Лука 10
10
Исайи чан улихьди шагьрар-гъулариз ургцӀурна кьюр ученик гьаъру
1Мидхъан Исайи ургцӀурна кьюр жара ученикарра ктагъну ва кью-кьюрди, Чан улихьди, Учв гъягъюз ккайи гьарсаб шагьриз вая гъулаз гьаъру. 2Дурариз гьамци кӀуру:
– Иган гизаф а, хъа убгрудар цӀиб; гьаддиз игнин Агъайиз, Чан игниз убгрудар гьаъ кӀури, ккарагай. 3Гъарахай! Узу учву жанавраригъна агълижарси гьаъразачву. 4Жвувахьди я пул, я тавра, я шаламар магъадагъанай ва саризра рякъюъ салам мутуванай. 5Фуну хулаъ учӀвишра, сифте: «Му хулаз мясляаьт ибшри!» йипай. 6Ва эгер гьадму хулаъ мясляаьтчи кас аш, дугъаз учвухъди мясляаьт хьибди, хъа нагагь адарш, мясляаьт учвухьна кьяляхъ гъибди. 7Дергу хулаъ гъузай, дурариз айибдикан ипӀинай-убхъай, фицики лихруриз чан гьякъи лайикь ву. Хулʼан хулаз удучӀвури махьанай. 8Фунуб вушра шагьриз гъафиш ва учву кьабул гъапӀиш, учвуз гьивуб ипӀинай. 9Душваъ айи аьзарлуйир сагъ апӀинай ва дурариз: «Учвухьна Аллагьдин Паччагьлугъ багахь дубхьна», йипай. 10Эгерки саб шагьриз дуфну, учву кьабул дарапӀиш, кючейиз удучӀвну йипай: 11«Ичв шагьриъ учук кабсу биширугра ичв ликариина ктӀубччвурача, хъа аьгъю йибхьайки, учвухьна Аллагьдин Паччагьлугъ багахь дубхьна». 12Узу учвуз кӀуразаки, гъиямат йигъан Содомдиз гьадму шагьризтӀан ужу хьибди.
Тахсрар гардандиъ дидрисру Галилей уьлкейин шагьрарин гьял пис хьибди
13Гьял пис хьибдияв, Хоразин! Гьял пис хьибдияв, Вифсайда! Учвуз Узу улупу гьяйбатар Тириз ва Сайдайиз гъяркънийиш, дурарин агьалйири ухдитӀан, чпихъ яснан палтар ва кӀулʼин рюкъ алди деъну, тахсрар чпин гардандиъ дисидийи. 14Гьаци вушра, суд апӀруган, учвузтӀан Тиризна Сайдайиз рягьятди хьибди. 15Хъа увура, Кафернагьум, аьршаризкьан за хьибдиза кӀурайна? Ваъ, гурбагуриъ абхъдиву!
16Учвухъ хъпехъурайир Узухъ хъпехъура, ва учвхьан маш гьадабгъурайири Узхьан маш гьадабгъура. Хъа Узхьан маш гьадабгъурайири Узу му дюнʼяйиз Гьаурихьан маш гьадабгъура.
УргцӀурна кьюр шадди хъадакну гъафи
17Исайи гьаънайи ургцӀурна кьюр ученикди, шадди кьяляхъ хъадакну, кӀуру:
– Агъа! Яв ччвурнахъди учуз жинарра кимиди мютӀюгъ шуйи.
18Исайи дурариз гъапи:
– Узуз завʼан кьюркьлин цӀаси абхъу иблис гъябкъюнзуз. 19БитӀариин, аькьрабариин ва вари душманвалин кьувватариин алархьуз Узу гьюкум тувразачвуз ва учвуз фтикӀа зарар тувидар. 20Аммаки жинар учвуз мютӀюгъ шула кӀури, мидʼин шад махьанай; хъа гьаддиин шад йихьайки, ичв ччвурар сарун аьршарик дидикӀна.
Исайин шадвал
21Гьадму сяаьтна Иса Аллагьдин Рюгьналан шадвали ацӀру ва кӀуру:
– Адаш, заваринна жиларин Агъа! Аьяндрарихьанна аькьюллударихьан гьитӀибкӀнайиб бицӀи касариз ачухъ апӀбаз Увуз чухсагъул! Ав, Адаш, Увуз думу Яв ужувлан ният гьаци дубхьну ккундувуз. 22Йиз Адашди вари тувунзуз. Бай фуж вуш, АдашдизтӀан гъайри саризра аьгъдар, Адаш фуж вуш, БализтӀан гъайри саризра аьгъдар. Ва Бали Адаш шлиз ачмиш гъапӀиш, гьадгъаз аьгъю хьибди.
23Анжагъ ученикариз вуди, Исайи дурарихьинди илдицну кӀуру:
– Учвуз рябкъюрайиб рябкъюрайи улар хушбахтаврар ву! 24Фицики кӀуразачвуз: гизаф пайгъамбраризна паччгьариз учвуз рябкъюрайиб рябкъюз ккундийи, хъа гъябкъюндар, учвуз ебхьурайиб ебхьуз ккундийи, хъа гъеебхьундар.
Багахь хьайир фуж ву
25Магьа сар къанунчийи гъудужвну, Иса ахтармиш апӀури, гьерхру:
– Мялим! КкудудубкӀру уьмур рубкьуз узу гьапӀну ккунду?
26Исайи дугъхьан гьерхру:
– Къанундиъ фу дибикӀна? Дидиъ фу урхури шулва?
27Дугъу гъапи:
– Яв Агъа Аллагь, вари юкӀв хъипну, вари рюгьнаан, вари кьувватнаан, вари фагьмиан ккун апӀин ва яв багахь хьайир жвуваз жвувси ккун апӀин.
28Исайи дугъаз кӀуру:
– Дюзди жаваб тувунва; гьаци апӀин ва яшамиш хьидива.
29Хъа дугъу, учв дюз алауз ккунди, Исайиз кӀуру:
– Хъа йиз багахь хьайир фуж ву?
30Мидиз Исайи гъапи:
– Сар кас Ерусалимдиан Ерихондиз гъягъюри гъахьну ва, гъачгъарин хилиъ ахъру, дурар, дугъан палтар илдитну, думу дурччвну, йикӀру гьялнаъ итну, гьудучӀвну гъягъюру. 31Чан ляхин ади, гьадму рякъюъди сар малла гъягъюри гъахьну ва, гьадму кас гъяркънушра, гьудучӀвну гъушну. 32Гьаци Левитра, гьадушвхьантина, дидригъди, гьудучӀвну гъягъюру. 33Самария уьлкейиан вуйи сар кас, гьадлинтина даждиинди гъягъюрайир, дугъʼин алахъуру ва, дугъаз думу дяркъну, дугъан язухъ шулу. 34Хъасин багахьна дуфну, ччимна чяхир улубзури, дугъан зийнар илитӀну, чан даждиин илитну, хялар дергрушваз духну, дугъан гъайгъу гъизигну. 35Хъайигъан гъягъюрайири, хялар дергрушван эйсийихьна кьюб динар пул тувну, дугъаз кӀуру: «Мугъан гъайгъу зиг, хъа пул артухъди харж гъабхьиш, хъадакну гъюрури туварзаяв». 36Гьаму шубур касдикан гъачгъарин хилиъ ахъуриз вартӀан багахь гъашир фуж ву кӀури, фикир апӀурава?
37Къанунчийи:
– Гьелбетда, дугъаз ужʼвал гъапӀур, – гъапи.
Исайи:
– Гъарах ва увура гьаци апӀури йихь, – кӀуру.
Марфайин хулаъ
38Сабан Чан ученикарихъди рякъюъ айи Иса саб гъулаз гъюру; мушваъ сар Марфа кӀуру дишагьлийи Думу чан хулаъ кьабул апӀуру. 39Дугъаз Марʼям кӀуру чи айи; думу, Исайин ликарихъ деъну, Дугъан гафарихъ хъпехъури гъахьну. 40Марфайи, ужуб хураг апӀбан гъайгъушнаъ ади, Исайин багахьна дуфну гъапи:
– Я Агъа! Йиз чуччу узу сарди гъитну Увуз вижна ктарнуз? Узуз кюмек апӀин йипа дугъаз.
41Исайи дугъаз жаваб вуди гъапи:
– Гьей Марфа, Марфа! Уву гизаф ляхнарин гъайгъушнаъ ади гъяжяргъюрава. 42Хъа лазим вуйиб анжагъ саб ву. Хъа Марʼямди сарихьанра тадабгъуз даршлу ужувлан пай кадабгъна.
Currently Selected:
Лука 10: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Лука 10
10
Исайи чан улихьди шагьрар-гъулариз ургцӀурна кьюр ученик гьаъру
1Мидхъан Исайи ургцӀурна кьюр жара ученикарра ктагъну ва кью-кьюрди, Чан улихьди, Учв гъягъюз ккайи гьарсаб шагьриз вая гъулаз гьаъру. 2Дурариз гьамци кӀуру:
– Иган гизаф а, хъа убгрудар цӀиб; гьаддиз игнин Агъайиз, Чан игниз убгрудар гьаъ кӀури, ккарагай. 3Гъарахай! Узу учву жанавраригъна агълижарси гьаъразачву. 4Жвувахьди я пул, я тавра, я шаламар магъадагъанай ва саризра рякъюъ салам мутуванай. 5Фуну хулаъ учӀвишра, сифте: «Му хулаз мясляаьт ибшри!» йипай. 6Ва эгер гьадму хулаъ мясляаьтчи кас аш, дугъаз учвухъди мясляаьт хьибди, хъа нагагь адарш, мясляаьт учвухьна кьяляхъ гъибди. 7Дергу хулаъ гъузай, дурариз айибдикан ипӀинай-убхъай, фицики лихруриз чан гьякъи лайикь ву. Хулʼан хулаз удучӀвури махьанай. 8Фунуб вушра шагьриз гъафиш ва учву кьабул гъапӀиш, учвуз гьивуб ипӀинай. 9Душваъ айи аьзарлуйир сагъ апӀинай ва дурариз: «Учвухьна Аллагьдин Паччагьлугъ багахь дубхьна», йипай. 10Эгерки саб шагьриз дуфну, учву кьабул дарапӀиш, кючейиз удучӀвну йипай: 11«Ичв шагьриъ учук кабсу биширугра ичв ликариина ктӀубччвурача, хъа аьгъю йибхьайки, учвухьна Аллагьдин Паччагьлугъ багахь дубхьна». 12Узу учвуз кӀуразаки, гъиямат йигъан Содомдиз гьадму шагьризтӀан ужу хьибди.
Тахсрар гардандиъ дидрисру Галилей уьлкейин шагьрарин гьял пис хьибди
13Гьял пис хьибдияв, Хоразин! Гьял пис хьибдияв, Вифсайда! Учвуз Узу улупу гьяйбатар Тириз ва Сайдайиз гъяркънийиш, дурарин агьалйири ухдитӀан, чпихъ яснан палтар ва кӀулʼин рюкъ алди деъну, тахсрар чпин гардандиъ дисидийи. 14Гьаци вушра, суд апӀруган, учвузтӀан Тиризна Сайдайиз рягьятди хьибди. 15Хъа увура, Кафернагьум, аьршаризкьан за хьибдиза кӀурайна? Ваъ, гурбагуриъ абхъдиву!
16Учвухъ хъпехъурайир Узухъ хъпехъура, ва учвхьан маш гьадабгъурайири Узхьан маш гьадабгъура. Хъа Узхьан маш гьадабгъурайири Узу му дюнʼяйиз Гьаурихьан маш гьадабгъура.
УргцӀурна кьюр шадди хъадакну гъафи
17Исайи гьаънайи ургцӀурна кьюр ученикди, шадди кьяляхъ хъадакну, кӀуру:
– Агъа! Яв ччвурнахъди учуз жинарра кимиди мютӀюгъ шуйи.
18Исайи дурариз гъапи:
– Узуз завʼан кьюркьлин цӀаси абхъу иблис гъябкъюнзуз. 19БитӀариин, аькьрабариин ва вари душманвалин кьувватариин алархьуз Узу гьюкум тувразачвуз ва учвуз фтикӀа зарар тувидар. 20Аммаки жинар учвуз мютӀюгъ шула кӀури, мидʼин шад махьанай; хъа гьаддиин шад йихьайки, ичв ччвурар сарун аьршарик дидикӀна.
Исайин шадвал
21Гьадму сяаьтна Иса Аллагьдин Рюгьналан шадвали ацӀру ва кӀуру:
– Адаш, заваринна жиларин Агъа! Аьяндрарихьанна аькьюллударихьан гьитӀибкӀнайиб бицӀи касариз ачухъ апӀбаз Увуз чухсагъул! Ав, Адаш, Увуз думу Яв ужувлан ният гьаци дубхьну ккундувуз. 22Йиз Адашди вари тувунзуз. Бай фуж вуш, АдашдизтӀан гъайри саризра аьгъдар, Адаш фуж вуш, БализтӀан гъайри саризра аьгъдар. Ва Бали Адаш шлиз ачмиш гъапӀиш, гьадгъаз аьгъю хьибди.
23Анжагъ ученикариз вуди, Исайи дурарихьинди илдицну кӀуру:
– Учвуз рябкъюрайиб рябкъюрайи улар хушбахтаврар ву! 24Фицики кӀуразачвуз: гизаф пайгъамбраризна паччгьариз учвуз рябкъюрайиб рябкъюз ккундийи, хъа гъябкъюндар, учвуз ебхьурайиб ебхьуз ккундийи, хъа гъеебхьундар.
Багахь хьайир фуж ву
25Магьа сар къанунчийи гъудужвну, Иса ахтармиш апӀури, гьерхру:
– Мялим! КкудудубкӀру уьмур рубкьуз узу гьапӀну ккунду?
26Исайи дугъхьан гьерхру:
– Къанундиъ фу дибикӀна? Дидиъ фу урхури шулва?
27Дугъу гъапи:
– Яв Агъа Аллагь, вари юкӀв хъипну, вари рюгьнаан, вари кьувватнаан, вари фагьмиан ккун апӀин ва яв багахь хьайир жвуваз жвувси ккун апӀин.
28Исайи дугъаз кӀуру:
– Дюзди жаваб тувунва; гьаци апӀин ва яшамиш хьидива.
29Хъа дугъу, учв дюз алауз ккунди, Исайиз кӀуру:
– Хъа йиз багахь хьайир фуж ву?
30Мидиз Исайи гъапи:
– Сар кас Ерусалимдиан Ерихондиз гъягъюри гъахьну ва, гъачгъарин хилиъ ахъру, дурар, дугъан палтар илдитну, думу дурччвну, йикӀру гьялнаъ итну, гьудучӀвну гъягъюру. 31Чан ляхин ади, гьадму рякъюъди сар малла гъягъюри гъахьну ва, гьадму кас гъяркънушра, гьудучӀвну гъушну. 32Гьаци Левитра, гьадушвхьантина, дидригъди, гьудучӀвну гъягъюру. 33Самария уьлкейиан вуйи сар кас, гьадлинтина даждиинди гъягъюрайир, дугъʼин алахъуру ва, дугъаз думу дяркъну, дугъан язухъ шулу. 34Хъасин багахьна дуфну, ччимна чяхир улубзури, дугъан зийнар илитӀну, чан даждиин илитну, хялар дергрушваз духну, дугъан гъайгъу гъизигну. 35Хъайигъан гъягъюрайири, хялар дергрушван эйсийихьна кьюб динар пул тувну, дугъаз кӀуру: «Мугъан гъайгъу зиг, хъа пул артухъди харж гъабхьиш, хъадакну гъюрури туварзаяв». 36Гьаму шубур касдикан гъачгъарин хилиъ ахъуриз вартӀан багахь гъашир фуж ву кӀури, фикир апӀурава?
37Къанунчийи:
– Гьелбетда, дугъаз ужʼвал гъапӀур, – гъапи.
Исайи:
– Гъарах ва увура гьаци апӀури йихь, – кӀуру.
Марфайин хулаъ
38Сабан Чан ученикарихъди рякъюъ айи Иса саб гъулаз гъюру; мушваъ сар Марфа кӀуру дишагьлийи Думу чан хулаъ кьабул апӀуру. 39Дугъаз Марʼям кӀуру чи айи; думу, Исайин ликарихъ деъну, Дугъан гафарихъ хъпехъури гъахьну. 40Марфайи, ужуб хураг апӀбан гъайгъушнаъ ади, Исайин багахьна дуфну гъапи:
– Я Агъа! Йиз чуччу узу сарди гъитну Увуз вижна ктарнуз? Узуз кюмек апӀин йипа дугъаз.
41Исайи дугъаз жаваб вуди гъапи:
– Гьей Марфа, Марфа! Уву гизаф ляхнарин гъайгъушнаъ ади гъяжяргъюрава. 42Хъа лазим вуйиб анжагъ саб ву. Хъа Марʼямди сарихьанра тадабгъуз даршлу ужувлан пай кадабгъна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023