aYohana 13
13
aYeso kusu atak álimazhiri wu
1A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.
2Nizen iya aYeso be álimazhiri wu ta se be iya naya katuk, Ishetan tsang i no̱ riye̱ aYahuza Iskariyot igon aSiman nong a tà no̱o̱k aYeso. 3aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun. 4Nizen iya ba tá se be iya naya'me, aYeso dorok a tá tun kukpiin wu kufe katoon'e, ne a rosom atawul nutin wu. 5Nama anong, ne a te ashi nures kukak ne a san kukusu átak álimazhiri wu, ne a re̱ng be atawul wu tá rosom nutin wu ame. 6Nizen iya a tá be̱ nufe aSiman Bitrus, ayong aBitrus fe̱ be aYeso ye, “Atekasa, wan tin kusu atak'i a?”
7Ne aYeso fe̱ be wu ye, “Wan ren ike̱ng mi ta sen nye'me kyo̱o̱rna baꞌ, amma wan tà ren nasho̱o̱n.”
8Ayong aBitrus fe̱ ye, “Wayo, wan tà kusu atak'i baꞌ, ko cie̱k.” Ne aYeso fe̱ be wu ye, “Ma mi ta kusu atak wan nizham, sang ke anong baꞌ, wan tà ba sor alimazhiri mi baꞌ.”
9Ayong aSiman Bitrus fe̱ ye, “To̱, Atekasa, sang atak'i tsek baꞌ, amma cei be rice be ibo̱k'i gip.”
10Ayong aYeso fe̱ be wu ye, “Aner aya a tan so tà kusu atak tsek, kamok kuro̱m wu forop. Yin forop yin amma sang cice̱r yin baꞌ.” 11Kamok aYeso tá ren aner aya a tana ku sok a tà no̱o̱k, iyong a fe̱ ye, “Sang cice̱r yin forop baꞌ.”
12Nizen iya aYeso tá gang i ka kusu ba atak'e, ne a te ares wu nong a tú ku bun naro̱ kusonong wu, ne a ku rip ba ye, “Yin ren yin ike̱ng i tá sak mi tá nye anong a? 13Yin ti yis yin ye ‘Aner Kubo̱so̱p’ be ‘Agwo̱m Ágwo̱m,’ i se gye̱r anong, kamok mi nye anong. 14Mi nye Agwo̱m Ágwo̱m ne i nye Aner Kubo̱so̱p yin, mi n kusu atak yin, yin gip tana kusu yin'e. 15Mi ta tonong yin ike̱ng ife yin tana kuus yin, yin gip tà nye yin anong. 16Katsak'e, mi ta ka tak yin, asam nar atekasa wu baꞌ, ka atom ta nar aner a tu ku tom baꞌ. 17Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.
aYeso zarap aner aya a tana ku rep
18“Sang natoon yin cice̱r ne mi ti fe̱ baꞌ, mi ren áya mi tá kasa. Amma iyu se anong, nong a ta shining rife̱ kufumung aZabura ta fe̱ ye, ‘Aya a tá ya naya mi ne a bun a ti bun ni mi.’
19“Mi ta taas yin ike̱re̱ na nizham, nong ase̱ ke izen'e nye, yin tà no̱o̱k yin katsak ye mi nye wu. 20Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”
aYeso tak aner a tana ku sok a ta no̱o̱k
(aMat 26.20-25; aMar 14.17-21; aLuk 22.21-23)
21Nama Yeso tá fe̱ rife̱ na, itak'e tú ku daam dide̱ng kaye̱e̱r riye̱ wu yong a fe̱ kanang ye, “Katsak'e mi ta ka tak yin, azining kaye̱e̱r yin tin sok a tà no̱o̱k.”
22Áyong álimazhiri wu san i na ye̱re̱k ne á daam ka angan ne a ti fe̱. 23Azining kaye̱e̱r álimazhiri'me afe aYeso'ma tá shim, a tá se nusonong bubarak be aYeso'me. 24aBitrus tú ku tike̱r nong a tá fe̱ be alimazhiri'me ye, “Ku rip, wu ti fe̱ na angan de̱?”
25Ayong alimazhiri aya a ta se bubarak be aYeso'me tú ku rip ye, “Atekasa aner'e nye angan e̱?”
26Ayong aYeso fe̱ be wu ye, “A nye aya mi tana ku no̱o̱k abiredi na ke mi shumun kaye̱e̱r kures na.” Iyong a shumun abiredi'me ne a no̱o̱k aYahuza Iskariyot igon aSiman. 27Kum aYahuza tá fa shan abiredi'me ne Ishetan no̱ riye̱ wu.
Ayong aYeso fe̱ be wu ye, “Ike̱ng iya wan tan sak ye wan tà nye, nye zizirik.” 28Amma akak naro̱ kuya naya'me ren ike̱ng iya i tá sak aYeso tá fe̱ anong be wu baꞌ. 29aYahuza a tá nye aner kusaas itso̱m, ákak ba sor ye aYeso fe̱ be wu ye a ra se shan ike̱re̱ a tá tse̱r kamok aPasova'me, ka a ra se no̱o̱k áfe rizor ike̱ng ikak ayi. 30Kum aYahuza tá fa shan abiredi'me, ne a wuruk nufang. Nizen iyong karo̱ tsang ka te katuk.
aYeso zarap ye aBitrus tù ku ton
(aMat 26.31-35; aMar 14.27-31; aLuk 22.31-34)
31Nama aYahuza tá wuruk, aYeso fe̱ ye, “Kyo̱o̱rna Igon Anerawe ta se̱ kuyiik ne Adakunom se̱ kuyiik kaye̱e̱r wu. 32Ke Adakunom se̱ kuyiik kaye̱e̱r wu, to̱, Adakunom tà tiyiik Igon'e be rice wu ne a bun a tiyiik rice wu zizirik.
33“Inoon'i, mi tà se be yin nizen cie̱k tsek. Yin tin tse̱r yin, amma kyo̱ndi mi tá fe̱ be áner aYahuda, anong ne mi bun i fe̱ be yin ye, ‘Karo̱ kaya mi tù ku be yin ta kyem i tseng yin baꞌ.’
34“Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim. 35Be anong ne koangan tá ren ye yin nye yin álimazhiri mi ke yin naka shim yin.”
36Ayong aSiman aBitrus tú rip ye, “Atekasa, wan be ake̱ e̱?” Ne aYeso fe̱ be wu ye, “Yin ta kyem i tseng yin naro̱ kaya mi tù ku be kyo̱o̱rna baꞌ, amma yin tà be̱ yin nama.”
37aBitrus bun a fe̱ be wu ye, “Atekasa, akye̱ tà sak mi ta tseng be wan kyo̱o̱rna baꞌ e̱? Mi tà no̱o̱k rice mi kamok wan.”
38Ayong aYeso fe̱ be wu ye, “Katsak'e wan tà no̱o̱k rice wan kamok mi a? Katsak'e ne mi ta ka tak, nizham atso̱n ta ra te̱p, wan tà fe̱ ye wan ti ren baꞌ, kutak kutaar.
Currently Selected:
aYohana 13: izrNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
aYohana 13
13
aYeso kusu atak álimazhiri wu
1A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.
2Nizen iya aYeso be álimazhiri wu ta se be iya naya katuk, Ishetan tsang i no̱ riye̱ aYahuza Iskariyot igon aSiman nong a tà no̱o̱k aYeso. 3aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun. 4Nizen iya ba tá se be iya naya'me, aYeso dorok a tá tun kukpiin wu kufe katoon'e, ne a rosom atawul nutin wu. 5Nama anong, ne a te ashi nures kukak ne a san kukusu átak álimazhiri wu, ne a re̱ng be atawul wu tá rosom nutin wu ame. 6Nizen iya a tá be̱ nufe aSiman Bitrus, ayong aBitrus fe̱ be aYeso ye, “Atekasa, wan tin kusu atak'i a?”
7Ne aYeso fe̱ be wu ye, “Wan ren ike̱ng mi ta sen nye'me kyo̱o̱rna baꞌ, amma wan tà ren nasho̱o̱n.”
8Ayong aBitrus fe̱ ye, “Wayo, wan tà kusu atak'i baꞌ, ko cie̱k.” Ne aYeso fe̱ be wu ye, “Ma mi ta kusu atak wan nizham, sang ke anong baꞌ, wan tà ba sor alimazhiri mi baꞌ.”
9Ayong aSiman Bitrus fe̱ ye, “To̱, Atekasa, sang atak'i tsek baꞌ, amma cei be rice be ibo̱k'i gip.”
10Ayong aYeso fe̱ be wu ye, “Aner aya a tan so tà kusu atak tsek, kamok kuro̱m wu forop. Yin forop yin amma sang cice̱r yin baꞌ.” 11Kamok aYeso tá ren aner aya a tana ku sok a tà no̱o̱k, iyong a fe̱ ye, “Sang cice̱r yin forop baꞌ.”
12Nizen iya aYeso tá gang i ka kusu ba atak'e, ne a te ares wu nong a tú ku bun naro̱ kusonong wu, ne a ku rip ba ye, “Yin ren yin ike̱ng i tá sak mi tá nye anong a? 13Yin ti yis yin ye ‘Aner Kubo̱so̱p’ be ‘Agwo̱m Ágwo̱m,’ i se gye̱r anong, kamok mi nye anong. 14Mi nye Agwo̱m Ágwo̱m ne i nye Aner Kubo̱so̱p yin, mi n kusu atak yin, yin gip tana kusu yin'e. 15Mi ta tonong yin ike̱ng ife yin tana kuus yin, yin gip tà nye yin anong. 16Katsak'e, mi ta ka tak yin, asam nar atekasa wu baꞌ, ka atom ta nar aner a tu ku tom baꞌ. 17Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.
aYeso zarap aner aya a tana ku rep
18“Sang natoon yin cice̱r ne mi ti fe̱ baꞌ, mi ren áya mi tá kasa. Amma iyu se anong, nong a ta shining rife̱ kufumung aZabura ta fe̱ ye, ‘Aya a tá ya naya mi ne a bun a ti bun ni mi.’
19“Mi ta taas yin ike̱re̱ na nizham, nong ase̱ ke izen'e nye, yin tà no̱o̱k yin katsak ye mi nye wu. 20Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”
aYeso tak aner a tana ku sok a ta no̱o̱k
(aMat 26.20-25; aMar 14.17-21; aLuk 22.21-23)
21Nama Yeso tá fe̱ rife̱ na, itak'e tú ku daam dide̱ng kaye̱e̱r riye̱ wu yong a fe̱ kanang ye, “Katsak'e mi ta ka tak yin, azining kaye̱e̱r yin tin sok a tà no̱o̱k.”
22Áyong álimazhiri wu san i na ye̱re̱k ne á daam ka angan ne a ti fe̱. 23Azining kaye̱e̱r álimazhiri'me afe aYeso'ma tá shim, a tá se nusonong bubarak be aYeso'me. 24aBitrus tú ku tike̱r nong a tá fe̱ be alimazhiri'me ye, “Ku rip, wu ti fe̱ na angan de̱?”
25Ayong alimazhiri aya a ta se bubarak be aYeso'me tú ku rip ye, “Atekasa aner'e nye angan e̱?”
26Ayong aYeso fe̱ be wu ye, “A nye aya mi tana ku no̱o̱k abiredi na ke mi shumun kaye̱e̱r kures na.” Iyong a shumun abiredi'me ne a no̱o̱k aYahuza Iskariyot igon aSiman. 27Kum aYahuza tá fa shan abiredi'me ne Ishetan no̱ riye̱ wu.
Ayong aYeso fe̱ be wu ye, “Ike̱ng iya wan tan sak ye wan tà nye, nye zizirik.” 28Amma akak naro̱ kuya naya'me ren ike̱ng iya i tá sak aYeso tá fe̱ anong be wu baꞌ. 29aYahuza a tá nye aner kusaas itso̱m, ákak ba sor ye aYeso fe̱ be wu ye a ra se shan ike̱re̱ a tá tse̱r kamok aPasova'me, ka a ra se no̱o̱k áfe rizor ike̱ng ikak ayi. 30Kum aYahuza tá fa shan abiredi'me, ne a wuruk nufang. Nizen iyong karo̱ tsang ka te katuk.
aYeso zarap ye aBitrus tù ku ton
(aMat 26.31-35; aMar 14.27-31; aLuk 22.31-34)
31Nama aYahuza tá wuruk, aYeso fe̱ ye, “Kyo̱o̱rna Igon Anerawe ta se̱ kuyiik ne Adakunom se̱ kuyiik kaye̱e̱r wu. 32Ke Adakunom se̱ kuyiik kaye̱e̱r wu, to̱, Adakunom tà tiyiik Igon'e be rice wu ne a bun a tiyiik rice wu zizirik.
33“Inoon'i, mi tà se be yin nizen cie̱k tsek. Yin tin tse̱r yin, amma kyo̱ndi mi tá fe̱ be áner aYahuda, anong ne mi bun i fe̱ be yin ye, ‘Karo̱ kaya mi tù ku be yin ta kyem i tseng yin baꞌ.’
34“Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim. 35Be anong ne koangan tá ren ye yin nye yin álimazhiri mi ke yin naka shim yin.”
36Ayong aSiman aBitrus tú rip ye, “Atekasa, wan be ake̱ e̱?” Ne aYeso fe̱ be wu ye, “Yin ta kyem i tseng yin naro̱ kaya mi tù ku be kyo̱o̱rna baꞌ, amma yin tà be̱ yin nama.”
37aBitrus bun a fe̱ be wu ye, “Atekasa, akye̱ tà sak mi ta tseng be wan kyo̱o̱rna baꞌ e̱? Mi tà no̱o̱k rice mi kamok wan.”
38Ayong aYeso fe̱ be wu ye, “Katsak'e wan tà no̱o̱k rice wan kamok mi a? Katsak'e ne mi ta ka tak, nizham atso̱n ta ra te̱p, wan tà fe̱ ye wan ti ren baꞌ, kutak kutaar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc