aMatiyu 25
25
Kumaas natoon nanamang kuso̱k
1“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas. 2Atoon kaye̱e̱r ba be kukyem baꞌ, ne atoon be. 3Áfe dar kukyem ame tseng be apitila ba, ko a ti be name nakak baꞌ. 4Áfe kukyem ame ti be name nakak. 5Aner a ta sok abining afas'e be̱ zizirik baꞌ, ma ba cice̱r san kuyising ida ne á mereng ida.
6“Natite katuk ne ba fok akililiu ye, ‘Aner a tá sok abining afas ame saase, wuruk yin, tu ku shan yin niren.’
7“Iyong nanamang kuso̱k ame dorok nong a tá nye iro̱ng ba. 8Áya a ta se dar kukyem ame fe̱ be áfe kukyem ame ye, ‘Ni nang yir name yin cie̱k; iro̱ng yir sen kus.’
9“Áfe kukyem ame fe̱ be ba ye, ‘Wayo, na tin kyem yir ma be yin baꞌ. Ban se shan yin nafe yin.’
10“Ba ta fa dorok á sen tseng, ne aner a tana sok abining afas'e be̱. Nanamang naya na tá tsang á nye kanye̱k'e no̱ naro̱ kunye riye̱ rikan'e mak be wu ne a whe̱e̱n kutu'me.
11“Nizen ribir atoon ame tá be̱, ne á fe̱ ye, ‘Atekasa! Atekasa! Ni karak yir kanukutu!’
12“Amma a fe̱ be ba ye, ‘Katsak'e ne mi ta ka tak yin, mi ta ren yin baꞌ.’
13“Kamok anong, yin sor yin be kanye̱k, kamok yin ren yin kunom'e ka izen'e baꞌ.”
Kumaas natoon ásam ataar
(aLuk 19.11-27)
14“Rigwo̱m kaza ta se kyo̱ndi aner akak a ta be nutseng, yong a yis áfe itomong wu nong a tú ku no̱o̱k ba itso̱m. 15A no̱o̱k akak íshika itso̱m itoon ife izinariya ne a no̱o̱k akak íshika ifa ne a bun no̱o̱k akak ishika #25.15: Ishika: Nirem áner aHeleni, a zibir ye, “aTalent” azong. aTalent azining nar itso̱m kufe alebura azining naye̱ iso̱k itoon. azining. Koangan ba tite̱re̱ be agap wu. 16Aner a ta shan íshika itoon ame wor a tseng nong a ta sen nye rizhik be itso̱m'e, ma a bun a ti se̱ íshika itoon natoon ike̱ng iya a tú ku no̱o̱k. 17Anong ne aner aya a tá shan íshika ifa ame, a ti se̱ ifa natoon'e. 18Amma aya a tú ku no̱o̱k ishika izining ame, tseng a tá se rum ribong a tin ne̱r itso̱m atekasa wu ame.
19“A tá fa sor cie̱k ne atekasa ba ame be̱ nong a ta fa ike̱ng ba tin nye be itso̱m a tú ku no̱o̱k ba ame. 20Ayong aya a tú ku no̱o̱k íshika itoon ame be̱e̱n be itoon wu tin se̱ natoon'e. Ne a fe̱ be atekasa wu'me ye, ‘Atekasa, wan ti no̱o̱k íshika itoon, di, mi min se̱ íshika itoon natoon'e.’
21“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’
22“Ayong aya a tá shan íshika ifa ame be̱ gip, ne a fe̱ ye, ‘Atekasa, wan ti won íshika ifa, di, mi min se̱ íshika ifa natoon'e.’
23“Ne atekasa wu'me fe̱ ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi ta ka no̱o̱k itomong iya i ta nar iyong. Wan ta nye riye̱ rikan mak be mi.’
24“Ayong aya a tú ku no̱o̱k ishika izining ame be̱ ne a tá fe̱ ye, ‘Atekasa, mi tá ren kuse wan ro̱, wan shim ta tse̱k naro̱ karo̱ wan ta tuus baꞌ, ne i tusung naro̱ wan tu ku nas baꞌ. 25Iyong ne i sak mi tá fok inyim. Mi tseng i ta se rum ribong nong i tin ne̱r itso̱m wan tin no̱o̱k. Inga, ike̱ng wan tin no̱o̱k na'me.’
26“Ayong atekasa wu'me fe̱ be wu ye, ‘Wan amaan aner, acing akak, aser, wan ren ye mi nye ishamang naro̱ mi ta tuus baꞌ, ne i tusung naro̱ afe mi tu ku nas baꞌ a? 27To̱, gye̱r ke wan ti sak itso̱m'e naro̱ kaya ke mi be̱, mi tin se̱ ike̱ng ikak natoon'e.
28“ ‘Kamok anong ni shan yin ishika izining'ong nufu nong ta no̱o̱k yin aya a ta be íshika kuso̱k ame. 29Kamok koangan afe a ta be ike̱ng, a tu ku barang mo nong i ta se̱ whe̱re̱. Aner'e a ta be baꞌ, ihiir'e wu tá be'ong gip a tin shan ni wu. 30Tun yin akpe̱de̱ng aner na nufang, ta barak yin kaye̱e̱r awhi, azong ne a tà tos ne a ya anyi.’
A ta kam ítsamang ze̱e̱r be ízha iwe
31“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu. 32A tà tusung ánerawe kazatse nasho̱o̱n wu cice̱r. Ne a kam ánerawe ze̱r ze̱r kyo̱ndi aner kufek ta kam ítsamang ze̱e̱r be ibon. 33A ta sak ítsamang nabas kubo̱k riya, ne a sak ibon nabas kubo̱k rimen.
34“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse. 35Kamok nizen iya mi tá fok izong, yin ti no̱o̱k yin naya. Nizen iya mi tá fok kuto̱ kukoor, yin ti no̱o̱k yin ashi kuso̱. Mi be̱ kyo̱ndi atsen nufe yin, yin ti no̱o̱k yin karo̱ kuko̱s. 36Mi be kukpiin baꞌ, yin ti no̱o̱k yin. Mi nye atser baꞌ, yin ti sak yin riye̱ natoon'i. Mi se nitso̱m, yin be̱ i ti di yin.’
37“Ne áya a ta se gye̱r nasho̱o̱n Adakunom fe̱ be wu ye, ‘Agwo̱m Ágwo̱m, nizing ne yir tá di yir be izong i tá ka no̱o̱k yir naya e̱? Ka nizing ne yir tá di yir be kuto̱ kukoor, i tá ka no̱o̱k yir ashi e̱? 38Ka nizing ne wan be̱ kyo̱ndi aner atsen nufe yir i tá ka no̱o̱k yir karo̱ kuko̱s e̱? Ka nizing ne wan be kukpiin baꞌ, yong yir tá ka no̱o̱k yir e̱? 39Nizing ne yir ta se̱ yir be kuro̱k ka nitso̱m i ta be̱ i tá ka di yir e̱?’
40“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’
41“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu. 42Kamok nizen iya mi ta se be izong, yin ti no̱o̱k yin naya baꞌ. Nizen mi tá fok kuto̱ kukoor, yin ti nang yin ashi i ta so̱ baꞌ. 43Mi be̱ kyo̱ndi aner atsen, yin ti shan yin baꞌ, mi be kukpiin kute baꞌ, yin ti no̱o̱k yin baꞌ. Mi nye atser baꞌ, a ti te nitso̱m amma yin daam yin be mi baꞌ.’
44“Ne ba ma bun a fe̱ be wu ye, ‘Atekasa, nizing ne yir tá ka di yir be izong, ka be kuto̱ kukoor ka wan be̱ kyo̱ndi aner atsen, ka be kukpiin baꞌ, ka wan nye atser baꞌ, ka wan se nitso̱m, amma yir daam yir be wan baꞌ e̱?’
45“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’
46“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”
Currently Selected:
aMatiyu 25: izrNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
aMatiyu 25
25
Kumaas natoon nanamang kuso̱k
1“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas. 2Atoon kaye̱e̱r ba be kukyem baꞌ, ne atoon be. 3Áfe dar kukyem ame tseng be apitila ba, ko a ti be name nakak baꞌ. 4Áfe kukyem ame ti be name nakak. 5Aner a ta sok abining afas'e be̱ zizirik baꞌ, ma ba cice̱r san kuyising ida ne á mereng ida.
6“Natite katuk ne ba fok akililiu ye, ‘Aner a tá sok abining afas ame saase, wuruk yin, tu ku shan yin niren.’
7“Iyong nanamang kuso̱k ame dorok nong a tá nye iro̱ng ba. 8Áya a ta se dar kukyem ame fe̱ be áfe kukyem ame ye, ‘Ni nang yir name yin cie̱k; iro̱ng yir sen kus.’
9“Áfe kukyem ame fe̱ be ba ye, ‘Wayo, na tin kyem yir ma be yin baꞌ. Ban se shan yin nafe yin.’
10“Ba ta fa dorok á sen tseng, ne aner a tana sok abining afas'e be̱. Nanamang naya na tá tsang á nye kanye̱k'e no̱ naro̱ kunye riye̱ rikan'e mak be wu ne a whe̱e̱n kutu'me.
11“Nizen ribir atoon ame tá be̱, ne á fe̱ ye, ‘Atekasa! Atekasa! Ni karak yir kanukutu!’
12“Amma a fe̱ be ba ye, ‘Katsak'e ne mi ta ka tak yin, mi ta ren yin baꞌ.’
13“Kamok anong, yin sor yin be kanye̱k, kamok yin ren yin kunom'e ka izen'e baꞌ.”
Kumaas natoon ásam ataar
(aLuk 19.11-27)
14“Rigwo̱m kaza ta se kyo̱ndi aner akak a ta be nutseng, yong a yis áfe itomong wu nong a tú ku no̱o̱k ba itso̱m. 15A no̱o̱k akak íshika itso̱m itoon ife izinariya ne a no̱o̱k akak íshika ifa ne a bun no̱o̱k akak ishika #25.15: Ishika: Nirem áner aHeleni, a zibir ye, “aTalent” azong. aTalent azining nar itso̱m kufe alebura azining naye̱ iso̱k itoon. azining. Koangan ba tite̱re̱ be agap wu. 16Aner a ta shan íshika itoon ame wor a tseng nong a ta sen nye rizhik be itso̱m'e, ma a bun a ti se̱ íshika itoon natoon ike̱ng iya a tú ku no̱o̱k. 17Anong ne aner aya a tá shan íshika ifa ame, a ti se̱ ifa natoon'e. 18Amma aya a tú ku no̱o̱k ishika izining ame, tseng a tá se rum ribong a tin ne̱r itso̱m atekasa wu ame.
19“A tá fa sor cie̱k ne atekasa ba ame be̱ nong a ta fa ike̱ng ba tin nye be itso̱m a tú ku no̱o̱k ba ame. 20Ayong aya a tú ku no̱o̱k íshika itoon ame be̱e̱n be itoon wu tin se̱ natoon'e. Ne a fe̱ be atekasa wu'me ye, ‘Atekasa, wan ti no̱o̱k íshika itoon, di, mi min se̱ íshika itoon natoon'e.’
21“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’
22“Ayong aya a tá shan íshika ifa ame be̱ gip, ne a fe̱ ye, ‘Atekasa, wan ti won íshika ifa, di, mi min se̱ íshika ifa natoon'e.’
23“Ne atekasa wu'me fe̱ ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi ta ka no̱o̱k itomong iya i ta nar iyong. Wan ta nye riye̱ rikan mak be mi.’
24“Ayong aya a tú ku no̱o̱k ishika izining ame be̱ ne a tá fe̱ ye, ‘Atekasa, mi tá ren kuse wan ro̱, wan shim ta tse̱k naro̱ karo̱ wan ta tuus baꞌ, ne i tusung naro̱ wan tu ku nas baꞌ. 25Iyong ne i sak mi tá fok inyim. Mi tseng i ta se rum ribong nong i tin ne̱r itso̱m wan tin no̱o̱k. Inga, ike̱ng wan tin no̱o̱k na'me.’
26“Ayong atekasa wu'me fe̱ be wu ye, ‘Wan amaan aner, acing akak, aser, wan ren ye mi nye ishamang naro̱ mi ta tuus baꞌ, ne i tusung naro̱ afe mi tu ku nas baꞌ a? 27To̱, gye̱r ke wan ti sak itso̱m'e naro̱ kaya ke mi be̱, mi tin se̱ ike̱ng ikak natoon'e.
28“ ‘Kamok anong ni shan yin ishika izining'ong nufu nong ta no̱o̱k yin aya a ta be íshika kuso̱k ame. 29Kamok koangan afe a ta be ike̱ng, a tu ku barang mo nong i ta se̱ whe̱re̱. Aner'e a ta be baꞌ, ihiir'e wu tá be'ong gip a tin shan ni wu. 30Tun yin akpe̱de̱ng aner na nufang, ta barak yin kaye̱e̱r awhi, azong ne a tà tos ne a ya anyi.’
A ta kam ítsamang ze̱e̱r be ízha iwe
31“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu. 32A tà tusung ánerawe kazatse nasho̱o̱n wu cice̱r. Ne a kam ánerawe ze̱r ze̱r kyo̱ndi aner kufek ta kam ítsamang ze̱e̱r be ibon. 33A ta sak ítsamang nabas kubo̱k riya, ne a sak ibon nabas kubo̱k rimen.
34“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse. 35Kamok nizen iya mi tá fok izong, yin ti no̱o̱k yin naya. Nizen iya mi tá fok kuto̱ kukoor, yin ti no̱o̱k yin ashi kuso̱. Mi be̱ kyo̱ndi atsen nufe yin, yin ti no̱o̱k yin karo̱ kuko̱s. 36Mi be kukpiin baꞌ, yin ti no̱o̱k yin. Mi nye atser baꞌ, yin ti sak yin riye̱ natoon'i. Mi se nitso̱m, yin be̱ i ti di yin.’
37“Ne áya a ta se gye̱r nasho̱o̱n Adakunom fe̱ be wu ye, ‘Agwo̱m Ágwo̱m, nizing ne yir tá di yir be izong i tá ka no̱o̱k yir naya e̱? Ka nizing ne yir tá di yir be kuto̱ kukoor, i tá ka no̱o̱k yir ashi e̱? 38Ka nizing ne wan be̱ kyo̱ndi aner atsen nufe yir i tá ka no̱o̱k yir karo̱ kuko̱s e̱? Ka nizing ne wan be kukpiin baꞌ, yong yir tá ka no̱o̱k yir e̱? 39Nizing ne yir ta se̱ yir be kuro̱k ka nitso̱m i ta be̱ i tá ka di yir e̱?’
40“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’
41“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu. 42Kamok nizen iya mi ta se be izong, yin ti no̱o̱k yin naya baꞌ. Nizen mi tá fok kuto̱ kukoor, yin ti nang yin ashi i ta so̱ baꞌ. 43Mi be̱ kyo̱ndi aner atsen, yin ti shan yin baꞌ, mi be kukpiin kute baꞌ, yin ti no̱o̱k yin baꞌ. Mi nye atser baꞌ, a ti te nitso̱m amma yin daam yin be mi baꞌ.’
44“Ne ba ma bun a fe̱ be wu ye, ‘Atekasa, nizing ne yir tá ka di yir be izong, ka be kuto̱ kukoor ka wan be̱ kyo̱ndi aner atsen, ka be kukpiin baꞌ, ka wan nye atser baꞌ, ka wan se nitso̱m, amma yir daam yir be wan baꞌ e̱?’
45“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’
46“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc