Nayu 2
2
Nineba titiminamadilina gi
1Nineba a: dima giwa:lanapa a pa:we a: dima giwa:la elamalale.
Ta lapida:na baiga sa:lele iwa:la edela,
nabidi tepala lawiladele edela,
giwa:la genamama dida:la,
sa:leda:te kamalile litatala.
2 LODote Ya:kobipe lulila gwama pakiminamalelo,
enoba Islaelpe lulila a:na:pi,
giwa:lanate obai a dapolete binida:miyana
a:pite obaimunu tokobe adami a dapodamiyana.
3Obape giwa:lana dalimunu ikewa a wasawasa bega edewina,
obai wasawasana lopala a kakamiwina.
Obai obaimunu giwa:la gawa a sa:leda:miwina enobala auli pa:kepa:kebega elelo.
Obai giwa:la gima sa:ledili,
obaimunu sakana giwa:la gawate kadepa pa:ela a:na:pi pa:ipilili.
Obaimunu oso waelabeyagaite sikasika edeli.
4Giwa:la gawate baiga nabidile sa:eda:te sela na:da:bega edeli,
obai kabiginapa baiga gobana ekawile pa:na:dili.
Obai taose waiki lulila a:na:pi
a:pite kadepate pa:ela a:na:pi wamidili.
5Oba obape kakamalina giwa:lana dala alelalo,
obaite pa:da:dele a:i gagaminete nisisilili.
Obai kabiginapa baiga tama gugula:te na:da:te
kabigida:na ikewa pakakaminini.
6Giwa:lanate wi kamina ogosa gamiwila
kanaba dalagipe genamana sasiwadili.
7Giwa:lanate kanabape susa:gi wama gwalite na:da:madili.
Obape gisaolana amina tulugugu puwida: a:na:pi adimada:dele
gwanasaweda:le obaimunu omo dapolamadili.
8Nineba enoba ka:elanapa wi pisa a:na:pi.
Nineba baigala lumate wama saodili,
obaite mamidili, litatala, ege na:da:la,
ameta etate pa:pa gwama isola:te pa:lelo.
9Siliba alela.
Gaolod alela.
Baiga gobala sa:sa:lena lopala waelabeyagaite tatawate dowatili.
10Nineba a giwa:lanate a titiminale titimiwina, luma pa:pa edeli.
Luma mada kaela eda:dele emodili,
obaimunu asimisi a bonogowadilila, kamali a binidiwina.
Obaimunu sosoko iya:ta: a mala dapuwi.
11Dololoyana layonope genama ba:maya,
layon susa:gite obape kokowabi omo dapuloyana saba,
dalagi layonota: a:pite susa:gi layonota:te na:tiliyana saba,
a:mala obaimunu kokowabite galabe gi bini sa:lele edeliyana.
12Layon dalaginapate nana lopala lapote,
amale posole ta:tamunoyana obape susa:gita: kokowabita:te naenamada:le.
Obate eloyana a:idoba obate dapoloyana lopalale tawamiyana
obape ela saba obate dapoloyana sepo ta:teda:le tawamiyana.
13Na: a: asakaminanowa,
Kamalinapa LODote lalelo.
A:dowali sakana giwa:la gawa ilale oloda:malowa,
a:pite a:dowali apeda: kanika:da:na layon giwa:la gilite dapolamalelo.
A:ibaigala na: a: dima eta nana lopala pa:pa elatelamalowa.
Lumate a:dowali gibabana dalimunu gilala
pa:pa gwama enamada:madili.
Currently Selected:
Nayu 2: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Nayu 2
2
Nineba titiminamadilina gi
1Nineba a: dima giwa:lanapa a pa:we a: dima giwa:la elamalale.
Ta lapida:na baiga sa:lele iwa:la edela,
nabidi tepala lawiladele edela,
giwa:la genamama dida:la,
sa:leda:te kamalile litatala.
2 LODote Ya:kobipe lulila gwama pakiminamalelo,
enoba Islaelpe lulila a:na:pi,
giwa:lanate obai a dapolete binida:miyana
a:pite obaimunu tokobe adami a dapodamiyana.
3Obape giwa:lana dalimunu ikewa a wasawasa bega edewina,
obai wasawasana lopala a kakamiwina.
Obai obaimunu giwa:la gawa a sa:leda:miwina enobala auli pa:kepa:kebega elelo.
Obai giwa:la gima sa:ledili,
obaimunu sakana giwa:la gawate kadepa pa:ela a:na:pi pa:ipilili.
Obaimunu oso waelabeyagaite sikasika edeli.
4Giwa:la gawate baiga nabidile sa:eda:te sela na:da:bega edeli,
obai kabiginapa baiga gobana ekawile pa:na:dili.
Obai taose waiki lulila a:na:pi
a:pite kadepate pa:ela a:na:pi wamidili.
5Oba obape kakamalina giwa:lana dala alelalo,
obaite pa:da:dele a:i gagaminete nisisilili.
Obai kabiginapa baiga tama gugula:te na:da:te
kabigida:na ikewa pakakaminini.
6Giwa:lanate wi kamina ogosa gamiwila
kanaba dalagipe genamana sasiwadili.
7Giwa:lanate kanabape susa:gi wama gwalite na:da:madili.
Obape gisaolana amina tulugugu puwida: a:na:pi adimada:dele
gwanasaweda:le obaimunu omo dapolamadili.
8Nineba enoba ka:elanapa wi pisa a:na:pi.
Nineba baigala lumate wama saodili,
obaite mamidili, litatala, ege na:da:la,
ameta etate pa:pa gwama isola:te pa:lelo.
9Siliba alela.
Gaolod alela.
Baiga gobala sa:sa:lena lopala waelabeyagaite tatawate dowatili.
10Nineba a giwa:lanate a titiminale titimiwina, luma pa:pa edeli.
Luma mada kaela eda:dele emodili,
obaimunu asimisi a bonogowadilila, kamali a binidiwina.
Obaimunu sosoko iya:ta: a mala dapuwi.
11Dololoyana layonope genama ba:maya,
layon susa:gite obape kokowabi omo dapuloyana saba,
dalagi layonota: a:pite susa:gi layonota:te na:tiliyana saba,
a:mala obaimunu kokowabite galabe gi bini sa:lele edeliyana.
12Layon dalaginapate nana lopala lapote,
amale posole ta:tamunoyana obape susa:gita: kokowabita:te naenamada:le.
Obate eloyana a:idoba obate dapoloyana lopalale tawamiyana
obape ela saba obate dapoloyana sepo ta:teda:le tawamiyana.
13Na: a: asakaminanowa,
Kamalinapa LODote lalelo.
A:dowali sakana giwa:la gawa ilale oloda:malowa,
a:pite a:dowali apeda: kanika:da:na layon giwa:la gilite dapolamalelo.
A:ibaigala na: a: dima eta nana lopala pa:pa elatelamalowa.
Lumate a:dowali gibabana dalimunu gilala
pa:pa gwama enamada:madili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.