Югьан 21
21
Иса ургур ученикдиз ачмиш хьуб
1Хъасин Тивериад гьюлин гъирагъдихъ Иса Чан ученикариз хъана ачмиш шулу. Думу магьа гьамци гъабшиб ву. 2Симон Петр, КӀвятӀях кӀуру лакӀам али Фома, Галилей уьлкейиъ айи Кана шагьриан вуйи Нафанаил, Зеведейин кьюрид баяр ва Исайин кьюр жара ученикар – вари сатӀиди уч шулу.
3– Узу балугъар дисуз гъяраза, – кӀуру дурариз Симон Петри.
– Учура увухъди гъюрча, – кӀуру имбударира.
Дурар душну люткейиъ эъру, аммаки думу йишван дурари фукӀара гъибисундайи. 4Хъа аку хьуз хъюбгъиган, гъирагъдихъ Иса дугъужвнайи. Саки му Иса вуйибдин ученикар гъавриъ ахънадайи.
5– Дустар, лисуз фукӀа-мукӀа гъибисунчва? – гьерхру дурарихьан Исайи.
– Ваъ, – жаваб туву дурари.
6– Чул люткейин арччулну гъвалхъанди ккипай, ва дисидичва, – кӀуру Дугъу.
Дурари чул ккипру – гизаф балугъар ади хьпаз, дурарихьан чул ккадабгъуз шуладайи.
7– Му Агъа ву! – кӀуру Петриз Исайин юкӀв али сар ученикди. Му Агъа ву пну гъеебхьубси, Петр чан гъяцӀли жандиин али плащдин канчӀар зина ккаъну, йитӀну, штузди урсру. 8Хъа тмуну ученикар, балугъари абцӀнайи чулра хъчӀюбхюри, люткейиъди гъирагъдихъна гъюру. Гъирагъдихъна ярхла дайи – варж метркьан. 9Гъирагъдихъна ктучӀвиган, дурариз кархьнайи аржлар рякъюру, дурариин балугъ илипнайи ва гъвалахъ уьлра хъайи.
10– Учву гъидистарикан сякьюбсана балугъ акъинай, – кӀуру дурариз Исайи.
11Симон Петри, люткейихьна душну, чӀатху балугъарихьди абцӀнайи чул хъчӀюбхюру. Дидиъ варжна хьуцӀурна шубуб балугъ айи. Ва гьамкьан гизаф балугъар ади гъахьнушра, чул гъячӀябгъюндайи.
12– Деай гьириндин уьл ипӀуз, – кӀуру дурариз Исайи.
Ученикарикан сарира Дугъхьан, Думу фуж вуш, гьерхундайи. Думу Агъа вуйиб дурар дишла гъавриъ ахънийи. 13Исайи дуфну, гъадабгъну уьл, дурариз пай апӀуру, ва балугъра пай апӀуру. 14Гьаму Иса, дукӀну чӀиви гъахьихъанмина, Чан ученикариз ачмиш шули шубубпи раж вуйи.
Исайин Петрихъди улхуб
15Дурари гьирин уьл ипӀбалан кьяляхъ, Исайи Симон Петриз кӀуру:
– Я Югьаннайин бай Симон, увуз Узу гьамраризтӀан гизаф ккундунуз?
– Ав, Агъа, узуз Уву ккуниб Увузра аьгъявуз, – жаваб туву Петри.
– Йиз ччилар уьрх, – кӀуру Исайи. 16Кьюбпи ражарира Исайи Петрихьан гьерхру:
– Я Югьаннайин бай Симон, увуз Узу ккундунуз?
– Ав, Агъа, узуз Уву ккуниб Увузра аьгъявуз, – жаваб туву Петри.
– Йиз марччарин гъайгъу зиг.
17Ва шубубпи ражарира Исайи дугъаз кӀуру:
– Я Югьаннайин бай Симон, увуз Узу ккундунуз?
Дугъу, Учв ккундунуз кӀури шубубпи ражнура гьерхиган, Петриз иццру апӀуру.
– Я Агъа, Увуз вари аьгъявуз, – кӀуру дугъу Исайиз. – Узуз Уву ккуниб Увуз аьгъявуз.
– Йиз марччар уьрх, – кӀуру Исайи. – 18Гьякьлу вуйи гьякь кӀуразавуз: уву жигьилди айиган, яв чӀул уву идибтӀну, увуз ккунишваз гъягъюйва. Хъа кьаби гъашиган, хилар гьатӀарццидива, жарари яв чӀул идибтӀиди ва увуз даккнишваз хъади гъахидиву.
19Гьаму гафариинди Исайи, Петри фициб аьжалиинди Аллагь адлу апӀуруш, думу учв гъавриъ ахъбан бадали, дугъаз чаз гъапнийи. Ва гьадму гафарихъан Петриз кӀуру:
– Узухъди гъач!
20Петр кьяляхъинди илдицуру ва дугъаз Исайин юкӀв али ученик рякъюру. Дугъу хябяхъдин уьл ипӀурайи вахтна Исайихьнаси гьачӀарккну: «Агъа, Уву шли масу тувди?» – кӀури гьерху гьадму ученик вуйи. 21Ва думура чпихъди гъюрайиб дяркъну, Петри Исайихьан гьерхру:
– Я Агъа, хъа мугъкан фу хьибди?
22– Узуз думу, Узу хъадакну гъяйизкьан, яшамиш шули гъузну ккунди шул. Хъа яв фу хъаяв дугъахъ? – жаваб туву Дугъу. – Уву Узухъди гъач!
23Магьа гьаддиз гъардшарин арайиъ, думу ученик йикӀрур дар, кӀуру хабар арабгънийи. Аммаки Исайи, думу йикӀидар кӀури гъапундайи. Дугъу анжагъ: «Узуз думу, Узу хъадакну гъяйизкьан, яшамиш шули гъузну ккунди шул. Хъа яв фу хъаяв дугъахъ?» – гьамцитӀан гъапундайи. 24Думу гьадмуну ученик вуйи, гьаму вариб ктибтур ва гьаму вари гъибикӀур. Ва ухьуз аьгъяхьуз, дугъан шагьидвал гьякьлуб вуйиб.
25Исайи хъанара гизаф жара ляхнарра гъапӀну. Эгер дурар вари хъайи-хъайиси дикӀури гъашиш, вари дюнʼяйиъра гьадмукьан кьадар китабариз йишв гьудрубкӀрийи.
Currently Selected:
Югьан 21: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Югьан 21
21
Иса ургур ученикдиз ачмиш хьуб
1Хъасин Тивериад гьюлин гъирагъдихъ Иса Чан ученикариз хъана ачмиш шулу. Думу магьа гьамци гъабшиб ву. 2Симон Петр, КӀвятӀях кӀуру лакӀам али Фома, Галилей уьлкейиъ айи Кана шагьриан вуйи Нафанаил, Зеведейин кьюрид баяр ва Исайин кьюр жара ученикар – вари сатӀиди уч шулу.
3– Узу балугъар дисуз гъяраза, – кӀуру дурариз Симон Петри.
– Учура увухъди гъюрча, – кӀуру имбударира.
Дурар душну люткейиъ эъру, аммаки думу йишван дурари фукӀара гъибисундайи. 4Хъа аку хьуз хъюбгъиган, гъирагъдихъ Иса дугъужвнайи. Саки му Иса вуйибдин ученикар гъавриъ ахънадайи.
5– Дустар, лисуз фукӀа-мукӀа гъибисунчва? – гьерхру дурарихьан Исайи.
– Ваъ, – жаваб туву дурари.
6– Чул люткейин арччулну гъвалхъанди ккипай, ва дисидичва, – кӀуру Дугъу.
Дурари чул ккипру – гизаф балугъар ади хьпаз, дурарихьан чул ккадабгъуз шуладайи.
7– Му Агъа ву! – кӀуру Петриз Исайин юкӀв али сар ученикди. Му Агъа ву пну гъеебхьубси, Петр чан гъяцӀли жандиин али плащдин канчӀар зина ккаъну, йитӀну, штузди урсру. 8Хъа тмуну ученикар, балугъари абцӀнайи чулра хъчӀюбхюри, люткейиъди гъирагъдихъна гъюру. Гъирагъдихъна ярхла дайи – варж метркьан. 9Гъирагъдихъна ктучӀвиган, дурариз кархьнайи аржлар рякъюру, дурариин балугъ илипнайи ва гъвалахъ уьлра хъайи.
10– Учву гъидистарикан сякьюбсана балугъ акъинай, – кӀуру дурариз Исайи.
11Симон Петри, люткейихьна душну, чӀатху балугъарихьди абцӀнайи чул хъчӀюбхюру. Дидиъ варжна хьуцӀурна шубуб балугъ айи. Ва гьамкьан гизаф балугъар ади гъахьнушра, чул гъячӀябгъюндайи.
12– Деай гьириндин уьл ипӀуз, – кӀуру дурариз Исайи.
Ученикарикан сарира Дугъхьан, Думу фуж вуш, гьерхундайи. Думу Агъа вуйиб дурар дишла гъавриъ ахънийи. 13Исайи дуфну, гъадабгъну уьл, дурариз пай апӀуру, ва балугъра пай апӀуру. 14Гьаму Иса, дукӀну чӀиви гъахьихъанмина, Чан ученикариз ачмиш шули шубубпи раж вуйи.
Исайин Петрихъди улхуб
15Дурари гьирин уьл ипӀбалан кьяляхъ, Исайи Симон Петриз кӀуру:
– Я Югьаннайин бай Симон, увуз Узу гьамраризтӀан гизаф ккундунуз?
– Ав, Агъа, узуз Уву ккуниб Увузра аьгъявуз, – жаваб туву Петри.
– Йиз ччилар уьрх, – кӀуру Исайи. 16Кьюбпи ражарира Исайи Петрихьан гьерхру:
– Я Югьаннайин бай Симон, увуз Узу ккундунуз?
– Ав, Агъа, узуз Уву ккуниб Увузра аьгъявуз, – жаваб туву Петри.
– Йиз марччарин гъайгъу зиг.
17Ва шубубпи ражарира Исайи дугъаз кӀуру:
– Я Югьаннайин бай Симон, увуз Узу ккундунуз?
Дугъу, Учв ккундунуз кӀури шубубпи ражнура гьерхиган, Петриз иццру апӀуру.
– Я Агъа, Увуз вари аьгъявуз, – кӀуру дугъу Исайиз. – Узуз Уву ккуниб Увуз аьгъявуз.
– Йиз марччар уьрх, – кӀуру Исайи. – 18Гьякьлу вуйи гьякь кӀуразавуз: уву жигьилди айиган, яв чӀул уву идибтӀну, увуз ккунишваз гъягъюйва. Хъа кьаби гъашиган, хилар гьатӀарццидива, жарари яв чӀул идибтӀиди ва увуз даккнишваз хъади гъахидиву.
19Гьаму гафариинди Исайи, Петри фициб аьжалиинди Аллагь адлу апӀуруш, думу учв гъавриъ ахъбан бадали, дугъаз чаз гъапнийи. Ва гьадму гафарихъан Петриз кӀуру:
– Узухъди гъач!
20Петр кьяляхъинди илдицуру ва дугъаз Исайин юкӀв али ученик рякъюру. Дугъу хябяхъдин уьл ипӀурайи вахтна Исайихьнаси гьачӀарккну: «Агъа, Уву шли масу тувди?» – кӀури гьерху гьадму ученик вуйи. 21Ва думура чпихъди гъюрайиб дяркъну, Петри Исайихьан гьерхру:
– Я Агъа, хъа мугъкан фу хьибди?
22– Узуз думу, Узу хъадакну гъяйизкьан, яшамиш шули гъузну ккунди шул. Хъа яв фу хъаяв дугъахъ? – жаваб туву Дугъу. – Уву Узухъди гъач!
23Магьа гьаддиз гъардшарин арайиъ, думу ученик йикӀрур дар, кӀуру хабар арабгънийи. Аммаки Исайи, думу йикӀидар кӀури гъапундайи. Дугъу анжагъ: «Узуз думу, Узу хъадакну гъяйизкьан, яшамиш шули гъузну ккунди шул. Хъа яв фу хъаяв дугъахъ?» – гьамцитӀан гъапундайи. 24Думу гьадмуну ученик вуйи, гьаму вариб ктибтур ва гьаму вари гъибикӀур. Ва ухьуз аьгъяхьуз, дугъан шагьидвал гьякьлуб вуйиб.
25Исайи хъанара гизаф жара ляхнарра гъапӀну. Эгер дурар вари хъайи-хъайиси дикӀури гъашиш, вари дюнʼяйиъра гьадмукьан кьадар китабариз йишв гьудрубкӀрийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023