Maik 7
7
Islaelpe sosawe a:na:mina gi
1Awe iyo na: kabeya,
Na: enoba gwi tepana adami gaogoda:mida:napa lumagi a:na:pi elelowa,
tokobe adami tukuda:mina sabala
ga:lip adami a:ididi bini ne nana gima.
Lopana nana ulama dowata tepala ediyana pigi adami bini bapi ne iyawa elamalale.
2God emona luma a:ma wala a wama saodiyana,
Eta gi sogolanapate pa:pa elelo.
Dala waelabeyagaite dede samina gima atolominadele dowatili,
etate obaya obape wabeya tiyale egela gima sima elelo.
3Obaimunu mai saki sosawe a:na:mina gima a itawa bapi ediyana.
Obai apeyanapate lumadile nagala lopalama gi alilelo,
a:pite gi babamida:napate pa: nabidile lopala iwida:mineno.
Kakamalina lumate kamalile obaite iwida:mininina lopala apeyana edeli.
Obaite sosawena gi menagimite a:na:da:minini.
4Obaimunu sa:lenapa gi enoba posonapa i a:na:pi
obaimunu uwapa gi enoba tokobepe abele a:na:pi
Da:pe wa lawilana dalimunu kadepa a pa:wena,
enoba Godote da:dima saolamalelona kadepa.
Amapula enoba obaimunu emosa:mida: kadepa.
5A:dowali ebatanapa ege gibapimunamalelo
a:dowali sopodalagi dima a:pe gibapimina gi pa:pa milamalelo.
A:da tene sabale etapate teneleleona susa:gi iya:ta: a: oba tiladele
a:dowali gwalema: gilala sa:lele bapi.
6Pulagite obape wawa dima pa:pa gima kaminamalelo
aminagite patate obape agi dima giwa:la elamalelo,
apilate obape apila dima giwa:la elamalelo
enobala dalagipe giwa:lanapa enoba obape genama gobana luma bapi.
7Ameta na:, na: LOD menagi dima enamada:dele atolomunamalowa.
Na: God na:dowali galabe pawaminapa atolomunamalowa,
na:pe God na:dowali gilala enamamalelo.
Islael Godope gilala enamayana gi
8Na:pe giwa:lanapa, ege na: awagolamalelo,
na: a:ima dilayamana, ameta na: gwama patamalowa.
Na: iti kanabi gobala mananowa
LODote na:dowali lulila elamalelo.
9Gi ase na: oba dima a sosawe eyamana,
na: LODope mene itawa elamalowa
obate na:pe gi sa:leminamalelona tepama
a:pite obate na: gobana gi gwama pakakaminamalelo.
Obate na: lulilama gwalina:te saolamalelo,
na: obape sogola gi tilamalowa.
10Amale na:pe giwa:lanate tilamadili
obai amale pisala gite alolamalelo,
na: dima gilala layana susa:gi.
A:dowali LOD ba:maya,
na:pe tao sakile obate dilamalelona gi tilamalowa,
ma:ma tepa bapile oba iya:ta: a:ile etominamadili
nabidinapa boda a:na:piminamadili.
11A:pe baiga ta a:na:mina kadepa pa:lamalelo,
enoba a:pe a:i a:yatada: wabegada:mina kadepa.
Isipt wale asemite wete Yupala:itis wama saola iya:ta: enoba a:na:pi elamalelo
gwama eta wasewale asemite wete eta wasewama saolamalelo
a:pite eta podole wete eta podoma saolamalelo.
12A:ma kadepala na: da:dima pa:lamalowa
Asiliya wale pa:lamalowa gwama Isipt wape kabiginapa baiga gobale pa:lamalowa.
Isipt wale asemite wete Yupala:itis wama saolamalowa,
a:pite eta wasewale asemite wete eta wasewama saolamalowa,
gwama eta podole asemite wete eta podoma saolamalowa.
13A:ibaigate sosawe dola bega elamalelo amale edelina lumumunu gile.
Enobai obaimunu a:na:da:mina gile.
Timo gita: Ewamo gita:
14A:dowali a:ikole a:dowali luma iwa:la eo,
a:dowali wale edelina anekekeyapo gagasida:
obaite obaiya eda:na luma edeli da:niya gobala,
sa:sa:lena tilate apedilina wala.
Awapa obaite Basana wata: Giliyad wata:la baya naenamadili
lopena pa:na:diyana kadepana gi a:na:pi.
15De Isipt wala wama saoda:te pa:deyamana kadepa a:na:pi,
na: obai na:dowali memelada:na gi ituda:munamalowa.
16A:i baigate a:mai gi tida:te pisala edelamadili,
amale obaimunu kakamalite binida:madili,
obaite obaimunu magata maile kawapidelamadili,
a:pite obaimunu igibite tuda:madili.
17Obaite malebe a:na:pi pulu totopeyadelamadili,
gwanale wamidilina lopala a:na:pi edelamadili.
Obaite sasiwoda:da obaimunu a:i dodowaba gobale wama saodelamadili.
Obaite emoda LOD sa:dowali Gododima eseda:madili
a:pite obaite a: emodelamadili.
18Powate a: God a:na:piya,
obate sosawena a:na:da:mina gi sawada:munote kobele etanapa,
obape wala edelina na:sa:da:miyana lumadima.
A: pa:pa elomina tepala ga:olotanapa
ameta kabiginapa awe iwalela gi kekemina gima sa:kelalo.
19A: gwama sa:dima sa: iwalesa: gi a:na:minamalelo
a: sa:dowali sosawe gi a:pe a:ile etoda:minamalelo
a:pite sa:pe pa: sogoda:na gi waelabega gaolanapa wasewa gobama ba:ba:minamalelo.
20A: Ya:ikob dima gibalamanapa elamalelo
a:pite A:ibala:m dima awe gi kekeminamalelo
a:e lopena kadepala wawata:mi dima gibalamale layana gi a:na:pi.
Currently Selected:
Maik 7: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Maik 7
7
Islaelpe sosawe a:na:mina gi
1Awe iyo na: kabeya,
Na: enoba gwi tepana adami gaogoda:mida:napa lumagi a:na:pi elelowa,
tokobe adami tukuda:mina sabala
ga:lip adami a:ididi bini ne nana gima.
Lopana nana ulama dowata tepala ediyana pigi adami bini bapi ne iyawa elamalale.
2God emona luma a:ma wala a wama saodiyana,
Eta gi sogolanapate pa:pa elelo.
Dala waelabeyagaite dede samina gima atolominadele dowatili,
etate obaya obape wabeya tiyale egela gima sima elelo.
3Obaimunu mai saki sosawe a:na:mina gima a itawa bapi ediyana.
Obai apeyanapate lumadile nagala lopalama gi alilelo,
a:pite gi babamida:napate pa: nabidile lopala iwida:mineno.
Kakamalina lumate kamalile obaite iwida:mininina lopala apeyana edeli.
Obaite sosawena gi menagimite a:na:da:minini.
4Obaimunu sa:lenapa gi enoba posonapa i a:na:pi
obaimunu uwapa gi enoba tokobepe abele a:na:pi
Da:pe wa lawilana dalimunu kadepa a pa:wena,
enoba Godote da:dima saolamalelona kadepa.
Amapula enoba obaimunu emosa:mida: kadepa.
5A:dowali ebatanapa ege gibapimunamalelo
a:dowali sopodalagi dima a:pe gibapimina gi pa:pa milamalelo.
A:da tene sabale etapate teneleleona susa:gi iya:ta: a: oba tiladele
a:dowali gwalema: gilala sa:lele bapi.
6Pulagite obape wawa dima pa:pa gima kaminamalelo
aminagite patate obape agi dima giwa:la elamalelo,
apilate obape apila dima giwa:la elamalelo
enobala dalagipe giwa:lanapa enoba obape genama gobana luma bapi.
7Ameta na:, na: LOD menagi dima enamada:dele atolomunamalowa.
Na: God na:dowali galabe pawaminapa atolomunamalowa,
na:pe God na:dowali gilala enamamalelo.
Islael Godope gilala enamayana gi
8Na:pe giwa:lanapa, ege na: awagolamalelo,
na: a:ima dilayamana, ameta na: gwama patamalowa.
Na: iti kanabi gobala mananowa
LODote na:dowali lulila elamalelo.
9Gi ase na: oba dima a sosawe eyamana,
na: LODope mene itawa elamalowa
obate na:pe gi sa:leminamalelona tepama
a:pite obate na: gobana gi gwama pakakaminamalelo.
Obate na: lulilama gwalina:te saolamalelo,
na: obape sogola gi tilamalowa.
10Amale na:pe giwa:lanate tilamadili
obai amale pisala gite alolamalelo,
na: dima gilala layana susa:gi.
A:dowali LOD ba:maya,
na:pe tao sakile obate dilamalelona gi tilamalowa,
ma:ma tepa bapile oba iya:ta: a:ile etominamadili
nabidinapa boda a:na:piminamadili.
11A:pe baiga ta a:na:mina kadepa pa:lamalelo,
enoba a:pe a:i a:yatada: wabegada:mina kadepa.
Isipt wale asemite wete Yupala:itis wama saola iya:ta: enoba a:na:pi elamalelo
gwama eta wasewale asemite wete eta wasewama saolamalelo
a:pite eta podole wete eta podoma saolamalelo.
12A:ma kadepala na: da:dima pa:lamalowa
Asiliya wale pa:lamalowa gwama Isipt wape kabiginapa baiga gobale pa:lamalowa.
Isipt wale asemite wete Yupala:itis wama saolamalowa,
a:pite eta wasewale asemite wete eta wasewama saolamalowa,
gwama eta podole asemite wete eta podoma saolamalowa.
13A:ibaigate sosawe dola bega elamalelo amale edelina lumumunu gile.
Enobai obaimunu a:na:da:mina gile.
Timo gita: Ewamo gita:
14A:dowali a:ikole a:dowali luma iwa:la eo,
a:dowali wale edelina anekekeyapo gagasida:
obaite obaiya eda:na luma edeli da:niya gobala,
sa:sa:lena tilate apedilina wala.
Awapa obaite Basana wata: Giliyad wata:la baya naenamadili
lopena pa:na:diyana kadepana gi a:na:pi.
15De Isipt wala wama saoda:te pa:deyamana kadepa a:na:pi,
na: obai na:dowali memelada:na gi ituda:munamalowa.
16A:i baigate a:mai gi tida:te pisala edelamadili,
amale obaimunu kakamalite binida:madili,
obaite obaimunu magata maile kawapidelamadili,
a:pite obaimunu igibite tuda:madili.
17Obaite malebe a:na:pi pulu totopeyadelamadili,
gwanale wamidilina lopala a:na:pi edelamadili.
Obaite sasiwoda:da obaimunu a:i dodowaba gobale wama saodelamadili.
Obaite emoda LOD sa:dowali Gododima eseda:madili
a:pite obaite a: emodelamadili.
18Powate a: God a:na:piya,
obate sosawena a:na:da:mina gi sawada:munote kobele etanapa,
obape wala edelina na:sa:da:miyana lumadima.
A: pa:pa elomina tepala ga:olotanapa
ameta kabiginapa awe iwalela gi kekemina gima sa:kelalo.
19A: gwama sa:dima sa: iwalesa: gi a:na:minamalelo
a: sa:dowali sosawe gi a:pe a:ile etoda:minamalelo
a:pite sa:pe pa: sogoda:na gi waelabega gaolanapa wasewa gobama ba:ba:minamalelo.
20A: Ya:ikob dima gibalamanapa elamalelo
a:pite A:ibala:m dima awe gi kekeminamalelo
a:e lopena kadepala wawata:mi dima gibalamale layana gi a:na:pi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.