MAKA 15
15
Isakaisi Yesu baisa Pailato
(Md 27.1-2,11-14; Lk 23.1-5; Yn 18.28-38)
1Obulubuvisiga tolula kasi tokugwa deli kaidadala valu deli toninitalapula paila Karaiwaga, e deli togugula komwaidosi#Kugisi makasana Biga Kala Katumiki. isigugulasi ikikeiwalasi; iyuwolaisi Yesu ivakoulisi matauna iuyokaisi Pailato.#Matauna Ponitio Pailato, mina Roum eivigakaisi si tokwaraiwaga paila mapilasina Yudia, Sameria deli Idumia, eiyosi la karaiwaga 26 AD bila 36 AD. 2Pailato ikatupoi matauna, kawala, “Ki yoku si giyouveka mina Yudia?”
Yesu ivitakauloki matauna, kawala, “Yokula lokukwaibiga.”#Yokula lokukwaibiga. Gagabila bitagini, “E, lokukwamokwita goli.”
3E tolula kasi tokugwa itabinakaisi matauna bidubadu vavagi. 4Pailato ikatupoi matauna tuvaila, kawala, “Ki, gala sitana kuvivitakaula? Kugisi kwaivila vavagi ikamitulaimsi.”
5Mitaga Yesu gala sitana tuvaila ivitakauloki, mapaila Pailato itutu wowola.
Ikaraiwagasi kidamwa Yesu bikaliga
(Md 27.15-26; Lk 23.13-25; Yn 18.39—19.16)
6E Pailato la bubunela otutala Luvapela#Kugisi “paka” olumoulela makasana Biga Kala Katumiki. pakala bitaneku baisa matausina avai tomipuki inigadaisi baisa matauna. 7Tutala mimilisi tokowolova itokaiasi ipakaisi#Kaina ola tuta Yesu komwaidosi tomota einikolaisi kominimani makwaina, mitaga oda tutasi lagaila gala wala avaka tanikoli avaka, bogwa eitamwau. valu kala karaiwaga, tokwabilia eiyosisi tokwatumata eisailisi wa bwala katupipi. E taitala matausina yagala Baraba. 8E tobobawa imaisi ivitouulasi inigadasi baisa Pailato kidamwa bivagi paila matausina makawala la bubunela ivigibogwi. 9Pailato ivitakauloki matausina, kawala, “Ki, bataneku si giyouveka mina Yudia baisa yokomi?” 10Paila bogwa igisi tolula kasi tokugwa ikasalaisi matauna uula si pogi.
11Mitaga tolula kasi tokugwa itainonaisi tobobawa kidamwa binigadasi bitaneku Baraba kaimapula Yesu baisa matausina. 12Pailato tuvaila iluki matausina, kawala, “Avaka bavigaki matauna kudokaisi#kudokaisi. Mimilisi buki pilabubogwa gala wala iginisi mabigana “kudokaisi”. si giyouveka mina Yudia?”
13Idouvausi, kawasi, “Kukwatukorosi matauna.”
14E Pailato iluki matausina, kawala, “Avaka dimlela? Avai mitugaga leivagi?”
Mitaga saina minimani idoudousi, kawasi, “Kukwatukorosi matauna.”
15Pailato magila biyomwasali ninasi tobobawa, e itaneku Baraba baisa matausina; ikaraiwaga iwawaiyasi Yesu, oluvi ikasali kidamwa bikatukorosaisi matauna.
Tokwabilia ikatudeuwaisi Yesu
(Md 27.27-31; Yn 19.2-3)
16Tokwabilia#Matausina mina Roum si tokwabilia eiyoulisi si valu mina Yudia. ivakoulisi Yesu olumoulela bwala kwaiveka, makwaina la bwala tokwaraiwaga, idouwaisi tokwabilia kasi boda yuwomwaidona bisigugulasi. 17Ivisikomaisi matauna deli kakapula yabweyani,#Baisa kaina taitala tokwabilia kala kakapula. ivilaisi doula kala butia isailisi okulula. 18Ivitouulasi ikavaginasi omatala, ikaibigasi, kawasi, “Wo! si giyouveka mina Yudia.” 19Ilopetaisi pwanetala deli pitapatila, igiusailisi matauna, itapopula kwetutusi ikavaginasi omatala. 20E bogwa ikatudeuwaisi matauna, ivililaisi miyana kakapula yabweyani e ivisikomaisi kala kwama titoulela. E ivakoulisi ivisunupuloiyaisi kidamwa bikatukorosaisi matauna.
Ikatukorosaisi matauna
(Md 27.32-44; Lk 23.26-43; Yn 19.17-27)
21Taitala tau yagala Saimoni guma Sairini#Mapilana Sairini si viloumatala mina Libia mapilana Africa opiliyavata. imaima metoya wa bagula, e litula Alekisana sola Rupusa; e tokwabilia iyosisi ikaraiwagasi bikeula Yesu la korosi.#Mimilisi idokaisi ikokeula pilatala wala kai, mapilana bisaipelasi kokola kaiwonaku. E matauna mwada bikatumataisi isim kala karaiwaga bikeula mapilana bilau bila ambaisa bikatumataisi. #Rm 16.13 22Imaiyaisi Yesu mapilana baleku idokaisi Goligota (e kidamwa takatumikaisi baisa “Viluwela Pwaneta”#Mapilana eidokaisi yagala makawala paila uula isisu katitaikina kwaitala dukutotu kala gigisa makawala pwaneta.). 23Itagulikaisi waini deli mro mwada bivimomwaisi matauna, mitaga ipaiki. 24Ikatukorosaisi matauna; ivilaisi kala kwama ikowobobutasi availa bikau avaka. #Sam 22.18 25Yam kala kalu osi keda valulu eikatukorosaisi matauna. 26Kala kamatula iginisi, “Si Giyouveka mina Yudia.” 27Deli matauna ikatukorosaisi taiyu tolibulebu, taitala ola kakata, taitala ola kikiwama.#Mimilisi wala buki pilabubogwa ikatumkulovaisi mailela 28, iginisi, “ 28 E Buki Pilabumaboma kala ginigini gala bisala, ‘Leikalumgolaisi matauna deli tomitugaga.’” (Kugisi Lk 22.37.) #Ais 53.12
29Matausina ililoulasi ititageunasi, ibigigagaisi matauna, kawasi, “Aa yokula! Ki bukukodidaimi Bwala Kwebumaboma e yam kwaitolu bukukwaliivau? #Sam 22.7; 109.25; Mk 14.58; Yn 2.19 30Kukwatumovaim titoulem, kubusi metoya wa korosi.”
31Makawala tolula kasi tokugwa deli toninitalapula paila Karaiwaga ikatudeuwaisi matauna taitala baisa taitala. Ikaibigasi, kawasi, “Eikatumovi tomota ituwoli, mitaga gala gagabila bikatumovi titoulela. 32Kidamwa matauna Mesaia deli ma giyouvekasi yakamaisi mina Isireli bibusi titoulela metoya wa korosi wa tuta matutona, e bitagisaisi bitadubumaisi.”
Tuvaila matausina ikatukorosaisi deli matauna ilulukwaisi matauna makawala.
Yesu ikaliga
(Md 27.45-56; Lk 23.44-49; Yn 19.28-30)
33Bogwa itowota kalasia, e valu komwaidona idudubila, igau ila itobala kalasia. 34E bogwa itobala kalasia, Yesu kaigala kaigaveka idou obonasi mina Iberu, kawala, “Eloi, Eloi, lema sabakitani?”#Baisa kala lega mina Aram si biga paila Sam 22.1. E kidamwa takatumikaisi, “Ulo Yaubada, ulo Yaubada, avaka dimlela lokusilavaigu?” #Sam 22.1
35Mimilisi matausina itotusi baisa ilagaisi e ikaibigasi, kawasi, “Ka, idoudou baisa Ilaitia.”#Obonasi mina Iberu maigana Ilaitia deli mabigana Eloi kasi lega sitana makawala. 36E taitala isakaula ividagu toutou wa waini pwayuyu, e ibabi wa kai mwada bivimom, ikaibiga, kawala, “Desi iga bitagisaisi kaina Ilaitia bima bivabu.” #Sam 69.21
37E Yesu iwaiweya ikaliga.
38Bwala Kwebumaboma kala taboda karekwa#Miyana itabodi matabudona Bomakikila Sainela olopola Bwala Kwebumaboma. Kugisi makasana Biga Kala Katumiki. itavisiki yayu metoya walakaiwa e watanawa. #Sun 26.31-33 39Tutala kumatoula matauna itotu omatala korosi igisi ammakawala Yesu eikaliga, ikaibiga, kawala, “Mokwitala matauna Yaubada Latula.”
40Tuvaila mimilisi vivila itotusi kaduwonaku igigisaisi; e minasina igasi Meri Magidalini#Minana im Magidala (kaina Magadana), mapilana isisu olumata Milaveta Galili opilikwaibwaga. sola Meri inasi Yemesa tokekita deli Yosesi, toyo Salomi. #Lk 8.2-3 41Paila tutala Yesu isisu Galili, minasina ibokulaisi iwotitalaisi matauna. E bidubadu vivila tuvaila itotusi baisa deli minasina, leimakaiasi Yerusalem deli Yesu.
Yosepa ibaku Yesu
(Md 27.57-61; Lk 23.50-56; Yn 19.38-42)
42Eikoyavi,#Igau gala bisalili kalasia, paila uula igau eisalili kalasia Sabate bogwa bivitouula. e yam makwaina idokaisi Yamla Katubaiasa,#Wa yam makwaina bikatubaiasasi paila iga nabwaia wa yam Sabate gala gagabila bivagaisi avai paisewa. paila yam sabate makateki bikaloubusi. 43Isisu taitala togugula,#Kugisi makasana Biga Kala Katumiki. e tomota saina itemmalaisi matauna. Yagala Yosepa guma Alimatia,#Mapilana Alimatia isisu Yerusalem opiliyavata kala kaduwonaku Giribwa bitala Tukwaukwa (35 km). e matauna iuwayausa paila Yaubada la Karaiwaga. Matauwena ituvaluwa ilokaia Pailato, e inigadi wowola Yesu. 44Pailato itutu wowola paila ilagi Yesu bogwa leikaliga, e idou kumatoula ikatupoi, kawala, “Ki, bogwa ikaligimolila?” 45E tutala kumatoula iluki Pailato kidamwa leikaligimolila itugwali tomata baisa Yosepa. 46Matauna igimoli mwaikapula yapupwakau yaminabwaita, e ivabu minana tomata ikapoliki miyana. E ibaku wa laka makwaina leikeli metoya odakuna; e ilopipili kwaitala dakuna owodola laka. 47Meri Magidalini sola Meri Yosesi inala igisaisi ambaisa leibaku matauna Yesu.
Currently Selected:
MAKA 15: PNGKIR
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.
MAKA 15
15
Isakaisi Yesu baisa Pailato
(Md 27.1-2,11-14; Lk 23.1-5; Yn 18.28-38)
1Obulubuvisiga tolula kasi tokugwa deli kaidadala valu deli toninitalapula paila Karaiwaga, e deli togugula komwaidosi#Kugisi makasana Biga Kala Katumiki. isigugulasi ikikeiwalasi; iyuwolaisi Yesu ivakoulisi matauna iuyokaisi Pailato.#Matauna Ponitio Pailato, mina Roum eivigakaisi si tokwaraiwaga paila mapilasina Yudia, Sameria deli Idumia, eiyosi la karaiwaga 26 AD bila 36 AD. 2Pailato ikatupoi matauna, kawala, “Ki yoku si giyouveka mina Yudia?”
Yesu ivitakauloki matauna, kawala, “Yokula lokukwaibiga.”#Yokula lokukwaibiga. Gagabila bitagini, “E, lokukwamokwita goli.”
3E tolula kasi tokugwa itabinakaisi matauna bidubadu vavagi. 4Pailato ikatupoi matauna tuvaila, kawala, “Ki, gala sitana kuvivitakaula? Kugisi kwaivila vavagi ikamitulaimsi.”
5Mitaga Yesu gala sitana tuvaila ivitakauloki, mapaila Pailato itutu wowola.
Ikaraiwagasi kidamwa Yesu bikaliga
(Md 27.15-26; Lk 23.13-25; Yn 18.39—19.16)
6E Pailato la bubunela otutala Luvapela#Kugisi “paka” olumoulela makasana Biga Kala Katumiki. pakala bitaneku baisa matausina avai tomipuki inigadaisi baisa matauna. 7Tutala mimilisi tokowolova itokaiasi ipakaisi#Kaina ola tuta Yesu komwaidosi tomota einikolaisi kominimani makwaina, mitaga oda tutasi lagaila gala wala avaka tanikoli avaka, bogwa eitamwau. valu kala karaiwaga, tokwabilia eiyosisi tokwatumata eisailisi wa bwala katupipi. E taitala matausina yagala Baraba. 8E tobobawa imaisi ivitouulasi inigadasi baisa Pailato kidamwa bivagi paila matausina makawala la bubunela ivigibogwi. 9Pailato ivitakauloki matausina, kawala, “Ki, bataneku si giyouveka mina Yudia baisa yokomi?” 10Paila bogwa igisi tolula kasi tokugwa ikasalaisi matauna uula si pogi.
11Mitaga tolula kasi tokugwa itainonaisi tobobawa kidamwa binigadasi bitaneku Baraba kaimapula Yesu baisa matausina. 12Pailato tuvaila iluki matausina, kawala, “Avaka bavigaki matauna kudokaisi#kudokaisi. Mimilisi buki pilabubogwa gala wala iginisi mabigana “kudokaisi”. si giyouveka mina Yudia?”
13Idouvausi, kawasi, “Kukwatukorosi matauna.”
14E Pailato iluki matausina, kawala, “Avaka dimlela? Avai mitugaga leivagi?”
Mitaga saina minimani idoudousi, kawasi, “Kukwatukorosi matauna.”
15Pailato magila biyomwasali ninasi tobobawa, e itaneku Baraba baisa matausina; ikaraiwaga iwawaiyasi Yesu, oluvi ikasali kidamwa bikatukorosaisi matauna.
Tokwabilia ikatudeuwaisi Yesu
(Md 27.27-31; Yn 19.2-3)
16Tokwabilia#Matausina mina Roum si tokwabilia eiyoulisi si valu mina Yudia. ivakoulisi Yesu olumoulela bwala kwaiveka, makwaina la bwala tokwaraiwaga, idouwaisi tokwabilia kasi boda yuwomwaidona bisigugulasi. 17Ivisikomaisi matauna deli kakapula yabweyani,#Baisa kaina taitala tokwabilia kala kakapula. ivilaisi doula kala butia isailisi okulula. 18Ivitouulasi ikavaginasi omatala, ikaibigasi, kawasi, “Wo! si giyouveka mina Yudia.” 19Ilopetaisi pwanetala deli pitapatila, igiusailisi matauna, itapopula kwetutusi ikavaginasi omatala. 20E bogwa ikatudeuwaisi matauna, ivililaisi miyana kakapula yabweyani e ivisikomaisi kala kwama titoulela. E ivakoulisi ivisunupuloiyaisi kidamwa bikatukorosaisi matauna.
Ikatukorosaisi matauna
(Md 27.32-44; Lk 23.26-43; Yn 19.17-27)
21Taitala tau yagala Saimoni guma Sairini#Mapilana Sairini si viloumatala mina Libia mapilana Africa opiliyavata. imaima metoya wa bagula, e litula Alekisana sola Rupusa; e tokwabilia iyosisi ikaraiwagasi bikeula Yesu la korosi.#Mimilisi idokaisi ikokeula pilatala wala kai, mapilana bisaipelasi kokola kaiwonaku. E matauna mwada bikatumataisi isim kala karaiwaga bikeula mapilana bilau bila ambaisa bikatumataisi. #Rm 16.13 22Imaiyaisi Yesu mapilana baleku idokaisi Goligota (e kidamwa takatumikaisi baisa “Viluwela Pwaneta”#Mapilana eidokaisi yagala makawala paila uula isisu katitaikina kwaitala dukutotu kala gigisa makawala pwaneta.). 23Itagulikaisi waini deli mro mwada bivimomwaisi matauna, mitaga ipaiki. 24Ikatukorosaisi matauna; ivilaisi kala kwama ikowobobutasi availa bikau avaka. #Sam 22.18 25Yam kala kalu osi keda valulu eikatukorosaisi matauna. 26Kala kamatula iginisi, “Si Giyouveka mina Yudia.” 27Deli matauna ikatukorosaisi taiyu tolibulebu, taitala ola kakata, taitala ola kikiwama.#Mimilisi wala buki pilabubogwa ikatumkulovaisi mailela 28, iginisi, “ 28 E Buki Pilabumaboma kala ginigini gala bisala, ‘Leikalumgolaisi matauna deli tomitugaga.’” (Kugisi Lk 22.37.) #Ais 53.12
29Matausina ililoulasi ititageunasi, ibigigagaisi matauna, kawasi, “Aa yokula! Ki bukukodidaimi Bwala Kwebumaboma e yam kwaitolu bukukwaliivau? #Sam 22.7; 109.25; Mk 14.58; Yn 2.19 30Kukwatumovaim titoulem, kubusi metoya wa korosi.”
31Makawala tolula kasi tokugwa deli toninitalapula paila Karaiwaga ikatudeuwaisi matauna taitala baisa taitala. Ikaibigasi, kawasi, “Eikatumovi tomota ituwoli, mitaga gala gagabila bikatumovi titoulela. 32Kidamwa matauna Mesaia deli ma giyouvekasi yakamaisi mina Isireli bibusi titoulela metoya wa korosi wa tuta matutona, e bitagisaisi bitadubumaisi.”
Tuvaila matausina ikatukorosaisi deli matauna ilulukwaisi matauna makawala.
Yesu ikaliga
(Md 27.45-56; Lk 23.44-49; Yn 19.28-30)
33Bogwa itowota kalasia, e valu komwaidona idudubila, igau ila itobala kalasia. 34E bogwa itobala kalasia, Yesu kaigala kaigaveka idou obonasi mina Iberu, kawala, “Eloi, Eloi, lema sabakitani?”#Baisa kala lega mina Aram si biga paila Sam 22.1. E kidamwa takatumikaisi, “Ulo Yaubada, ulo Yaubada, avaka dimlela lokusilavaigu?” #Sam 22.1
35Mimilisi matausina itotusi baisa ilagaisi e ikaibigasi, kawasi, “Ka, idoudou baisa Ilaitia.”#Obonasi mina Iberu maigana Ilaitia deli mabigana Eloi kasi lega sitana makawala. 36E taitala isakaula ividagu toutou wa waini pwayuyu, e ibabi wa kai mwada bivimom, ikaibiga, kawala, “Desi iga bitagisaisi kaina Ilaitia bima bivabu.” #Sam 69.21
37E Yesu iwaiweya ikaliga.
38Bwala Kwebumaboma kala taboda karekwa#Miyana itabodi matabudona Bomakikila Sainela olopola Bwala Kwebumaboma. Kugisi makasana Biga Kala Katumiki. itavisiki yayu metoya walakaiwa e watanawa. #Sun 26.31-33 39Tutala kumatoula matauna itotu omatala korosi igisi ammakawala Yesu eikaliga, ikaibiga, kawala, “Mokwitala matauna Yaubada Latula.”
40Tuvaila mimilisi vivila itotusi kaduwonaku igigisaisi; e minasina igasi Meri Magidalini#Minana im Magidala (kaina Magadana), mapilana isisu olumata Milaveta Galili opilikwaibwaga. sola Meri inasi Yemesa tokekita deli Yosesi, toyo Salomi. #Lk 8.2-3 41Paila tutala Yesu isisu Galili, minasina ibokulaisi iwotitalaisi matauna. E bidubadu vivila tuvaila itotusi baisa deli minasina, leimakaiasi Yerusalem deli Yesu.
Yosepa ibaku Yesu
(Md 27.57-61; Lk 23.50-56; Yn 19.38-42)
42Eikoyavi,#Igau gala bisalili kalasia, paila uula igau eisalili kalasia Sabate bogwa bivitouula. e yam makwaina idokaisi Yamla Katubaiasa,#Wa yam makwaina bikatubaiasasi paila iga nabwaia wa yam Sabate gala gagabila bivagaisi avai paisewa. paila yam sabate makateki bikaloubusi. 43Isisu taitala togugula,#Kugisi makasana Biga Kala Katumiki. e tomota saina itemmalaisi matauna. Yagala Yosepa guma Alimatia,#Mapilana Alimatia isisu Yerusalem opiliyavata kala kaduwonaku Giribwa bitala Tukwaukwa (35 km). e matauna iuwayausa paila Yaubada la Karaiwaga. Matauwena ituvaluwa ilokaia Pailato, e inigadi wowola Yesu. 44Pailato itutu wowola paila ilagi Yesu bogwa leikaliga, e idou kumatoula ikatupoi, kawala, “Ki, bogwa ikaligimolila?” 45E tutala kumatoula iluki Pailato kidamwa leikaligimolila itugwali tomata baisa Yosepa. 46Matauna igimoli mwaikapula yapupwakau yaminabwaita, e ivabu minana tomata ikapoliki miyana. E ibaku wa laka makwaina leikeli metoya odakuna; e ilopipili kwaitala dakuna owodola laka. 47Meri Magidalini sola Meri Yosesi inala igisaisi ambaisa leibaku matauna Yesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.