa saba powaya.
Pa: Yelusalemata.
6Enobala na: Samaliya wa titimite kakapa wa minamalowa,
tokobe adami tola saba minamalowa.
Na: obape ba:kele waelabega golo dobama ilitatada:minamalowa
a:pite obape sokate kekeminamalowa.
7Obape ididali waelabeyagai ka:ka:munale ka:ka:munamalowa,
obape balelamina genama gobana nagala lopala waelabega ilate oloda:malelo.
Na: obape anekekeyapo imimina lopala waelabega dapolamalowa.
Obate obe ewada: gile aleloyana nagala lopala waelabega,
obaite gwama obe ewada: gima a:mai lopala alilamadili.
Gwanasaweda: gite Yelusalem dima pa:loyana gi
8Ma:ma asema na: adimada:dele sabelamalowa,
na: a:i lopala bini abadu wamunamalowa.
Na: wa soka: a:na:pi audolamalowa,
a:pite obo puwida: a:na:pi giladolamalowa.
9Gi ase obape meleda sa:lemina nabidi bini,
a Yuda dima pa:wena.
Obate na:dowali lumumunu ogosa tepa bapima a pa:wena,
enoba Yelusalem baiga bapima.
10Gata baigala ma:ma gilala ege lala,
pa:pa adimadelamadelewa.
Pulule talapodelamadelewa.
11Abadu gita: pisala gita: eta:mi dima dapila,
da: Sapil wala edelamadelewamena luma,
Sanan wala edelina luma
wama pa:pa saoda:madili.
Bet Esel sabeda elelo,
obape galabe pawamina lopala a wama egete na:diyana.
12Malot wala edelina luma alikikiminada talapodili,
obai amowa gima enamadili,
gi ase mene gi a LODdile obai dima pa:yana
enoba Yelusalem ogosa tepama.
13Lakis wala edelewamena luma,
oso waite silidimininina sakana sa:liyot gawana taoma luma gagasila ga:ga:mina.
Da: enobai sosawe gipe sokatena luma
de Sayonope aminagi dima atayamana
Islaelpe sosawe a:na:mina wisa
a: gobama tiliyana.
14Enobala a: asemite nagala lopala
Moles Gat wama auda:minamalelo.
Aksib kowabinapa baiga obate gasumitada:napa elamalelo,
Islaelana kakanaba dima.
15Na: kamalinapa giwa:lanapa dalagi a: dima auwaminamalowa,
da: Moles wala edelewamena lumadima.
Islaelpe lulila elelona lumagite
Adulam wala pa:lamalelo.
16Da: sabeda:dele da:pe ganabi tita aditila
de obaima sa:keladewamena sege,
obaiya da:pe ganabi kebele bapi da:minamadili,
ase obaite da: gobala wama saoda:te dibulama na:da:madili.
Currently Selected:
Maik 1: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Maik 1
1
1Yotamata: Eyasata: Esekayata: obaite Yuda wa tiliyana tepala, LODote Maikape tao opa:ya da:miyala obate Samaliyata: gwama Yelusalemata: dima saolamalelona gi tida:yana.
2Luma da: ma:ma gilala enamada:la,
a:i baiga a: enama, gwama a:mala edelina luma da: enamada:la.
Enoba Sidinapa LODote da: gima gibabanapa elelo,
LOD obape Awana balelamina genamala enoba gi lalelo.
Yelusalemata: Samaliyata: obaimunu gi bamina gi
3Tila, LOD obate obape elelona sabale pa:lelo,
obate pelote a:ibaigana sidina saba etoda:minano.
4Podote oba a:iya:dela sosela:dili
a:pite golo gogobate tetepama babelili
walaga sape ilate olololola sosola:dilina gi a:na:pi sosola:dili,
wi a:na:pi ilatatale sa:elelo.
5Ma:ma Ya:ikobape sosawe gi waelabegape mene,
Gi ase Islaelpe genama gobanate a:na:miyana sosawe gipe wisa.
Ya:ikobape sosawe gi powaya.
Pa: Samaliyape sosawe gita.
Yudape sidinapa saba powaya.
Pa: Yelusalemata.
6Enobala na: Samaliya wa titimite kakapa wa minamalowa,
tokobe adami tola saba minamalowa.
Na: obape ba:kele waelabega golo dobama ilitatada:minamalowa
a:pite obape sokate kekeminamalowa.
7Obape ididali waelabeyagai ka:ka:munale ka:ka:munamalowa,
obape balelamina genama gobana nagala lopala waelabega ilate oloda:malelo.
Na: obape anekekeyapo imimina lopala waelabega dapolamalowa.
Obate obe ewada: gile aleloyana nagala lopala waelabega,
obaite gwama obe ewada: gima a:mai lopala alilamadili.
Gwanasaweda: gite Yelusalem dima pa:loyana gi
8Ma:ma asema na: adimada:dele sabelamalowa,
na: a:i lopala bini abadu wamunamalowa.
Na: wa soka: a:na:pi audolamalowa,
a:pite obo puwida: a:na:pi giladolamalowa.
9Gi ase obape meleda sa:lemina nabidi bini,
a Yuda dima pa:wena.
Obate na:dowali lumumunu ogosa tepa bapima a pa:wena,
enoba Yelusalem baiga bapima.
10Gata baigala ma:ma gilala ege lala,
pa:pa adimadelamadelewa.
Pulule talapodelamadelewa.
11Abadu gita: pisala gita: eta:mi dima dapila,
da: Sapil wala edelamadelewamena luma,
Sanan wala edelina luma
wama pa:pa saoda:madili.
Bet Esel sabeda elelo,
obape galabe pawamina lopala a wama egete na:diyana.
12Malot wala edelina luma alikikiminada talapodili,
obai amowa gima enamadili,
gi ase mene gi a LODdile obai dima pa:yana
enoba Yelusalem ogosa tepama.
13Lakis wala edelewamena luma,
oso waite silidimininina sakana sa:liyot gawana taoma luma gagasila ga:ga:mina.
Da: enobai sosawe gipe sokatena luma
de Sayonope aminagi dima atayamana
Islaelpe sosawe a:na:mina wisa
a: gobama tiliyana.
14Enobala a: asemite nagala lopala
Moles Gat wama auda:minamalelo.
Aksib kowabinapa baiga obate gasumitada:napa elamalelo,
Islaelana kakanaba dima.
15Na: kamalinapa giwa:lanapa dalagi a: dima auwaminamalowa,
da: Moles wala edelewamena lumadima.
Islaelpe lulila elelona lumagite
Adulam wala pa:lamalelo.
16Da: sabeda:dele da:pe ganabi tita aditila
de obaima sa:keladewamena sege,
obaiya da:pe ganabi kebele bapi da:minamadili,
ase obaite da: gobala wama saoda:te dibulama na:da:madili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.