LUK 9
9
I Jisas mo hora na nona rorongtagi hangavulu domwagi gairue
1I Jisas mo ware bulutegi na nona rorongtagi hangavulu domwagi gairue, ko mo bete na huireana ko a managi lawera goro na vui esi teri ko huri ve ran vagamwasoire segesege. 2Siu nge mo horara ve ran vano ko ran toretore huri ve i God vin voragi Ratahigi, ko huri ve vin vagamwasoire segesege. 3Nge mo veve lawera vena, “Lune nem vano, nen mese hako na gineu mei gimiu, mwere a gaitigo, a tanga, a hinaga, a homu ko ne mese hako luqe ve na gairue. 4Lune nem dadari lo qatui venue, nein toga lobena tangaloi ngerehi ram lai vurugegi gimiu, vin dadari lune hi nein mule taligu. 5Tare ve nein dadari lo qatui venue rahe lai vurugegi gimiu tea, nen tudori dena vanue ngehi, ko nen heheragi vohogi na qie dena karumiu, a gigilegi lawera.”
6Ko ira rorongtagi ram mwalue ram vano lolo vatavataha vanue, ko ram toretoregi na Roro Garea me ram vagamwasoire segesege vataha ute.
I Herot mo lado ladotatutetu lategi
7Lune i Herot, a ratahigi ta Kalili, mo rongo huri na gineu doluegi i Jisas mo vaire. Ko nge mo ladolado lategi a vevenagi a tangaloi lavasigi ram veve vena, “I Jon Garuhigogona u maraga taligu.” 8Nge lavasigi ram ve, “Elaeja u vomai,” ko lavasigi ram ve, “Gatagale denire tangaloi ligoligogi ta tuei u maraga taligu.” 9Nge i Herot mo veve vena, “I Jon Garuhigogona nau tei utu na qatune. ?Nge hava tangaloi ngaha nam rogo na roroi gineu teri ngaha huri?” Ko nge u vei leo vena lehi Jisas.
I Jisas mo vangani na tangaloi teri vagalime
10Ira gaihora noi Jisas ram mule taligu lobena, ram veve sere lawea huri na gineu doluegi rau vei. Nge mo laire ram vano meie gahera sulo qatui venue lawua hi Betsaeda. 11Lune a sinobu ram rongoe, ram hurie. Nge mo lai vurugeginire ko mo laqagi lawera huri ve God vin voragi nora Ratahigi, ko mo vagamwasoire ngerehi ram taranie ve ran mwaso.
12Lune mo tauvuigi mo dodo ira domwagi gairue ram vomai lobei Jisas ram veve vena, “Gon hora mulegi na sinobu huri ve rain vano lategi lolo qatui venue sige lolo talu dalibulu kakarani tagaha ve ran hike hinaga ko ran maturu aie, a vevenagi tagaha a vanue vurogi.”
13Nge i Jisas mo veve lawera vena, “Gimiu sibomiu nen bete tea hinaga lawera ran gani.”
Ngere ram duvi lawea vena, “A bereti gailime ko a ige gairue hogosie mei gamai. ?Sige gom tarani ve gamai gan vano gan voli hinaga huri na buri sinobu ngaha?” 14(U tatarise ve a sinobu teri vagalime aie.) I Jisas mo veve lawera nona rorongtagi vena, “Nen veve lawe na sinobu ve ran toga hivo gina burigi, a tangaloi ngavulu gailime vataha na burigi ngerehi.”
15Ko ira rorongtagi ram vai mwerehi, ram horara ram toga hivo doluegi. 16Siu i Jisas mo lai na bereti gailime ko a ige gairue, mo dada sueulu, mo vevegareagi God hurie, vunu mo vise vurivurie, mo laie lawe na nona rorongtagi huri ve ran betea lawe na sinobu. 17Ko ingere doluegi rau geni rau guqe. Siu a nona rorongtagi rau vile bulutegi na maututugi, a gete hangavulu domwagi gairue rau horo.
I Bita mo serelue na nona ladohogo
18Lo rani gatagale, lune i Jisas u tataro gahea, a nona rorongtagi rau vomai lobena. I Jisas mo hurie vena, “?A tangaloi ram veve ve ineu ihine?”
19Ram duvi vena, “Lavasigi ram veve ve iniko i Jon Garuhigogona. Ko lavasigi ra ve iniko i Elaeja, ko lavasigi ra ve iniko gatagale denire tangaloi ligoligogi ta tuei u maraga taligu.”
20Ko nge mo huire vena, “?Nge igimiu nem veve ve ineu ihine?”
I Bita mo duvi goroe vena, “Iniko i Kraes gom vomai den God.”
I Jisas mo veve huri na nona mateana ko nona maraga taligu
21Ko i Jisas mo gato gorora siaga ve rain mese veve na gineu hi lawe hine tea. 22Nge mo veve lawera taligu ve mo eno ve i Netui Tangaloi vin rongagarasi garagara, ko ira tamaragai ko ira muei rugurugu ko ira huhui talo Leo hora noi Mosis rain tuli vohoginie, ko rain vei vagamatea nge vin maraga taligu lo tagui rani gaitolu.
23Ko i Jisas mo veve lawera doluegi vena, “Tare ve ihine mo tarani vena vomai lo taguku, nge vin lado buleginie sibona, vin weli na nona gai saroutu vataha bongi ko vin hurieu. 24Huri ihine mo tarani vena hako bibi na mwasoana vin vei salaginie, ko ihine mo vagasalagi na mwasoana hurieu vin hako bibie. 25?Huri a tangaloi vin lei na hava gineu u garea tare ve vin qoragi na ure doluegi, nge mo vagasalagi na mwasoana ko vin gagarasi lo tagugi? 26Giniehi, ihine tea mo siesie gi eu me na noku leo, siu ineu i Netui Tangaloi nain siesie ginie lo taro lune nain vomai lo varavaraku ko lo varavarai Tamaku meire engsel gogona. 27A hogo, nam veve lawe gimiu, ve lavasigi denire ram labe tahingaha ran he mate tea vin dadari rain ilo ve i God vin voragi Ratahigi goro na nona tangaloi.
A tarabesi Jisas mo varavara
28A wik gatagale lo tagugi i Jisas mo veve na gineu ngerehi, nge mo lai Bita, Jon ko i Jemis meie, ram hage lo vusi huri tataro. 29Lune nge mo tataro, a nagona mo dori ko a luqana mo voragi varavara ko mo mavute. 30Siserigi a tangaloi gairue rom laqalaqa meie, a henara Mosis tona Elaeja, 31rom serelue na varavarara ko rom laqa bubugi mei Jisas huri ve vin mwelue dena ure ngaha vahavagi, gena nona mateana vin vei a Jerusalem. 32I Bita ko a buluine gairue mo lulu mo vomai lure ve ran maturu, nge ram rada, ram lehi Jisas mo varavara ko a tangaloi gairue rom labe meie. 33Lune ingere rom siregi Jisas, i Bita mo veve lawea vena, “Huqe, u garea ve da toga hano. Ve da vai na vale siusiu gaitolu, gatagale hurigo, gatagale huri Mosis ko gatagale huri Elaeja.” (Nge he ilo tea vurugegi na hava gineu nge mo veve)
34Lune nge mo laqa tau mosigei, a dodo mo vomai mo tango gorora, ko ira rorongtagi ram matagu lune a dodo mo tango gorora. 35A dilogi mo vomai dena dodo hi, mo veve vena, “Ngaha i Netuku, ngehi nau leo wahea. Nen ronghurie!” 36Siu a dilogi mo mautu, i Jisas hogosie aie he. Ira rorongtagi ram toga rorongo huri na gineu hi, ko rahe veve tea lawe hine lo taro hi huri na gineu hi rau leo.
I Jisas mo vagamwasoi na mwalakelo a vui esi lune
37Maraga robongi ingere ram hivo dena vusi, ko a sinobu lawua ram vomai lobei Jisas. 38A tangaloi gatagale denire sinobu mo ware vena, “Huhui, nam navuhigo, gon lehi netuku, nge a dule gatagale! 39A vui esi mo vaie, nge mo ulo siserigi ko mo matemategi vule, ko a davine mo hale. Ko a vui hi mo vai asiesiginie, nge he sireginie tea vena siseri. 40Ko nau hui na nomu rorongtagi ve ran vuro luae, nge rahe vai lei tea.”
41I Jisas mo duvi lawera vena, “Ei, gimiu ra tangaloi ladosavi ko ira galegaleasi! ?Nain toga mei gimiu vin dadari tagaha? ?Nain gagarasi mei gimiu vin dadari tagaha?” Siu nge mo veve lawe na tangaloi hi vena, “Gon lai netumu vomai tangaha.”
42Siu a mwalakelo hi mo vomai lobei Jisas, a vui esi mo vaie, mo tulie hivo lo tano ko nge mo matemategi vule. I Jisas mo gato goro na vui esi, mo vagamwasoi na mwalakelo hi ko mo betea lawe tamana. 43Ko a sinobu doluegi ram awogi garagara huri na managi noi God.
I Jisas mo veve taligu huri na nona mateana.
A tangaloi ram awogi tau mosigei huri na gineu doluegi i Jisas mo vaire, siu nge mo veve lawera nona rorongtagi vena, 44“Nen mese galuvegi huri na gineu nain veve lawe gimiu! Rain lei i Netui Tangaloi talo limara tangaloi.” 45Nge ira rorongtagi rahe ilo tea na leo hi. Nge mo eno hiligi denire huri ve rahe ilo vurugeginie tea, ko ingere ram matagu huri ve ran huie huri.
Ihine hi u lawua garagara
46Ira nona rorongtagi ram vui garogi huri ve ihine hi u lawua garagara denire. 47I Jisas nge u ilo vurugegi huri na hava gineu hi ingere ram vui garogi huri, nge mo lai na maresu ko mo labetaginie kakarani lobena, 48ko mo veve lawera vena, “Tare ve ihine mo lai vurugegi na maresu ngaha lo henaku, nge mo lai vurugegieu. Ko tare ve ihine mo lai vurugegieu, nge mo lai vurugeginie hi vage u horau vomai. Siu ihine hi u biti den gimiu doluegi, ingeie hi u lawua garagara.”
Ihine he tavului vuro tea goro gimiu ingeie mei gimiu
49I Jon mo veve lawe Jisas vena, “Huqe, gau lehi na tangaloi u vuro lue na vui esi lo henamu ko gam gato goroe, a vevenagi ingeie hatie talo noda burigi.” 50Nge i Jisas mo veve lawe Jon ko lawera nona rorongtagi lavasigi vena, “Nen mese gato goroe, huri ihine he tavului vuro tea goro gimiu, ingeie mei gimiu.”
Ngere lavasigi ta Samaria ram rahagi Jisas
51Siu a bongi mo langa mo rovo huri ve God vin lei Jisas vin hage siu eulu, nge mo ladoutu ve vin maraga vin vano a Jerusalem. 52Nge mo hora na nona gaihora lavasigi ram tomue, siu ingere ram maraga ram vano sulolo vanue gatagale ta Samaria vena ram vai vagatai na gineu doluegi huri Jisas. 53Siu giniehi, ingere ta Samaria rahe lai vurugeginie tea, a vevenagi huri ve ingeie vin vano a Jerusalem. 54Lune nona rorongtagi Jemis ko i Jon rom lehe rom veve vena, “?Huqe, tare ve iniko gom tarani gamai ve gam ware sueulu ve God na hora na avi den eulu vena vai vohoginire?”
55Nge i Jisas mo tudori ko mo gato gorora. 56Siu i Jisas meire nona rorongtagi ram vano lo vanue wagineu.
Ngere ram veve ve ram tarani ve ran huri Jisas
57Lune ingere ram dige lo turegi, a tangaloi gatagale mo veve lawe Jisas vena, “Nain hurigo vataha ute goin vano aie.”
58I Jisas mo duvi lawea vena, “A wiriu turu a malangara lure, ko a manu namawe a mwagunire lure, nge i Netui Tangaloi hate tanoi niana.”
59Siu nge mo veve lawe na tangaloi wagineu vena, “Gon hurieu.”
Nge a tangaloi hi mo veve vena, “Huqe, gon siregieu ve nan vano tomue na tulegi tamaku.”
60I Jisas mo duvi vena, “Gon sireginire rau mate beno ran tulegi na nora mateana. Iniko gon vano, gon ngasagi huri na Ute noi God.”
61A tangaloi wagineu mo veve vena, “Huqe, nain hurigo. “Nge gon siregieu huri ve na vano nain tuletulegi lawe rehavaku.”
62I Jisas mo duvi lawea vena, “Ihine mo tauvuigi mo gahi na talu, siu nge mo kileu doridori, ingeie he tatarise tea mena Ute noi God.”
Currently Selected:
LUK 9: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
LUK 9
9
I Jisas mo hora na nona rorongtagi hangavulu domwagi gairue
1I Jisas mo ware bulutegi na nona rorongtagi hangavulu domwagi gairue, ko mo bete na huireana ko a managi lawera goro na vui esi teri ko huri ve ran vagamwasoire segesege. 2Siu nge mo horara ve ran vano ko ran toretore huri ve i God vin voragi Ratahigi, ko huri ve vin vagamwasoire segesege. 3Nge mo veve lawera vena, “Lune nem vano, nen mese hako na gineu mei gimiu, mwere a gaitigo, a tanga, a hinaga, a homu ko ne mese hako luqe ve na gairue. 4Lune nem dadari lo qatui venue, nein toga lobena tangaloi ngerehi ram lai vurugegi gimiu, vin dadari lune hi nein mule taligu. 5Tare ve nein dadari lo qatui venue rahe lai vurugegi gimiu tea, nen tudori dena vanue ngehi, ko nen heheragi vohogi na qie dena karumiu, a gigilegi lawera.”
6Ko ira rorongtagi ram mwalue ram vano lolo vatavataha vanue, ko ram toretoregi na Roro Garea me ram vagamwasoire segesege vataha ute.
I Herot mo lado ladotatutetu lategi
7Lune i Herot, a ratahigi ta Kalili, mo rongo huri na gineu doluegi i Jisas mo vaire. Ko nge mo ladolado lategi a vevenagi a tangaloi lavasigi ram veve vena, “I Jon Garuhigogona u maraga taligu.” 8Nge lavasigi ram ve, “Elaeja u vomai,” ko lavasigi ram ve, “Gatagale denire tangaloi ligoligogi ta tuei u maraga taligu.” 9Nge i Herot mo veve vena, “I Jon Garuhigogona nau tei utu na qatune. ?Nge hava tangaloi ngaha nam rogo na roroi gineu teri ngaha huri?” Ko nge u vei leo vena lehi Jisas.
I Jisas mo vangani na tangaloi teri vagalime
10Ira gaihora noi Jisas ram mule taligu lobena, ram veve sere lawea huri na gineu doluegi rau vei. Nge mo laire ram vano meie gahera sulo qatui venue lawua hi Betsaeda. 11Lune a sinobu ram rongoe, ram hurie. Nge mo lai vurugeginire ko mo laqagi lawera huri ve God vin voragi nora Ratahigi, ko mo vagamwasoire ngerehi ram taranie ve ran mwaso.
12Lune mo tauvuigi mo dodo ira domwagi gairue ram vomai lobei Jisas ram veve vena, “Gon hora mulegi na sinobu huri ve rain vano lategi lolo qatui venue sige lolo talu dalibulu kakarani tagaha ve ran hike hinaga ko ran maturu aie, a vevenagi tagaha a vanue vurogi.”
13Nge i Jisas mo veve lawera vena, “Gimiu sibomiu nen bete tea hinaga lawera ran gani.”
Ngere ram duvi lawea vena, “A bereti gailime ko a ige gairue hogosie mei gamai. ?Sige gom tarani ve gamai gan vano gan voli hinaga huri na buri sinobu ngaha?” 14(U tatarise ve a sinobu teri vagalime aie.) I Jisas mo veve lawera nona rorongtagi vena, “Nen veve lawe na sinobu ve ran toga hivo gina burigi, a tangaloi ngavulu gailime vataha na burigi ngerehi.”
15Ko ira rorongtagi ram vai mwerehi, ram horara ram toga hivo doluegi. 16Siu i Jisas mo lai na bereti gailime ko a ige gairue, mo dada sueulu, mo vevegareagi God hurie, vunu mo vise vurivurie, mo laie lawe na nona rorongtagi huri ve ran betea lawe na sinobu. 17Ko ingere doluegi rau geni rau guqe. Siu a nona rorongtagi rau vile bulutegi na maututugi, a gete hangavulu domwagi gairue rau horo.
I Bita mo serelue na nona ladohogo
18Lo rani gatagale, lune i Jisas u tataro gahea, a nona rorongtagi rau vomai lobena. I Jisas mo hurie vena, “?A tangaloi ram veve ve ineu ihine?”
19Ram duvi vena, “Lavasigi ram veve ve iniko i Jon Garuhigogona. Ko lavasigi ra ve iniko i Elaeja, ko lavasigi ra ve iniko gatagale denire tangaloi ligoligogi ta tuei u maraga taligu.”
20Ko nge mo huire vena, “?Nge igimiu nem veve ve ineu ihine?”
I Bita mo duvi goroe vena, “Iniko i Kraes gom vomai den God.”
I Jisas mo veve huri na nona mateana ko nona maraga taligu
21Ko i Jisas mo gato gorora siaga ve rain mese veve na gineu hi lawe hine tea. 22Nge mo veve lawera taligu ve mo eno ve i Netui Tangaloi vin rongagarasi garagara, ko ira tamaragai ko ira muei rugurugu ko ira huhui talo Leo hora noi Mosis rain tuli vohoginie, ko rain vei vagamatea nge vin maraga taligu lo tagui rani gaitolu.
23Ko i Jisas mo veve lawera doluegi vena, “Tare ve ihine mo tarani vena vomai lo taguku, nge vin lado buleginie sibona, vin weli na nona gai saroutu vataha bongi ko vin hurieu. 24Huri ihine mo tarani vena hako bibi na mwasoana vin vei salaginie, ko ihine mo vagasalagi na mwasoana hurieu vin hako bibie. 25?Huri a tangaloi vin lei na hava gineu u garea tare ve vin qoragi na ure doluegi, nge mo vagasalagi na mwasoana ko vin gagarasi lo tagugi? 26Giniehi, ihine tea mo siesie gi eu me na noku leo, siu ineu i Netui Tangaloi nain siesie ginie lo taro lune nain vomai lo varavaraku ko lo varavarai Tamaku meire engsel gogona. 27A hogo, nam veve lawe gimiu, ve lavasigi denire ram labe tahingaha ran he mate tea vin dadari rain ilo ve i God vin voragi Ratahigi goro na nona tangaloi.
A tarabesi Jisas mo varavara
28A wik gatagale lo tagugi i Jisas mo veve na gineu ngerehi, nge mo lai Bita, Jon ko i Jemis meie, ram hage lo vusi huri tataro. 29Lune nge mo tataro, a nagona mo dori ko a luqana mo voragi varavara ko mo mavute. 30Siserigi a tangaloi gairue rom laqalaqa meie, a henara Mosis tona Elaeja, 31rom serelue na varavarara ko rom laqa bubugi mei Jisas huri ve vin mwelue dena ure ngaha vahavagi, gena nona mateana vin vei a Jerusalem. 32I Bita ko a buluine gairue mo lulu mo vomai lure ve ran maturu, nge ram rada, ram lehi Jisas mo varavara ko a tangaloi gairue rom labe meie. 33Lune ingere rom siregi Jisas, i Bita mo veve lawea vena, “Huqe, u garea ve da toga hano. Ve da vai na vale siusiu gaitolu, gatagale hurigo, gatagale huri Mosis ko gatagale huri Elaeja.” (Nge he ilo tea vurugegi na hava gineu nge mo veve)
34Lune nge mo laqa tau mosigei, a dodo mo vomai mo tango gorora, ko ira rorongtagi ram matagu lune a dodo mo tango gorora. 35A dilogi mo vomai dena dodo hi, mo veve vena, “Ngaha i Netuku, ngehi nau leo wahea. Nen ronghurie!” 36Siu a dilogi mo mautu, i Jisas hogosie aie he. Ira rorongtagi ram toga rorongo huri na gineu hi, ko rahe veve tea lawe hine lo taro hi huri na gineu hi rau leo.
I Jisas mo vagamwasoi na mwalakelo a vui esi lune
37Maraga robongi ingere ram hivo dena vusi, ko a sinobu lawua ram vomai lobei Jisas. 38A tangaloi gatagale denire sinobu mo ware vena, “Huhui, nam navuhigo, gon lehi netuku, nge a dule gatagale! 39A vui esi mo vaie, nge mo ulo siserigi ko mo matemategi vule, ko a davine mo hale. Ko a vui hi mo vai asiesiginie, nge he sireginie tea vena siseri. 40Ko nau hui na nomu rorongtagi ve ran vuro luae, nge rahe vai lei tea.”
41I Jisas mo duvi lawera vena, “Ei, gimiu ra tangaloi ladosavi ko ira galegaleasi! ?Nain toga mei gimiu vin dadari tagaha? ?Nain gagarasi mei gimiu vin dadari tagaha?” Siu nge mo veve lawe na tangaloi hi vena, “Gon lai netumu vomai tangaha.”
42Siu a mwalakelo hi mo vomai lobei Jisas, a vui esi mo vaie, mo tulie hivo lo tano ko nge mo matemategi vule. I Jisas mo gato goro na vui esi, mo vagamwasoi na mwalakelo hi ko mo betea lawe tamana. 43Ko a sinobu doluegi ram awogi garagara huri na managi noi God.
I Jisas mo veve taligu huri na nona mateana.
A tangaloi ram awogi tau mosigei huri na gineu doluegi i Jisas mo vaire, siu nge mo veve lawera nona rorongtagi vena, 44“Nen mese galuvegi huri na gineu nain veve lawe gimiu! Rain lei i Netui Tangaloi talo limara tangaloi.” 45Nge ira rorongtagi rahe ilo tea na leo hi. Nge mo eno hiligi denire huri ve rahe ilo vurugeginie tea, ko ingere ram matagu huri ve ran huie huri.
Ihine hi u lawua garagara
46Ira nona rorongtagi ram vui garogi huri ve ihine hi u lawua garagara denire. 47I Jisas nge u ilo vurugegi huri na hava gineu hi ingere ram vui garogi huri, nge mo lai na maresu ko mo labetaginie kakarani lobena, 48ko mo veve lawera vena, “Tare ve ihine mo lai vurugegi na maresu ngaha lo henaku, nge mo lai vurugegieu. Ko tare ve ihine mo lai vurugegieu, nge mo lai vurugeginie hi vage u horau vomai. Siu ihine hi u biti den gimiu doluegi, ingeie hi u lawua garagara.”
Ihine he tavului vuro tea goro gimiu ingeie mei gimiu
49I Jon mo veve lawe Jisas vena, “Huqe, gau lehi na tangaloi u vuro lue na vui esi lo henamu ko gam gato goroe, a vevenagi ingeie hatie talo noda burigi.” 50Nge i Jisas mo veve lawe Jon ko lawera nona rorongtagi lavasigi vena, “Nen mese gato goroe, huri ihine he tavului vuro tea goro gimiu, ingeie mei gimiu.”
Ngere lavasigi ta Samaria ram rahagi Jisas
51Siu a bongi mo langa mo rovo huri ve God vin lei Jisas vin hage siu eulu, nge mo ladoutu ve vin maraga vin vano a Jerusalem. 52Nge mo hora na nona gaihora lavasigi ram tomue, siu ingere ram maraga ram vano sulolo vanue gatagale ta Samaria vena ram vai vagatai na gineu doluegi huri Jisas. 53Siu giniehi, ingere ta Samaria rahe lai vurugeginie tea, a vevenagi huri ve ingeie vin vano a Jerusalem. 54Lune nona rorongtagi Jemis ko i Jon rom lehe rom veve vena, “?Huqe, tare ve iniko gom tarani gamai ve gam ware sueulu ve God na hora na avi den eulu vena vai vohoginire?”
55Nge i Jisas mo tudori ko mo gato gorora. 56Siu i Jisas meire nona rorongtagi ram vano lo vanue wagineu.
Ngere ram veve ve ram tarani ve ran huri Jisas
57Lune ingere ram dige lo turegi, a tangaloi gatagale mo veve lawe Jisas vena, “Nain hurigo vataha ute goin vano aie.”
58I Jisas mo duvi lawea vena, “A wiriu turu a malangara lure, ko a manu namawe a mwagunire lure, nge i Netui Tangaloi hate tanoi niana.”
59Siu nge mo veve lawe na tangaloi wagineu vena, “Gon hurieu.”
Nge a tangaloi hi mo veve vena, “Huqe, gon siregieu ve nan vano tomue na tulegi tamaku.”
60I Jisas mo duvi vena, “Gon sireginire rau mate beno ran tulegi na nora mateana. Iniko gon vano, gon ngasagi huri na Ute noi God.”
61A tangaloi wagineu mo veve vena, “Huqe, nain hurigo. “Nge gon siregieu huri ve na vano nain tuletulegi lawe rehavaku.”
62I Jisas mo duvi lawea vena, “Ihine mo tauvuigi mo gahi na talu, siu nge mo kileu doridori, ingeie he tatarise tea mena Ute noi God.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013