Maik 4
4
LODope Saka gi
1A:yatadana kadepala
LOD balelamina genamate lelalona saka a:na:minamadili,
waelabega saka gobala obate sidinapa saka elamalelo,
eta:mi saka waelabega obate giwida:malelo,
A:pite luma waelabegate oba dima gaogominamadili.
2Waelabega a:ibaigate oba dima pa:da:te a:nege lalamadili,
pa:da:la, saga LODope podo sakama dida:.
Ya:ikobape Godope genama sabama.
Obate obape gi sa: itusa:minamalale,
se obape nabidile wamidelamada:le.
Sayon sakala babala gite wama saolamalelo,
Yelusalem baigala LODope gilalate wama saolamalelo.
3Obate waelabega luma gobala gi bamina gi a:na:minamalelo,
a:pite kakamalina wabegana wala edelina lumumunu menemenena gita: gwama kabigida:na baigabaigala edelina lumumunu menemenena gita: sogolada:munamalelo.
Obaite obaimunu giwa:la gili ameta a:i pasada:mina lopala a:na:da:minamadili.
A:pite obaite obaimunu gili kibili ameta ga:lip ta:ta:mina gili a:na:da:minamadili.
Eta a:ibaigate eta a:ibaiga dima pa:pa giwa:la gili waisole giwa:la elamalelo.
Gwama obai pa:pa gwama giwa:la gima luma ituda:minamadili.
4 #
Sek 3:10
Dala waelabeyagaite obaiya obaimunu tokobe adami i a:iya:dela mitatelamadili,
a:pite obaimunu pigi i a:iya:dela,
a:pite eta lumagite obai emo gi pa:pa datamalelo,
gi ase LOD Kamalinapate a lawena.
5Waelabega a:ibaigate a:i saowaminamadili,
obaiya obaimunu ididalimunu gagile.
Sa: ameta sa:dowali LOD
Godope gagile elomina tepala wamidelamadili.
LODope Bata Gi
6 LODote lalelo, a:ma kadepala,
na: a:i sauda:na gaogoda:munamalowa.
Na: wama alete na:diyana luma gaogoda:munamalowa,
a:pite ne gwanasaweda: eladele alete pa:yamana luma.
7Na: a:i sauda:na luma ameta lumadana da:minamalowa.
Obaite kamalinapa a:ibaiga wama egete na:diyana,
LODote Sayon podo sakale obai apeyanapa elamalelo,
a:ma kadepala asemite elomina tepama.
8O sip gagasila lawilanapa saba, gilala a: dima ma:na:pi dololo.
O kalekalenapa baiga Sayonope aminagi,
a: e a lope apeyanapa eloyana gite gwama a: dima pa:da:madili.
Yelusalemape aminagi dima kanaba gite gwama pa:lamalelo.
9Amapula a: ase ba:ya mamale adimadolona,
a: kanaba dalagi binita.
A:dowali gi sogoda:na dala a wama kaokoliyanata,
a:ma gite pulagite ipa:la ewela susa:gite enamonamalelona alikikimina a:na:pile elelota.
10O Sayonope aminagi, a: alikikiminada talapololo
pulagipe alikikimina enamanona susa:gi a:na:pi.
A: auwapula kabiginapa baiga elatelamalelo
wa gobala bikiwa a:na:mite ela gima.
A: Ba:bilon wama welamalelo
amale lumate a: amowamadili.
Amale LODote a:pe galabe pawaminamalelo.
11Ameta amapulala waelabega baigabaigate
a: dima giwa:la gima gaogoda:minini.
Obaite a:nege latedili, awapa oba sosawe minamadili.
Sa:pe taote Sayon saka gima sa:keladelamadili.
12Ameta obai pa: itawada:
LODope gi iwalela gi.
Obai obape bata gi pa: itawada:
enobate obai wit a:na:pi papada:mina genama gobama alete gaogoda:mineno.
13Patate obai dapo, O Sayonope aminagi,
gi ase na: a: dima auli kalita apulamalowa,
na: a: dima blons a:i kati apulamalowa
a:pite a: waelabega a:ibaiga ka:ka:munamalelo.
A: obai dapolote obaite ilile aleliyana sa:sa:lena lopala waelabega alelote pa:te LOD dima apulamalelo.
Enoba a:i baigana waelabeyagimunu LOD.
Currently Selected:
Maik 4: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Maik 4
4
LODope Saka gi
1A:yatadana kadepala
LOD balelamina genamate lelalona saka a:na:minamadili,
waelabega saka gobala obate sidinapa saka elamalelo,
eta:mi saka waelabega obate giwida:malelo,
A:pite luma waelabegate oba dima gaogominamadili.
2Waelabega a:ibaigate oba dima pa:da:te a:nege lalamadili,
pa:da:la, saga LODope podo sakama dida:.
Ya:ikobape Godope genama sabama.
Obate obape gi sa: itusa:minamalale,
se obape nabidile wamidelamada:le.
Sayon sakala babala gite wama saolamalelo,
Yelusalem baigala LODope gilalate wama saolamalelo.
3Obate waelabega luma gobala gi bamina gi a:na:minamalelo,
a:pite kakamalina wabegana wala edelina lumumunu menemenena gita: gwama kabigida:na baigabaigala edelina lumumunu menemenena gita: sogolada:munamalelo.
Obaite obaimunu giwa:la gili ameta a:i pasada:mina lopala a:na:da:minamadili.
A:pite obaite obaimunu gili kibili ameta ga:lip ta:ta:mina gili a:na:da:minamadili.
Eta a:ibaigate eta a:ibaiga dima pa:pa giwa:la gili waisole giwa:la elamalelo.
Gwama obai pa:pa gwama giwa:la gima luma ituda:minamadili.
4 #
Sek 3:10
Dala waelabeyagaite obaiya obaimunu tokobe adami i a:iya:dela mitatelamadili,
a:pite obaimunu pigi i a:iya:dela,
a:pite eta lumagite obai emo gi pa:pa datamalelo,
gi ase LOD Kamalinapate a lawena.
5Waelabega a:ibaigate a:i saowaminamadili,
obaiya obaimunu ididalimunu gagile.
Sa: ameta sa:dowali LOD
Godope gagile elomina tepala wamidelamadili.
LODope Bata Gi
6 LODote lalelo, a:ma kadepala,
na: a:i sauda:na gaogoda:munamalowa.
Na: wama alete na:diyana luma gaogoda:munamalowa,
a:pite ne gwanasaweda: eladele alete pa:yamana luma.
7Na: a:i sauda:na luma ameta lumadana da:minamalowa.
Obaite kamalinapa a:ibaiga wama egete na:diyana,
LODote Sayon podo sakale obai apeyanapa elamalelo,
a:ma kadepala asemite elomina tepama.
8O sip gagasila lawilanapa saba, gilala a: dima ma:na:pi dololo.
O kalekalenapa baiga Sayonope aminagi,
a: e a lope apeyanapa eloyana gite gwama a: dima pa:da:madili.
Yelusalemape aminagi dima kanaba gite gwama pa:lamalelo.
9Amapula a: ase ba:ya mamale adimadolona,
a: kanaba dalagi binita.
A:dowali gi sogoda:na dala a wama kaokoliyanata,
a:ma gite pulagite ipa:la ewela susa:gite enamonamalelona alikikimina a:na:pile elelota.
10O Sayonope aminagi, a: alikikiminada talapololo
pulagipe alikikimina enamanona susa:gi a:na:pi.
A: auwapula kabiginapa baiga elatelamalelo
wa gobala bikiwa a:na:mite ela gima.
A: Ba:bilon wama welamalelo
amale lumate a: amowamadili.
Amale LODote a:pe galabe pawaminamalelo.
11Ameta amapulala waelabega baigabaigate
a: dima giwa:la gima gaogoda:minini.
Obaite a:nege latedili, awapa oba sosawe minamadili.
Sa:pe taote Sayon saka gima sa:keladelamadili.
12Ameta obai pa: itawada:
LODope gi iwalela gi.
Obai obape bata gi pa: itawada:
enobate obai wit a:na:pi papada:mina genama gobama alete gaogoda:mineno.
13Patate obai dapo, O Sayonope aminagi,
gi ase na: a: dima auli kalita apulamalowa,
na: a: dima blons a:i kati apulamalowa
a:pite a: waelabega a:ibaiga ka:ka:munamalelo.
A: obai dapolote obaite ilile aleliyana sa:sa:lena lopala waelabega alelote pa:te LOD dima apulamalelo.
Enoba a:i baigana waelabeyagimunu LOD.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.