Эвел 17:12-13

Ичв арайиъ миржид йигъ гъабхьи гьарсар жили бицӀирин суннат дапӀну ккунду – гьаци гьаммишан наслариан-наслариз апӀинай. Яв хулаъ бабкан гъахьидаринра ва, яв насларикан дарди, жара йишвлан пулихъ гъадагънайидаринра суннат дапӀну ккунду. Саб гаф адарди суннат дапӀну ккунду яв хулаъ бабкан гъахьиринси пулихъ гъадагъдаринра. Узухъди вуйи йикьрарнан му лишан ичв бедендиин гьаргандиз хьибди.