Лука 16
16
Мисала, учин эессис Ӏемалар аркьа хулан хӀаттихъас
1Ӏисайи Учин ученикарис пуная:
– Са девлетлу эессихъ гин хулан хӀавел аркьа инсан хъахьуная. Эессис гӀерза акьуная, ве хулан хӀавелдиъ аятти, вун Ӏелди ккедихьая пуна. 2Эесси, унахъуна гис, пуная: «Фи э зас вахъас унихьаттар? Нан ве кардин хӀекь хӀисабра, сара вун хӀавел акьасттава». 3Тегуна хулан хӀавелдиъ аятти учи учикди пуная: «Гьал фиркьагьан зун? Кардилас зун алайкая. Ушуна къанавар рукӀас, зак яхӀ кидава, гъил ккедикӀуна пул тӀалаб акьас, зас нечтти э. 4Зас ягӀа фикьуна кканчин! Зун ме хулаас кардилас адикугуна, сасра инсанари чиппин хулади кьабул аркьагъилди акьуна кканде». 5Хулан хӀавелдиъ аятти унахъуная учин эессин бурджар кея инсанарис. Садпеттифас хабар гъушуная ги: «Фидегьен йина ккандея вун зе эессис?» 6«Верш маргай ччаман», – пуная ти. Хулан хӀавелдиъ аятти пуная: «Магьа вак кея бурдж ликӀина кӀедж, тегӀди экьуна ликӀен верш бахӀтин еринди гӀифцӀур бахӀти». 7Хаб джуьреттифас хабар гъушуная: «Ппай вун фидегьен э йина ккандеяф?» «Верш чувал кьваран», – пуная ти. Хулан хӀавелдиъ аятти пуная: «Магьа вак кея бурдж ликӀина кӀедж, вершан еринди, ликӀен якьукъад». 8Хулан хӀавелдиъ ая инсан нехӀекь ичира, эесси тегӀриф акьуная гин, гин кӀилиъ гишттин Ӏемал архьухӀела. Аллагьдин рекъуьъ ая инсанарифас дала, гьалдин дуьнйайи гишттин инсанарифас э чаб суман инсанарихъай Ӏемалин курар акьас вереф.
9Зун чвас агъая, чве джилин девлетар хардж акье инсанарис кумакисра, дусттари хьасра. Чве джилин девлетар ккиркӀугуна, чун джанаттиъ кьабул акьасе. 10БицӀи кардис дугъри инсан, хӀа кардисра дугъри хьасе. БицӀи Ӏемал аркьатти, хӀа Ӏемалла акьасе. 11Нагагь чваал джилин девлетар аманат акьас девехаб, гьина э чваал заварин девлетар аманат аркьаф? 12Нагагь чваал сасрайинф аманат акьас девехаб, гьина э чвас чвеф ирцӀанф. 13Са лукӀуфасра Ӏу эессис кар акьас хьасттава. Са эесси кканди ахьасе гис, джуьреф кканди ахьасттава, сайис маил аркьай ахьасе ги, джуьреттис ахьасттава. Чвафасра хьасттава Аллагьра, девлетра кканхьас.
Мусайин Закунихъасна Аллагьдин Паччагьвелдихъас
14Ге гафар унихьугуна, пулар ккане фарисеяр элхъенди ахьуная Ӏисайил. 15Ӏисайи пуная гебурис:
– Инсанарин удигь чвас чун Аллагьдин рекъуьъ аяттар суман агвар акьас ккандея, амма Аллагьдис чве юркӀураъ фи аячин ягӀая. Инсанарис иджи аргва курар, Аллагьдин удигь алчагъсузвелар э. 16ЯхӀъя хьастти аяттари Мусайин Закунна, пайгъамбарара. Гьал иджевелин хабар аркьая Аллагьдин Паччагьвелдихъас. Гьерттис гуджуникестти Лич ачархьас ккандея. 17Амма Мусайин Закуниъ са хатӀ хьунара гулангунас, заварна джилар гуланасе. 18Учин хьирахъай джуьре хьуна, сасра хьир аркьа идеми, гунагь гъуландея. Гьегишттин гунагь гъуландея, учин шувахъай джуьре хьуна хьир, хьирди аркьа идемира.
Мисала, са девлетлу инсандихъасна Лазарихъас
19Ӏисайи ахъакьуная мисала:
– Са девлетлу инсан ахьуная. Ги паччагьди суман аликӀайра хьуная, Ӏуьмура гин вей хьуная хӀа ягъ суман. 20Лазар агъа са касиб инсанна ахьуная, кӀилди джан кабкари алацӀунаф. Лазар ге девлетлу инсандин къапубуригь ахьуная ахъухьуна, 21муш кей гин суфрайилас алархьу кьурцар хьунара учис есегьан пуна. Гъурури вей мез атай хьуная гин кабкарис. 22Учин вахтт хъучадегуна, касиб инсан кӀиная. Малайикари файшуная ге Ибригьиман багуливди. Девлетлу инсанна кӀиная, гера икӀуная некьвариъ.
23Джегьенемдиъ гӀезабарикк ккей вартт аккедурфугуна, девлетлу инсандис агуная варттал Ибригьимра, гин багулив Лазара. 24Девлетлуйи вевер акьуна пуная: «Е Ибригьим, дад! Ӏегвал ухь зун, гьик заалди Лазар, тӀубун кӀекӀв хьеттигӀ гӀикӀуна зе мез Ӏашас акьурай ли. Фидегьен гӀезабикк ккея зун джегьенемдин цӀигӀ!» 25Ибригьима пуная гис: «КӀвал акье, зе кӀиркӀ, вас джилил алми йине кӀилди иджвелар, ппай Лазарас – кӀилди Ӏайвелар. Гьал мис мисал иджвелар йиная, вун гӀезабарикк ккея. 26Ле кидавай, хье арайиъ ппара хӀа кӀен ккидава мукь ая. Мисаас чваалди вес кканхьучира кехӀей, сайифасра хьасттава. Лисаас чаалди адесра сайифасра хьасттава». 27Девлетлуйи пуная: «Миннат э вас, айчин зе дадан хулади гьик Лазар. 28Захъ гӀифу чу хъая. Лазара ахъакьурай тебурис ме гӀезабарихъас, дахьичин тебура мишттин гӀезабарикк ккерхьасе». 29Ибригьима пуная: «Тебурис Мусайина пайгъамбардин китабар ая. Гебурил юркӀв алихьурай». 30Ге девлетлуйи пуная: «Ваъ, Ибригьим дад, нагагь кӀинаттаригӀас фуш хьунара тебурилди ушучин, тебур хаб алдаркуна Аллагьдин рекъуьъ весе». 31Тегуна Ибригьима пуная гис: «Нагагь тебури Мусайилна пайгъамбарарил юркӀв алдихьахаб, тебури сайилла юркӀв алихьасттава, некьвариас гъайшиттилла кехӀей».
Currently Selected:
Лука 16: AGU
Highlight
Share
Copy
Want to have your highlights saved across all your devices? Sign up or sign in
© Библия тарджума аркьа институт, Москва, 2005
Лука 16
16
Мисала, учин эессис Ӏемалар аркьа хулан хӀаттихъас
1Ӏисайи Учин ученикарис пуная:
– Са девлетлу эессихъ гин хулан хӀавел аркьа инсан хъахьуная. Эессис гӀерза акьуная, ве хулан хӀавелдиъ аятти, вун Ӏелди ккедихьая пуна. 2Эесси, унахъуна гис, пуная: «Фи э зас вахъас унихьаттар? Нан ве кардин хӀекь хӀисабра, сара вун хӀавел акьасттава». 3Тегуна хулан хӀавелдиъ аятти учи учикди пуная: «Гьал фиркьагьан зун? Кардилас зун алайкая. Ушуна къанавар рукӀас, зак яхӀ кидава, гъил ккедикӀуна пул тӀалаб акьас, зас нечтти э. 4Зас ягӀа фикьуна кканчин! Зун ме хулаас кардилас адикугуна, сасра инсанари чиппин хулади кьабул аркьагъилди акьуна кканде». 5Хулан хӀавелдиъ аятти унахъуная учин эессин бурджар кея инсанарис. Садпеттифас хабар гъушуная ги: «Фидегьен йина ккандея вун зе эессис?» 6«Верш маргай ччаман», – пуная ти. Хулан хӀавелдиъ аятти пуная: «Магьа вак кея бурдж ликӀина кӀедж, тегӀди экьуна ликӀен верш бахӀтин еринди гӀифцӀур бахӀти». 7Хаб джуьреттифас хабар гъушуная: «Ппай вун фидегьен э йина ккандеяф?» «Верш чувал кьваран», – пуная ти. Хулан хӀавелдиъ аятти пуная: «Магьа вак кея бурдж ликӀина кӀедж, вершан еринди, ликӀен якьукъад». 8Хулан хӀавелдиъ ая инсан нехӀекь ичира, эесси тегӀриф акьуная гин, гин кӀилиъ гишттин Ӏемал архьухӀела. Аллагьдин рекъуьъ ая инсанарифас дала, гьалдин дуьнйайи гишттин инсанарифас э чаб суман инсанарихъай Ӏемалин курар акьас вереф.
9Зун чвас агъая, чве джилин девлетар хардж акье инсанарис кумакисра, дусттари хьасра. Чве джилин девлетар ккиркӀугуна, чун джанаттиъ кьабул акьасе. 10БицӀи кардис дугъри инсан, хӀа кардисра дугъри хьасе. БицӀи Ӏемал аркьатти, хӀа Ӏемалла акьасе. 11Нагагь чваал джилин девлетар аманат акьас девехаб, гьина э чваал заварин девлетар аманат аркьаф? 12Нагагь чваал сасрайинф аманат акьас девехаб, гьина э чвас чвеф ирцӀанф. 13Са лукӀуфасра Ӏу эессис кар акьас хьасттава. Са эесси кканди ахьасе гис, джуьреф кканди ахьасттава, сайис маил аркьай ахьасе ги, джуьреттис ахьасттава. Чвафасра хьасттава Аллагьра, девлетра кканхьас.
Мусайин Закунихъасна Аллагьдин Паччагьвелдихъас
14Ге гафар унихьугуна, пулар ккане фарисеяр элхъенди ахьуная Ӏисайил. 15Ӏисайи пуная гебурис:
– Инсанарин удигь чвас чун Аллагьдин рекъуьъ аяттар суман агвар акьас ккандея, амма Аллагьдис чве юркӀураъ фи аячин ягӀая. Инсанарис иджи аргва курар, Аллагьдин удигь алчагъсузвелар э. 16ЯхӀъя хьастти аяттари Мусайин Закунна, пайгъамбарара. Гьал иджевелин хабар аркьая Аллагьдин Паччагьвелдихъас. Гьерттис гуджуникестти Лич ачархьас ккандея. 17Амма Мусайин Закуниъ са хатӀ хьунара гулангунас, заварна джилар гуланасе. 18Учин хьирахъай джуьре хьуна, сасра хьир аркьа идеми, гунагь гъуландея. Гьегишттин гунагь гъуландея, учин шувахъай джуьре хьуна хьир, хьирди аркьа идемира.
Мисала, са девлетлу инсандихъасна Лазарихъас
19Ӏисайи ахъакьуная мисала:
– Са девлетлу инсан ахьуная. Ги паччагьди суман аликӀайра хьуная, Ӏуьмура гин вей хьуная хӀа ягъ суман. 20Лазар агъа са касиб инсанна ахьуная, кӀилди джан кабкари алацӀунаф. Лазар ге девлетлу инсандин къапубуригь ахьуная ахъухьуна, 21муш кей гин суфрайилас алархьу кьурцар хьунара учис есегьан пуна. Гъурури вей мез атай хьуная гин кабкарис. 22Учин вахтт хъучадегуна, касиб инсан кӀиная. Малайикари файшуная ге Ибригьиман багуливди. Девлетлу инсанна кӀиная, гера икӀуная некьвариъ.
23Джегьенемдиъ гӀезабарикк ккей вартт аккедурфугуна, девлетлу инсандис агуная варттал Ибригьимра, гин багулив Лазара. 24Девлетлуйи вевер акьуна пуная: «Е Ибригьим, дад! Ӏегвал ухь зун, гьик заалди Лазар, тӀубун кӀекӀв хьеттигӀ гӀикӀуна зе мез Ӏашас акьурай ли. Фидегьен гӀезабикк ккея зун джегьенемдин цӀигӀ!» 25Ибригьима пуная гис: «КӀвал акье, зе кӀиркӀ, вас джилил алми йине кӀилди иджвелар, ппай Лазарас – кӀилди Ӏайвелар. Гьал мис мисал иджвелар йиная, вун гӀезабарикк ккея. 26Ле кидавай, хье арайиъ ппара хӀа кӀен ккидава мукь ая. Мисаас чваалди вес кканхьучира кехӀей, сайифасра хьасттава. Лисаас чаалди адесра сайифасра хьасттава». 27Девлетлуйи пуная: «Миннат э вас, айчин зе дадан хулади гьик Лазар. 28Захъ гӀифу чу хъая. Лазара ахъакьурай тебурис ме гӀезабарихъас, дахьичин тебура мишттин гӀезабарикк ккерхьасе». 29Ибригьима пуная: «Тебурис Мусайина пайгъамбардин китабар ая. Гебурил юркӀв алихьурай». 30Ге девлетлуйи пуная: «Ваъ, Ибригьим дад, нагагь кӀинаттаригӀас фуш хьунара тебурилди ушучин, тебур хаб алдаркуна Аллагьдин рекъуьъ весе». 31Тегуна Ибригьима пуная гис: «Нагагь тебури Мусайилна пайгъамбарарил юркӀв алдихьахаб, тебури сайилла юркӀв алихьасттава, некьвариас гъайшиттилла кехӀей».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия тарджума аркьа институт, Москва, 2005