Sekal 3
3
Ganabinapa guwali dalagipe tatali binina kakana lopala gi
1Amale obape ganabinapa guwali dalagi Yosuwa gi na: ituna:miyana. Obate LODope pa:li lumagipe sosoko palala lelaloyana a:pite satan obape mimiti ya:dela lelaloyana oba papatada:munamalale. 2#Yud 1:9LOD satan dima a:negelayana, satan, gi awapa LODote a: anada: gima. Enoba LOD Yelusalem omona:yana obate a: anada: gima. Ma:ma dalagi enoba ila babalela gobala wama silimiyana ila awa a:na:pita.
3Yosuwate tatalina kaliko kakamite pa:li lumagipe sosoko palale lelaloyana. 4Pa:li lumagite amale obape sosoko palale litatiliyana lumadima a:negelayana, obape tatalina kakana lopala wama kwakwimena.
Amale obate Yosuwa dima a:negelayana, A: ti, na: a:dowali sosawe gi a wama pikima:wamena. Na: wisa kabiginapa kaliko a: dima kaima:malowa.
5A:pite na: a:nege layamana, Obape ganabima tatali bininapa kaliko golomina kaima:la. Enobala LODope pa:li lumagite a:mala lelaleyala obai tatatali bininapa kaliko golomina obape ganabita: obape obeta:ma kakaimiyana.
6 LODope pa:li lumagite ma:ma gilala Yosuwa anayana. 7Ma:ma enoba LOD Kamalinapate lalelona gilala, a: na:dowali gi gobala wamunote ne a: anadolowamena gi a:na:da:munamalelona a: na:dowali genama tilanapa elamalelo. Na:dowali genama ekawa somowaba e apeyanapa elamalelo, a:pite na: a: dima sogola atamalowa ma:mala litatilina luma gobala ela gima.
8Ganabinapa guwali dalagi Yosuwa a:ta: a:da mitatiliyana a: amowana lumata: da: enamada:la, wapikile saoda:madilina gima de gibabana edelewa. Na: na:dowali gisaolanapa i tala gwalite pa:lamalowa. 9Tila, ne Yosuwape lopa palama miyamana ba:kele tao 7 a:meta, enoba ya:ma menagi ba:kelele, a:pite na: a:ma ba:kelema gilala alulamalowa, LOD Kamalinapate enoba gilala lalelo. Amale na: kadepa menagile ma:ma wape sosawe gi wama alete welamalowa.
10 #
Mai 4:4
Ya:ma kadepala da: waelabeyagaite da:dowali sopodala ameta awedamita ameta awadamita edelamadelewa. Da:dowali galip tokobe adamita: pigi ita: a:wala mitatelamada:le. LOD Kamalinapate lalelo.
Currently Selected:
Sekal 3: GBOTP
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.
Sekal 3
3
Ganabinapa guwali dalagipe tatali binina kakana lopala gi
1Amale obape ganabinapa guwali dalagi Yosuwa gi na: ituna:miyana. Obate LODope pa:li lumagipe sosoko palala lelaloyana a:pite satan obape mimiti ya:dela lelaloyana oba papatada:munamalale. 2#Yud 1:9LOD satan dima a:negelayana, satan, gi awapa LODote a: anada: gima. Enoba LOD Yelusalem omona:yana obate a: anada: gima. Ma:ma dalagi enoba ila babalela gobala wama silimiyana ila awa a:na:pita.
3Yosuwate tatalina kaliko kakamite pa:li lumagipe sosoko palale lelaloyana. 4Pa:li lumagite amale obape sosoko palale litatiliyana lumadima a:negelayana, obape tatalina kakana lopala wama kwakwimena.
Amale obate Yosuwa dima a:negelayana, A: ti, na: a:dowali sosawe gi a wama pikima:wamena. Na: wisa kabiginapa kaliko a: dima kaima:malowa.
5A:pite na: a:nege layamana, Obape ganabima tatali bininapa kaliko golomina kaima:la. Enobala LODope pa:li lumagite a:mala lelaleyala obai tatatali bininapa kaliko golomina obape ganabita: obape obeta:ma kakaimiyana.
6 LODope pa:li lumagite ma:ma gilala Yosuwa anayana. 7Ma:ma enoba LOD Kamalinapate lalelona gilala, a: na:dowali gi gobala wamunote ne a: anadolowamena gi a:na:da:munamalelona a: na:dowali genama tilanapa elamalelo. Na:dowali genama ekawa somowaba e apeyanapa elamalelo, a:pite na: a: dima sogola atamalowa ma:mala litatilina luma gobala ela gima.
8Ganabinapa guwali dalagi Yosuwa a:ta: a:da mitatiliyana a: amowana lumata: da: enamada:la, wapikile saoda:madilina gima de gibabana edelewa. Na: na:dowali gisaolanapa i tala gwalite pa:lamalowa. 9Tila, ne Yosuwape lopa palama miyamana ba:kele tao 7 a:meta, enoba ya:ma menagi ba:kelele, a:pite na: a:ma ba:kelema gilala alulamalowa, LOD Kamalinapate enoba gilala lalelo. Amale na: kadepa menagile ma:ma wape sosawe gi wama alete welamalowa.
10 #
Mai 4:4
Ya:ma kadepala da: waelabeyagaite da:dowali sopodala ameta awedamita ameta awadamita edelamadelewa. Da:dowali galip tokobe adamita: pigi ita: a:wala mitatelamada:le. LOD Kamalinapate lalelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gogodala Bible Translation Project © Bible Society of Papua New Guinea, 2016.