Югьан 1
1
Месигь гъювал
1Сифте Гаф айи, Гаф Аллагьдихь хьайи, Гаф Аллагь вуйи. 2Думу сифте Аллагьдихь хьайи. 3Вари Гьадгъуланмина гъабхьну ва, Думу дарди, арайиз дуфнайибдик, фукӀара арайиз гъафундар. 4Уьмур Гьадгъаъ а, ва гьадму уьмур инсаниятдиз акв ву. 5Аквну мучӀушнаъ акв тувру ва мучӀушнахьан акв ккабгъуз шулдар.
6Аллагьди Ягьʼя кӀуру ччвур али адми гьаъру. 7Думу Акв улупуз, Акв Месигь вуди, Гьадгъулантина вари хъугъбан бадали, гьаур вуйи. 8Думу учв Акв дайи, амма Аквнан гьякьнаан шагьидвал апӀуз гьаънайир вуйи. 9Гьякьикьи Аквну му дюнʼяйиз гъюру гьарсар касдиз аьгъювалар тувру. 10Думу, Чав арайиз гъабхи му дюнʼяйиз гъафну, хъа му дюнʼяйиндариз Думу кьабул гъахьундар. 11Думу жвувандарихьна гъафну, хъа жвувандари Думу гьясбикк гъапӀундар. 12Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну. 13Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.
14Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну. 15Дугъкан адмийириз Ягьʼяйи хабар дебккру: «Магьа Думу узу учвуз кӀурайир: „Думу, йиз кьяляхъди Гъюрайир, узутӀан заан ву, гьаз гъапиш Думу узу хьайиз айир ву“». 16Дугъан абцӀнайи ужувлиинди ухьуз ужувлахъди ужʼвал гъабхьунхьуз. 17Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву. 18Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.
Исайикан Ягьʼяйин шагьидвал
19Магьа Ягьʼяйин шагьидвал. Жугьдари Ягьʼяйихьан, уву фуж вува, кӀури, гьерхуз Ерусалимдиан чпин маллйир ва левитар гьаиган, 20Ягьʼяйи дурариз ачухъди жаваб тувру: «Месигь Узу дарза».
21– Хъа дици вуш, уву фуж вува? – гьерхру дурари. Уву Илʼяс вуна?
– Ваъ.
– Уву пайгъамбар вуна?
– Ваъ.
22– Хъа уву фуж вува? – давам апӀуру гьерхувал дурари. – Учу гьаъдариз учу жаваб тувну ккунду. Уву фуж вуди гьисаб апӀурава?
23– Узу, Ишая пайгъамбри гъапиганси: «„Агъайиз рякъ диш апӀинай!“ кӀури, ичӀи чюлиъ атӀабгу дих вуза».
24Гьадмуган фарисйири гьаънайидари 25Ягьʼяйихьан гьерхру: «Хъа уву я Месигь, я Илʼяс, ясана пайгъамбар даруган, уву халкь гьаз штуан апӀурава?»
26– Узу учву штуан апӀураза, – кӀури, Ягьʼяйи дурариз жаваб тувру, – хъа ичв арайиъ Адми а. Думу учвуз аьгъдарчвуз. 27Думу узутӀан кьанди гъюрашра, узу Дугъан шаламарин гъахмйир гъядарчузкьан лайикь дарза.
28Му вари Ягьʼяйи халкь штуан апӀури гъаши Ярдан нирин тмуну гъирагъдихъ хъайи Вифания кӀурушваъ гъабхьнийи. 29Хъайигъан Ягьʼяйиз чахьинди гъюрайи Иса рякъюру ва кӀуру: «Магьа, дюнʼяйин гунгьар Чаина гъадагъуз ккайи Аллагьдин Агълиж гъюра. 30Думу узу Чакан: „Думу йиз кьяляхъди Гъюрайир узутӀан заан ву, гьаз гъапиш Думу узу шайиз Айир ву“, – Гъапир ву. 31Думу фуж вуш, узузра аьгъдайзуз, амма узу, Месигь Израилиз аьгъю ишри пну, халкь штуан апӀуз дуфнайир вуза».
32Ягьʼяйи гьацира гъапи: «Узузра Думу Месигь вуйиб аьгъдайзуз, хъа штуан апӀуз узу Гьаури гъапунзуз: 33„Шлиина-вуш Гирами Рюгь ис шули рякъидивуз ва Гьадгъуин гъузди. Ари Гьадмунур хьиди Гирами Рюгьнахьди адмийир цӀийи Алаърур“. Узуз гьаци рябкъюзра гъябкъюнзуз:
Гирами Рюгь луф жюрейиинди Гьадгъуина аьршариан гъафнийи. 34Магьа узу адмийирин улихь шагьидвал апӀураза: Ари Гьадму ву Аллагьдин Бай».
Исайин сарпи ученик
35Хъайигъанра Ягьʼя, чан кьюр ученикра хъади, гьадушвʼин алди шулу. 36Багхьантина гъярайи Иса дяркъну, Ягьʼяйи кӀуру:
– Лигай, магьа Аллагьдин Агълиж!
37Дугъан му гафар гъеерхьу ученикар Исайин кьяляхъди гъягъюру.
38Иса кьяляхъинди илтӀикӀуру ва, дурар дяркъну, гьерхру:
– Фу ккундучвуз?
– Я Рабби! (Му илтӀибкӀиган «Мялим» кӀуру гаф ву.) Уву наан яшамиш шулава? – пну гьерхру дурари Исайихьан.
39– Узухъди гъачай, ва учвуз рябкъидичвуз, – гъапи Исайи. Дурар Исайихъди гъягъюру. Думу яшамиш шулайишв дябкъну, дурар хябяхъдиз Гьадгъахь гъузру. Сяаьт юкьбарихьна вуйи.
40Ягьʼяйин гафарихъ хъебехъну Исайихъди гъушу кьюрикан сариз Андрей кӀуйи, думу, чаз Петр кӀури шлу Симондин чве вуйи. 41Дугъу, гьадму сяаьт чан чве Симон дагну, дугъаз кӀуру:
– Учуз Месигь гъидихъунчуз! (Му илтӀибкӀиган «Христос» – «Аллагьдихьан вуйир» кӀуру гаф ву.)
42Андрейи думу Исайихьна хъади гъюру. Иса дугъаз дикъатлуди лигуру ва кӀуру:
– Уву Югьаннайин бай Симон вува. Увуз Кифа, яна Петр кӀуру хьиди. (Жугьуд чӀалниинди «Кифа» ва грек чӀалниинди «Петрос» «Гъван» кӀуру гаф ву.)
43Хъайигъан Исайи Галилей уьлкейиз гъягъюз кьаст апӀуру. Дугъаз Филип алахъуру:
– Узухъди гъач! – кӀуру дугъаз Исайи.
44Филипра Вифсайдайиан – Андрейинна Петрин гъахи шагьриан – вуйи. 45Филипди Нафанаил агуру ва кӀуру:
– Учуз, Мусайи чан Къанундиъ шликан дибикӀнаш ва пайгъамбрарира шликан дибикӀнаш, Гьадму гъидихъунчуз. Думу Назарет шагьриан Юсуфдин бай Иса ву.
46– Назаретдиан? Назаретдиан фукӀа ужуб удубчӀвур кӀурана? – наразиди кӀуру Нафанаили.
– Гъач гъягъюхьа, ва уву лигара, – кӀуру дугъаз Филипди.
47Чахьна гъюрайи Нафанаил гъяркъиган, Исайи дугъкан гьамци кӀуру:
– Магьа, затра кучӀал ва цӀарувал ктру, чан дугъри израилжви.
48– Увуз узу наънан аьгъявуз? – гьерхру Нафанаили.
– Узкан увуз Филипди ктибтайиз улихьна Узуз уву инжирин гьарикк гъяркъюнзуз, – пну, жаваб туву дугъаз Исайи.
49– Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.
50– Уву Узухъ гьаддиз хъугъунва, Узуз уву инжирин гьарикк гъяркъюнзуз гъапну кӀури? Хъа увуз мутӀан бегьем артухъ аьламатар рякъидивуз.
51– Исайи давам апӀуру:
– Гьякьлу вуйи гьякь кӀуразачвуз: учвуз завар гьатӀарццури ва Аллагьдин малайикар Инсаниятдин Балʼина ис-за фици шулуш, рякъидичвуз.
Currently Selected:
Югьан 1: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Югьан 1
1
Месигь гъювал
1Сифте Гаф айи, Гаф Аллагьдихь хьайи, Гаф Аллагь вуйи. 2Думу сифте Аллагьдихь хьайи. 3Вари Гьадгъуланмина гъабхьну ва, Думу дарди, арайиз дуфнайибдик, фукӀара арайиз гъафундар. 4Уьмур Гьадгъаъ а, ва гьадму уьмур инсаниятдиз акв ву. 5Аквну мучӀушнаъ акв тувру ва мучӀушнахьан акв ккабгъуз шулдар.
6Аллагьди Ягьʼя кӀуру ччвур али адми гьаъру. 7Думу Акв улупуз, Акв Месигь вуди, Гьадгъулантина вари хъугъбан бадали, гьаур вуйи. 8Думу учв Акв дайи, амма Аквнан гьякьнаан шагьидвал апӀуз гьаънайир вуйи. 9Гьякьикьи Аквну му дюнʼяйиз гъюру гьарсар касдиз аьгъювалар тувру. 10Думу, Чав арайиз гъабхи му дюнʼяйиз гъафну, хъа му дюнʼяйиндариз Думу кьабул гъахьундар. 11Думу жвувандарихьна гъафну, хъа жвувандари Думу гьясбикк гъапӀундар. 12Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну. 13Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.
14Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну. 15Дугъкан адмийириз Ягьʼяйи хабар дебккру: «Магьа Думу узу учвуз кӀурайир: „Думу, йиз кьяляхъди Гъюрайир, узутӀан заан ву, гьаз гъапиш Думу узу хьайиз айир ву“». 16Дугъан абцӀнайи ужувлиинди ухьуз ужувлахъди ужʼвал гъабхьунхьуз. 17Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву. 18Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.
Исайикан Ягьʼяйин шагьидвал
19Магьа Ягьʼяйин шагьидвал. Жугьдари Ягьʼяйихьан, уву фуж вува, кӀури, гьерхуз Ерусалимдиан чпин маллйир ва левитар гьаиган, 20Ягьʼяйи дурариз ачухъди жаваб тувру: «Месигь Узу дарза».
21– Хъа дици вуш, уву фуж вува? – гьерхру дурари. Уву Илʼяс вуна?
– Ваъ.
– Уву пайгъамбар вуна?
– Ваъ.
22– Хъа уву фуж вува? – давам апӀуру гьерхувал дурари. – Учу гьаъдариз учу жаваб тувну ккунду. Уву фуж вуди гьисаб апӀурава?
23– Узу, Ишая пайгъамбри гъапиганси: «„Агъайиз рякъ диш апӀинай!“ кӀури, ичӀи чюлиъ атӀабгу дих вуза».
24Гьадмуган фарисйири гьаънайидари 25Ягьʼяйихьан гьерхру: «Хъа уву я Месигь, я Илʼяс, ясана пайгъамбар даруган, уву халкь гьаз штуан апӀурава?»
26– Узу учву штуан апӀураза, – кӀури, Ягьʼяйи дурариз жаваб тувру, – хъа ичв арайиъ Адми а. Думу учвуз аьгъдарчвуз. 27Думу узутӀан кьанди гъюрашра, узу Дугъан шаламарин гъахмйир гъядарчузкьан лайикь дарза.
28Му вари Ягьʼяйи халкь штуан апӀури гъаши Ярдан нирин тмуну гъирагъдихъ хъайи Вифания кӀурушваъ гъабхьнийи. 29Хъайигъан Ягьʼяйиз чахьинди гъюрайи Иса рякъюру ва кӀуру: «Магьа, дюнʼяйин гунгьар Чаина гъадагъуз ккайи Аллагьдин Агълиж гъюра. 30Думу узу Чакан: „Думу йиз кьяляхъди Гъюрайир узутӀан заан ву, гьаз гъапиш Думу узу шайиз Айир ву“, – Гъапир ву. 31Думу фуж вуш, узузра аьгъдайзуз, амма узу, Месигь Израилиз аьгъю ишри пну, халкь штуан апӀуз дуфнайир вуза».
32Ягьʼяйи гьацира гъапи: «Узузра Думу Месигь вуйиб аьгъдайзуз, хъа штуан апӀуз узу Гьаури гъапунзуз: 33„Шлиина-вуш Гирами Рюгь ис шули рякъидивуз ва Гьадгъуин гъузди. Ари Гьадмунур хьиди Гирами Рюгьнахьди адмийир цӀийи Алаърур“. Узуз гьаци рябкъюзра гъябкъюнзуз:
Гирами Рюгь луф жюрейиинди Гьадгъуина аьршариан гъафнийи. 34Магьа узу адмийирин улихь шагьидвал апӀураза: Ари Гьадму ву Аллагьдин Бай».
Исайин сарпи ученик
35Хъайигъанра Ягьʼя, чан кьюр ученикра хъади, гьадушвʼин алди шулу. 36Багхьантина гъярайи Иса дяркъну, Ягьʼяйи кӀуру:
– Лигай, магьа Аллагьдин Агълиж!
37Дугъан му гафар гъеерхьу ученикар Исайин кьяляхъди гъягъюру.
38Иса кьяляхъинди илтӀикӀуру ва, дурар дяркъну, гьерхру:
– Фу ккундучвуз?
– Я Рабби! (Му илтӀибкӀиган «Мялим» кӀуру гаф ву.) Уву наан яшамиш шулава? – пну гьерхру дурари Исайихьан.
39– Узухъди гъачай, ва учвуз рябкъидичвуз, – гъапи Исайи. Дурар Исайихъди гъягъюру. Думу яшамиш шулайишв дябкъну, дурар хябяхъдиз Гьадгъахь гъузру. Сяаьт юкьбарихьна вуйи.
40Ягьʼяйин гафарихъ хъебехъну Исайихъди гъушу кьюрикан сариз Андрей кӀуйи, думу, чаз Петр кӀури шлу Симондин чве вуйи. 41Дугъу, гьадму сяаьт чан чве Симон дагну, дугъаз кӀуру:
– Учуз Месигь гъидихъунчуз! (Му илтӀибкӀиган «Христос» – «Аллагьдихьан вуйир» кӀуру гаф ву.)
42Андрейи думу Исайихьна хъади гъюру. Иса дугъаз дикъатлуди лигуру ва кӀуру:
– Уву Югьаннайин бай Симон вува. Увуз Кифа, яна Петр кӀуру хьиди. (Жугьуд чӀалниинди «Кифа» ва грек чӀалниинди «Петрос» «Гъван» кӀуру гаф ву.)
43Хъайигъан Исайи Галилей уьлкейиз гъягъюз кьаст апӀуру. Дугъаз Филип алахъуру:
– Узухъди гъач! – кӀуру дугъаз Исайи.
44Филипра Вифсайдайиан – Андрейинна Петрин гъахи шагьриан – вуйи. 45Филипди Нафанаил агуру ва кӀуру:
– Учуз, Мусайи чан Къанундиъ шликан дибикӀнаш ва пайгъамбрарира шликан дибикӀнаш, Гьадму гъидихъунчуз. Думу Назарет шагьриан Юсуфдин бай Иса ву.
46– Назаретдиан? Назаретдиан фукӀа ужуб удубчӀвур кӀурана? – наразиди кӀуру Нафанаили.
– Гъач гъягъюхьа, ва уву лигара, – кӀуру дугъаз Филипди.
47Чахьна гъюрайи Нафанаил гъяркъиган, Исайи дугъкан гьамци кӀуру:
– Магьа, затра кучӀал ва цӀарувал ктру, чан дугъри израилжви.
48– Увуз узу наънан аьгъявуз? – гьерхру Нафанаили.
– Узкан увуз Филипди ктибтайиз улихьна Узуз уву инжирин гьарикк гъяркъюнзуз, – пну, жаваб туву дугъаз Исайи.
49– Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.
50– Уву Узухъ гьаддиз хъугъунва, Узуз уву инжирин гьарикк гъяркъюнзуз гъапну кӀури? Хъа увуз мутӀан бегьем артухъ аьламатар рякъидивуз.
51– Исайи давам апӀуру:
– Гьякьлу вуйи гьякь кӀуразачвуз: учвуз завар гьатӀарццури ва Аллагьдин малайикар Инсаниятдин Балʼина ис-за фици шулуш, рякъидичвуз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023