Эвел 37
37
Юсуфдин нивкӀар
1Якьуб чан адаш гъурабади яшамиш гъаши Ханаан уьлкейиъ яшамиш шулайи.
2Магьа Якьубдин тухмикан ихтилат.
ЙицӀиургуд йисаъ айи Юсуф, чан дархи чвйирихъди, дурариз кюмек апӀури, марччарихъ хъайи. Чвйир дугъан адашдин Зилфи ва Билха кӀуру лукӀ хпарикан духьнайидар вуйи. Юсуфди дархи чвйирикан чпин адашдиз чӀуруди ктибтури шуйи. 3Израилиз (Якьубдиз) чан баяригъ варитӀан ккунир Юсуф вуйи, фицики Юсуф чан адаш кьаби гъашиган бабкан гъахьир вуйи. Гьаддиз Юсуфдиз багьади дабалгнайи ккурттра гъибирхнийи. 4Гъардшариз Юсуф, чпин адашдиз варитӀан ккунир вуди гъяркъган, думу даккун гъахьнийи ва гьаддиз дугъахъди чвйири аькьюллуди гафаркьан апӀури шулдайи.
5Саб ражари Юсуфдиз нивкӀ рябкъюру. Дугъу дидкан чвйириз ктибтуру, хъа дурариз думу имбубтӀан артухъ даккун шулу. 6Дугъу дурариз гъапи:
– Хъебехъай, узуз фициб нивкӀ гъябкънуш. 7Ухьу хутӀлиъ дяхнин шилар йитӀури айхьа, ва саб дупну йиз шил за дубхьну дийибгъуру, хъа ичв шилар дидлан илтӀикӀуру ва йизубдиз икрам апӀуру.
8Чвйири дугъаз гъапи:
– Увуз учʼин паччагьвал апӀуз ккунди айвуз? Учу яв хликк ккади хьидийин?
Дурариз думу имбубтӀан артухъ даккун гъахьнийи, гьаз гъапиш дугъан нивкӀ ва ктибту ихтилат чвйириз кьабул гъабхьундайи.
9Дугъаз сабсана нивкӀ рябкъюру ва дидканра Юсуфди чвйириз ктибтуру:
– Хъебехъай, узуз сабсана нивкӀ гъябкъюнзуз: му ражари узуз ригъди, вазли ва йицӀисаб хядру икрам гъапӀунзуз.
10Дугъу нивкӀкан неинки чвйириз, хъа адашдизра ктибтнийи. Адашди дугъаз тягьнара гъивнийи:
– Рякъюрвуз увузра нивкӀар. Учу: узу, яв дадайи ва яв чвйири дуфну увуз жилиинакьан икрам апӀур кӀури хиял вуяв?
11Чвйириз дугъкан хъял кайи, хъа адашди му гьядиса кӀваин гъитнийи.
Чвйири Юсуф масу тувуб
12Чвйир, адашдин марччарин сюрйир хъаъну, Шехемдин багарихьнакьан душнайи. 13Израили Юсуфдиз гъапи:
– Яв чвйир марччарихъ Шехемдин багарихьна душнайиваликан аьгъявуз, узуз уву дурарихьна гьауз ккундазуз.
– Узу гьязур вуза, – жаваб туву Юсуфди.
14Адашди дугъаз гъапи:
– Душну, яв чвйир, марччарин сюрйир – вари сагъ-саламатди вуш аьгъю апӀин ва узуз жаваб хьади гъач.
Дугъаз адашди му табшуругъ Хеврон дерейиъ имиди тувнийи. Юсуф Шехемдиз гъушу. 15Думу душван чюллериъ, сар рякъюъ айи кас алахъайизкьан, ургну гъузнийи. Думу касди Юсуфдихьан гьерхру:
– Фу абгурава?
16Юсуфди:
– Узу йиз чвйир агураза, – гъапи. – ТӀалаб вуйиз, йип узуз, чпин сюрйирра хъади дурар наан гъяркъюнвуз?
17– Дурар мушвʼан гъушну, – жаваб туву рякъюъ айири. – Узуз, дурари: «Дотандиз гъягъидихьа», кӀури гъеебхьунзуз.
Юсуф чвйирин шилнаъди гъушу ва дурар дугъаз Дотандихъ гъидихъу. 18Чвйириз Юсуф ярхлаан гъяркънийи ва думу, багахь хьайиз, йивну йикӀуз гьял гъапӀнийи.
19– Гьатмагьа, гъюра думу нивкӀархъан! – кӀуру дурари чиб-чпиз. 20– Гъачай, думу йивну йикӀидихьа ва деебццнайи гъуйдизди ипдихьа, хъа думу вягьши гьяйванатди гъипӀну, пидихьа. Гьеле лигурхьа, дугъан нивкӀарикан фу шулуш.
21Мицдар гафар гъеерхьу Рувим Юсуфдихъанди хъюгъру ва дурариз гьамци кӀуру:
– Ваъ, думу йивну йикӀидархьа.
22Дугъу давам гъапӀу:
– Ифи муудубзанай. Думу гьамушваъ, къуру чюллериъ айи гьатму гъуйдиъ, итай, аммаки дугъʼина хил за мапӀанай.
Рувимдиз, Юсуф дурарин ниятариккан ккадаъну, чпин адашдихьна кьяляхъ гьауз ккунди айи.
23Юсуф чвйирихьна хъуркьиган, дурари Юсуфдилан гьадму багьади дабалгну дибирхнайи ккуртт уьлчӀюбгъюру 24ва думу учв гъуйдизди ипру. Гъуйи шид адарди ичӀиб вуйи. 25Дурариз, уьл ипӀуз деубси, Галааддианмина гъюрайи исмаиларин (дурариз мидьянарра кӀури гъахьну) ариш-веришчйирин девйирин сюри рябкъюру. Дурарин девйир Египетдиз гъахурайи ицци ниар хъайи укӀарин, мялгьямарин ва аьтрарин гъагъарихьди алацӀнайи.
26Ягьудайи чвйириз гъапи:
– Ухьуз ихь гъардшин ифи удубзну, думу йивну йикӀуб жиниди гъибтбакан фу хайир ахъа? 27Ариш-веришчйириз масу тувиш ужу шул, дугъʼина хил за апӀубра рубкьидар; фици вушра думу ихь гъардаш дарин, ихь йикк ва ифи дарин.
Гъардшар дугъахъди рази гъаши.
28Ариш-веришчйир багхьантина гъярайиган, гъардшари Юсуф гъуйдиан адагъну, къаб шекел#37:28 Кьюдварж грамкьан арс. арсрахъ ариш-веришчйириз масу тувру. Ариш-веришчйири думу Египетдиз гъахуру.
29Гъуйдихьна кьяляхъ хътаку Рувимдиз Юсуф душваъ имдарди рябкъюру ва дугъу чаин али палтар чӀяргъюру. 30Думу чвйирихьна гъюру:
– Бай душваъ имдар! Гьамус гьапӀзакӀан? – кӀуру.
31Дурари, Юсуфдин гьадму ккуртт гъадабгъну, цӀигь дубккну, ккуртт дидин ифдиан апӀуру. 32Хъа ифдиан дапӀнайи, багьади дабалгну дибирхнайи думу ккуртт адашдихьна гъабхуру ва кӀуру:
– Магьа фу учуз гъибихънуш. Лиг, гьаму яв балин ккуртт дарин?
33Дугъаз аьгъю шулу ва гьарай апӀуру:
– Му ккуртт йиз балинуб вуйиз! Думу вягьши гьяйванатди гъитӀну! Валлагь, Юсуф парчйир гъапӀну!
34Якьубди, дерднан лишан вуди, чаин али палтар чӀяргъюру, ирин парчи хъибиржну, гизаф йигъари балихъ ишуб-гъам зигури гъузру. 35Думу ккарцуз дугъан вари баяр-шубар гъюру, аммаки дугъаз чан дерд яваш апӀуз ккунди адайи. Дугъу кӀуйи:
– Ваъ, узу йиз балихьна тму дюнʼяйиз гъягъяйизкьан дерд зигури хьидиза!
Гьамци адашди чан балихъ дерд зигури гъахьнийи.
36Хъа ариш-веришчйири чпин нубатнаъ Юсуф Египетдин паччагь фяряуьн уьрхру эскрарин аьхюр вуйи Патифариз масу тувнийи.
Currently Selected:
Эвел 37: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Эвел 37
37
Юсуфдин нивкӀар
1Якьуб чан адаш гъурабади яшамиш гъаши Ханаан уьлкейиъ яшамиш шулайи.
2Магьа Якьубдин тухмикан ихтилат.
ЙицӀиургуд йисаъ айи Юсуф, чан дархи чвйирихъди, дурариз кюмек апӀури, марччарихъ хъайи. Чвйир дугъан адашдин Зилфи ва Билха кӀуру лукӀ хпарикан духьнайидар вуйи. Юсуфди дархи чвйирикан чпин адашдиз чӀуруди ктибтури шуйи. 3Израилиз (Якьубдиз) чан баяригъ варитӀан ккунир Юсуф вуйи, фицики Юсуф чан адаш кьаби гъашиган бабкан гъахьир вуйи. Гьаддиз Юсуфдиз багьади дабалгнайи ккурттра гъибирхнийи. 4Гъардшариз Юсуф, чпин адашдиз варитӀан ккунир вуди гъяркъган, думу даккун гъахьнийи ва гьаддиз дугъахъди чвйири аькьюллуди гафаркьан апӀури шулдайи.
5Саб ражари Юсуфдиз нивкӀ рябкъюру. Дугъу дидкан чвйириз ктибтуру, хъа дурариз думу имбубтӀан артухъ даккун шулу. 6Дугъу дурариз гъапи:
– Хъебехъай, узуз фициб нивкӀ гъябкънуш. 7Ухьу хутӀлиъ дяхнин шилар йитӀури айхьа, ва саб дупну йиз шил за дубхьну дийибгъуру, хъа ичв шилар дидлан илтӀикӀуру ва йизубдиз икрам апӀуру.
8Чвйири дугъаз гъапи:
– Увуз учʼин паччагьвал апӀуз ккунди айвуз? Учу яв хликк ккади хьидийин?
Дурариз думу имбубтӀан артухъ даккун гъахьнийи, гьаз гъапиш дугъан нивкӀ ва ктибту ихтилат чвйириз кьабул гъабхьундайи.
9Дугъаз сабсана нивкӀ рябкъюру ва дидканра Юсуфди чвйириз ктибтуру:
– Хъебехъай, узуз сабсана нивкӀ гъябкъюнзуз: му ражари узуз ригъди, вазли ва йицӀисаб хядру икрам гъапӀунзуз.
10Дугъу нивкӀкан неинки чвйириз, хъа адашдизра ктибтнийи. Адашди дугъаз тягьнара гъивнийи:
– Рякъюрвуз увузра нивкӀар. Учу: узу, яв дадайи ва яв чвйири дуфну увуз жилиинакьан икрам апӀур кӀури хиял вуяв?
11Чвйириз дугъкан хъял кайи, хъа адашди му гьядиса кӀваин гъитнийи.
Чвйири Юсуф масу тувуб
12Чвйир, адашдин марччарин сюрйир хъаъну, Шехемдин багарихьнакьан душнайи. 13Израили Юсуфдиз гъапи:
– Яв чвйир марччарихъ Шехемдин багарихьна душнайиваликан аьгъявуз, узуз уву дурарихьна гьауз ккундазуз.
– Узу гьязур вуза, – жаваб туву Юсуфди.
14Адашди дугъаз гъапи:
– Душну, яв чвйир, марччарин сюрйир – вари сагъ-саламатди вуш аьгъю апӀин ва узуз жаваб хьади гъач.
Дугъаз адашди му табшуругъ Хеврон дерейиъ имиди тувнийи. Юсуф Шехемдиз гъушу. 15Думу душван чюллериъ, сар рякъюъ айи кас алахъайизкьан, ургну гъузнийи. Думу касди Юсуфдихьан гьерхру:
– Фу абгурава?
16Юсуфди:
– Узу йиз чвйир агураза, – гъапи. – ТӀалаб вуйиз, йип узуз, чпин сюрйирра хъади дурар наан гъяркъюнвуз?
17– Дурар мушвʼан гъушну, – жаваб туву рякъюъ айири. – Узуз, дурари: «Дотандиз гъягъидихьа», кӀури гъеебхьунзуз.
Юсуф чвйирин шилнаъди гъушу ва дурар дугъаз Дотандихъ гъидихъу. 18Чвйириз Юсуф ярхлаан гъяркънийи ва думу, багахь хьайиз, йивну йикӀуз гьял гъапӀнийи.
19– Гьатмагьа, гъюра думу нивкӀархъан! – кӀуру дурари чиб-чпиз. 20– Гъачай, думу йивну йикӀидихьа ва деебццнайи гъуйдизди ипдихьа, хъа думу вягьши гьяйванатди гъипӀну, пидихьа. Гьеле лигурхьа, дугъан нивкӀарикан фу шулуш.
21Мицдар гафар гъеерхьу Рувим Юсуфдихъанди хъюгъру ва дурариз гьамци кӀуру:
– Ваъ, думу йивну йикӀидархьа.
22Дугъу давам гъапӀу:
– Ифи муудубзанай. Думу гьамушваъ, къуру чюллериъ айи гьатму гъуйдиъ, итай, аммаки дугъʼина хил за мапӀанай.
Рувимдиз, Юсуф дурарин ниятариккан ккадаъну, чпин адашдихьна кьяляхъ гьауз ккунди айи.
23Юсуф чвйирихьна хъуркьиган, дурари Юсуфдилан гьадму багьади дабалгну дибирхнайи ккуртт уьлчӀюбгъюру 24ва думу учв гъуйдизди ипру. Гъуйи шид адарди ичӀиб вуйи. 25Дурариз, уьл ипӀуз деубси, Галааддианмина гъюрайи исмаиларин (дурариз мидьянарра кӀури гъахьну) ариш-веришчйирин девйирин сюри рябкъюру. Дурарин девйир Египетдиз гъахурайи ицци ниар хъайи укӀарин, мялгьямарин ва аьтрарин гъагъарихьди алацӀнайи.
26Ягьудайи чвйириз гъапи:
– Ухьуз ихь гъардшин ифи удубзну, думу йивну йикӀуб жиниди гъибтбакан фу хайир ахъа? 27Ариш-веришчйириз масу тувиш ужу шул, дугъʼина хил за апӀубра рубкьидар; фици вушра думу ихь гъардаш дарин, ихь йикк ва ифи дарин.
Гъардшар дугъахъди рази гъаши.
28Ариш-веришчйир багхьантина гъярайиган, гъардшари Юсуф гъуйдиан адагъну, къаб шекел#37:28 Кьюдварж грамкьан арс. арсрахъ ариш-веришчйириз масу тувру. Ариш-веришчйири думу Египетдиз гъахуру.
29Гъуйдихьна кьяляхъ хътаку Рувимдиз Юсуф душваъ имдарди рябкъюру ва дугъу чаин али палтар чӀяргъюру. 30Думу чвйирихьна гъюру:
– Бай душваъ имдар! Гьамус гьапӀзакӀан? – кӀуру.
31Дурари, Юсуфдин гьадму ккуртт гъадабгъну, цӀигь дубккну, ккуртт дидин ифдиан апӀуру. 32Хъа ифдиан дапӀнайи, багьади дабалгну дибирхнайи думу ккуртт адашдихьна гъабхуру ва кӀуру:
– Магьа фу учуз гъибихънуш. Лиг, гьаму яв балин ккуртт дарин?
33Дугъаз аьгъю шулу ва гьарай апӀуру:
– Му ккуртт йиз балинуб вуйиз! Думу вягьши гьяйванатди гъитӀну! Валлагь, Юсуф парчйир гъапӀну!
34Якьубди, дерднан лишан вуди, чаин али палтар чӀяргъюру, ирин парчи хъибиржну, гизаф йигъари балихъ ишуб-гъам зигури гъузру. 35Думу ккарцуз дугъан вари баяр-шубар гъюру, аммаки дугъаз чан дерд яваш апӀуз ккунди адайи. Дугъу кӀуйи:
– Ваъ, узу йиз балихьна тму дюнʼяйиз гъягъяйизкьан дерд зигури хьидиза!
Гьамци адашди чан балихъ дерд зигури гъахьнийи.
36Хъа ариш-веришчйири чпин нубатнаъ Юсуф Египетдин паччагь фяряуьн уьрхру эскрарин аьхюр вуйи Патифариз масу тувнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023