LUKA 10
10
Yesu iwitali tailuwolima tailuwoyu tuvaila
1Oluvi Tomoya inagi tailuwolima tailuwoyu#inagi tailuwolima tailuwoyu. Mimilisi buki pilabubogwa eiginisi ‘inagi tailuwolima tailuwoyu taiyu’. Mapilana buki Vitouula uula 10 eigini kidamwa boda kala bawa baisa ovalu watanawa buduluwolima buduluwoyu, e kaina Yesu einagi eiwitali tailuwolima tailuwoyu paila mwada bivituloki ibodi komwaidosi mina watanawa bilagaisi la biga. tuvaila, iwitali matausina taiyu taiyu bikugwaiyaisi matauna. Iluki biviloubusisi avai valu avai katuposula igau matauna titoulela bilokaia. 2E iluki matausina, kawala, “Mokwita bagula ikabinai sainela mitaga totayoyuwa gala ibawasi; mapaila kunigadaisi tolibagula biwitali totayoyuwa bilosi ola bagula paila la tayoyuwa. #Md 9.37-38 3Kulosi; e ka, awitalaimi makawala minasina lam oluwalaisi kaukwa nagigasisi. #Md 10.16 4Taga kukwauwaisi mani, gala kauya, gala katubukolela kaikemi. Taga kubodaisi availa#Wa tuta matutona tokwaidadina saina biyomadaisi tuta wa keda kidamwa bibudobodaisi availa e bilivalaisi nokagutoki gala iyomala, mauula Yesu eiluki toligalega taga biyomadaisi tuta osi liloula metoya budoboda sesia wa keda, paila ibodi mokwita binanakwasi bilosi bikakamatulasi. wa keda. #Md 10.7-14; Mk 6.8-11; Lk 9.3-5 5Avai bwala bukusuvisi, ikugwa bukukwaibigasi, kawami, ‘Kagutoki segwaia.’ 6Kidamwa taitala tokambwaila bisisu baisa, bogwa deli bukukwalubailasi; mitaga kidamwa gala, gala goli bukukwalubailasi. 7Bukusikailisi bwala kwaitala bukukwamkwamsi bukumomomsi avaka avaka bisakaimi, paila ibodi toyoudila bisakaisi kʹala; taga kusupelasi bwala ituwoli ituwoli. #1 Kr 9.14; 1 Tm 5.18 8Tutala bukukwaloubusisi ovalu e bikamiabaimi, bukukwamsi avaka bisailisi omitami; 9baisa kukwatumovasi tokwatoula, e kulukwaisi matausina, kawami, ‘Yaubada la Karaiwaga bogwa ivakatitaikinemi.’#bogwa ivakatitaikinemi. Gagabila bitakivilaisi “bogwa goli leimakaiami.” 10Mitaga tutala bukukwaloubusisi ovalu e gala bikamiabaimi, kulosi wa keda kulivalasi, kawami, #VA 13.51 11‘Mi valu la pwaipwaia avaka ikapikikisi okaikemasi kakatusisapaisi#Kugisi Lk 9.5 kala katumiki. baisa yokomi; mitaga bukunikolaisi baisa, Yaubada la Karaiwaga bogwa ivakatitaikina.’#bogwa ivakatitaikina: Gagabila bitakivilaisi “bogwa goli leimakaiami.” 12Alukwaimi, bogwa bigagabila paila mapilana Sodom#Valu mapilana valu pilabogwa katitaikina Milaveta Pilamata, omitibogwa Yaubada eikatudoum metoya wa kova paila uula tolesi valu si bubunela saina gaga sainela; kugisi Vit 19.24-28. wa yam makwaina mitaga bimwau paila valu makwaina. #Vit 19.24-28; Md 10.15; 11.24
Ovalu makwaisina gala bininavilasi
(Md 11.20-24)
13“Wo Korasini! Wo Betisaida! Vavagi siligaga bogwa lavagi baisa yokomi. Kidamwa lavigaki makawala mapilasina Taia toyo Saidoni,#Kugisi Lk 6.17 kala katumiki. bogwa bininavilasi omitibogwa, bivitububotaisi si ninavila kasi kwama bwabwau deli bikumsi kasi koula. #Ais 23.1-18; Isi 26.1—28.26; Yoe 3.4-8; Emo 1.9-10; Sek 9.2-4 14Bogwa bigagabila paila mapilasina Taia toyo Saidoni wa Yamla Yakala, mitaga bimwau paila yokomi. 15E yokomi mina Kapaneum, mwada bukulupaimi titoulemi wa labuma ke? Bivabwaimi bukusuvisi Edesi. #Ais 14.13-15
16“Availa bilagaimi bilagaigu, e availa bipakaimi bipakaigu, e availa bipakaigu bipaiki matauna iwitalaigu.” #Md 10.40; Mk 9.37; Lk 9.48; Yn 13.20
Tailuwolima tailuwoyu ikaimilavausi
17E matausina tailuwolima tailuwoyu#Kugisi mailela 1 kala katumiki. ikaimilavausi deli si mwasawa, ikaibigasi, kawasi, “Mwa Tomoya! Baloma gaga goli ikabikuwolaimasi avai tuta kakavitagaisi yagam!”
18Iluki matausina, kawala, “Lagisi Setani#Maigana Diabolo igiyuwela, e kala katumiki “Tosilaboda”. ikapusi metoya wa labuma makawala kavikavila. 19Ka, bogwa asakaimi mi peula bukuvapupoiyaisi keiyuna toyo kudukika, toyo komwaidona la peula tilaula;#Matauwena goli Diabolo. e gala kwaitala vavagi biyogagaimi. #Sam 91.13 20Mitaga taga bukumwasawasi paila baisa, paila baloma gaga ikabikuwolaimi; mitaga bukumwasawasi paila Yaubada leigini yagami wa labuma.”
Yesu imwamwasila nanola
(Md 11.25-27; 13.16-17)
21Wa tuta matutowena Yesu ivakasau la mwasawa metoya baisa Baloma Tobumaboma#metoya baisa Baloma Tobumaboma. Mimilisi buki pilabubogwa iginisi “metoya baisa Baloma”, mimilisiga ituwoli iginisi “onanola titoulela”. e ikaibiga, kawala, “Kagutoki Tamagu, Guyoula labuma toyo watanawa, paila lokukimitali baisa pwapwawa avaka lokukwatupwani metoyasi baisa tokwabitam toyo tokwateta. Mitaga, Tamagu, paila baisa makawala nanom bwaina.
22“Tamagu#Tamagu: Mimilisi buki pilabubogwa eivitoulaisi mailela 22 kala ginigini baisa makawala, “E Yesu itovila igigisi la toligalega e iluki matausina kawala, ‘Tamagu…’” bogwa isakaigu vavagi komwaidona; e gala taitala inikolaigu, mitaga Tamagu wala; kaina gala taitala inikoli Tamagu, mitaga yeigu wala Latula deli tuvaila matauna availa yeigu Latula magigu bavituloki matauna.” #Yn 3.35; 10.15
23Itovila baisa toligalega, ikikasilam, kawala, “Bukumwasawasi paila lokugisaisi avaka igisaki mitami! 24Paila alukwaimi, bidubadu tovitoubobuta toyo gweguya magisi bigisaisi avaka kugigisaisi mitaga gala igisaisi; bilagaisi avaka kulilagaisi, mitaga gala ilagaisi.”
Guma Sameria bwaina
25E ka, tokabitam taitala paila Mosese la Karaiwaga itokaia biwakoli ikatupoi matauna, kawala, “Tovituloki, avaka bavagi kidamwa bakau momova kwekanigaga?” #Md 22.35-40; Mk 12.28-34
26Iluki matauna, kawala, “Avaka Mosese la Karaiwaga kala ginigini? Ammakawala kukwalawa?”
27Ivitakaula, kawala, “Bukuyebwaili Guyau m Yaubada metoya olopom komwaidona, deli om baloma komwaidona, deli om peula komwaidona, deli onanom komwaidona; e bukuyebwaili som makawala kuyebwailim titoulem.” #Tol 19.18; Kak 6.5
28Iluki matauna, kawala, “Bogwa lokukwabuliki; kuvagi makawala, e bukumova goli.” #Tol 18.5
29Mitaga matauna magila bikabwaili titoulela, mapaila iluki Yesu, kawala, “E, availa sogu?”
30Yesu ivitakaula, kawala, “Taitala tau ililoula isilavi Yerusalem bilokaia Yeriko.#Mapilana valu wa Waya Yoridani mapilana opilikwaibwaga, deli Yerusalem opilibomatu kala kaduwonaku makawala Kavataria bitala Kaibola (24 km). E tolibulebu ibodaisi matauna, ivililaisi kala kwama, iwawaiyasi matauna, iligaiwaisi, matauna katitaikina bikaliga. 31E taitala tolula iloula wa keda makadana; mitaga tutala igisi matauna, eileila ila osiusiula keda. 32Makawala taitala mabudona Libai#Paila mabudona Libai kugisi makasana Biga Kala Katumiki. ima baisa igisi matauna, eileila ila osiusiula keda. 33Mitaga taitala guma Sameria#Kugisi Lk 9.52 kala katumiki. ililoula ilokaia ambaisa tosilagi eisisu; e tutala igisi inokapisi. #2 Lil 28.15 34E imakaia matauna, iligabu bulami toyo waini#Makwaisina bipilasi kala lewa. Bulami bikatuminum mmayuyu, deli waini bikatumigileu. E tuvaila kugisi Ym 5.14. okala lewa e ikapoli. Oluvi isaili otapwala la mauna titoulela, imai matauna wa bwala kwaidadina, iyamati. 35Eiyam ikau kwaiyu mani, isaiki toyamata bwala, ikaibiga, kawala, ‘Kuyamati matauna, e avaka kugimoli bikalisau makwaisina, tutala bakaimilavau bamapwaim.’
36“Availa metoya matausina kasitaitolu kudoki ivigaki sola matauna tosilagi metoya baisa tolibulebu?”
37Ikaibiga, kawala, “Matauna inokapisi tosilagi.”
Yesu iluki matauna, kawala, “E, kula, kuvagi makawala.”
Yesu iloula igisi Marida sola Meri
38Ililoulasi e Yesu ikaloubusi kwaitala valu; e vivila yagala Marida ivakouli matauna ilau ola bwala. #Yn 11.1 39Isim bodala Meri, e minana isili omatala Tomoya, iligalega la vituloki. 40E Marida iyokwai wowola paila bidubadu la paisewa; imakaia Yesu, ikaibiga, kawala, “Tomoya, ki, kudoki gala dimlela bodagu isilavaigu; auvakapula agumwaleta ke? Kuluki minana bima ipilasaigu.”
41Mitaga Tomoya ivitakauloki minana, kawala, “Marida, Marida, ikaiki wowom deli ilagoli yamam paila bidubadu paisewa; 42mitaga kwaitala vavagi iboda.#kwaitala vavagi iboda. Mimilisi buki pilabubogwa iginisi, “mimilisi vavagi wala iboda, kainaga kwaitala vavagi wala.” Meri einagi bwaina, e baisa gala bitakau metoya baisa minawena.”
Currently Selected:
LUKA 10: PNGKIR
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.
LUKA 10
10
Yesu iwitali tailuwolima tailuwoyu tuvaila
1Oluvi Tomoya inagi tailuwolima tailuwoyu#inagi tailuwolima tailuwoyu. Mimilisi buki pilabubogwa eiginisi ‘inagi tailuwolima tailuwoyu taiyu’. Mapilana buki Vitouula uula 10 eigini kidamwa boda kala bawa baisa ovalu watanawa buduluwolima buduluwoyu, e kaina Yesu einagi eiwitali tailuwolima tailuwoyu paila mwada bivituloki ibodi komwaidosi mina watanawa bilagaisi la biga. tuvaila, iwitali matausina taiyu taiyu bikugwaiyaisi matauna. Iluki biviloubusisi avai valu avai katuposula igau matauna titoulela bilokaia. 2E iluki matausina, kawala, “Mokwita bagula ikabinai sainela mitaga totayoyuwa gala ibawasi; mapaila kunigadaisi tolibagula biwitali totayoyuwa bilosi ola bagula paila la tayoyuwa. #Md 9.37-38 3Kulosi; e ka, awitalaimi makawala minasina lam oluwalaisi kaukwa nagigasisi. #Md 10.16 4Taga kukwauwaisi mani, gala kauya, gala katubukolela kaikemi. Taga kubodaisi availa#Wa tuta matutona tokwaidadina saina biyomadaisi tuta wa keda kidamwa bibudobodaisi availa e bilivalaisi nokagutoki gala iyomala, mauula Yesu eiluki toligalega taga biyomadaisi tuta osi liloula metoya budoboda sesia wa keda, paila ibodi mokwita binanakwasi bilosi bikakamatulasi. wa keda. #Md 10.7-14; Mk 6.8-11; Lk 9.3-5 5Avai bwala bukusuvisi, ikugwa bukukwaibigasi, kawami, ‘Kagutoki segwaia.’ 6Kidamwa taitala tokambwaila bisisu baisa, bogwa deli bukukwalubailasi; mitaga kidamwa gala, gala goli bukukwalubailasi. 7Bukusikailisi bwala kwaitala bukukwamkwamsi bukumomomsi avaka avaka bisakaimi, paila ibodi toyoudila bisakaisi kʹala; taga kusupelasi bwala ituwoli ituwoli. #1 Kr 9.14; 1 Tm 5.18 8Tutala bukukwaloubusisi ovalu e bikamiabaimi, bukukwamsi avaka bisailisi omitami; 9baisa kukwatumovasi tokwatoula, e kulukwaisi matausina, kawami, ‘Yaubada la Karaiwaga bogwa ivakatitaikinemi.’#bogwa ivakatitaikinemi. Gagabila bitakivilaisi “bogwa goli leimakaiami.” 10Mitaga tutala bukukwaloubusisi ovalu e gala bikamiabaimi, kulosi wa keda kulivalasi, kawami, #VA 13.51 11‘Mi valu la pwaipwaia avaka ikapikikisi okaikemasi kakatusisapaisi#Kugisi Lk 9.5 kala katumiki. baisa yokomi; mitaga bukunikolaisi baisa, Yaubada la Karaiwaga bogwa ivakatitaikina.’#bogwa ivakatitaikina: Gagabila bitakivilaisi “bogwa goli leimakaiami.” 12Alukwaimi, bogwa bigagabila paila mapilana Sodom#Valu mapilana valu pilabogwa katitaikina Milaveta Pilamata, omitibogwa Yaubada eikatudoum metoya wa kova paila uula tolesi valu si bubunela saina gaga sainela; kugisi Vit 19.24-28. wa yam makwaina mitaga bimwau paila valu makwaina. #Vit 19.24-28; Md 10.15; 11.24
Ovalu makwaisina gala bininavilasi
(Md 11.20-24)
13“Wo Korasini! Wo Betisaida! Vavagi siligaga bogwa lavagi baisa yokomi. Kidamwa lavigaki makawala mapilasina Taia toyo Saidoni,#Kugisi Lk 6.17 kala katumiki. bogwa bininavilasi omitibogwa, bivitububotaisi si ninavila kasi kwama bwabwau deli bikumsi kasi koula. #Ais 23.1-18; Isi 26.1—28.26; Yoe 3.4-8; Emo 1.9-10; Sek 9.2-4 14Bogwa bigagabila paila mapilasina Taia toyo Saidoni wa Yamla Yakala, mitaga bimwau paila yokomi. 15E yokomi mina Kapaneum, mwada bukulupaimi titoulemi wa labuma ke? Bivabwaimi bukusuvisi Edesi. #Ais 14.13-15
16“Availa bilagaimi bilagaigu, e availa bipakaimi bipakaigu, e availa bipakaigu bipaiki matauna iwitalaigu.” #Md 10.40; Mk 9.37; Lk 9.48; Yn 13.20
Tailuwolima tailuwoyu ikaimilavausi
17E matausina tailuwolima tailuwoyu#Kugisi mailela 1 kala katumiki. ikaimilavausi deli si mwasawa, ikaibigasi, kawasi, “Mwa Tomoya! Baloma gaga goli ikabikuwolaimasi avai tuta kakavitagaisi yagam!”
18Iluki matausina, kawala, “Lagisi Setani#Maigana Diabolo igiyuwela, e kala katumiki “Tosilaboda”. ikapusi metoya wa labuma makawala kavikavila. 19Ka, bogwa asakaimi mi peula bukuvapupoiyaisi keiyuna toyo kudukika, toyo komwaidona la peula tilaula;#Matauwena goli Diabolo. e gala kwaitala vavagi biyogagaimi. #Sam 91.13 20Mitaga taga bukumwasawasi paila baisa, paila baloma gaga ikabikuwolaimi; mitaga bukumwasawasi paila Yaubada leigini yagami wa labuma.”
Yesu imwamwasila nanola
(Md 11.25-27; 13.16-17)
21Wa tuta matutowena Yesu ivakasau la mwasawa metoya baisa Baloma Tobumaboma#metoya baisa Baloma Tobumaboma. Mimilisi buki pilabubogwa iginisi “metoya baisa Baloma”, mimilisiga ituwoli iginisi “onanola titoulela”. e ikaibiga, kawala, “Kagutoki Tamagu, Guyoula labuma toyo watanawa, paila lokukimitali baisa pwapwawa avaka lokukwatupwani metoyasi baisa tokwabitam toyo tokwateta. Mitaga, Tamagu, paila baisa makawala nanom bwaina.
22“Tamagu#Tamagu: Mimilisi buki pilabubogwa eivitoulaisi mailela 22 kala ginigini baisa makawala, “E Yesu itovila igigisi la toligalega e iluki matausina kawala, ‘Tamagu…’” bogwa isakaigu vavagi komwaidona; e gala taitala inikolaigu, mitaga Tamagu wala; kaina gala taitala inikoli Tamagu, mitaga yeigu wala Latula deli tuvaila matauna availa yeigu Latula magigu bavituloki matauna.” #Yn 3.35; 10.15
23Itovila baisa toligalega, ikikasilam, kawala, “Bukumwasawasi paila lokugisaisi avaka igisaki mitami! 24Paila alukwaimi, bidubadu tovitoubobuta toyo gweguya magisi bigisaisi avaka kugigisaisi mitaga gala igisaisi; bilagaisi avaka kulilagaisi, mitaga gala ilagaisi.”
Guma Sameria bwaina
25E ka, tokabitam taitala paila Mosese la Karaiwaga itokaia biwakoli ikatupoi matauna, kawala, “Tovituloki, avaka bavagi kidamwa bakau momova kwekanigaga?” #Md 22.35-40; Mk 12.28-34
26Iluki matauna, kawala, “Avaka Mosese la Karaiwaga kala ginigini? Ammakawala kukwalawa?”
27Ivitakaula, kawala, “Bukuyebwaili Guyau m Yaubada metoya olopom komwaidona, deli om baloma komwaidona, deli om peula komwaidona, deli onanom komwaidona; e bukuyebwaili som makawala kuyebwailim titoulem.” #Tol 19.18; Kak 6.5
28Iluki matauna, kawala, “Bogwa lokukwabuliki; kuvagi makawala, e bukumova goli.” #Tol 18.5
29Mitaga matauna magila bikabwaili titoulela, mapaila iluki Yesu, kawala, “E, availa sogu?”
30Yesu ivitakaula, kawala, “Taitala tau ililoula isilavi Yerusalem bilokaia Yeriko.#Mapilana valu wa Waya Yoridani mapilana opilikwaibwaga, deli Yerusalem opilibomatu kala kaduwonaku makawala Kavataria bitala Kaibola (24 km). E tolibulebu ibodaisi matauna, ivililaisi kala kwama, iwawaiyasi matauna, iligaiwaisi, matauna katitaikina bikaliga. 31E taitala tolula iloula wa keda makadana; mitaga tutala igisi matauna, eileila ila osiusiula keda. 32Makawala taitala mabudona Libai#Paila mabudona Libai kugisi makasana Biga Kala Katumiki. ima baisa igisi matauna, eileila ila osiusiula keda. 33Mitaga taitala guma Sameria#Kugisi Lk 9.52 kala katumiki. ililoula ilokaia ambaisa tosilagi eisisu; e tutala igisi inokapisi. #2 Lil 28.15 34E imakaia matauna, iligabu bulami toyo waini#Makwaisina bipilasi kala lewa. Bulami bikatuminum mmayuyu, deli waini bikatumigileu. E tuvaila kugisi Ym 5.14. okala lewa e ikapoli. Oluvi isaili otapwala la mauna titoulela, imai matauna wa bwala kwaidadina, iyamati. 35Eiyam ikau kwaiyu mani, isaiki toyamata bwala, ikaibiga, kawala, ‘Kuyamati matauna, e avaka kugimoli bikalisau makwaisina, tutala bakaimilavau bamapwaim.’
36“Availa metoya matausina kasitaitolu kudoki ivigaki sola matauna tosilagi metoya baisa tolibulebu?”
37Ikaibiga, kawala, “Matauna inokapisi tosilagi.”
Yesu iluki matauna, kawala, “E, kula, kuvagi makawala.”
Yesu iloula igisi Marida sola Meri
38Ililoulasi e Yesu ikaloubusi kwaitala valu; e vivila yagala Marida ivakouli matauna ilau ola bwala. #Yn 11.1 39Isim bodala Meri, e minana isili omatala Tomoya, iligalega la vituloki. 40E Marida iyokwai wowola paila bidubadu la paisewa; imakaia Yesu, ikaibiga, kawala, “Tomoya, ki, kudoki gala dimlela bodagu isilavaigu; auvakapula agumwaleta ke? Kuluki minana bima ipilasaigu.”
41Mitaga Tomoya ivitakauloki minana, kawala, “Marida, Marida, ikaiki wowom deli ilagoli yamam paila bidubadu paisewa; 42mitaga kwaitala vavagi iboda.#kwaitala vavagi iboda. Mimilisi buki pilabubogwa iginisi, “mimilisi vavagi wala iboda, kainaga kwaitala vavagi wala.” Meri einagi bwaina, e baisa gala bitakau metoya baisa minawena.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.