ᐋᐧᐹᔅᑎᓕᒡ ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ
ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ
ᐆ ᒥᓯᓂᐦᐄᑭᓐ ᐋᑆᔅᑎᓕᒡ ᑳ ᐃᔑᓂᐦᑳᑖᒡ ᐋᔪᐎᒄ ᐅᔮᔨᐤ ᐋᐦ ᐋᑎ ᐋᓂᔅᒑᐱᔨᐦᑖᑦ ᓘᒃ ᐅᑎᐹᒋᒧᐎᓐ᙮ ᒌ ᒥᓯᓂᐦᐄᑭᓂᐤ ᐆ ᒥᓯᓂᐦᐄᑭᓐ ᒑ ᒌ ᒋᔅᒑᔨᐦᑎᒥᐦᒄ ᑖᓐ ᑳᐦ ᑎᒡ ᐊᓂᒌ ᓃᔥᑎᒻ ᑳ ᑖᑆᐦᑎᐦᒡ ᒥᔻᒋᒧᐎᓂᔨᐤ ᑭᔮᐦ ᑖᓐ ᑳ ᐄᔅᐱᔨᔨᒡ ᓈᓈᓂᒌᒻ ᒑ ᒌ ᐊᑎ ᒥᐦᒑᑎᒡ᙮ ᐐᐦᑎᒻ ᓘᒃ ᑖᓐ ᑳ ᐃᔥᐱᔥ ᒋᔑᐱᔨᔨᒡ ᐋ ᒥᔑᐦᑖᐱᔨᔨᒡ ᒌᓴᔅ ᐅᒥᔻᒋᒧᐎᓐ᙮ ᐋᔨᒨᑖᐤ ᓃᔥᑎᒻ ᑳ ᐹᒋ ᐄᑎᔓᐙᑦ ᑳ ᐱᔮᐦᒋᓯᔨᒡᐦ ᐊᐦᒑᐦᒄ ᑭᔮᐦ ᑖᓐ ᑳ ᐄᔑ ᐋᐱᑎᓰᑦ ᐱᒫᑎᓰᐎᓂᐦᒡ ᐊᓂᔮᔨᐤᐦ ᐋᑆᔅᑎᓪᐦ ᐅᐦᒋ᙮ ᐊᓂᒌ ᐋᑆᔅᑎᓕᒡ ᑳ ᐃᔑᓂᐦᑳᑖᑭᓂᐎᒡ ᑎᐹᒋᒫᑭᓂᐎᒡ ᐅᑎᐦ᙮ ᓃᔓ ᒫᒃ ᐊᓂᒌ, ᐋᐅᒄ ᐲᑎᕐ ᐋᒄ ᒫᒃ ᑆᓪ ᐋᐅᑯᓂᒡ ᒋᐦᒋᐙ ᑖᐹᒋᒫᑭᓅᐎᒡ᙮ ᑎᐹᒋᒨ ᑭᔮᐦ ᓘᒃ ᑖᓐ ᑳ ᐄᔑ ᒫᒥᔥᑳᒡ ᐄᔅᐱᔨᔨᒡ ᑳ ᐱᐹᐐᒑᐙᑦ ᑆᓪ᙮ ᐋᑯᑖᐦ ᐆ ᐙᐦᑖᑯᒡ ᑳᐦ ᐋᓂᔅᒑ ᐐᐦᑎᒧᐙᑭᓂᐎᒡ ᐊᓂᒌ ᐋᑳ ᒎᐤ ᑳ ᐄᑎᔅᑳᓈᓯᒡ ᒥᔻᒋᒧᐎᓂᔨᐤ ᐄᔥᐱᐦ ᐋᑳ ᐙᐦ ᐅᑎᓂᒥᔨᒡ ᐊᓂᔮᔨᐤ ᒎᐄᔨᔨᐤ᙮
Currently Selected:
ᐋᐧᐹᔅᑎᓕᒡ ᑖᓐ ᐋ ᐄᔑ ᐋᔨᒨᑖᒡ ᐅᑎᐦ ᐆ ᒥᓯᓂᐦᐄᑭᓐ: crls
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.