Matthieu 10
10
1Jésus bar ndjè kao gè tédjé dòkou gérè djo dé rè té. Nè naredè tè ta kare ntouba ndildjé ke madjang, ke ta kòrou rè too toï, ke ta da rè dooudjé karedè ndé madji toï.
2Ri ndjè kouladjé dòkou gérè djo to tokou ban, yéh ke dongor to Simon ke dèdè mmarè na Pierre, ke André ngoköè, Jacques ngon lo Zébédée ke Jean ngoköè.
3Philippe ke Barthélemy, Thomas ke Matthieu ndjè taa narè lʼimpôt, Jacques ngon lo Alphée, ke Thaddée.
4Simon Cananite ke Judas Iscariot, doou ke ndjè ndoko Jésus.
5Dèdè dòkou gérè djo nèn Jésus ouladè, nè mpa naredè, Abidjé ke deo lo Gentildjé kada ang, abidjé mè béh té lo Samaritaindjé kada ang.
6Ase kare sésè abidjé rè batidjé té ke kei lo Israël ke nai.
7Tokou sésè abidjé epaidjé tar ke madji, epaidjéna, Béh ko ke dara éh ngosiba.
8Òridjé rò too lo dooudjé, aridjé doou ke woei mba ï, edaidjé rò ndjè bandjidjé are ndé madji, etoubaidjé ndildjé ke madjang. Sésè ingaidjé né ba, aridjé né ba.
9Ounidjé narè lor aséh narè argent aséh mbaingira ke bòl losè ang.
10Ounidjé bòl ta kao nè deo bo ang, aséh koubou djo ang, ke ndar gòlsè ang, ke kake djisè té ang to, mbata ndjè koula ase kinga mourou la.
11Tokou béh aséh ngon béh ke sésè abidjé kendé, esangidjé doou ke mè béh tè ke madji ase, isidjé sa nderèng sésè etéhdjé.
12Tokou sésè abidjé mè kei té, edèidjé laphia.
13Tokou kei to madji ase, aridjé mè woul losè dé dè té, tokou bo nto madji asang, aridjé mè woul losè tél ròsè té.
14Tokou doou kada kada taasè ang, ke do tar losè ang, etoundaidjé boum nange ke gòlsè té tokou sésè ïyaidjé kei aséh béhn lé.
15Tokoro ma mpa maresè, ndò gange saria té, saria lo béhn lé a to wota saria nange té ke Sodome ke Gomorrhe.
16Woidjé, ma moulasè tokou lo batidjé horo ndjakemdjardjé té, tokou ban isidjé ke kemkarè tokou lo li, a isidjé ke mè ke madji tokou lo derdjé.
17Ngemidjé madji mbata lo dooudjé, mbata dèdè da kwaasè kare ndjè gange sariadjé, ke da koundasè mè kei Allah té lodè.
18Dèdè da kao kesè no mbaidjé ke mbaibédjé té mbata tar lom, ta pa tar nadji nòdè té, ke no Gentildjé té to.
19Tokou dèdè dwaasè dao kesè, esangidjé mèsè ang tar di baa a paidjé aséh tar ke sésè a télidjé nè wa, mbata kaden lé ndja da karesè tar ke sésè a kasidjé pa.
20Mbata to sésè ke epaidjé tar ang, a to Ndil lo Bòsésè ke pa deo té losè.
21Ngaköna ke dingao a kwaa ngoköè ta kare ntòlè, bòngon a da ke ngonè ban to. Ngandjé a kï ta mbeté bòdèdè ke ködèdè ta kare ntòldè.
22Dooudjé toï a mbetésè mbata rim ndja, a nè ke nwaa are ngeng sar ndò té ke goukou, nè na kinga kadji.
23Tokou dèdè ngäsè ke tar béh té ke kada, aïndjé ke mare béh té, mbata tokoro ma mpa maresè, sésè a ndaidjé horo béh té ke Israël toï ang dongor Ngon lo doou dé.
24Ndjè kao go doou té wota ndjè tòdjè tar ang, ke bere wota ebèèdjè ang.
25To asenga tokou ndjè kao go ndjè tòdjou tar té to asena sa, ke tokou bere to asena ke ebèèdjè. Tokou dèdè dounda ri doou ke ndjè kei na Béelzébul, dèdè da toura ri dooudjé ke kei la madjang wota ang wa?
26Tokou ban edaidjé bel lodè ang, mbata né kada ke iyaa ke a téh daka ang goto, aséh né ke yarè ke da geré ang goto.
27Né ke ma mpa maresè gongeï té, epaidjé ke lokarè té, né ke sésè woidjé hoi, epaidjé ke tarr dò kei té.
28Edaidjé bel lodè ang ke ntòl da rò a dase tòl ndil ang. Madji wota ebelidjé nè ke nase toudjou ndil ke da rò djokem loou kem pourou té.
29Dèdè ndoko kolé djo ke ngon narè kada ang wa? Ke kada lodè a koso nange ang tokou Bòsésè ndiki gè ang.
30A bi dòsè ndja ntoura toï mbä.
31Tokou ban, edaidjé bel ang, sésè madji wotaidjé kolé nya.
32Tokou ban, dooudjé kada kada toï ke pa tar lom nò dooudjé té, ma ma pa tar lodè nò Bòi té ke isi dara tò.
33A doou ke mbetem nò dooudjé té, ma ma mbetè nò Bòi té ke isi dara té tò.
34Edjidjé ang ke mam ndé ta kare mè woul nange nèn, mam ndé ta kare mè woul ang, a ta kare tokou kiaa.
35Mbata mam ndé ta kare doou mbeté bèdjè, ke ta kare ngon ke dènè mbeté këndjè, ke ta kare dènè mbeté moumèdjè.
36Ndjè kembaadjé lo doou a to dooudjé ke kei la ndja.
37Doou ke ndiki bèdjè aséh këndjè wotam, nè nasem ang. Nè ke ndiki ngonè ke dingao aséh ngonè ke dènè wotam, nè nasem ang.
38Nè ke noto kake yo la ke nao gom té ang, nè nasem ang.
39Nè ke ninga tébe la, nè na nai, a nè ke tébe la nai mbata lom, nè na kingè.
40Doou ke taasè, ntaam tò, ke doou ke taam, ntaa nè ke noulam.
41Nè ke ntaa prophète mbata nè nto prophète, nè na kinga kouka lo prophète. Nè ke ntaa doou ke gaté gaté mbata nè nto doou ke gaté gaté, nè na kinga kouka lo doou ke gaté gaté.
42Doou ke are ngonarè man ke woul are kada lo dèdè ke ngadji nèn lé, mbata nè nto ndjè kao gom té, tokoro ma mpa maresè, kouka la a nai ang.
Currently Selected:
Matthieu 10: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
Matthieu 10
10
1Jésus bar ndjè kao gè tédjé dòkou gérè djo dé rè té. Nè naredè tè ta kare ntouba ndildjé ke madjang, ke ta kòrou rè too toï, ke ta da rè dooudjé karedè ndé madji toï.
2Ri ndjè kouladjé dòkou gérè djo to tokou ban, yéh ke dongor to Simon ke dèdè mmarè na Pierre, ke André ngoköè, Jacques ngon lo Zébédée ke Jean ngoköè.
3Philippe ke Barthélemy, Thomas ke Matthieu ndjè taa narè lʼimpôt, Jacques ngon lo Alphée, ke Thaddée.
4Simon Cananite ke Judas Iscariot, doou ke ndjè ndoko Jésus.
5Dèdè dòkou gérè djo nèn Jésus ouladè, nè mpa naredè, Abidjé ke deo lo Gentildjé kada ang, abidjé mè béh té lo Samaritaindjé kada ang.
6Ase kare sésè abidjé rè batidjé té ke kei lo Israël ke nai.
7Tokou sésè abidjé epaidjé tar ke madji, epaidjéna, Béh ko ke dara éh ngosiba.
8Òridjé rò too lo dooudjé, aridjé doou ke woei mba ï, edaidjé rò ndjè bandjidjé are ndé madji, etoubaidjé ndildjé ke madjang. Sésè ingaidjé né ba, aridjé né ba.
9Ounidjé narè lor aséh narè argent aséh mbaingira ke bòl losè ang.
10Ounidjé bòl ta kao nè deo bo ang, aséh koubou djo ang, ke ndar gòlsè ang, ke kake djisè té ang to, mbata ndjè koula ase kinga mourou la.
11Tokou béh aséh ngon béh ke sésè abidjé kendé, esangidjé doou ke mè béh tè ke madji ase, isidjé sa nderèng sésè etéhdjé.
12Tokou sésè abidjé mè kei té, edèidjé laphia.
13Tokou kei to madji ase, aridjé mè woul losè dé dè té, tokou bo nto madji asang, aridjé mè woul losè tél ròsè té.
14Tokou doou kada kada taasè ang, ke do tar losè ang, etoundaidjé boum nange ke gòlsè té tokou sésè ïyaidjé kei aséh béhn lé.
15Tokoro ma mpa maresè, ndò gange saria té, saria lo béhn lé a to wota saria nange té ke Sodome ke Gomorrhe.
16Woidjé, ma moulasè tokou lo batidjé horo ndjakemdjardjé té, tokou ban isidjé ke kemkarè tokou lo li, a isidjé ke mè ke madji tokou lo derdjé.
17Ngemidjé madji mbata lo dooudjé, mbata dèdè da kwaasè kare ndjè gange sariadjé, ke da koundasè mè kei Allah té lodè.
18Dèdè da kao kesè no mbaidjé ke mbaibédjé té mbata tar lom, ta pa tar nadji nòdè té, ke no Gentildjé té to.
19Tokou dèdè dwaasè dao kesè, esangidjé mèsè ang tar di baa a paidjé aséh tar ke sésè a télidjé nè wa, mbata kaden lé ndja da karesè tar ke sésè a kasidjé pa.
20Mbata to sésè ke epaidjé tar ang, a to Ndil lo Bòsésè ke pa deo té losè.
21Ngaköna ke dingao a kwaa ngoköè ta kare ntòlè, bòngon a da ke ngonè ban to. Ngandjé a kï ta mbeté bòdèdè ke ködèdè ta kare ntòldè.
22Dooudjé toï a mbetésè mbata rim ndja, a nè ke nwaa are ngeng sar ndò té ke goukou, nè na kinga kadji.
23Tokou dèdè ngäsè ke tar béh té ke kada, aïndjé ke mare béh té, mbata tokoro ma mpa maresè, sésè a ndaidjé horo béh té ke Israël toï ang dongor Ngon lo doou dé.
24Ndjè kao go doou té wota ndjè tòdjè tar ang, ke bere wota ebèèdjè ang.
25To asenga tokou ndjè kao go ndjè tòdjou tar té to asena sa, ke tokou bere to asena ke ebèèdjè. Tokou dèdè dounda ri doou ke ndjè kei na Béelzébul, dèdè da toura ri dooudjé ke kei la madjang wota ang wa?
26Tokou ban edaidjé bel lodè ang, mbata né kada ke iyaa ke a téh daka ang goto, aséh né ke yarè ke da geré ang goto.
27Né ke ma mpa maresè gongeï té, epaidjé ke lokarè té, né ke sésè woidjé hoi, epaidjé ke tarr dò kei té.
28Edaidjé bel lodè ang ke ntòl da rò a dase tòl ndil ang. Madji wota ebelidjé nè ke nase toudjou ndil ke da rò djokem loou kem pourou té.
29Dèdè ndoko kolé djo ke ngon narè kada ang wa? Ke kada lodè a koso nange ang tokou Bòsésè ndiki gè ang.
30A bi dòsè ndja ntoura toï mbä.
31Tokou ban, edaidjé bel ang, sésè madji wotaidjé kolé nya.
32Tokou ban, dooudjé kada kada toï ke pa tar lom nò dooudjé té, ma ma pa tar lodè nò Bòi té ke isi dara tò.
33A doou ke mbetem nò dooudjé té, ma ma mbetè nò Bòi té ke isi dara té tò.
34Edjidjé ang ke mam ndé ta kare mè woul nange nèn, mam ndé ta kare mè woul ang, a ta kare tokou kiaa.
35Mbata mam ndé ta kare doou mbeté bèdjè, ke ta kare ngon ke dènè mbeté këndjè, ke ta kare dènè mbeté moumèdjè.
36Ndjè kembaadjé lo doou a to dooudjé ke kei la ndja.
37Doou ke ndiki bèdjè aséh këndjè wotam, nè nasem ang. Nè ke ndiki ngonè ke dingao aséh ngonè ke dènè wotam, nè nasem ang.
38Nè ke noto kake yo la ke nao gom té ang, nè nasem ang.
39Nè ke ninga tébe la, nè na nai, a nè ke tébe la nai mbata lom, nè na kingè.
40Doou ke taasè, ntaam tò, ke doou ke taam, ntaa nè ke noulam.
41Nè ke ntaa prophète mbata nè nto prophète, nè na kinga kouka lo prophète. Nè ke ntaa doou ke gaté gaté mbata nè nto doou ke gaté gaté, nè na kinga kouka lo doou ke gaté gaté.
42Doou ke are ngonarè man ke woul are kada lo dèdè ke ngadji nèn lé, mbata nè nto ndjè kao gom té, tokoro ma mpa maresè, kouka la a nai ang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here: