LUK 2
2
A voraana noi Jisas
1Lo tarogi hi Sisa Akastus nge a muei ratahigi gorora ta Rom mo hora na leo hurire huri ve rain vei na valuvelui tangaloi ko a sinobu vataha vanue rain lei na henara. 2Lune rau vei na valuvelui tangaloi gitomue, i Kwirinias nge a ratahigi lawua goro na vanue Siria. 3Vataha na tangaloi ram vano taligu lo nora togagi venue sibora huri ve ran reve na henara.
4I Josev mo vano dena togagi venue Nasaret, lolo vanue Kalili, lo vanue Judia, sulo togagi venue a henagi Betlehem, i Ratahigi Devet u vora aiehi, a vevenagi i Josev ingeie sibona talo duvi Devet. 5U vano mo reve na henana tona Meri, ngehi u waratau goroe ve vin legi meie. Ingeie mo tinogi na maresu, 6ko lune ingere lolo vanue Betlehem, a tarogi u rovo huri ve na bava netune. 7I Meri mo bava netune a maresu mwera tomuegi redu, mo sagavue gena luqe, siu mo kuroe mo eno lolo tanoi hinaga gana kakarue. Mo vai mwerehi huri a mahogi hatie lolo vale hala.
Ira leogoro sibsib ko ira engsel
8Lo mahoi venue hi a leogoro sibsib lavasigi ram leogoro na bulara sibsib lolo bongi. 9A engsel nona Huqe mo vomai lobera, ko a varavarai Huqe mo leleo hivo lure. Ngere ram matagu liu, 10ko a engsel mo veve lawera vena, “Nen mese matagu! Huri neu nam lai na Roro Garea lawe gimiu, vin vei na sinobu doluegi rain hevuhevu. 11Lolo bongi hi lolo vanue Devet a nomiu vagamwasoi u vora a Huqe i ratahigi vurei. 12Nge ngaha a gigilegi lawe gimiu hurie: nein haqe na maresu biti u sagavue gena luqe ko mo kuroe mo eno lolo tanoi hinaga gana kakarue.”
13Siserigi a buri engsel ta eulu ram vomai mena engsel hi u vomai tomue, ram huri ahi waregareagi God vena:
14“Waregi roroi God lo eulu,
ko a tamwata lo ure lawe na tangaloi
ngerehi God mo rongarea ginire!”
15Lo taro hi a engsel ram mule taligu lo eulu, ira leogoro sibsib ram laqalaqa ginire vena, “Gide da vano lolo vanue Betlehem, ko da lehi na gineu ngaha mo rovo vomai ngehi a Huqe u veve serelue lawe gide.”
16Siu ingere ram vano siserigi ram haqe Meri tona Josev ko a maresu biti hi mo eno lolo tanoi hinaga gana kakarue. 17Lo taro hi ira leogoro sibsib ram lehi na maresu hi ram veve serelue huri hava gineu hi a engsel u veve lawera huri na maresu ngaha. 18A tangaloi doluegi rau rongo na leo ngaha ram awogi huri na hava gineu hi ira leogoro sibsib rau veve lawera. 19I Meri mo ladohaqe na gineu ngere ngaha doluegi, ko mo ladobibire lolo lolona. 20Ira leogoro sibsib ram mule taligu, ram waregi roroi God huri na gineu doluegi rao rogo ko rau leo, u tatarise mwerehi a engsel u veve lawera.
Ngere ram suri na henai Jisas
21A wik gatagale mo rovo, a tarogi mo vomai huri ve rain teve gigilegi na maresu, ram suri na henana i Jisas, a henana ngehi a engsel u veve tomue hurie, lo tarogi hi i Meri he tino te tau mosigei.
Ngere rom lai Jisas sulo Sara Gogona noi God
22Siu a tarogi mo vomai huri ve i Josev tona Meri roin vei na hava gineu a Leo Hora noi Mosis u veve tau hurie, huri ve a vavine vin mweda. Siu ingere rom lai na maresu ram hage a Jerusalem huri ve roin betea lawe na Huqe. 23Mwere u reve tau lo Leo hora nona Huqe vena, “Vataha maresu mwera togagi vin gogona lawe na Huqe.” 24Ko rom hage vage huri ve roin bete na rugurugu mwere na Leo hora nona Huqe u veve tau vena, a mwara gairue sige a nati rangamea gairue.
25Lo taro he a tangaloi gatagale mo toga Jerusalem, a henana i Simion, ingeie a tangaloi vovohoi ko u ladomavagi God. Nge u lado rarai huri ve God vin hora vomai i Vagamwasoire a duvi Israel. A Vui Gogona u toga lune, 26ko u veve serelue lawea huri ve vin he mate tea beno. Nge vin lehi i Ratahigi Vurei nona Huqe, siu mo bei mate. 27A Vui Gogona mo laie mo vano lo Sara Gogona. Lune i tamana tona ratahine rom lai na maresu sulolo Sara Gogona huri ve roin vei lawea a hava gineu mwerehi a Leo hora u veve, 28i Simion mo halovi na maresu ko mo waregareagi God mo veve vena:
29“Huqe, siserigi ngaha gu veitui
na nomu waratau,
siu gon siregi lei na nomu tangaloi tabanagi
ve vin mule lo tamwata;
30huri nam leo gi mataku a matahalai
nom vai vagamwasoi,
31mwerehi gu vei vagatai
lo nagora sinobu doluegi.
32Ngehi a leleo mo haharagi na matahala
hi lawera haroharo,
ko mo vai roroagi na nomu sinobu,
ira duvi Israel.” 33I tamana tona ratahine rom awogi u liu huri na gineu ngerehi i Simion mo veve huri na maresu.
34I Simion mo vaigareaginire ko mo veve lawe Meri i ratahine vena, “Leo, God u leowahe na maresu hi, huri ve ingere a duvi Israel rau sao rain soi ko ingere rau sao rain maraga. Nge vin voragi na gigilegi den God a tangaloi sao rain qalo meie, 35ko giniehi vin haharagi na domiana hiligi nora sinobu sao. Ko a hahagavi mwere na bue vin menu turu na lolomu vage.”
36A vavine madue, a tangaloi ligoligogi, a henana i Ana, i netui Vanuel, ingeie talo duvi Asa. Ingeie a tubui, u legi u toga mei tamai netune a higao gaibitu, 37siu nge mo madue mo toga mo dadari lo higaona ngavulu gaiwelu domwagi gaivesi. Ingeie he vano tea dena Sara Gogona, nge mo huduhudu goro God lolo bongi ko lolo rani, mo gologolo ko mo tataro. 38Lo tarogi hi nge mo dadari, mo waregareagi God ko mo laqagi huri na maresu hi lawe rahine doluegi rau lado rarai huri ve God vin ve riqesi na vanue Jerusalem.
Ngere ram mule taligu a Nasaret
39Lune Josev tona Meri ram vai vunuhi na gineu doluegi ngerehi mwere na Leo hora nona Huqe u veve tau, ingere ram mule taligu a Kalili lo togagi vanuara Nasaret. 40Ko a maresu hi mo sesea mena huireana; nge mo horo gina mataisao, ko a vaigarea noi God mo toga lune.
I Jisas a maresu mo vano lolo Sara Gogona noi God
41Vataha na higao ratahi Jisas ko i tamana rom vano sulo vanue Jerusalem huri gaganie huri na Halegagaliu. 42Lo taro hi i Jisas a higaona hangavulu domwagi gairue, rau vano huri na gaganie mwere gesegi. 43Lo taro hi a taroi gaganie mo rovo, rom maraga rom mule, nge a maresu hi i Jisas u toga radu lolo vanue Jerusalem. I tamana tona ratahine rohe ilo na gineu naha tea; 44rom lado ve ingeie mena buri tangaloi, siu ru dige a rani gatagale, ko rom tauvuigi rom leoharoe lobe rehavara meire nora buluana. 45Rohe haqea tea, siu rom vano taligu lolo vanue Jerusalem rom hikesie. 46Lo rani gaitoligi rom haqe Jisas lolo Sara Gogona noi God, ingeie mo toga meire huhui nora duvi Israel, mo rorongtaginire ko mo huire gena leo huihui. 47Ingere doluegi hi rau rongoe ram garigi garagara huri na nona gaidum, huri mo duvire gena mataisao. 48I tamana tona ratahine rom awogi lo taro hi rom lehe, ko i ratahine mo veve lawea vena, “?Netuku, gom vai mwere ngaha lawe gamaru huri hava gineu? Gamaru toku tamamu guru romasi u liu gorom vaileo huri ve goro haqego.”
49Ingeie mo duvi lawera vena, “?Nerom hikesieu huri hava gineu? ?Nero he ilo tea ve mo eno laweau ve nain toga lolo valei Tamaku?” 50Nge rohe ilo na hava gineu tea ngehi mo veve lawera.
51Siu i Jisas mo mule taligu meire sulo vanue Nasaret, mo rong hurire. I ratahine mo hakobibi na leo ingere ngaha doluegi lolo domine. 52Ko i Jisas mo sesea vagatagale lo betune ko lo mataisao, ko i God meire sinobu ram rong garea ginie.
Currently Selected:
LUK 2: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
LUK 2
2
A voraana noi Jisas
1Lo tarogi hi Sisa Akastus nge a muei ratahigi gorora ta Rom mo hora na leo hurire huri ve rain vei na valuvelui tangaloi ko a sinobu vataha vanue rain lei na henara. 2Lune rau vei na valuvelui tangaloi gitomue, i Kwirinias nge a ratahigi lawua goro na vanue Siria. 3Vataha na tangaloi ram vano taligu lo nora togagi venue sibora huri ve ran reve na henara.
4I Josev mo vano dena togagi venue Nasaret, lolo vanue Kalili, lo vanue Judia, sulo togagi venue a henagi Betlehem, i Ratahigi Devet u vora aiehi, a vevenagi i Josev ingeie sibona talo duvi Devet. 5U vano mo reve na henana tona Meri, ngehi u waratau goroe ve vin legi meie. Ingeie mo tinogi na maresu, 6ko lune ingere lolo vanue Betlehem, a tarogi u rovo huri ve na bava netune. 7I Meri mo bava netune a maresu mwera tomuegi redu, mo sagavue gena luqe, siu mo kuroe mo eno lolo tanoi hinaga gana kakarue. Mo vai mwerehi huri a mahogi hatie lolo vale hala.
Ira leogoro sibsib ko ira engsel
8Lo mahoi venue hi a leogoro sibsib lavasigi ram leogoro na bulara sibsib lolo bongi. 9A engsel nona Huqe mo vomai lobera, ko a varavarai Huqe mo leleo hivo lure. Ngere ram matagu liu, 10ko a engsel mo veve lawera vena, “Nen mese matagu! Huri neu nam lai na Roro Garea lawe gimiu, vin vei na sinobu doluegi rain hevuhevu. 11Lolo bongi hi lolo vanue Devet a nomiu vagamwasoi u vora a Huqe i ratahigi vurei. 12Nge ngaha a gigilegi lawe gimiu hurie: nein haqe na maresu biti u sagavue gena luqe ko mo kuroe mo eno lolo tanoi hinaga gana kakarue.”
13Siserigi a buri engsel ta eulu ram vomai mena engsel hi u vomai tomue, ram huri ahi waregareagi God vena:
14“Waregi roroi God lo eulu,
ko a tamwata lo ure lawe na tangaloi
ngerehi God mo rongarea ginire!”
15Lo taro hi a engsel ram mule taligu lo eulu, ira leogoro sibsib ram laqalaqa ginire vena, “Gide da vano lolo vanue Betlehem, ko da lehi na gineu ngaha mo rovo vomai ngehi a Huqe u veve serelue lawe gide.”
16Siu ingere ram vano siserigi ram haqe Meri tona Josev ko a maresu biti hi mo eno lolo tanoi hinaga gana kakarue. 17Lo taro hi ira leogoro sibsib ram lehi na maresu hi ram veve serelue huri hava gineu hi a engsel u veve lawera huri na maresu ngaha. 18A tangaloi doluegi rau rongo na leo ngaha ram awogi huri na hava gineu hi ira leogoro sibsib rau veve lawera. 19I Meri mo ladohaqe na gineu ngere ngaha doluegi, ko mo ladobibire lolo lolona. 20Ira leogoro sibsib ram mule taligu, ram waregi roroi God huri na gineu doluegi rao rogo ko rau leo, u tatarise mwerehi a engsel u veve lawera.
Ngere ram suri na henai Jisas
21A wik gatagale mo rovo, a tarogi mo vomai huri ve rain teve gigilegi na maresu, ram suri na henana i Jisas, a henana ngehi a engsel u veve tomue hurie, lo tarogi hi i Meri he tino te tau mosigei.
Ngere rom lai Jisas sulo Sara Gogona noi God
22Siu a tarogi mo vomai huri ve i Josev tona Meri roin vei na hava gineu a Leo Hora noi Mosis u veve tau hurie, huri ve a vavine vin mweda. Siu ingere rom lai na maresu ram hage a Jerusalem huri ve roin betea lawe na Huqe. 23Mwere u reve tau lo Leo hora nona Huqe vena, “Vataha maresu mwera togagi vin gogona lawe na Huqe.” 24Ko rom hage vage huri ve roin bete na rugurugu mwere na Leo hora nona Huqe u veve tau vena, a mwara gairue sige a nati rangamea gairue.
25Lo taro he a tangaloi gatagale mo toga Jerusalem, a henana i Simion, ingeie a tangaloi vovohoi ko u ladomavagi God. Nge u lado rarai huri ve God vin hora vomai i Vagamwasoire a duvi Israel. A Vui Gogona u toga lune, 26ko u veve serelue lawea huri ve vin he mate tea beno. Nge vin lehi i Ratahigi Vurei nona Huqe, siu mo bei mate. 27A Vui Gogona mo laie mo vano lo Sara Gogona. Lune i tamana tona ratahine rom lai na maresu sulolo Sara Gogona huri ve roin vei lawea a hava gineu mwerehi a Leo hora u veve, 28i Simion mo halovi na maresu ko mo waregareagi God mo veve vena:
29“Huqe, siserigi ngaha gu veitui
na nomu waratau,
siu gon siregi lei na nomu tangaloi tabanagi
ve vin mule lo tamwata;
30huri nam leo gi mataku a matahalai
nom vai vagamwasoi,
31mwerehi gu vei vagatai
lo nagora sinobu doluegi.
32Ngehi a leleo mo haharagi na matahala
hi lawera haroharo,
ko mo vai roroagi na nomu sinobu,
ira duvi Israel.” 33I tamana tona ratahine rom awogi u liu huri na gineu ngerehi i Simion mo veve huri na maresu.
34I Simion mo vaigareaginire ko mo veve lawe Meri i ratahine vena, “Leo, God u leowahe na maresu hi, huri ve ingere a duvi Israel rau sao rain soi ko ingere rau sao rain maraga. Nge vin voragi na gigilegi den God a tangaloi sao rain qalo meie, 35ko giniehi vin haharagi na domiana hiligi nora sinobu sao. Ko a hahagavi mwere na bue vin menu turu na lolomu vage.”
36A vavine madue, a tangaloi ligoligogi, a henana i Ana, i netui Vanuel, ingeie talo duvi Asa. Ingeie a tubui, u legi u toga mei tamai netune a higao gaibitu, 37siu nge mo madue mo toga mo dadari lo higaona ngavulu gaiwelu domwagi gaivesi. Ingeie he vano tea dena Sara Gogona, nge mo huduhudu goro God lolo bongi ko lolo rani, mo gologolo ko mo tataro. 38Lo tarogi hi nge mo dadari, mo waregareagi God ko mo laqagi huri na maresu hi lawe rahine doluegi rau lado rarai huri ve God vin ve riqesi na vanue Jerusalem.
Ngere ram mule taligu a Nasaret
39Lune Josev tona Meri ram vai vunuhi na gineu doluegi ngerehi mwere na Leo hora nona Huqe u veve tau, ingere ram mule taligu a Kalili lo togagi vanuara Nasaret. 40Ko a maresu hi mo sesea mena huireana; nge mo horo gina mataisao, ko a vaigarea noi God mo toga lune.
I Jisas a maresu mo vano lolo Sara Gogona noi God
41Vataha na higao ratahi Jisas ko i tamana rom vano sulo vanue Jerusalem huri gaganie huri na Halegagaliu. 42Lo taro hi i Jisas a higaona hangavulu domwagi gairue, rau vano huri na gaganie mwere gesegi. 43Lo taro hi a taroi gaganie mo rovo, rom maraga rom mule, nge a maresu hi i Jisas u toga radu lolo vanue Jerusalem. I tamana tona ratahine rohe ilo na gineu naha tea; 44rom lado ve ingeie mena buri tangaloi, siu ru dige a rani gatagale, ko rom tauvuigi rom leoharoe lobe rehavara meire nora buluana. 45Rohe haqea tea, siu rom vano taligu lolo vanue Jerusalem rom hikesie. 46Lo rani gaitoligi rom haqe Jisas lolo Sara Gogona noi God, ingeie mo toga meire huhui nora duvi Israel, mo rorongtaginire ko mo huire gena leo huihui. 47Ingere doluegi hi rau rongoe ram garigi garagara huri na nona gaidum, huri mo duvire gena mataisao. 48I tamana tona ratahine rom awogi lo taro hi rom lehe, ko i ratahine mo veve lawea vena, “?Netuku, gom vai mwere ngaha lawe gamaru huri hava gineu? Gamaru toku tamamu guru romasi u liu gorom vaileo huri ve goro haqego.”
49Ingeie mo duvi lawera vena, “?Nerom hikesieu huri hava gineu? ?Nero he ilo tea ve mo eno laweau ve nain toga lolo valei Tamaku?” 50Nge rohe ilo na hava gineu tea ngehi mo veve lawera.
51Siu i Jisas mo mule taligu meire sulo vanue Nasaret, mo rong hurire. I ratahine mo hakobibi na leo ingere ngaha doluegi lolo domine. 52Ko i Jisas mo sesea vagatagale lo betune ko lo mataisao, ko i God meire sinobu ram rong garea ginie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013