Luc 13
13
1Mare dooudjé éh nou lé té ndja ke pa tar lo dooudjé ke Galilée are Jésus, dèdè ke Pilate polè mesedè ke né polo.
2Jésus tél tar aredè, Sésè edjidjé dooudjé ke Galilée nèn to ndjè né da ke madjang wota maredjé ke Galilée té, baa dèdè dinga né ongou ban wa?
3Ma mpa maresè, Eë, a tokou sésè mbetidjé kedji né da ke madjang losè ang, sésè toï a kwoeidjé tokou ban tò.
4Aséh dèdè dòkou gérè djidjo ke tokou kei ke ngal ke Siloè oso dòdè té ke tòldè, sésè edjidjé dèdè nto ndjè né da ke madjang wota mare dooudjé toï ke isi Jérusalem té wa?
5Ma mpa maresè, Eë, a tokou sésè mbetidjé kedji né da ke madjang losè ang, sésè toï a kwoeidjé tokou ban to.
6Nè mpa tar gousou nèn, Doou kada doubou kake toungoutisa mè ndoo té la, nè ndé ta sange kandè, a kandè goto.
7Nè mpa nare ndjè ngem ndoo, Wo, to bal mouta ke mam ndé nsange kandé kake toungoutisa nèn, a minga kada ang. Etoukè mbata nè ngange nange nèn ba mba di wa?
8Ndjè ngem ndoo tél tar arè pana, Ebemdjè, ïyè ba mbata bal nèn bai, nderèng mam ntouka nange ngirè té, ke ma mongou shi kòè té.
9Tokou nè nan kandè ke bal ke ao dé, tokou ban to madji, tokou bo nan ang, i ase ta toukè.
10Jésus ao tòdjou tar mè kei Allah té kada ndò sabbat té.
11Dènè kada éh nou ke isi ke ndil ke toudjou singa la bal dòkou gérè djidjo, dounè doukou nya ke nè nase karr ke tarr mbarang ang.
12Tokou Jésus woè, nè mmarè mpa narè, Dènè, rò too loi goto.
13Nè nila dja dè té, ke lé té ndja nè narr ke tarr mbarang, nè nòsou gadji Allah.
14Ongou da mbai ke ngem né kei Allah té, mbata Jésus òrou rò too ndò sabbat té, nè mpa nare dooudjé, Ndò misä to ta da koula, edéidjé ke ndòn lé ta kare nòrou rò too losè, edéidjé ndò sabbat té ang.
15Mbaibé Seigneur tél tar arè pana, Sè ndjè kere ngemdjé, sésè kada kada toï etouridjé mange aséh kororo losè loou kousa né té ndò sabbat té ang wa, ta kao kedè kare daih man ang wa?
16Dènè nèn ke to ngon lo Abraham ke Satan tòè bal dòkou gérè djidjo, ase kare ntoutè ke né ke tòè ndò sabbat té ang wa?
17Tokou nè mpa ban, ròkoul da ndjè kembaadjé la toï. Dooudjé toï ke mbona, ròdè nèldè nya mbata nè ke madji toï ke nè nda.
18Tokou ban Jésus pana, Béh ko lo Allah to tokou di wa? Ma ma tòdjou tarè pana to tokou di wa?
19Nè nto tokou kandé sénevé kadaba ke doou kada oun doubou mè ndoo té la. Nè ntòkou ndé to bouka kake, eldjé ke ao tarr da kei lodè barkemè té.
20Nè mpa marè bai, Ma ma tòdjou tar béh ko lo Allah to tokou di wa?
21Nè nto tokou sér ke dènè oun polonè ndoudjou mourou ase kaa mouta, nderèng toï ti.
22Jésus ao deo té la, nè nao béh té ke bo ke béh té ke ngadji, ntòdjou tar tokou nè nao ta kao Jérusalem té.
23Mare doou kada pa arè, Mbaibé Seigneur, dèdè ke dinga kadji to to dooudjé kada kadaba wa?
24Nè mpa naredè, Edaidjé ke singa ta kao ta deo té ke to ngadji. Ma mpa maresè, maredjé baya ao sange ta kao mè té, a dèdè da kase ang.
25Tokou ndjè kei ï tarr ke outou tadeo kei la mba, sésè ounidjé kotè ta karr daka, ta kounda tadeo kei, ao epaidjé, Mbaibé òrou aredjè. Nè na tél tar karesè, Mam ngeré loou ke sésè ïdjé kendé ang.
26Bana sésè ounidjé kotè ta pana, Djèdjè djon mourou ke djaih nòi té, ke i tòdjou tar béh té lodjè tò.
27A ndjè kei a pana, Ma mpa maresè, mam ngeré loou ke sésè ïdjé kendé ang, abidjé, ïyamdjé sésè toï ke edaidjé né ke madjang.
28Loou té ke nou sésè a nòidjé ke man kemsè, ke sésè a kousaidjé ngangesè, tokou sésè a koidjé Abraham ke Isaac ke Jacob ke prophètedjé toï mè béh ko té lo Allah, a sésè dilasè daka.
29Mare dooudjé a kï er loou té ke kade téh, ke er loou té ke kade woei, ke er loou té ke tarr, ke er loou té ke ber, dèdè da kisi ta table té mè béh ko té lo Allah.
30Woidjé, maredjé ke to ndjè ke goukou, da to ndjè ke dongor, ke maredjé ke dongor, da to ndjè ke goukou.
31Lé té ndja mare Pharisiendjé dé pa arè, Ïya loou ke nèn mbata Hérode ndiki ta tòli.
32Jésus pa aredè, Abidjé, epaidjé are tai nèn, wo, mam ntouba ndildjé ke madjang, ke mam nda rò dooudjé ke ndjè rò toodjé dé madji bokonè ke bara tò, ke ndò ke mouta mam nda toï ase.
33Bana ma mase ndja deo té lom bokonè ke bara ke nouna, mbata prophète kada a kase kwoei ke loou té ke dang ke Jérusalem té ang.
34Jérusalem, Jérusalem ke toï prophètedjé, ke tila dèdè ke douladè dari ke err. Gar baya mam ndiki ta mbòn ngani naaté, tokou ko koundja mbòn nganè ko bakè té, a i ndiki ang.
35Wo, kei loi a dé kari ba. Ma mpa maresè, sésè a komdjé marè ang nga, sar sésè a paidjé, Madji éh ke nè ke ndé ke ri lo Mbaibé Seigneur.
Currently Selected:
Luc 13: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
Luc 13
13
1Mare dooudjé éh nou lé té ndja ke pa tar lo dooudjé ke Galilée are Jésus, dèdè ke Pilate polè mesedè ke né polo.
2Jésus tél tar aredè, Sésè edjidjé dooudjé ke Galilée nèn to ndjè né da ke madjang wota maredjé ke Galilée té, baa dèdè dinga né ongou ban wa?
3Ma mpa maresè, Eë, a tokou sésè mbetidjé kedji né da ke madjang losè ang, sésè toï a kwoeidjé tokou ban tò.
4Aséh dèdè dòkou gérè djidjo ke tokou kei ke ngal ke Siloè oso dòdè té ke tòldè, sésè edjidjé dèdè nto ndjè né da ke madjang wota mare dooudjé toï ke isi Jérusalem té wa?
5Ma mpa maresè, Eë, a tokou sésè mbetidjé kedji né da ke madjang losè ang, sésè toï a kwoeidjé tokou ban to.
6Nè mpa tar gousou nèn, Doou kada doubou kake toungoutisa mè ndoo té la, nè ndé ta sange kandè, a kandè goto.
7Nè mpa nare ndjè ngem ndoo, Wo, to bal mouta ke mam ndé nsange kandé kake toungoutisa nèn, a minga kada ang. Etoukè mbata nè ngange nange nèn ba mba di wa?
8Ndjè ngem ndoo tél tar arè pana, Ebemdjè, ïyè ba mbata bal nèn bai, nderèng mam ntouka nange ngirè té, ke ma mongou shi kòè té.
9Tokou nè nan kandè ke bal ke ao dé, tokou ban to madji, tokou bo nan ang, i ase ta toukè.
10Jésus ao tòdjou tar mè kei Allah té kada ndò sabbat té.
11Dènè kada éh nou ke isi ke ndil ke toudjou singa la bal dòkou gérè djidjo, dounè doukou nya ke nè nase karr ke tarr mbarang ang.
12Tokou Jésus woè, nè mmarè mpa narè, Dènè, rò too loi goto.
13Nè nila dja dè té, ke lé té ndja nè narr ke tarr mbarang, nè nòsou gadji Allah.
14Ongou da mbai ke ngem né kei Allah té, mbata Jésus òrou rò too ndò sabbat té, nè mpa nare dooudjé, Ndò misä to ta da koula, edéidjé ke ndòn lé ta kare nòrou rò too losè, edéidjé ndò sabbat té ang.
15Mbaibé Seigneur tél tar arè pana, Sè ndjè kere ngemdjé, sésè kada kada toï etouridjé mange aséh kororo losè loou kousa né té ndò sabbat té ang wa, ta kao kedè kare daih man ang wa?
16Dènè nèn ke to ngon lo Abraham ke Satan tòè bal dòkou gérè djidjo, ase kare ntoutè ke né ke tòè ndò sabbat té ang wa?
17Tokou nè mpa ban, ròkoul da ndjè kembaadjé la toï. Dooudjé toï ke mbona, ròdè nèldè nya mbata nè ke madji toï ke nè nda.
18Tokou ban Jésus pana, Béh ko lo Allah to tokou di wa? Ma ma tòdjou tarè pana to tokou di wa?
19Nè nto tokou kandé sénevé kadaba ke doou kada oun doubou mè ndoo té la. Nè ntòkou ndé to bouka kake, eldjé ke ao tarr da kei lodè barkemè té.
20Nè mpa marè bai, Ma ma tòdjou tar béh ko lo Allah to tokou di wa?
21Nè nto tokou sér ke dènè oun polonè ndoudjou mourou ase kaa mouta, nderèng toï ti.
22Jésus ao deo té la, nè nao béh té ke bo ke béh té ke ngadji, ntòdjou tar tokou nè nao ta kao Jérusalem té.
23Mare doou kada pa arè, Mbaibé Seigneur, dèdè ke dinga kadji to to dooudjé kada kadaba wa?
24Nè mpa naredè, Edaidjé ke singa ta kao ta deo té ke to ngadji. Ma mpa maresè, maredjé baya ao sange ta kao mè té, a dèdè da kase ang.
25Tokou ndjè kei ï tarr ke outou tadeo kei la mba, sésè ounidjé kotè ta karr daka, ta kounda tadeo kei, ao epaidjé, Mbaibé òrou aredjè. Nè na tél tar karesè, Mam ngeré loou ke sésè ïdjé kendé ang.
26Bana sésè ounidjé kotè ta pana, Djèdjè djon mourou ke djaih nòi té, ke i tòdjou tar béh té lodjè tò.
27A ndjè kei a pana, Ma mpa maresè, mam ngeré loou ke sésè ïdjé kendé ang, abidjé, ïyamdjé sésè toï ke edaidjé né ke madjang.
28Loou té ke nou sésè a nòidjé ke man kemsè, ke sésè a kousaidjé ngangesè, tokou sésè a koidjé Abraham ke Isaac ke Jacob ke prophètedjé toï mè béh ko té lo Allah, a sésè dilasè daka.
29Mare dooudjé a kï er loou té ke kade téh, ke er loou té ke kade woei, ke er loou té ke tarr, ke er loou té ke ber, dèdè da kisi ta table té mè béh ko té lo Allah.
30Woidjé, maredjé ke to ndjè ke goukou, da to ndjè ke dongor, ke maredjé ke dongor, da to ndjè ke goukou.
31Lé té ndja mare Pharisiendjé dé pa arè, Ïya loou ke nèn mbata Hérode ndiki ta tòli.
32Jésus pa aredè, Abidjé, epaidjé are tai nèn, wo, mam ntouba ndildjé ke madjang, ke mam nda rò dooudjé ke ndjè rò toodjé dé madji bokonè ke bara tò, ke ndò ke mouta mam nda toï ase.
33Bana ma mase ndja deo té lom bokonè ke bara ke nouna, mbata prophète kada a kase kwoei ke loou té ke dang ke Jérusalem té ang.
34Jérusalem, Jérusalem ke toï prophètedjé, ke tila dèdè ke douladè dari ke err. Gar baya mam ndiki ta mbòn ngani naaté, tokou ko koundja mbòn nganè ko bakè té, a i ndiki ang.
35Wo, kei loi a dé kari ba. Ma mpa maresè, sésè a komdjé marè ang nga, sar sésè a paidjé, Madji éh ke nè ke ndé ke ri lo Mbaibé Seigneur.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here: