Kucangtsi 11
11
Uten Babila
1Ti kucang, ande ti utense meme ku ri unju kinjo amam. 2Ande nwunn usir ti kiskinn, u ba tu utab iki yi Babila, u som atang. 3Ama aba ri te atso baa, “Ni ba ti ti byi ariben, u fxab yi nyinyang.” Aba ku mbye asog ti biriki kutunn unju atxom, ama mbye yi nyinyang ti kindob koltai kutunn unju ariben. 4Ama aba ri baa, “Ni ba ti ti mbye na ijwe-ti uten, ti kitaen kujwín, ikyaen ti rinyi-ti ā pu iten, ama ikyaen ti, ati ā yaen shag-ti uwae utense be.”
5Ama Yaweh si ba ti wu u ba sae uten wu ti ande ku mbye ti rikob-wu ku tso ne. 6Yaweh ri baa, “Nung! Ti ande bane site risu ti ren, u ku ri unju kinjo ne, ayine si nyáng ti kucangtsi iken ti aba a myae tsi ti a u nde, iken iki ta-yi ti u byangkyi ba be. 7Ba, ti ti ka ye unju-ba kyikab, ti aba ā fxen-ba atso cwucwo be.” 8Yi fengo yine, Yaweh byinn shag ba kyife utense meme, ama aba mbye-ba uten wu cwucwo be. 9Nee iken ti nde, aba kunn rinyi uten wu baa, “Babila.” Ikyaen ti, ayi si uwog wune ti Yaweh ye unju ande utense kata. Ayi si uwog wune ti Yaweh nda ande yaen shag kyife utense meme.
Rishi Shem
(1 Kucin 1:24-27)
10Ayine si kuci anyisu Shem. Asang ifaen isim ti ambyi munnkyi utense, kiye ti Shem site asang ukob kinjo (100), awu mbae Arpakisha. 11Isim ti awu mbae Arpakisha, Shem nde asang ukob itsong (500), u mbae kyi anyisu ti arom tí tī anda.
12Arpakisha nde asang rijweta mbe itsong (35), awu mbae Shela. 13Isim ti Arpakisha mbae Shela, awu som asang ukob inje mbe ita (403), ama u mbae kyi anyisu ti arom tí tī anda.
14Ti Shela nde asang rijweta (30), awu mbae Eber. 15Isim ti awu mbae Eber, Shela nde asang ukob inje mbe ita (403), u mbae anyisu tī arom tí tī anda.
16Ti Eber nde asang rijweta asu inje (34), awu mbae Peleg. 17Isim ti awu mbae Peleg, Eber som asang ukob inje ti rijweta (430), u mbae kyi anyisu ti arom tí tī anda.
18Ti Peleg nde asang rijweta (30), awu mbae Rewu. 19Isim ti awu mbae Rewu, Peleg som asang ukob ifaen ti itsongnje (209), u mbae kyi anyisu tī arom tí tī anda.
20Ti Rewu nde asang rijweta mbe ifaen (32), awu mbae Serug. 21Isim ti awu mbae Serug, Rewu nde asang ukob ifaen ti itsongfaen (207), u mbae kyi anyisu ti arom tí tī anda.
22Ti Serug nde asang rijweta (30), awu mbae Nahor. 23Isim itimbae Nahor, Serug som asang ukob ifaen (200), u mbae kyi anyisu ti arom tí tī anda.
24Ti Nahor nde asang rikom asu itsongnje (29), awu mbae Tera, 25Isim itimbae Tera, Nahor som asang ukob kinjo ti rijwe asu itsongnje (119), u mbae kyi anyisu ti arom tí tī anda.
26Ti Tera nde asang mae ita mbe rijwe (70), awu mbae Ibram ti Nahor ti Haran.
Rishi na Tera
27Abane ti si rishi Tera. Tera mbae Ibram ti Nahor, ti Haran. Haran ama mbae Loti. 28Haran cwu uwe itse-wu Tera uwae uten Ur ti ta Kaldeya, uten itimbae-wu. 29Ibram ti Nahor mbe anda. Rinyi uwa Ibram si Saraya, rinyi uwa Nahor ama si Milika, umbae Haran. Awu si mbiya Isika ti Loti. 30Ama Saraya kunn utsob, awu mbae-wu mbae be.
31Tera pu uyin-wu Ibram, ti Loti umbae unyin-wu Haran, ti uwabyib-wu Saraya, uwa Ibram, meme-ba nwunn ku ru yi Ur ti ta uten ti Kaldeya, ti aba u ru yi uten Kanana. Ama ti aba ka sang uten ti Haran, aba som atang. 32Tera nde asang ukob ifaen mbe itsong (205), ama u cwu uwae Haran.
Currently Selected:
Kucangtsi 11: kubNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Kucangtsi 11
11
Uten Babila
1Ti kucang, ande ti utense meme ku ri unju kinjo amam. 2Ande nwunn usir ti kiskinn, u ba tu utab iki yi Babila, u som atang. 3Ama aba ri te atso baa, “Ni ba ti ti byi ariben, u fxab yi nyinyang.” Aba ku mbye asog ti biriki kutunn unju atxom, ama mbye yi nyinyang ti kindob koltai kutunn unju ariben. 4Ama aba ri baa, “Ni ba ti ti mbye na ijwe-ti uten, ti kitaen kujwín, ikyaen ti rinyi-ti ā pu iten, ama ikyaen ti, ati ā yaen shag-ti uwae utense be.”
5Ama Yaweh si ba ti wu u ba sae uten wu ti ande ku mbye ti rikob-wu ku tso ne. 6Yaweh ri baa, “Nung! Ti ande bane site risu ti ren, u ku ri unju kinjo ne, ayine si nyáng ti kucangtsi iken ti aba a myae tsi ti a u nde, iken iki ta-yi ti u byangkyi ba be. 7Ba, ti ti ka ye unju-ba kyikab, ti aba ā fxen-ba atso cwucwo be.” 8Yi fengo yine, Yaweh byinn shag ba kyife utense meme, ama aba mbye-ba uten wu cwucwo be. 9Nee iken ti nde, aba kunn rinyi uten wu baa, “Babila.” Ikyaen ti, ayi si uwog wune ti Yaweh ye unju ande utense kata. Ayi si uwog wune ti Yaweh nda ande yaen shag kyife utense meme.
Rishi Shem
(1 Kucin 1:24-27)
10Ayine si kuci anyisu Shem. Asang ifaen isim ti ambyi munnkyi utense, kiye ti Shem site asang ukob kinjo (100), awu mbae Arpakisha. 11Isim ti awu mbae Arpakisha, Shem nde asang ukob itsong (500), u mbae kyi anyisu ti arom tí tī anda.
12Arpakisha nde asang rijweta mbe itsong (35), awu mbae Shela. 13Isim ti Arpakisha mbae Shela, awu som asang ukob inje mbe ita (403), ama u mbae kyi anyisu ti arom tí tī anda.
14Ti Shela nde asang rijweta (30), awu mbae Eber. 15Isim ti awu mbae Eber, Shela nde asang ukob inje mbe ita (403), u mbae anyisu tī arom tí tī anda.
16Ti Eber nde asang rijweta asu inje (34), awu mbae Peleg. 17Isim ti awu mbae Peleg, Eber som asang ukob inje ti rijweta (430), u mbae kyi anyisu ti arom tí tī anda.
18Ti Peleg nde asang rijweta (30), awu mbae Rewu. 19Isim ti awu mbae Rewu, Peleg som asang ukob ifaen ti itsongnje (209), u mbae kyi anyisu tī arom tí tī anda.
20Ti Rewu nde asang rijweta mbe ifaen (32), awu mbae Serug. 21Isim ti awu mbae Serug, Rewu nde asang ukob ifaen ti itsongfaen (207), u mbae kyi anyisu ti arom tí tī anda.
22Ti Serug nde asang rijweta (30), awu mbae Nahor. 23Isim itimbae Nahor, Serug som asang ukob ifaen (200), u mbae kyi anyisu ti arom tí tī anda.
24Ti Nahor nde asang rikom asu itsongnje (29), awu mbae Tera, 25Isim itimbae Tera, Nahor som asang ukob kinjo ti rijwe asu itsongnje (119), u mbae kyi anyisu ti arom tí tī anda.
26Ti Tera nde asang mae ita mbe rijwe (70), awu mbae Ibram ti Nahor ti Haran.
Rishi na Tera
27Abane ti si rishi Tera. Tera mbae Ibram ti Nahor, ti Haran. Haran ama mbae Loti. 28Haran cwu uwe itse-wu Tera uwae uten Ur ti ta Kaldeya, uten itimbae-wu. 29Ibram ti Nahor mbe anda. Rinyi uwa Ibram si Saraya, rinyi uwa Nahor ama si Milika, umbae Haran. Awu si mbiya Isika ti Loti. 30Ama Saraya kunn utsob, awu mbae-wu mbae be.
31Tera pu uyin-wu Ibram, ti Loti umbae unyin-wu Haran, ti uwabyib-wu Saraya, uwa Ibram, meme-ba nwunn ku ru yi Ur ti ta uten ti Kaldeya, ti aba u ru yi uten Kanana. Ama ti aba ka sang uten ti Haran, aba som atang. 32Tera nde asang ukob ifaen mbe itsong (205), ama u cwu uwae Haran.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017