Yohana 13
13
Yesu Jwo Afxen Atugbug-wu
1Ayi tsitsi usir kpang ti Mbayawuda u ci Ukwab Itiyafe. Yesu nungye pu wu baa, kiye na ru ba pu yi ti awu na u ya utense wune ta, u kafe tso tí uwog Itse-wu. Ti ti kucang awu site ure risu ande-wu ti ta utense ike, amaa tine awu u tatso ba baa, ure-wu ayi na site-yi itikunntsi be.
2Usir jwo ureb Yesu ti ande-wu rijwe asu ifaen ta uwog iken ti ci. Ukwe Kukyaefa sang mam pu wu utob Yawuda umbae Siman Iskariyoti baa, awu na u ye Yesu jabci. 3Yesu nung pu wu baa, Itse-wu Rimam na nda pu wu awu kuko risu iken meme. Awu nung pu wu baa, awu na ru uwog Rimam ba, ama na u kafe ku ru ti yi uwog Rimam. 4Ti aba funn atang, awu nwunn uwog tebur u tunn kutupwa ti awu si tso u pu tawur cwun umbyi. 5Awu sa ambyi yaen si paedi ku jwo na ande-wu afxen ku pu tawur ti awu pu kyae sang umbyi-wu, ku fen wam yi atang. 6Ti awu ru ba sang uwog Siman Bitrus, Siman Bitrus ri te wu baa, “Afu ti si Itsekuru-m, afu u jwo na m afxen ané?” 7Yesu ri te wu baa, “Iken ti ame ku nde ne, afu nung-fu umbyi-yi khika be. Kiye ru ku ba ti afu u ba nungye.” 8Bitrus ri baa, “Ame u cwe-m ti fu jwo na m afxen ama be!” Yesu ri te wu baa, “Asiti ame a jwo na-m afu afxen be, afu u si-fu unde-m cwucwo be.” 9Siman Bitrus ri te wu baa, “Itsekuru-m, ayi a si ahan, jwo-fu kum afxen-m amam be. Ame ku jwam fu, jwo fa ti ajwo-m ti risu-m meme!” 10Yesu ri baa, “Asiti unde a jwo pu wu ijwe, awu saen pu wu. Awu u jwo-wu ijwe meme cwucwo be, se afxen-wu amam. Meme-ni si ande ti sisaen, nyáng unde kinjo amam ti saen-wu saen be.” 11Yesu nungye pu wu unde ti u ye wu jabci. Nee iken ti nde titawe awu ri baa, “Meme-ni si ande ti sisaen, kum unde kinjo amam ti saen-wu saen be.”
12Isim ti awu jwo mam fe afxen-ba, awu pu kutupwa-wu si ti rimenn u kafe ru ti uwog-wu risu tebur atang u rang ba baa, “Ani nungye imbyi iken ti ame nde te ni ne a? 13Ani ku kunn me baa, Unde ti uwe, u ku kunn me baa, Itsekuru. Ayi nyang timambe, ikyaen ti ayi si ahan ara. 14Ame ti si Itsekuru-ni u si Unde ti uwe-ni, amaa ame jwo na ni afxen. Ani ama ā jwo na atso afxen. 15Ame tatso pu m ani fengo ikyaen ti ni nde pangma ti ame nde te ni. 16Ame ku ri te ni kubenti, upyi skeb-wu itsekuru-wu be, unde kutsa ama skeb-wu unde ti tom wu ritom be. 17Ti ani nung pu ni iken yine, asiti ani a nde wande te yi ani u tsen utob timambe.
Yesu Ri baa, Yawuda na u Ye Wu Jabci
18“Ayi si-yi risu meme-ni ti ame ku ri ira yine be. Ame nung pu m ande ti ame tsitsab. Amaa a bae uwae Kutsingken Rimam baa, ‘Unde ti ci wuci-m kafe unde ti rika-m.’ Ira ayine u kumunn kang. 19Ame ku ri te ni ira yi titawe ti ayi u ba nde, ikyaen ti, kiye ti ayi a ru ba nde, ani u ru kubenti baa, Ame na si unde ti ame si. 20Ame ku ri te ni kubenti baa, unde titini ti a kyangte unde ti ame a tom, awu kyangte pu wu ame ama. Unde ti a kyangte m, awu kyangte pu wu AWU ti tom m sang ba uwae utense.”
Yesu Ri Ira Risu Unde ti u Sa Wu Jabci
(Matiyu 26:20-25; Markus 14:17-21; Luka 22:21-23)
21Isim ti Yesu ri ira yine anying yer wu utob timambe, ama awu ri te ba paenine baa, “Ame ku ri te ni kubenti, unde kinjo uwae-ni u ye m jaeb ci.” 22Ande ti putsa wu ku sae atso sae atso u nung-ba unde wu ti Yesu ku ri ira risu-wu be. 23Kinjo uwae ande rijwe asu ifaen aba, unde wu ti Yesu cwe fe ira risu-wu be, ta fer Yesu. 24Siman Bitrus sam unde wune kujwo u jwam wu baa, “Rang Yesu baa, aye ti awu ku ri ira yine risu-wu?” 25Ama unde wu ko ru ka fer Yesu u rang wu baa, “Itsekuru, unde wu si aye?” 26Yesu ri baa, “Unde ti ame a sa buredi ti ta kujwo-m kwa u nda wu, awu ti si unde wu ti u sa m jabci.” Ama awu sa buredi u kwa u nda Yawuda umbae Siman Iskariyoti. 27Ti ritsen ti Yawuda mbe ra buredi yi, Shetann sang ka riyaen utob-wu. Yesu ri te wu baa, “Nde ti kife ti nde iken ti afu ku sha ti fu u nde ne!” 28Ande ti tsitsi ti ta risu tebur atang nungye-ba imbyi ira yi ti Yesu ri te wu ne be. 29Ariki uwae-ba ku tang baa, ti ayi si Yawuda ti ye su ukyig aser-ba, Yesu na ri te wu baa, awu na ka jab isu ti aba ku sha ikyaen ukwab yi, ko awu na ri te wu baa, awu na sha iken iki na na ande ti rikaen. 30Ti Yawuda mbe ra kubyi buredi yi uwog Yesu, awu nwunn u ruye yi ise. Uwog byi kyi pu wu.
Kuko na Yesu
31Isim ti Yawuda ru mam pu wu, Yesu ri baa, “Kiye ru ba pu yi ti Rimam u tso rurob ukwe-wu uwog Umbae Unde. Umbae Unde ama u tso rurob ukwe-wu na Rimam ama. 32Asiti Rimam a ku tu rurob uwog umbae-wu tine, ayi u tsi-yi tsi be Rimam u pu wu ru yi uwog ti awu ti risu-wu ku som atang u nda wu riyinn ti rurob atang. 33Anyisu-m, ayi tsitsi kiye kpang ti ame te ni ta tetso. Pangma ti ame ri te ande ndufu, ame ku ri te ni tine ama baa, ani u sha rifab-m, amaa ani u ka fob-ni uwog ti ame ku ru yi atang be. 34Icwe tishe ti ame sa ku na ni si ti ni ye ure tetso. Pangma ti ame ye ure te ni, ni ye itso ure wune tetso ama. 35Asiti ani a ku ye ure tetso ande meme u nungye baa, ani na si ande ti ku putsa m.”
Bitrus u Shaen Ishaen Risu Yesu
36Siman Bitrus rang wu baa, “Afu ku ru-fu yi aka Itsekuru?” Yesu ri te wu baa, “Uwog ti ame ku ru yi atang, afu u putsa fob-fu ame tine be, afu u ba putsa m usir iki.” 37Bitrus rang wu baa, “Itsekuru-m, imi ti u nde titawe ame u putsa-m afu tine be? Ame cwe ti m u cwu ikyaen na fu!” 38Yesu ri te wu baa, “Afu ri baa, afu na cwe ti afu na u cwu ikyaen-m ané? Ame ku ri te fu kubenti, utitang ne, afu u ri tso atsepu ita baa, afu na nung-fu ame be, titawe mbakunn u ta ira.”
Currently Selected:
Yohana 13: kubNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Yohana 13
13
Yesu Jwo Afxen Atugbug-wu
1Ayi tsitsi usir kpang ti Mbayawuda u ci Ukwab Itiyafe. Yesu nungye pu wu baa, kiye na ru ba pu yi ti awu na u ya utense wune ta, u kafe tso tí uwog Itse-wu. Ti ti kucang awu site ure risu ande-wu ti ta utense ike, amaa tine awu u tatso ba baa, ure-wu ayi na site-yi itikunntsi be.
2Usir jwo ureb Yesu ti ande-wu rijwe asu ifaen ta uwog iken ti ci. Ukwe Kukyaefa sang mam pu wu utob Yawuda umbae Siman Iskariyoti baa, awu na u ye Yesu jabci. 3Yesu nung pu wu baa, Itse-wu Rimam na nda pu wu awu kuko risu iken meme. Awu nung pu wu baa, awu na ru uwog Rimam ba, ama na u kafe ku ru ti yi uwog Rimam. 4Ti aba funn atang, awu nwunn uwog tebur u tunn kutupwa ti awu si tso u pu tawur cwun umbyi. 5Awu sa ambyi yaen si paedi ku jwo na ande-wu afxen ku pu tawur ti awu pu kyae sang umbyi-wu, ku fen wam yi atang. 6Ti awu ru ba sang uwog Siman Bitrus, Siman Bitrus ri te wu baa, “Afu ti si Itsekuru-m, afu u jwo na m afxen ané?” 7Yesu ri te wu baa, “Iken ti ame ku nde ne, afu nung-fu umbyi-yi khika be. Kiye ru ku ba ti afu u ba nungye.” 8Bitrus ri baa, “Ame u cwe-m ti fu jwo na m afxen ama be!” Yesu ri te wu baa, “Asiti ame a jwo na-m afu afxen be, afu u si-fu unde-m cwucwo be.” 9Siman Bitrus ri te wu baa, “Itsekuru-m, ayi a si ahan, jwo-fu kum afxen-m amam be. Ame ku jwam fu, jwo fa ti ajwo-m ti risu-m meme!” 10Yesu ri baa, “Asiti unde a jwo pu wu ijwe, awu saen pu wu. Awu u jwo-wu ijwe meme cwucwo be, se afxen-wu amam. Meme-ni si ande ti sisaen, nyáng unde kinjo amam ti saen-wu saen be.” 11Yesu nungye pu wu unde ti u ye wu jabci. Nee iken ti nde titawe awu ri baa, “Meme-ni si ande ti sisaen, kum unde kinjo amam ti saen-wu saen be.”
12Isim ti awu jwo mam fe afxen-ba, awu pu kutupwa-wu si ti rimenn u kafe ru ti uwog-wu risu tebur atang u rang ba baa, “Ani nungye imbyi iken ti ame nde te ni ne a? 13Ani ku kunn me baa, Unde ti uwe, u ku kunn me baa, Itsekuru. Ayi nyang timambe, ikyaen ti ayi si ahan ara. 14Ame ti si Itsekuru-ni u si Unde ti uwe-ni, amaa ame jwo na ni afxen. Ani ama ā jwo na atso afxen. 15Ame tatso pu m ani fengo ikyaen ti ni nde pangma ti ame nde te ni. 16Ame ku ri te ni kubenti, upyi skeb-wu itsekuru-wu be, unde kutsa ama skeb-wu unde ti tom wu ritom be. 17Ti ani nung pu ni iken yine, asiti ani a nde wande te yi ani u tsen utob timambe.
Yesu Ri baa, Yawuda na u Ye Wu Jabci
18“Ayi si-yi risu meme-ni ti ame ku ri ira yine be. Ame nung pu m ande ti ame tsitsab. Amaa a bae uwae Kutsingken Rimam baa, ‘Unde ti ci wuci-m kafe unde ti rika-m.’ Ira ayine u kumunn kang. 19Ame ku ri te ni ira yi titawe ti ayi u ba nde, ikyaen ti, kiye ti ayi a ru ba nde, ani u ru kubenti baa, Ame na si unde ti ame si. 20Ame ku ri te ni kubenti baa, unde titini ti a kyangte unde ti ame a tom, awu kyangte pu wu ame ama. Unde ti a kyangte m, awu kyangte pu wu AWU ti tom m sang ba uwae utense.”
Yesu Ri Ira Risu Unde ti u Sa Wu Jabci
(Matiyu 26:20-25; Markus 14:17-21; Luka 22:21-23)
21Isim ti Yesu ri ira yine anying yer wu utob timambe, ama awu ri te ba paenine baa, “Ame ku ri te ni kubenti, unde kinjo uwae-ni u ye m jaeb ci.” 22Ande ti putsa wu ku sae atso sae atso u nung-ba unde wu ti Yesu ku ri ira risu-wu be. 23Kinjo uwae ande rijwe asu ifaen aba, unde wu ti Yesu cwe fe ira risu-wu be, ta fer Yesu. 24Siman Bitrus sam unde wune kujwo u jwam wu baa, “Rang Yesu baa, aye ti awu ku ri ira yine risu-wu?” 25Ama unde wu ko ru ka fer Yesu u rang wu baa, “Itsekuru, unde wu si aye?” 26Yesu ri baa, “Unde ti ame a sa buredi ti ta kujwo-m kwa u nda wu, awu ti si unde wu ti u sa m jabci.” Ama awu sa buredi u kwa u nda Yawuda umbae Siman Iskariyoti. 27Ti ritsen ti Yawuda mbe ra buredi yi, Shetann sang ka riyaen utob-wu. Yesu ri te wu baa, “Nde ti kife ti nde iken ti afu ku sha ti fu u nde ne!” 28Ande ti tsitsi ti ta risu tebur atang nungye-ba imbyi ira yi ti Yesu ri te wu ne be. 29Ariki uwae-ba ku tang baa, ti ayi si Yawuda ti ye su ukyig aser-ba, Yesu na ri te wu baa, awu na ka jab isu ti aba ku sha ikyaen ukwab yi, ko awu na ri te wu baa, awu na sha iken iki na na ande ti rikaen. 30Ti Yawuda mbe ra kubyi buredi yi uwog Yesu, awu nwunn u ruye yi ise. Uwog byi kyi pu wu.
Kuko na Yesu
31Isim ti Yawuda ru mam pu wu, Yesu ri baa, “Kiye ru ba pu yi ti Rimam u tso rurob ukwe-wu uwog Umbae Unde. Umbae Unde ama u tso rurob ukwe-wu na Rimam ama. 32Asiti Rimam a ku tu rurob uwog umbae-wu tine, ayi u tsi-yi tsi be Rimam u pu wu ru yi uwog ti awu ti risu-wu ku som atang u nda wu riyinn ti rurob atang. 33Anyisu-m, ayi tsitsi kiye kpang ti ame te ni ta tetso. Pangma ti ame ri te ande ndufu, ame ku ri te ni tine ama baa, ani u sha rifab-m, amaa ani u ka fob-ni uwog ti ame ku ru yi atang be. 34Icwe tishe ti ame sa ku na ni si ti ni ye ure tetso. Pangma ti ame ye ure te ni, ni ye itso ure wune tetso ama. 35Asiti ani a ku ye ure tetso ande meme u nungye baa, ani na si ande ti ku putsa m.”
Bitrus u Shaen Ishaen Risu Yesu
36Siman Bitrus rang wu baa, “Afu ku ru-fu yi aka Itsekuru?” Yesu ri te wu baa, “Uwog ti ame ku ru yi atang, afu u putsa fob-fu ame tine be, afu u ba putsa m usir iki.” 37Bitrus rang wu baa, “Itsekuru-m, imi ti u nde titawe ame u putsa-m afu tine be? Ame cwe ti m u cwu ikyaen na fu!” 38Yesu ri te wu baa, “Afu ri baa, afu na cwe ti afu na u cwu ikyaen-m ané? Ame ku ri te fu kubenti, utitang ne, afu u ri tso atsepu ita baa, afu na nung-fu ame be, titawe mbakunn u ta ira.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017