Matthieu 8
8
1Tokou Jésus ï dò err té disi nange, dooudjé baya baya ao gè té.
2Wo, doou ke ndjè bandji kada dé rò Jésus té, nongou mekedjé gòlè nòè té, mpana, Mbaibé Seigneur, tokou i ndiki, i ase ta dam madji.
3Jésus oula dja orè, pana, Mam ndiki, edé madji. Loshénè loshénè bandji la goto.
4Jésus pa arè, Ngem madji, epa tar kada are doou kada ang, a ao etòdjou ròi ndjè kòr, are né kare ba ke Moïse pa aresè leo, to tar nadji kemdè té.
5Tokou Jésus ao Capernaüm té, doou ke ndjè ngem ndjè pouroudjé dé rè té, ndoudjè nya,
6Mpana, Mbaibé Seigneur, ngonlokisi lom to kei té ke debe rè woei mba, rè tooè nya.
7Jésus pa arè, Ma ma kao ta da rè madji.
8A ndjè ngem ndjè pouroudjé tél tar arè, pana, Mbaibé Seigneur, ma masang ta kare i dé mè kei té lom, epa tar ndja kadaba, tokou ban rò ngonlokisi lom a dé madji.
9Mbata mam nto doou ke wo tar to, ke mam nto ndjè ngem ndjè pouroudjé, ma mpa ke mare kada, Ao, a nè nao. Ma mpa mare marè kada, Edé, a nè ndé. Ma mpa mare bere lom, Eda né ke nèn, a nè nda.
10Tokou Jésus wo tar ke nè mpa, nè nedji nya, nè mpa nare dèdè ke dao gè té, Tokoro ma mpa maresè, ke Israël té ka mo ko mè té tokou boui ban ang.
11Ma mpa maresè, dooudjé baya a kï er loou té ke kade téh, ke er loou té ke kade woei, dèdè da kisi ta table té ke Abraham, ke Isaac, ke Jacob mè béh kö té ke dara.
12A da kongou ngandjé ke béh kö té londoul té ke daka, loou té ke nou dooudjé a nò ke man kemdè, ke da kousa ngangedè.
13Jésus pa are ndjè ngem ndjè pouroudjé, Ao, da da kari deo kadaba tokou i wo mei té mbä. Rò ngonlokisi dé madji lé té ndja.
14Tokou Jésus ao mè kei té lo Pierre, nè no moum Pierredjè to ke rò too ke rè nounga nya.
15Nè ntam dja ke rò too la eo, nè nï tarr nda ke Jésus.
16Lowoul té ndja, dèdè ndé rò Jésus té ke dooudjé baya ke ndil ke madjang to mèdè té. Nè ntouba ndildjé ke tar ke tè té. Nè nda rò ndjè rò toodjé toï ta dé madji.
17Tar nèn to ta kare tar ke prophète Ésaïe pa leo dé to tar ke tokoro, Nè noun né ke madjang lodjè, ke nè noto rò too lodjè tò.
18Tokou Jésus wo dooudjé baya baya ngosiba sa, nè mpa ta kare dao toura man té.
19Ndjè da maketourou ndedji dé rè té, nè mpa narè, Ndjè tòdjou tar, ma ma ndja goi té loou toï ke i ao kendé.
20Jésus pa arè, Taldjé éh ke bwa lodè, ke eldjé ke ï tarr éh ke kei lodè, a Ngon lo doou éh ke loou kada ta koula dè kendé ang.
21Mare ndjè kao gè té pa arè, Mbaibé Seigneur, arem mao ndoubou bòi dongor.
22Jésus pa arè, Ao gom té, are ndjè yodjé doubou yona ndja.
23Tokou nè nao mè to té, ndjè kao gè tédjé ao sa.
24Wo, tokou lél bourä ï dò man té, tokou ban man ao mè to té dousou, a Jésus tibi.
25Dèdè dao ndolè, mpana, Adjidjè Mbaibé Seigneur, djata kwoei.
26Nè mpa naredè, Edaidjé bel mbata di wa, sè dooudjé ke ndjè ko mè tédjé ngadji? Tokou ban nè nï tarr, nè ndange lél ke man ke loou to dèkèkè.
27Dooudjé edji nya, pana, Doou nèn to na wa, ke lél ke tokou man ndja wo tar la?
28Tokou nè ntéh toura man té, nange té lo Gadareniendjé, dooudjé djo ke ndil ke madjang mèdè té ndé rè té. Dèdè ntéh kon dòbare té. Dèdè nda singa nya tokou ban mare doou kada ase ta ndai ke deoèn ang.
29Wo, dèdè mpa ke tarr, mpana, Di a to horodjè té, i ke djèdjè wa, i Ngon lo Allah? I dé nèn ta da kedjè né mèkon dongor baa ta ndò ase wa?
30Mare berredjé baya ousa né deo eo ngadji ke nou.
31Ndildjé ke madjang doudjè nya, Tokou i toubadjè, ouladjè ta kao mè berredjé té nèn.
32Nè mpa naredè, Abidjé. Tokou ban dèdè ntéh, dèdè dao mè berredjé té. Wo, berredjé toï ï dò err té ngòrou, daïngòrou dongou man, doei mè man té.
33Dooudjé ke ndjè ngem berredjé daïn dao béh té, ntòdjou tar toï ke né toï ke dé rò ndjè ke isi ke ndildjé ke madjang.
34Wo, dooudjé mè béh té toï téh ta kao rò Jésus té. Tokou dèdè doè, dèdè ndoudjè nya ta kï ke dang nange té lodè.
Currently Selected:
Matthieu 8: KL1960
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here:
Matthieu 8
8
1Tokou Jésus ï dò err té disi nange, dooudjé baya baya ao gè té.
2Wo, doou ke ndjè bandji kada dé rò Jésus té, nongou mekedjé gòlè nòè té, mpana, Mbaibé Seigneur, tokou i ndiki, i ase ta dam madji.
3Jésus oula dja orè, pana, Mam ndiki, edé madji. Loshénè loshénè bandji la goto.
4Jésus pa arè, Ngem madji, epa tar kada are doou kada ang, a ao etòdjou ròi ndjè kòr, are né kare ba ke Moïse pa aresè leo, to tar nadji kemdè té.
5Tokou Jésus ao Capernaüm té, doou ke ndjè ngem ndjè pouroudjé dé rè té, ndoudjè nya,
6Mpana, Mbaibé Seigneur, ngonlokisi lom to kei té ke debe rè woei mba, rè tooè nya.
7Jésus pa arè, Ma ma kao ta da rè madji.
8A ndjè ngem ndjè pouroudjé tél tar arè, pana, Mbaibé Seigneur, ma masang ta kare i dé mè kei té lom, epa tar ndja kadaba, tokou ban rò ngonlokisi lom a dé madji.
9Mbata mam nto doou ke wo tar to, ke mam nto ndjè ngem ndjè pouroudjé, ma mpa ke mare kada, Ao, a nè nao. Ma mpa mare marè kada, Edé, a nè ndé. Ma mpa mare bere lom, Eda né ke nèn, a nè nda.
10Tokou Jésus wo tar ke nè mpa, nè nedji nya, nè mpa nare dèdè ke dao gè té, Tokoro ma mpa maresè, ke Israël té ka mo ko mè té tokou boui ban ang.
11Ma mpa maresè, dooudjé baya a kï er loou té ke kade téh, ke er loou té ke kade woei, dèdè da kisi ta table té ke Abraham, ke Isaac, ke Jacob mè béh kö té ke dara.
12A da kongou ngandjé ke béh kö té londoul té ke daka, loou té ke nou dooudjé a nò ke man kemdè, ke da kousa ngangedè.
13Jésus pa are ndjè ngem ndjè pouroudjé, Ao, da da kari deo kadaba tokou i wo mei té mbä. Rò ngonlokisi dé madji lé té ndja.
14Tokou Jésus ao mè kei té lo Pierre, nè no moum Pierredjè to ke rò too ke rè nounga nya.
15Nè ntam dja ke rò too la eo, nè nï tarr nda ke Jésus.
16Lowoul té ndja, dèdè ndé rò Jésus té ke dooudjé baya ke ndil ke madjang to mèdè té. Nè ntouba ndildjé ke tar ke tè té. Nè nda rò ndjè rò toodjé toï ta dé madji.
17Tar nèn to ta kare tar ke prophète Ésaïe pa leo dé to tar ke tokoro, Nè noun né ke madjang lodjè, ke nè noto rò too lodjè tò.
18Tokou Jésus wo dooudjé baya baya ngosiba sa, nè mpa ta kare dao toura man té.
19Ndjè da maketourou ndedji dé rè té, nè mpa narè, Ndjè tòdjou tar, ma ma ndja goi té loou toï ke i ao kendé.
20Jésus pa arè, Taldjé éh ke bwa lodè, ke eldjé ke ï tarr éh ke kei lodè, a Ngon lo doou éh ke loou kada ta koula dè kendé ang.
21Mare ndjè kao gè té pa arè, Mbaibé Seigneur, arem mao ndoubou bòi dongor.
22Jésus pa arè, Ao gom té, are ndjè yodjé doubou yona ndja.
23Tokou nè nao mè to té, ndjè kao gè tédjé ao sa.
24Wo, tokou lél bourä ï dò man té, tokou ban man ao mè to té dousou, a Jésus tibi.
25Dèdè dao ndolè, mpana, Adjidjè Mbaibé Seigneur, djata kwoei.
26Nè mpa naredè, Edaidjé bel mbata di wa, sè dooudjé ke ndjè ko mè tédjé ngadji? Tokou ban nè nï tarr, nè ndange lél ke man ke loou to dèkèkè.
27Dooudjé edji nya, pana, Doou nèn to na wa, ke lél ke tokou man ndja wo tar la?
28Tokou nè ntéh toura man té, nange té lo Gadareniendjé, dooudjé djo ke ndil ke madjang mèdè té ndé rè té. Dèdè ntéh kon dòbare té. Dèdè nda singa nya tokou ban mare doou kada ase ta ndai ke deoèn ang.
29Wo, dèdè mpa ke tarr, mpana, Di a to horodjè té, i ke djèdjè wa, i Ngon lo Allah? I dé nèn ta da kedjè né mèkon dongor baa ta ndò ase wa?
30Mare berredjé baya ousa né deo eo ngadji ke nou.
31Ndildjé ke madjang doudjè nya, Tokou i toubadjè, ouladjè ta kao mè berredjé té nèn.
32Nè mpa naredè, Abidjé. Tokou ban dèdè ntéh, dèdè dao mè berredjé té. Wo, berredjé toï ï dò err té ngòrou, daïngòrou dongou man, doei mè man té.
33Dooudjé ke ndjè ngem berredjé daïn dao béh té, ntòdjou tar toï ke né toï ke dé rò ndjè ke isi ke ndildjé ke madjang.
34Wo, dooudjé mè béh té toï téh ta kao rò Jésus té. Tokou dèdè doè, dèdè ndoudjè nya ta kï ke dang nange té lodè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1960, 2018.
To learn more or sign up for email updates about the mission of BFBS, click here: