Luc 23
23
1Bana dèdè toï ke mbòna dï tarr dao ke Jésus no Pilate té.
2Dèdè dao ntoula dè mpana, Djèdjè djinga doou nèn tòdjou tar maina horo gel dooudjé té lodjè. Nè ntò deo lodjè ta kouka lʼimpôt kare César, ke nè mpana nè ndja nto to Christ mare mbaibé kada.
3Pilate doudjè, I to Mbaibé lo Juifdjé wa? Jésus tél ke tar pa arè, I pa ban.
4Pilate pa are tòkou ndjè kòrdjé ke dooudjé ke baya baya, Ma minga saria kada dò doou té nèn ang.
5A dèdè mpa ngeng, mpana, Nè nare mè dooudjé ï, ntòdjou tar dò nange té ke Judée toï, nounkotè ke Galilée nderèng loou nèn ndja.
6Tokou Pilate wo tar nèn, nè ndoudjou tokou doou nèn to doou ke Galilée té wa?
7Tokou nè no ke nè nto doou ke nange té ke Hérode ö, nè noulè rò Hérode té, mbata Hérode ndja isi Jérusalem té ndò tén lé.
8Tokou Hérode wo Jésus mèa koukou nya, mbata ndò baya nya nè ndiki ta koè, mbata nè no tar lo Jésus, ke nè ngebe ta ko mare né tòdjou ke Jésus da.
9Tokou ban nè ndoudjou Jésus tar gè eo, a Jésus tél tar kada ang.
10Tòkou ndjè kòrdjé ke ndjè da maketourou ndedjidjé dar ngosiba, ntoula dò Jésus nya.
11Hérode ke ndjè pouroudjé la nda madjang sa ke nkoukè. Dèdè doula koubou ke madji nya rè té, ke Hérode tél oula sa rò Pilate té.
12Hérode ke Pilate ndé ndjè bokoradjé ndò tén, mbata dongor ndò tén lé dèdè mbeténa horodè té.
13Bana Pilate bar tòkou ndjè kòrdjé ke mbaidjé ke dooudjé toï ta mbòna loou kadaba.
14Nè mpa naredè, Sésè edéidjé rom té ke doou nèn tokou nè nto doou ke tourou mè dooudjé madjang. Mam nsange tar la nòsè té, ke woidjé, ma minga saria kada dè té ang ke tar ke sésè etoulaidjé dè kendé.
15Hérode wo tar dè té ang to, mbata nè ntél noulè ròdjè té. Woidjé, nè nda né kada ta kinga yo ang.
16Tokou ban a ma koundè, ma kïyè.
17Mbata Pilate ase ta kòrou ndjè kei koula kada karedè ndò kon mourou té.
18A dèdè toï mpa ke tarr naaté, Etòl doou nèn, òrou Barabbas aredjè.
19Barabbas to doou ke dilè kei koula té mbata nè ntourou mè dooudjé madjang ta kï naaté mè béh té, ke mbata ntòl dooudjé to.
20Pilate tél tar aredè marè bai, mbata nè ndiki ta kïva Jésus.
21A dèdè mpa ke tarr, Etòlè, etòlè do kake dèse té.
22Pilate pa aredè gar mouta, Mbata di wa, nè nda né ke madjang di wa? Ma minga né ke madjang ta karè ninga yo ang. Tokou ban a ma koundè, ma kïyè.
23A dèdè ndoudjou nya, mpa ke tarr nya ta kare ntòlè do kake dèse té. Tar lodè ndai dè.
24Tokou ban Pilate gange saria dè té ta da tokou dèdè ndoudjou mbä.
25Nè nòrou doou ke dilè kei koula té mbata tar tourou mè dooudjé ta kï madjang, ke mbata nè ntòl dooudjé, nè ke dèdè ndoudjou mbata la, a nè naredè Jésus ta da sa tokou mèdè ndiki.
26Tokou dèdè dao sa, dèdè dwaa doou kada ria na Simon, doou ke Cyrène ke ï ndoo ao tél ke béh. Dèdè dounda kake dèse dè té ta koto go Jésus té.
27Dooudjé ke baya baya ao go Jésus té, ke dènèdjé ke ounda karedè ke nò mbata la.
28A Jésus tourou rè pa aredè, Ngan dènèdjé ke Jérusalem té, enòidjé mbata lom ang, enòidjé mbata losè ndja ke ngansè.
29Mbata woidjé, ndò ao dé ke dèdè da pana, Madji éh kedè ke dao katé, ke mèdè oudjou ngandjé ang, ke ngandjé il mbadè ang.
30Ndò té ke nou, dèdè da pa tar ke tokou err, mpana, Oso dòdjè té, ke da pa tar ke ngan err, Iyaa dòdjè.
31Mbata tokou dèdè nda nèn ke kake ke nai tébe, dèdè da da di wa ke kake ke toutou mba wa?
32Dèdè dao ke mare dooudjé djo ke to ndjè né da ke madjang, ta tòldè deo kadaba ke Jésus.
33Tokou dèdè ntéh loou té ke mmarè na Singa dò, dèdè ntòl Jésus dò kake dèse té, ke ndjè né da ke madjangdjé kada er kòl ke kada er gèl.
34Jésus pana, Bòi, ïya tar lodè, mbata dèdè ngeré né ke dèdè nda ang. Dèdè ndoo mbadi ta kai koubou la.
35Dooudjé toï arr ngosiba ta ko tar, a mbaidjé koukè pana, Nè nadji mare dooudjé, are nè nadji rè ndja tokou nè nto Christ lo Allah, nè ke Allah mberè.
36Ndjè pouroudjé koukè tò, dèdè ndé rè té, ke dèdè ndiki ta karè vin ke mase.
37Dèdè mpana, Tokou i to Mbaibé lo Juifdjé adji ròi ndja.
38Maketourou to kake té dè té ke pana, Yèn to Mbaibé lo Juifdjé.
39Doou kada ke ndjè né da ke madjang ke dèdè ntòè dò kake té, tadji Jésus pana, I to Christ ang wa? Adji ròi ndja ke djèdjè tò.
40A marè ke kada ndangè mpana, I bel Allah ang wa, mbata i inga saria deo kadaba ang wa?
41Saria lodjè to gaté gaté mbata djèdjè djinga kouka koula lodjè, a doou nèn da né ke madjang kada ang.
42Nè mpana, Jésus, edji tar lom ndò ke i a dé ke singa béh ko loi.
43Jésus pa arè, Tokoro ma mpa mari, bokonè i a kisi sem ke loou té ke madji lo Allah.
44Kade ao ta kase misä, ke loou ndoul dò nange té toï nderèng kade tél djikada.
45Kade ndokoo ang ke tòkou koubou mè tòkou kei Allah té tir dana.
46Bana Jésus pa ke tarr, pana, Bòi, moula ndil lom dji té. Tokou nè mpa ban mba, nè noula ndil la.
47Tokou ndjè ngem ndjè pouroudjé wo né ke da mbä, nè nòsou gadji Allah mpana, Tokoro, doou nèn to doou ke gaté gaté.
48Dooudjé ke baya baya toï ke mbona ta ko tar, tokou dèdè do né ke da mbä, dèdè ntél béh lodè dao dounda karedè.
49Ndjè bokoradjé la toï ke dènèdjé ke ao gè té ke Galilée té, darr dèbè eo ke dèdè do né nèn.
50Doou kada éh nou ke ria na Joseph, ke béh lo Juifdjé té ke Arimathée. Nè nto ndjè gange saria kada horo ndjè gange sariadjé té, nè nto doou ke madji ke gaté gaté.
51Nè ndiki gè ke tar lodè ke koula lodè ang, nè nao ngebe béh kö lo Allah.
52Doou nèn ao rò Pilate té ke doudjè mbata nin Jésus.
53Bana nè nòrou nin Jésus ke nè nkè ke tokou koubou lin, nè ndoubè mè bwa té ke dèdè dourou mè err té, loou ke mare nin kada to kendé ang bai.
54To ndò ta da né mbata ndò Pâque, ke ndò sabbat ao dé.
55Dènèdjé ke dé ke Jésus ke Galilée, dao do bwa yo, ke do tokou dèdè dila rè kendé.
56Bana dèdè ntél, dèdè nda mare kandé né ke ete ke oubou yambo. Ke ndò sabbat té, dèdè dwaa ròdè tokou tar ndedji pa.
Currently Selected:
Luc 23: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
Luc 23
23
1Bana dèdè toï ke mbòna dï tarr dao ke Jésus no Pilate té.
2Dèdè dao ntoula dè mpana, Djèdjè djinga doou nèn tòdjou tar maina horo gel dooudjé té lodjè. Nè ntò deo lodjè ta kouka lʼimpôt kare César, ke nè mpana nè ndja nto to Christ mare mbaibé kada.
3Pilate doudjè, I to Mbaibé lo Juifdjé wa? Jésus tél ke tar pa arè, I pa ban.
4Pilate pa are tòkou ndjè kòrdjé ke dooudjé ke baya baya, Ma minga saria kada dò doou té nèn ang.
5A dèdè mpa ngeng, mpana, Nè nare mè dooudjé ï, ntòdjou tar dò nange té ke Judée toï, nounkotè ke Galilée nderèng loou nèn ndja.
6Tokou Pilate wo tar nèn, nè ndoudjou tokou doou nèn to doou ke Galilée té wa?
7Tokou nè no ke nè nto doou ke nange té ke Hérode ö, nè noulè rò Hérode té, mbata Hérode ndja isi Jérusalem té ndò tén lé.
8Tokou Hérode wo Jésus mèa koukou nya, mbata ndò baya nya nè ndiki ta koè, mbata nè no tar lo Jésus, ke nè ngebe ta ko mare né tòdjou ke Jésus da.
9Tokou ban nè ndoudjou Jésus tar gè eo, a Jésus tél tar kada ang.
10Tòkou ndjè kòrdjé ke ndjè da maketourou ndedjidjé dar ngosiba, ntoula dò Jésus nya.
11Hérode ke ndjè pouroudjé la nda madjang sa ke nkoukè. Dèdè doula koubou ke madji nya rè té, ke Hérode tél oula sa rò Pilate té.
12Hérode ke Pilate ndé ndjè bokoradjé ndò tén, mbata dongor ndò tén lé dèdè mbeténa horodè té.
13Bana Pilate bar tòkou ndjè kòrdjé ke mbaidjé ke dooudjé toï ta mbòna loou kadaba.
14Nè mpa naredè, Sésè edéidjé rom té ke doou nèn tokou nè nto doou ke tourou mè dooudjé madjang. Mam nsange tar la nòsè té, ke woidjé, ma minga saria kada dè té ang ke tar ke sésè etoulaidjé dè kendé.
15Hérode wo tar dè té ang to, mbata nè ntél noulè ròdjè té. Woidjé, nè nda né kada ta kinga yo ang.
16Tokou ban a ma koundè, ma kïyè.
17Mbata Pilate ase ta kòrou ndjè kei koula kada karedè ndò kon mourou té.
18A dèdè toï mpa ke tarr naaté, Etòl doou nèn, òrou Barabbas aredjè.
19Barabbas to doou ke dilè kei koula té mbata nè ntourou mè dooudjé madjang ta kï naaté mè béh té, ke mbata ntòl dooudjé to.
20Pilate tél tar aredè marè bai, mbata nè ndiki ta kïva Jésus.
21A dèdè mpa ke tarr, Etòlè, etòlè do kake dèse té.
22Pilate pa aredè gar mouta, Mbata di wa, nè nda né ke madjang di wa? Ma minga né ke madjang ta karè ninga yo ang. Tokou ban a ma koundè, ma kïyè.
23A dèdè ndoudjou nya, mpa ke tarr nya ta kare ntòlè do kake dèse té. Tar lodè ndai dè.
24Tokou ban Pilate gange saria dè té ta da tokou dèdè ndoudjou mbä.
25Nè nòrou doou ke dilè kei koula té mbata tar tourou mè dooudjé ta kï madjang, ke mbata nè ntòl dooudjé, nè ke dèdè ndoudjou mbata la, a nè naredè Jésus ta da sa tokou mèdè ndiki.
26Tokou dèdè dao sa, dèdè dwaa doou kada ria na Simon, doou ke Cyrène ke ï ndoo ao tél ke béh. Dèdè dounda kake dèse dè té ta koto go Jésus té.
27Dooudjé ke baya baya ao go Jésus té, ke dènèdjé ke ounda karedè ke nò mbata la.
28A Jésus tourou rè pa aredè, Ngan dènèdjé ke Jérusalem té, enòidjé mbata lom ang, enòidjé mbata losè ndja ke ngansè.
29Mbata woidjé, ndò ao dé ke dèdè da pana, Madji éh kedè ke dao katé, ke mèdè oudjou ngandjé ang, ke ngandjé il mbadè ang.
30Ndò té ke nou, dèdè da pa tar ke tokou err, mpana, Oso dòdjè té, ke da pa tar ke ngan err, Iyaa dòdjè.
31Mbata tokou dèdè nda nèn ke kake ke nai tébe, dèdè da da di wa ke kake ke toutou mba wa?
32Dèdè dao ke mare dooudjé djo ke to ndjè né da ke madjang, ta tòldè deo kadaba ke Jésus.
33Tokou dèdè ntéh loou té ke mmarè na Singa dò, dèdè ntòl Jésus dò kake dèse té, ke ndjè né da ke madjangdjé kada er kòl ke kada er gèl.
34Jésus pana, Bòi, ïya tar lodè, mbata dèdè ngeré né ke dèdè nda ang. Dèdè ndoo mbadi ta kai koubou la.
35Dooudjé toï arr ngosiba ta ko tar, a mbaidjé koukè pana, Nè nadji mare dooudjé, are nè nadji rè ndja tokou nè nto Christ lo Allah, nè ke Allah mberè.
36Ndjè pouroudjé koukè tò, dèdè ndé rè té, ke dèdè ndiki ta karè vin ke mase.
37Dèdè mpana, Tokou i to Mbaibé lo Juifdjé adji ròi ndja.
38Maketourou to kake té dè té ke pana, Yèn to Mbaibé lo Juifdjé.
39Doou kada ke ndjè né da ke madjang ke dèdè ntòè dò kake té, tadji Jésus pana, I to Christ ang wa? Adji ròi ndja ke djèdjè tò.
40A marè ke kada ndangè mpana, I bel Allah ang wa, mbata i inga saria deo kadaba ang wa?
41Saria lodjè to gaté gaté mbata djèdjè djinga kouka koula lodjè, a doou nèn da né ke madjang kada ang.
42Nè mpana, Jésus, edji tar lom ndò ke i a dé ke singa béh ko loi.
43Jésus pa arè, Tokoro ma mpa mari, bokonè i a kisi sem ke loou té ke madji lo Allah.
44Kade ao ta kase misä, ke loou ndoul dò nange té toï nderèng kade tél djikada.
45Kade ndokoo ang ke tòkou koubou mè tòkou kei Allah té tir dana.
46Bana Jésus pa ke tarr, pana, Bòi, moula ndil lom dji té. Tokou nè mpa ban mba, nè noula ndil la.
47Tokou ndjè ngem ndjè pouroudjé wo né ke da mbä, nè nòsou gadji Allah mpana, Tokoro, doou nèn to doou ke gaté gaté.
48Dooudjé ke baya baya toï ke mbona ta ko tar, tokou dèdè do né ke da mbä, dèdè ntél béh lodè dao dounda karedè.
49Ndjè bokoradjé la toï ke dènèdjé ke ao gè té ke Galilée té, darr dèbè eo ke dèdè do né nèn.
50Doou kada éh nou ke ria na Joseph, ke béh lo Juifdjé té ke Arimathée. Nè nto ndjè gange saria kada horo ndjè gange sariadjé té, nè nto doou ke madji ke gaté gaté.
51Nè ndiki gè ke tar lodè ke koula lodè ang, nè nao ngebe béh kö lo Allah.
52Doou nèn ao rò Pilate té ke doudjè mbata nin Jésus.
53Bana nè nòrou nin Jésus ke nè nkè ke tokou koubou lin, nè ndoubè mè bwa té ke dèdè dourou mè err té, loou ke mare nin kada to kendé ang bai.
54To ndò ta da né mbata ndò Pâque, ke ndò sabbat ao dé.
55Dènèdjé ke dé ke Jésus ke Galilée, dao do bwa yo, ke do tokou dèdè dila rè kendé.
56Bana dèdè ntél, dèdè nda mare kandé né ke ete ke oubou yambo. Ke ndò sabbat té, dèdè dwaa ròdè tokou tar ndedji pa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here: