aYohana 5
5
Afe iro̱k nanu kudung
1Nama anong, aYeso tseng na aUshalima kamok riye̱ rikan igo̱o̱n aner aYahuda. 2To̱, na aUshalima'me kudung ku ka tuse a tá gorok be abur atoon. A yis karo̱'me nirem aYahuda ye aBatseda. Kudung na se bubarak be kanukutu a ta yis ye Iren izha. 3Azong kaye̱e̱r abur'e ne áfe iro̱k mereng, ákpato̱o̱n be ákparo̱ng ne áfe a ta we̱ abas azining. 4Be anong ne ba tor a ta be̱ a buruk ashi. Kamok nizen ikak amaleka man ne a tiik nong a ta be̱ buruk ashi'me. Kum aner aya afe a ta san i no̱ nashi'me, nama a tan buruk, ne a wor a te atser kaye̱e̱r kuro̱k wu. 5Azong aner akak tu se a tan te aye̱ iso̱k itaar be ikara be kuro̱k. 6Nizen aYeso tu ku di nameneng'e a ren ye aner'e n sor gaan be kuro̱k'e, yong a tu rip ye, “Wan shim ta te atser a?”
7Ne aner kuro̱k ame fe̱ ye, “Atekasa, mi be akak afe a tanin se̱ mo nong ta no̱ nudung'e nizen iya ne a be̱ a buruk ashi'me baꞌ. Izen iya ne mi tse̱r ta no̱ ne akak no̱ nasho̱o̱n'i.”
8Iyong aYeso fe̱ be wu ye, “Dorok! Sok ike̱re̱ kameneng wan ta tseng.” 9Aner ame wor a te atser. A sok ike̱re̱ kameneng wu a ta tseng. A nye ike̱re̱'ong katuk Asabar. 10Iyong afu Yahuda fe̱ be aner a tá te atser ame ye, “Katuur nye Asabar, Itsi ta roon i sok ike̱ng kameneng wan.”
11Amma aner ame fe̱ ye, “Aner a tá sak mi ta te atser, fe̱ be mi ye i ra sok ike̱ng kameneng'e ta tseng.”
12Iyong á tu rip ye, “Angan ne a fe̱ be wan ye i ri sok ike̱ng kameneng wan nong ta tseng'e e̱?”
13Aner a tá te atser'e, ren aner a tá sak wu tá te atser'e baꞌ, kamok aYeso tsang a no̱ kaye̱e̱r rigwo̱m ánerawe'me.
14Nama izen cie̱k aYeso su ku se̱ kaye̱e̱r agbang kutu kuya Adakunom iben, ne a fe̱ be wu ye, “Di wan te atser kyo̱o̱rna, won kunye rine̱n fan ike̱ng ikak iya i ta nar iyong imaan'e ba ka se̱.” 15Iyong aner ame tseng nong a tá se tak áko̱k kasho̱o̱n aner aYahuda ye aYeso ne a sak wu ta te atser.
16Kamok aYeso tá nye ike̱re̱ na katuk Asabar, áner aYahuda tu tabak. 17aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.” 18Kamok anong áner aYahuda tse̱r iren kufe̱r aYeso, sang kamok a tá shorop itsi kunom Asabar tsek baꞌ, amma a yis Adakunom ye ada wu, ne a sok rice wu tite̱re̱ be Adakunom.
Kukyem aYeso igon Adakunom
19Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip. 20Kamok Ada'me shim Igon'e, ne a ku tosong ike̱re̱ ife wu ta nye cei. A tu ku tosong ike̱re̱ igbang'e iya i ta nar iyu ma a ta ka te yin zhing. 21Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser. 22Ada'me to̱ akak amok baꞌ, amma an won Igon'e kuto̱ amok'e cei, 23nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.
24“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser. 25Katsak'e, mi ta ka tak yin, izen saase, n nye gip ma iya áya a tan kus tana fok kuto̱ Igon Adakunom, áya a tana fok ta se̱ kutser. 26Kyo̱ndi Ada'me ta nye iren kutser, anong ne a sak Igon wu ta sor iren kutser. 27Ne a ku no̱o̱k iren kuto̱ amok, kamok wu ta nye Igon Anerawe.
28“Sang tu te yin zhing be iyu baꞌ, kamok izen saase iya cei áya a ta se nure̱k ta fok kuto̱ wu, 29ne á wuruk, áya a tá nye kunye kutek tà dorok be kutser, ne áya a tá nye kunye kumaan'e ta dorok nong a tú ku to̱ ba amok. 30Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.
Rife̱ natoon aYeso
31“Ke mi fe̱ rife̱ natoon rice mi, to̱, i nye ye rife̱'me yong nye katsak baꞌ. 32Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.
33“Yin tom yin nufe aYohana, wu tá tak yin katsak'e. 34Sang i se ye mi shim anerawe ta fe̱ natoon'i baꞌ. Amma mi fe̱ anong, nong yin tà se̱ yin kashesh. 35aYohana se kyo̱ndi apitila aya a tá ya, a tá se kanang, yin ti nye yin riye̱ rikan be akanang wu nizen cie̱k.
36“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom. 37Ada'me afe a tin tom'e, fe̱ natoon'i, yin kun fok yin kuto̱ wu ka yin kun ku di yin baꞌ. 38Rife̱ wu kuse naye̱ yin baꞌ, kamok yin ti no̱o̱k yin katsak naya wu ta tom baꞌ. 39Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i. 40Gip be anong, yin gaar yin kube̱ nunaan nong tà se̱ yin kutser.
41“Mi tse̱r nakerek nufe ánerawe baꞌ. 42Amma mi ta ren yin, yin be yin kushim Adakunom naye̱ yin baꞌ. 43Mi be̱ riyerek Ada mi, amma yin ti shan yin baꞌ, amma ke akak be̱ kube̱ rice wu, ne yin ku shan yin. 44Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?
45“Amma tu di yin ye mi tà tseng kukun yin nufe Ada mi baꞌ. Aner amok yin nye aMusa, aya yin tin te yin riye̱. 46Ke a fa nye ye yin tin no̱o̱k yin katsak na aMusa ke yin tin no̱o̱k yin katsak ni mi, kamok wu zibir natoon'i. 47Amma kum yin tin no̱o̱k yin katsak nike̱ng wu ta zibir baꞌ, ane̱ ne yin tin no̱o̱k yin katsak nike̱ng mi ta fe̱ e̱?”
Currently Selected:
aYohana 5: izrNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
aYohana 5
5
Afe iro̱k nanu kudung
1Nama anong, aYeso tseng na aUshalima kamok riye̱ rikan igo̱o̱n aner aYahuda. 2To̱, na aUshalima'me kudung ku ka tuse a tá gorok be abur atoon. A yis karo̱'me nirem aYahuda ye aBatseda. Kudung na se bubarak be kanukutu a ta yis ye Iren izha. 3Azong kaye̱e̱r abur'e ne áfe iro̱k mereng, ákpato̱o̱n be ákparo̱ng ne áfe a ta we̱ abas azining. 4Be anong ne ba tor a ta be̱ a buruk ashi. Kamok nizen ikak amaleka man ne a tiik nong a ta be̱ buruk ashi'me. Kum aner aya afe a ta san i no̱ nashi'me, nama a tan buruk, ne a wor a te atser kaye̱e̱r kuro̱k wu. 5Azong aner akak tu se a tan te aye̱ iso̱k itaar be ikara be kuro̱k. 6Nizen aYeso tu ku di nameneng'e a ren ye aner'e n sor gaan be kuro̱k'e, yong a tu rip ye, “Wan shim ta te atser a?”
7Ne aner kuro̱k ame fe̱ ye, “Atekasa, mi be akak afe a tanin se̱ mo nong ta no̱ nudung'e nizen iya ne a be̱ a buruk ashi'me baꞌ. Izen iya ne mi tse̱r ta no̱ ne akak no̱ nasho̱o̱n'i.”
8Iyong aYeso fe̱ be wu ye, “Dorok! Sok ike̱re̱ kameneng wan ta tseng.” 9Aner ame wor a te atser. A sok ike̱re̱ kameneng wu a ta tseng. A nye ike̱re̱'ong katuk Asabar. 10Iyong afu Yahuda fe̱ be aner a tá te atser ame ye, “Katuur nye Asabar, Itsi ta roon i sok ike̱ng kameneng wan.”
11Amma aner ame fe̱ ye, “Aner a tá sak mi ta te atser, fe̱ be mi ye i ra sok ike̱ng kameneng'e ta tseng.”
12Iyong á tu rip ye, “Angan ne a fe̱ be wan ye i ri sok ike̱ng kameneng wan nong ta tseng'e e̱?”
13Aner a tá te atser'e, ren aner a tá sak wu tá te atser'e baꞌ, kamok aYeso tsang a no̱ kaye̱e̱r rigwo̱m ánerawe'me.
14Nama izen cie̱k aYeso su ku se̱ kaye̱e̱r agbang kutu kuya Adakunom iben, ne a fe̱ be wu ye, “Di wan te atser kyo̱o̱rna, won kunye rine̱n fan ike̱ng ikak iya i ta nar iyong imaan'e ba ka se̱.” 15Iyong aner ame tseng nong a tá se tak áko̱k kasho̱o̱n aner aYahuda ye aYeso ne a sak wu ta te atser.
16Kamok aYeso tá nye ike̱re̱ na katuk Asabar, áner aYahuda tu tabak. 17aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.” 18Kamok anong áner aYahuda tse̱r iren kufe̱r aYeso, sang kamok a tá shorop itsi kunom Asabar tsek baꞌ, amma a yis Adakunom ye ada wu, ne a sok rice wu tite̱re̱ be Adakunom.
Kukyem aYeso igon Adakunom
19Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip. 20Kamok Ada'me shim Igon'e, ne a ku tosong ike̱re̱ ife wu ta nye cei. A tu ku tosong ike̱re̱ igbang'e iya i ta nar iyu ma a ta ka te yin zhing. 21Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser. 22Ada'me to̱ akak amok baꞌ, amma an won Igon'e kuto̱ amok'e cei, 23nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.
24“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser. 25Katsak'e, mi ta ka tak yin, izen saase, n nye gip ma iya áya a tan kus tana fok kuto̱ Igon Adakunom, áya a tana fok ta se̱ kutser. 26Kyo̱ndi Ada'me ta nye iren kutser, anong ne a sak Igon wu ta sor iren kutser. 27Ne a ku no̱o̱k iren kuto̱ amok, kamok wu ta nye Igon Anerawe.
28“Sang tu te yin zhing be iyu baꞌ, kamok izen saase iya cei áya a ta se nure̱k ta fok kuto̱ wu, 29ne á wuruk, áya a tá nye kunye kutek tà dorok be kutser, ne áya a tá nye kunye kumaan'e ta dorok nong a tú ku to̱ ba amok. 30Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.
Rife̱ natoon aYeso
31“Ke mi fe̱ rife̱ natoon rice mi, to̱, i nye ye rife̱'me yong nye katsak baꞌ. 32Amma akak kuse a ta fe̱ rife̱ natoon'i, mi ren ike̱ng ife wu ta sen fe̱'me natoon'i nye katsak.
33“Yin tom yin nufe aYohana, wu tá tak yin katsak'e. 34Sang i se ye mi shim anerawe ta fe̱ natoon'i baꞌ. Amma mi fe̱ anong, nong yin tà se̱ yin kashesh. 35aYohana se kyo̱ndi apitila aya a tá ya, a tá se kanang, yin ti nye yin riye̱ rikan be akanang wu nizen cie̱k.
36“Mi be ayiik rife̱ natoon'i rife̱ i ta nar rife̱ aYohana, kamok itomong iya Ada tin no̱o̱k ye i ra gang, iyong ne mi sen nye'me ne i fe̱ ye, Ada ti tom. 37Ada'me afe a tin tom'e, fe̱ natoon'i, yin kun fok yin kuto̱ wu ka yin kun ku di yin baꞌ. 38Rife̱ wu kuse naye̱ yin baꞌ, kamok yin ti no̱o̱k yin katsak naya wu ta tom baꞌ. 39Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i. 40Gip be anong, yin gaar yin kube̱ nunaan nong tà se̱ yin kutser.
41“Mi tse̱r nakerek nufe ánerawe baꞌ. 42Amma mi ta ren yin, yin be yin kushim Adakunom naye̱ yin baꞌ. 43Mi be̱ riyerek Ada mi, amma yin ti shan yin baꞌ, amma ke akak be̱ kube̱ rice wu, ne yin ku shan yin. 44Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?
45“Amma tu di yin ye mi tà tseng kukun yin nufe Ada mi baꞌ. Aner amok yin nye aMusa, aya yin tin te yin riye̱. 46Ke a fa nye ye yin tin no̱o̱k yin katsak na aMusa ke yin tin no̱o̱k yin katsak ni mi, kamok wu zibir natoon'i. 47Amma kum yin tin no̱o̱k yin katsak nike̱ng wu ta zibir baꞌ, ane̱ ne yin tin no̱o̱k yin katsak nike̱ng mi ta fe̱ e̱?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc