Jean 16
16
1Ma mpa tar nèn maresè, ta karesè osoidjé ang.
2Dèdè da kilasè daka giri kei Allah té. Tokoro, ndò ao dé, tokou doou tòlsè a ndjè a pa mèa té, pana, nè nda koula nare Allah.
3Dèdè da da nèn mbata dèdè ngeré Bòi Allah leo ang, ke dèdè ngerem ang.
4A ma mpa tar nèn maresè mbä, mbata tokou ndò lodè dé, sésè asidjé kounda mèsè do tar té ke ma mpa maresè leo. Ma mpa tar nèn maresè tokou dongor ang, mbata ma méh kesè.
5Loshénè ma mao rò nè té ke noulam, doou kada horosè té a doudjoum ang, i ao ke da wa?
6A ongou dousou mèsè, mbata tar nèn ke ma mpa maresè.
7Ma mpa tar ke tokoro maresè, to madji mbata losè ta kare ma mao, mbata tokou ma mao ang, Ndjè moso tar a dé ròsè té ang. Tokou ma mao, ma ma koulè karesè.
8Tokou nè ntéh, nè na ndange dooudjé ke nange nèn, mbata tar madjang, ke tar gaté gaté, ke tar saria.
9Nè na ndange mbata tar madjang, mbata dèdè do mèdè té sem ang.
10Nè na ndange mbata tar gaté gaté, mbata ma mao rò Bòi Allah té, ke sésè a komdjé ang nga.
11Nè na ndange mbata tar saria, mbata ngange saria lo mbai ke nange nèn mbä.
12Ma méh ke tar baya ta pa karesè, a sésè a kasidjé ta ko ke loshénè nèn ang.
13Tokou nè ntéh, Ndil tar ke tokoro, nè na tòdjousè deo tar ke tokoro toï, mbata nè na pa tar ke mèa té ndja ang. Né ke nè no, nè na pa tar nèn, ke nè na tòdjousè né toï ke ata dé.
14Nè na kòsou gadjim, mbata nè na taa né lom, ke nè na pa tar nèn karesè.
15Né toï ke to nga Bòi Allah to ngäm. Mbata yèn ma mpa leo, nè na taa né lom ke nè na pa tar nèn karesè.
16Nai ngadji, sésè a komdjé ang nga, a gè té ngadji, sésè a komdjé.
17Tokou ban mare ndjè kao gè tédjé pa horodè té. Tar ke nè mpa kedjè to di wa, Nai ngadji, sésè a komdjé ang, a gè té ngadji sésè a komdjé, a tar nèn mbata ma mao ke rò Bòi Allah té?
18Tokou ban dèdè mpana, Tar ke nè mpa to di wa, Nai ngadji? Djèdjè ngeré tar ke nè mpa nèn ang.
19Jésus geré dèdè ndiki ta doudjè, bana nè mpa naredè, Sésè ao doudjidjé gel tar nèn horosè té, mbata ma mpana, nai ngadji, sésè a komdjé ang, a gè té ngadji sésè a komdjé wa?
20Tokoro, tokoro, ma mpa maresè, sésè a nòidjé ke sésè a nòidjé ke ongou ke tarr, a dooudjé ke nange nèn a koukou. Ongou a dasè, a ongou losè nèn a tél rònèl.
21Tokou mare lo ndoo ke too dènè, ongou dè mbata ndò la dé mbä, goukoudang ngon téh ke daka mbä, nè nounda mèa do ongou té nèn ang nga, mbata nè noudjou doou ke nange mbä, a rè nèlè.
22Tokou ban ongou dasè loshénè nèn, a ma ma tél dé kosè, ke koukou a dé mèsè té, ke doou kada òrou koukou losè ang.
23Ke ndè té nou, sésè a doudjoumdjé mare né kada ang. Tokoro, tokoro, ma mpa maresè, tokou sésè a doudjidjé Bòi Allah mare né, nè na karesè ke rim.
24Dongor loshénè sésè edoudjidjé né kada ke rim ang. Edoudjidjé, ke sésè a kingaidjé, baa ta kare koukou losè a kase toï madji.
25Ma mpa tar nèn maresè ke tar gousou. Ndò ao dé, ma ma pa tar karesè ke tar gousou ang nga, a ma ma tòdjousè né lo Bòi Allah tesèrè.
26Ndò té ke nou sésè a doudjidjé ke rim, a ma mpa maresè ang, ma ma doudjou Bòi Allah mbata losè,
27Mbata Bòi Allah ndja ndikisè, mbata sésè ndikimdjé, ke sésè woidjé mèsè té ma mï rò Bòi Allah té mbä.
28Ma mï rò Bòi Allah té, mam ndé nange nèn mbä. Loshènè ma mïya nange nèn, a mao ke rò Bòi Allah té.
29Ndjè kao gè tédjé pana, Wo, loshénè i pa tar tesèrè, i pa ke gousou ang.
30Loshénè djèdjè ngeré i geré né toï, i ase ta kare doou kada doudji ang. Mbata tar nèn djèdjè djo mèdjè té ke i ï rò Allah té.
31Jésus tél pa aredè, Sésè woidjé mèsè té loshénè wa?
32Woidjé, ndò ao dé, tokoro dé mbä, ke da kaisè doou kada kada ke loou la ndja, sésè a kïyamdjé ke kadam, a ma méh ke kadam ang, mbata Bòi Allah éh sem.
33Ma mpa tar nèn maresè, baa sésè asidjé kinga mè woul mem té. Sésè éhdjé ke né ongou ke nange nèn, a isidjé dèkèkè, mam ndai nange nèn ke singa mbä.
Currently Selected:
Jean 16: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
Jean 16
16
1Ma mpa tar nèn maresè, ta karesè osoidjé ang.
2Dèdè da kilasè daka giri kei Allah té. Tokoro, ndò ao dé, tokou doou tòlsè a ndjè a pa mèa té, pana, nè nda koula nare Allah.
3Dèdè da da nèn mbata dèdè ngeré Bòi Allah leo ang, ke dèdè ngerem ang.
4A ma mpa tar nèn maresè mbä, mbata tokou ndò lodè dé, sésè asidjé kounda mèsè do tar té ke ma mpa maresè leo. Ma mpa tar nèn maresè tokou dongor ang, mbata ma méh kesè.
5Loshénè ma mao rò nè té ke noulam, doou kada horosè té a doudjoum ang, i ao ke da wa?
6A ongou dousou mèsè, mbata tar nèn ke ma mpa maresè.
7Ma mpa tar ke tokoro maresè, to madji mbata losè ta kare ma mao, mbata tokou ma mao ang, Ndjè moso tar a dé ròsè té ang. Tokou ma mao, ma ma koulè karesè.
8Tokou nè ntéh, nè na ndange dooudjé ke nange nèn, mbata tar madjang, ke tar gaté gaté, ke tar saria.
9Nè na ndange mbata tar madjang, mbata dèdè do mèdè té sem ang.
10Nè na ndange mbata tar gaté gaté, mbata ma mao rò Bòi Allah té, ke sésè a komdjé ang nga.
11Nè na ndange mbata tar saria, mbata ngange saria lo mbai ke nange nèn mbä.
12Ma méh ke tar baya ta pa karesè, a sésè a kasidjé ta ko ke loshénè nèn ang.
13Tokou nè ntéh, Ndil tar ke tokoro, nè na tòdjousè deo tar ke tokoro toï, mbata nè na pa tar ke mèa té ndja ang. Né ke nè no, nè na pa tar nèn, ke nè na tòdjousè né toï ke ata dé.
14Nè na kòsou gadjim, mbata nè na taa né lom, ke nè na pa tar nèn karesè.
15Né toï ke to nga Bòi Allah to ngäm. Mbata yèn ma mpa leo, nè na taa né lom ke nè na pa tar nèn karesè.
16Nai ngadji, sésè a komdjé ang nga, a gè té ngadji, sésè a komdjé.
17Tokou ban mare ndjè kao gè tédjé pa horodè té. Tar ke nè mpa kedjè to di wa, Nai ngadji, sésè a komdjé ang, a gè té ngadji sésè a komdjé, a tar nèn mbata ma mao ke rò Bòi Allah té?
18Tokou ban dèdè mpana, Tar ke nè mpa to di wa, Nai ngadji? Djèdjè ngeré tar ke nè mpa nèn ang.
19Jésus geré dèdè ndiki ta doudjè, bana nè mpa naredè, Sésè ao doudjidjé gel tar nèn horosè té, mbata ma mpana, nai ngadji, sésè a komdjé ang, a gè té ngadji sésè a komdjé wa?
20Tokoro, tokoro, ma mpa maresè, sésè a nòidjé ke sésè a nòidjé ke ongou ke tarr, a dooudjé ke nange nèn a koukou. Ongou a dasè, a ongou losè nèn a tél rònèl.
21Tokou mare lo ndoo ke too dènè, ongou dè mbata ndò la dé mbä, goukoudang ngon téh ke daka mbä, nè nounda mèa do ongou té nèn ang nga, mbata nè noudjou doou ke nange mbä, a rè nèlè.
22Tokou ban ongou dasè loshénè nèn, a ma ma tél dé kosè, ke koukou a dé mèsè té, ke doou kada òrou koukou losè ang.
23Ke ndè té nou, sésè a doudjoumdjé mare né kada ang. Tokoro, tokoro, ma mpa maresè, tokou sésè a doudjidjé Bòi Allah mare né, nè na karesè ke rim.
24Dongor loshénè sésè edoudjidjé né kada ke rim ang. Edoudjidjé, ke sésè a kingaidjé, baa ta kare koukou losè a kase toï madji.
25Ma mpa tar nèn maresè ke tar gousou. Ndò ao dé, ma ma pa tar karesè ke tar gousou ang nga, a ma ma tòdjousè né lo Bòi Allah tesèrè.
26Ndò té ke nou sésè a doudjidjé ke rim, a ma mpa maresè ang, ma ma doudjou Bòi Allah mbata losè,
27Mbata Bòi Allah ndja ndikisè, mbata sésè ndikimdjé, ke sésè woidjé mèsè té ma mï rò Bòi Allah té mbä.
28Ma mï rò Bòi Allah té, mam ndé nange nèn mbä. Loshènè ma mïya nange nèn, a mao ke rò Bòi Allah té.
29Ndjè kao gè tédjé pana, Wo, loshénè i pa tar tesèrè, i pa ke gousou ang.
30Loshénè djèdjè ngeré i geré né toï, i ase ta kare doou kada doudji ang. Mbata tar nèn djèdjè djo mèdjè té ke i ï rò Allah té.
31Jésus tél pa aredè, Sésè woidjé mèsè té loshénè wa?
32Woidjé, ndò ao dé, tokoro dé mbä, ke da kaisè doou kada kada ke loou la ndja, sésè a kïyamdjé ke kadam, a ma méh ke kadam ang, mbata Bòi Allah éh sem.
33Ma mpa tar nèn maresè, baa sésè asidjé kinga mè woul mem té. Sésè éhdjé ke né ongou ke nange nèn, a isidjé dèkèkè, mam ndai nange nèn ke singa mbä.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here: