TOLULA 11
11
Mauna minasina ibodi bikomasi
(Kak 14.3-21)
1E Guyau iluki Mosese sola Eroni karaiwaga makwaisina 2paila kasi karaiwaga mina Isireli. Ka, yokomi ibodi bukukomasi avai mauna wala nasigisagina 3minasina kwebakwaisi kweyalilalai deli kʹasi bikasuyumalaisi e bikamvauwaisi. 4-6Mitaga gala bukukomasi kameli, ugiwagi, kaina kwakwau. Paila minasina napupagatu; minasina kʹasi ikasuyumalaisi ikamvauwaisi, mitaga kwebakwaisi gala kweyalilalai. 7Deli gala bukukomasi bunukwa. Paila minasina napupagatu; minasina kweyalilalai kwaibakwaisi, mitaga gala ikasuyumalaisi kʹasi e ikamvauwaisi. 8Gala bukukomasi minasina mauna kaina bukukwabikonaisi uwosi tutala bogwa eikaligasi; paila minasina napupagatu.
9Yokomi ibodi bukukomasi avai yena wala isim siyola deli isim silisilila, 10mitaga avai mauna olumoulela bolita gala isim siyola kaina gala silisilila gala bukukomasi, 11bubuli makawala minasina napupagatu. Gala bukukomasi minasina kaina bukukwabikonaisi avai tuta bogwa leikaligasi. 12Yokomi gala wala ibodi bukukomasi avai vavagi obolita gala isim siyola kaina gala silisilila.
13-19Yokomi gala ibodi bukukomasi mauna minasina yagasi makawala, mluveka, kuru, kilakila, kaleya, bulibwali, kwailou, kawokawo, kasuwari, maikela, boituva, boi, binama, monilouluwa, sawila deli magiyaweda.
20Komwaidona minumauna isim pinupanesi napupagatu, 21mesinaku wala minasina napeipela. 22Ibodi bukukomasi nipawa, vegu, sigweilela. 23Mitaga komwaidona minasina isim pinupanesi mitaga nasigisagina, minasina napupagatu.
24-28Kidamwa availa bikabikoni uwosi minasina mauna nakakaliga, matauna bogwa eiyogwali titoulela bisisu wala topupagatu kaukwau bila ibugiki. Komwaidona minasina isim kwaibakwaisi. Kidamwa kwaibakwaisi kweyalilalai deli kʹasi ikasuyumalaisi oluvi ikomvauwaisi, deli komwaidona minasina kukweyavasi kaikesi e isim misikwaikwesi. E availa bikau mauna minasina bogwa leikaligasi, matauna ibodi biwini kala kwama miyasina eisisikoma, mitaga matauna bogwa wala eiyogwali titoulela e bisisu wala topupagatu kaukwau bila bibugiki.
29-30Kwakwau, kikoni navakaveka deli nakikekita, ketata, kainavasia, minasina napupagatu. 31Kidamwa availa bikabikoni minasina igau nammomova kaina bogwa eikaligasi, matauna bogwa eiyogwali titoulela, e bisisu wala topupagatu kaukwau bila bibugiki. 32Deli kidamwa bogwa eikaligasi e uwosi bikanakaila avai vavagi, vavagi makwaina bogwa eiyopigigatu. Vavagi makwaisina makawala, kai, karekwa, guguwa eiyodulokaisi metoya mauna kanuvinesi, kaina avai karekwa wala, avai paisewa wala ibudoki paila guguwa makwaisina bivigakaisi. E vavagi makwaina ibodi wala bitavidagwaisi wa sopi bigigadi, mitaga bisisu wala kwepupagatu bila bibugiki. 33Deli kidamwa uwosi bikapusisi bila olumoulela kwelatala kulimoya, avai vavagi olumoulela makwelana bogwa eiyopigigatu, e kulia makwelana ibodi wala bikatumimisaisi. 34E avai kaula ibudoki paila kamkwam mitaga kidamwa sopi metoya kulia makwelana bukuligabwaisi kaula makwaina, bogwa lokuyogwalaisi kaula, deli avai sopi kami sopi olumoulela kulia makwelana, baisa bogwa wala lokuyogwalaisi. 35Avai vavagi wala mauna minasina uwosi bikabikonaisi bogwa eiyopigigatu kailagila kaina kumkumla, e ibodi bukukwatumimisaisi kailagila makwaisina deli bukukwalidubolaisi kumkumla makumlona. 36Ilagoli vavagi komwaidona bikabikoni uwosi mauna minasina nakakaliga bogwa eiyopigigatu, mitaga utuwotu kaina avai vavagi ketaikotela sopi migileu wala bisisu. 37Kidamwa avai mauna nakaliga e wowola bikogiaki yagogu makwaina bisapwaisi, e yagogu makwaina kwemigileu wala. 38Mitaga kidamwa yagogu makwaina wa sopi bigigadi e natana minasina bogwa eikaliga wowola bikapusi bikogiaki yagogu makwaina bogwa wala eiyopigigatu.
39Kidamwa availa bikabikoni avai mauna minana ibudoki kamkwam bogwa eikaliga, matauna bogwa eiyogwali titoulela, e bisisu wala topupagatu kaukwau bila bibugiki. 40E availa bikoma avai kakasili wala metoya mauna minana, matauna ibodi biwini kala kwama, mitaga bisisu wala topupagatu kaukwau bila bibugiki. E availa bikau uwosi minasina nakakaliga ibodi biwini kala kwama, mitaga bisisu wala topupagatu kaukwau bila bibugiki.
41Yokomi gala ibodi bukukomasi natana mauna minasina nakikekita maunela pwaipwaia, 42kaina minasina nasigisagina, kaina minasina naliloula, kaina minasina nateteta. 43Gala bukuyogwalaisi titoulemi metoya bukukomasi minasina mauna. 44Yeigu Guyau mi Yaubada, ibodi bukukwabomaimi titoulemi, paila yeigu Tobumaboma. #Tol 19.2; 1 Pt 1.16 45Yeigu wala Guyau mayeigu goli lavisunupuloiyaimi mapilana Itipita, e yeigu wala mi Yaubada. Mapaila ibodi bukukwabomaimi, paila yeigu Tobumaboma.
46Ka, baisa kasi karaiwaga mauna komwaidona naliloula deli nayoyowa deli goli komwaidona maunela bolita, e komwaidona maunela pwaipwaia. 47Yokomi ibodi bukumitakavataisi bibwaina metoya avaka migileu deli avaka pupagatu, deli metoya avai mauna minasina ibudoki kamkwam e avai mauna minasina gala ibudoki kamkwam.
Currently Selected:
TOLULA 11: PNGKIR
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.
TOLULA 11
11
Mauna minasina ibodi bikomasi
(Kak 14.3-21)
1E Guyau iluki Mosese sola Eroni karaiwaga makwaisina 2paila kasi karaiwaga mina Isireli. Ka, yokomi ibodi bukukomasi avai mauna wala nasigisagina 3minasina kwebakwaisi kweyalilalai deli kʹasi bikasuyumalaisi e bikamvauwaisi. 4-6Mitaga gala bukukomasi kameli, ugiwagi, kaina kwakwau. Paila minasina napupagatu; minasina kʹasi ikasuyumalaisi ikamvauwaisi, mitaga kwebakwaisi gala kweyalilalai. 7Deli gala bukukomasi bunukwa. Paila minasina napupagatu; minasina kweyalilalai kwaibakwaisi, mitaga gala ikasuyumalaisi kʹasi e ikamvauwaisi. 8Gala bukukomasi minasina mauna kaina bukukwabikonaisi uwosi tutala bogwa eikaligasi; paila minasina napupagatu.
9Yokomi ibodi bukukomasi avai yena wala isim siyola deli isim silisilila, 10mitaga avai mauna olumoulela bolita gala isim siyola kaina gala silisilila gala bukukomasi, 11bubuli makawala minasina napupagatu. Gala bukukomasi minasina kaina bukukwabikonaisi avai tuta bogwa leikaligasi. 12Yokomi gala wala ibodi bukukomasi avai vavagi obolita gala isim siyola kaina gala silisilila.
13-19Yokomi gala ibodi bukukomasi mauna minasina yagasi makawala, mluveka, kuru, kilakila, kaleya, bulibwali, kwailou, kawokawo, kasuwari, maikela, boituva, boi, binama, monilouluwa, sawila deli magiyaweda.
20Komwaidona minumauna isim pinupanesi napupagatu, 21mesinaku wala minasina napeipela. 22Ibodi bukukomasi nipawa, vegu, sigweilela. 23Mitaga komwaidona minasina isim pinupanesi mitaga nasigisagina, minasina napupagatu.
24-28Kidamwa availa bikabikoni uwosi minasina mauna nakakaliga, matauna bogwa eiyogwali titoulela bisisu wala topupagatu kaukwau bila ibugiki. Komwaidona minasina isim kwaibakwaisi. Kidamwa kwaibakwaisi kweyalilalai deli kʹasi ikasuyumalaisi oluvi ikomvauwaisi, deli komwaidona minasina kukweyavasi kaikesi e isim misikwaikwesi. E availa bikau mauna minasina bogwa leikaligasi, matauna ibodi biwini kala kwama miyasina eisisikoma, mitaga matauna bogwa wala eiyogwali titoulela e bisisu wala topupagatu kaukwau bila bibugiki.
29-30Kwakwau, kikoni navakaveka deli nakikekita, ketata, kainavasia, minasina napupagatu. 31Kidamwa availa bikabikoni minasina igau nammomova kaina bogwa eikaligasi, matauna bogwa eiyogwali titoulela, e bisisu wala topupagatu kaukwau bila bibugiki. 32Deli kidamwa bogwa eikaligasi e uwosi bikanakaila avai vavagi, vavagi makwaina bogwa eiyopigigatu. Vavagi makwaisina makawala, kai, karekwa, guguwa eiyodulokaisi metoya mauna kanuvinesi, kaina avai karekwa wala, avai paisewa wala ibudoki paila guguwa makwaisina bivigakaisi. E vavagi makwaina ibodi wala bitavidagwaisi wa sopi bigigadi, mitaga bisisu wala kwepupagatu bila bibugiki. 33Deli kidamwa uwosi bikapusisi bila olumoulela kwelatala kulimoya, avai vavagi olumoulela makwelana bogwa eiyopigigatu, e kulia makwelana ibodi wala bikatumimisaisi. 34E avai kaula ibudoki paila kamkwam mitaga kidamwa sopi metoya kulia makwelana bukuligabwaisi kaula makwaina, bogwa lokuyogwalaisi kaula, deli avai sopi kami sopi olumoulela kulia makwelana, baisa bogwa wala lokuyogwalaisi. 35Avai vavagi wala mauna minasina uwosi bikabikonaisi bogwa eiyopigigatu kailagila kaina kumkumla, e ibodi bukukwatumimisaisi kailagila makwaisina deli bukukwalidubolaisi kumkumla makumlona. 36Ilagoli vavagi komwaidona bikabikoni uwosi mauna minasina nakakaliga bogwa eiyopigigatu, mitaga utuwotu kaina avai vavagi ketaikotela sopi migileu wala bisisu. 37Kidamwa avai mauna nakaliga e wowola bikogiaki yagogu makwaina bisapwaisi, e yagogu makwaina kwemigileu wala. 38Mitaga kidamwa yagogu makwaina wa sopi bigigadi e natana minasina bogwa eikaliga wowola bikapusi bikogiaki yagogu makwaina bogwa wala eiyopigigatu.
39Kidamwa availa bikabikoni avai mauna minana ibudoki kamkwam bogwa eikaliga, matauna bogwa eiyogwali titoulela, e bisisu wala topupagatu kaukwau bila bibugiki. 40E availa bikoma avai kakasili wala metoya mauna minana, matauna ibodi biwini kala kwama, mitaga bisisu wala topupagatu kaukwau bila bibugiki. E availa bikau uwosi minasina nakakaliga ibodi biwini kala kwama, mitaga bisisu wala topupagatu kaukwau bila bibugiki.
41Yokomi gala ibodi bukukomasi natana mauna minasina nakikekita maunela pwaipwaia, 42kaina minasina nasigisagina, kaina minasina naliloula, kaina minasina nateteta. 43Gala bukuyogwalaisi titoulemi metoya bukukomasi minasina mauna. 44Yeigu Guyau mi Yaubada, ibodi bukukwabomaimi titoulemi, paila yeigu Tobumaboma. #Tol 19.2; 1 Pt 1.16 45Yeigu wala Guyau mayeigu goli lavisunupuloiyaimi mapilana Itipita, e yeigu wala mi Yaubada. Mapaila ibodi bukukwabomaimi, paila yeigu Tobumaboma.
46Ka, baisa kasi karaiwaga mauna komwaidona naliloula deli nayoyowa deli goli komwaidona maunela bolita, e komwaidona maunela pwaipwaia. 47Yokomi ibodi bukumitakavataisi bibwaina metoya avaka migileu deli avaka pupagatu, deli metoya avai mauna minasina ibudoki kamkwam e avai mauna minasina gala ibudoki kamkwam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.