Лука 2
2
Иса бабкан хьуб
1Думу йигъари Август кӀуру Римдин паччагьдин чан вари ругариин али агьалйир гьисаб апӀуз амур удубчӀвуру. 2Му Сирия вилаятдиъ Квиринийи паччагьвал апӀурайи девриъ сабпи ражну гъабхурайи ляхин вуйи. 3Гьаддиз вари, чпи дикӀбан бадали, гьарур чан шагьриз гъушнийи.
4Галилей уьлкейиъ айи Назарет шагьриан Ягьудия уьлкейиъ айи Давуд бабкан гъахьи Вифлеем кӀуру шагьриз Юсуфра гъягъюру, фицики думу Давудгъярин тухмиан вуйи. 5Думу чаз хъирснайи ва гъагъдиъ айи Марʼямдихъди чпи дикӀуз душнайир вуйи. 6Дурар душваъ айиган, Марʼямдин бицӀир шлу вахт улубкьуру, 7ва дугъу чан сарпи велед – Бай апӀуру. Думу ччаппаригъян гъидиржну, аьхъиъ айи тӀунаъ дитру, гьаз гъапиш дурариз хялар дергру хулариъ йишв ади гъибихъундайи.
Малайикари марччлихънариз, Иса бабкан гъахьну, кӀури, хабар дебккуб
8Гьадму уьлкейиъ йишвну чюлиъ марччлихънар чпин сюрйирин гъаравлиъ айи. 9Сабпну дурарин улихьна Агъайин малайик гъафнийи. Агъайин гьяйбатнан нурну дурар варишварихъанди аку гъапӀнийи, ва дурарик гучӀ кабхънийи.
10Малайикди дурариз кӀуру:
– ГучӀ мапӀанай, узу учвуз вари халкь шад апӀру ужуб хабар дубхназа: 11гъи Давудрин шагьриъ учву гунгьариккан азад АпӀрур, Агъа Месигь, бабкан гъахьну. 12Магьа учвуз мидин лишанра: учвуз, ччаппаригъ гъидиржнади, тӀунаъ БицӀир дихъидичвуз.
13Ва сабпну му малайикдин кьяляхъди гизаф кьадарнаъди жара малаикарра гъюру ва дурари, Аллагьдин ад апӀури, гьамци кӀуру:
14– Аьршариин али Аллагьдин ад за ибшри, жилиин Аллагьдиз разивал хурайи инсанарин арайиъ ислягьвал ибшри!
15Малайикар дурарихьан завариз удучӀвиган, марччлихънари чиб-чпиз гьамци кӀуру:
– Вифлеемдиз душну, душваъ фу гъабхьнуш, Агъайи ухьуз фтин гьякьнаан хабар дебккнуш, лигухьа.
16Тядивал кади гъафидариз Марʼямна Юсуф ва тӀунахъ хъайи БицӀир рякъюру. 17Дурар гъяркъиган, марччлихънари му БицӀирин гьякьнаан чпиз малайикди гъапибдикан ктибтуру.
18Мидкан гъеебхькьандар вари марччлихънари ктитдариин мюгьтал шулу. 19Хъа Марʼямди му вари гафар, саб-сабдиин иливури, чан кӀваъ уьрхюру.
20Марччлихънарра, чпиз малайикди гъапидар, чпин улариз рякъбаз лигну, Аллагь адлу апӀури ва Дугъан тярифар апӀури, кьяляхъ хътакуру.
Иса Аллагьдиз бахш апӀуб
21Миржид йигълан БицӀирин суннат апӀру вахт улубкьиган, Дугъʼин, Учв бабак киршайиз малайикди улупу, гьадму Иса кӀуру ччвур иливуру.
22Хъа, Мусайин къанундиз лигну, суннат марцц хьпан йигъар тамам гъашиган, Думу Агъайин улихь дерккбан бадали, Ерусалимдиз хуру. 23Агъайин Къанундиъ улупнайиганси, «гьарсаб хизандиъ сарпи жили бай Агъайиз бахш апӀуб лазим вуйи». 24Ва, гьадму Къанундиъ дибикӀнайиганси, «кьюб гъюд вая луфран чиркквар, гъурбан дапӀну, урккуб лазим вуйи».
Симеон ва Анна
25Думу деврин Ерусалимдиъ Симеон кӀуру сар кас айи. Думу Израилиз Аллагьдихьан кюмек рубкьайиз ккилигурайи дугъри ва аьдалатлу адми вуйи. Дугъʼин Аллагьдин Рюгь алийи. 26Дугъаз Аллагьдин Рюгьну, Агъайи кадагънайи Месигь чаз рякъяйиз, аьжал хьибдарив пну, улупнайи. 27Симеон Аллагьдин Рюгьнаккди Аллагьдин хулаз гъюру. Абйир-бабари БицӀи Иса Къанундиъ улупнайиб апӀуз гъахиган, 28Симеонди, Иса хилариина гъадагъуру ва, Аллагьдин ад дапӀну, кӀуру:
29– Я Гьюкумдар! Уву гъапиганси, гьамус узу, Яв лукӀ, разивалиинди деет, 30-32сарун, магьа вари халкьарин улихь Уву улупу, учу завалариккан уьрхюз дуфнайи Месигь Вуйир, аллагьсузар зигьимдихьна гъахру нур Вуйир ва Яв Израилин халкьдин адлувал Вуйир йиз улариз гъяркъниз.
33Юсуфна Марʼям БицӀи Исайикан гъапидариин мюгьтал шулу. 34Симеонди, дурариз ужʼвал ккун дапӀну, Марʼямдиз гьамци кӀуру:
– Гьаму яв Бай Израилиъ гизафдар асккан хьпан, гьам заан хьпан себеб хьиди. Мугълантина гизаф улхбар хьиди. 35Яв кӀваантина яракь итӀибгъиди ва гьаддиинди аьхючӀвеъ юкӀвариъ айи ниятар ачухъ хьиди.
36Мушваъ гьацира Ашерин тухмиан вуйи, гизаф кьаби яшнаъ айи, чан жилирихъди ургуд йисантӀан яшамиш дарши, Фануилин риш аьяндар Аннара айи. 37Думу, миржцӀурна юкьуд йисаъ айи ачӀни гъари, йигъ-йишвди ушвар дисбииндина ккарагбиинди Аллагьдиз гъуллугъ апӀури, Аллагьдин хулхьан гьудудучӀври шуйи. 38Аннайи, гьадму вахтна душвахьна дуфну, Аллагь адлу апӀури, Ерусалим азад хьувализ ккилигурайикьандариз вардариз Исайин гьякьнаан ктитури гъахьну.
39Вари ляхнар Агъайин Къанундиъ улупнайиси ккудукӀиган, Юсуфна Марʼям Галилей уьлкейиъ айи чпин Назарет шагьриз хътакуру. 40Хъа БицӀир аьхю шули, мюгькам шули, аьгъювалари ацӀри, Дугъʼин Аллагьдин ужʼвал алди гъабхьну.
«Узу йиз Адашдин ужагъдиъ духьну ккун»
41Исайин абйир-бабар гьар йисан Ерусалимдиз Пасхайин машквраз гъягъюри шуйи. 42Исайин йицӀикьюд йис тамам гъабшиган, дурар, чпин аьдат вуйиганси, Ерусалимдиз гьадму машквраз гъафну. 43Машквран йигъар ккудукӀну, кьяляхъ хътакру вахтна, живан Иса Ерусалимдиъ гъузру. Амма абйир-бабариз мидкан аьгъяди гъабхьундар. 44Дурари, Иса жарадарихъди гъюрашул кӀури, фикир апӀуру. Хъа сад йигъандин рякъ ккадапӀиган, дурари багахьлуйирин ва таниш вуйидарин арайиъ Иса агуз хъюгъру. 45Хъа чпиз Иса дидрихъиган, Дугъахъ лицури Ерусалимдиз хътакуру. 46Шубуд йигълан Думу, Аллагьдин хулаъ мялимарин арайиъ деъну, дурарихъ хъпехъури ва дурариз суалар туври рякъюру. 47Исайихъ хъпехъурайидар вари Дугъан фагьумлувалиин ва Дугъан жавабариин мюгьтал духьнайи. 48Душваъ Иса гъяркъиган, абйир-бабар мюгьтал гъахьи. Дадайи Дугъаз гъапну:
– Я жан Бай! Уву учкан гьапӀунва? Магьа узуна Яв адашди зурба хажалат кади Уву агури гъахьунча.
49Исайи дурариз гъапи:
– Узу гьаз агури гъахьунчва? Мегер учвуз узу йиз Адашдин ужагъдиъ духьну ккуниб аьгъданчвуз?
50Амма дурар Дугъу гъапи гафарин гъаври ахъундайи.
51Хъа Иса дурарихъди Назаретдиз гъюру ва мютӀюгъ шулу. Дугъан дадайи вари гьаму ляхнар чан кӀваъ уьрхюри шуйи. 52Иса гьам фагьумлувалиъ, гьам яшнаъ улихьна гъягъюри гъахьну. Думу Аллагьдизра, инсанаризра ккунди гъузру.
Currently Selected:
Лука 2: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Лука 2
2
Иса бабкан хьуб
1Думу йигъари Август кӀуру Римдин паччагьдин чан вари ругариин али агьалйир гьисаб апӀуз амур удубчӀвуру. 2Му Сирия вилаятдиъ Квиринийи паччагьвал апӀурайи девриъ сабпи ражну гъабхурайи ляхин вуйи. 3Гьаддиз вари, чпи дикӀбан бадали, гьарур чан шагьриз гъушнийи.
4Галилей уьлкейиъ айи Назарет шагьриан Ягьудия уьлкейиъ айи Давуд бабкан гъахьи Вифлеем кӀуру шагьриз Юсуфра гъягъюру, фицики думу Давудгъярин тухмиан вуйи. 5Думу чаз хъирснайи ва гъагъдиъ айи Марʼямдихъди чпи дикӀуз душнайир вуйи. 6Дурар душваъ айиган, Марʼямдин бицӀир шлу вахт улубкьуру, 7ва дугъу чан сарпи велед – Бай апӀуру. Думу ччаппаригъян гъидиржну, аьхъиъ айи тӀунаъ дитру, гьаз гъапиш дурариз хялар дергру хулариъ йишв ади гъибихъундайи.
Малайикари марччлихънариз, Иса бабкан гъахьну, кӀури, хабар дебккуб
8Гьадму уьлкейиъ йишвну чюлиъ марччлихънар чпин сюрйирин гъаравлиъ айи. 9Сабпну дурарин улихьна Агъайин малайик гъафнийи. Агъайин гьяйбатнан нурну дурар варишварихъанди аку гъапӀнийи, ва дурарик гучӀ кабхънийи.
10Малайикди дурариз кӀуру:
– ГучӀ мапӀанай, узу учвуз вари халкь шад апӀру ужуб хабар дубхназа: 11гъи Давудрин шагьриъ учву гунгьариккан азад АпӀрур, Агъа Месигь, бабкан гъахьну. 12Магьа учвуз мидин лишанра: учвуз, ччаппаригъ гъидиржнади, тӀунаъ БицӀир дихъидичвуз.
13Ва сабпну му малайикдин кьяляхъди гизаф кьадарнаъди жара малаикарра гъюру ва дурари, Аллагьдин ад апӀури, гьамци кӀуру:
14– Аьршариин али Аллагьдин ад за ибшри, жилиин Аллагьдиз разивал хурайи инсанарин арайиъ ислягьвал ибшри!
15Малайикар дурарихьан завариз удучӀвиган, марччлихънари чиб-чпиз гьамци кӀуру:
– Вифлеемдиз душну, душваъ фу гъабхьнуш, Агъайи ухьуз фтин гьякьнаан хабар дебккнуш, лигухьа.
16Тядивал кади гъафидариз Марʼямна Юсуф ва тӀунахъ хъайи БицӀир рякъюру. 17Дурар гъяркъиган, марччлихънари му БицӀирин гьякьнаан чпиз малайикди гъапибдикан ктибтуру.
18Мидкан гъеебхькьандар вари марччлихънари ктитдариин мюгьтал шулу. 19Хъа Марʼямди му вари гафар, саб-сабдиин иливури, чан кӀваъ уьрхюру.
20Марччлихънарра, чпиз малайикди гъапидар, чпин улариз рякъбаз лигну, Аллагь адлу апӀури ва Дугъан тярифар апӀури, кьяляхъ хътакуру.
Иса Аллагьдиз бахш апӀуб
21Миржид йигълан БицӀирин суннат апӀру вахт улубкьиган, Дугъʼин, Учв бабак киршайиз малайикди улупу, гьадму Иса кӀуру ччвур иливуру.
22Хъа, Мусайин къанундиз лигну, суннат марцц хьпан йигъар тамам гъашиган, Думу Агъайин улихь дерккбан бадали, Ерусалимдиз хуру. 23Агъайин Къанундиъ улупнайиганси, «гьарсаб хизандиъ сарпи жили бай Агъайиз бахш апӀуб лазим вуйи». 24Ва, гьадму Къанундиъ дибикӀнайиганси, «кьюб гъюд вая луфран чиркквар, гъурбан дапӀну, урккуб лазим вуйи».
Симеон ва Анна
25Думу деврин Ерусалимдиъ Симеон кӀуру сар кас айи. Думу Израилиз Аллагьдихьан кюмек рубкьайиз ккилигурайи дугъри ва аьдалатлу адми вуйи. Дугъʼин Аллагьдин Рюгь алийи. 26Дугъаз Аллагьдин Рюгьну, Агъайи кадагънайи Месигь чаз рякъяйиз, аьжал хьибдарив пну, улупнайи. 27Симеон Аллагьдин Рюгьнаккди Аллагьдин хулаз гъюру. Абйир-бабари БицӀи Иса Къанундиъ улупнайиб апӀуз гъахиган, 28Симеонди, Иса хилариина гъадагъуру ва, Аллагьдин ад дапӀну, кӀуру:
29– Я Гьюкумдар! Уву гъапиганси, гьамус узу, Яв лукӀ, разивалиинди деет, 30-32сарун, магьа вари халкьарин улихь Уву улупу, учу завалариккан уьрхюз дуфнайи Месигь Вуйир, аллагьсузар зигьимдихьна гъахру нур Вуйир ва Яв Израилин халкьдин адлувал Вуйир йиз улариз гъяркъниз.
33Юсуфна Марʼям БицӀи Исайикан гъапидариин мюгьтал шулу. 34Симеонди, дурариз ужʼвал ккун дапӀну, Марʼямдиз гьамци кӀуру:
– Гьаму яв Бай Израилиъ гизафдар асккан хьпан, гьам заан хьпан себеб хьиди. Мугълантина гизаф улхбар хьиди. 35Яв кӀваантина яракь итӀибгъиди ва гьаддиинди аьхючӀвеъ юкӀвариъ айи ниятар ачухъ хьиди.
36Мушваъ гьацира Ашерин тухмиан вуйи, гизаф кьаби яшнаъ айи, чан жилирихъди ургуд йисантӀан яшамиш дарши, Фануилин риш аьяндар Аннара айи. 37Думу, миржцӀурна юкьуд йисаъ айи ачӀни гъари, йигъ-йишвди ушвар дисбииндина ккарагбиинди Аллагьдиз гъуллугъ апӀури, Аллагьдин хулхьан гьудудучӀври шуйи. 38Аннайи, гьадму вахтна душвахьна дуфну, Аллагь адлу апӀури, Ерусалим азад хьувализ ккилигурайикьандариз вардариз Исайин гьякьнаан ктитури гъахьну.
39Вари ляхнар Агъайин Къанундиъ улупнайиси ккудукӀиган, Юсуфна Марʼям Галилей уьлкейиъ айи чпин Назарет шагьриз хътакуру. 40Хъа БицӀир аьхю шули, мюгькам шули, аьгъювалари ацӀри, Дугъʼин Аллагьдин ужʼвал алди гъабхьну.
«Узу йиз Адашдин ужагъдиъ духьну ккун»
41Исайин абйир-бабар гьар йисан Ерусалимдиз Пасхайин машквраз гъягъюри шуйи. 42Исайин йицӀикьюд йис тамам гъабшиган, дурар, чпин аьдат вуйиганси, Ерусалимдиз гьадму машквраз гъафну. 43Машквран йигъар ккудукӀну, кьяляхъ хътакру вахтна, живан Иса Ерусалимдиъ гъузру. Амма абйир-бабариз мидкан аьгъяди гъабхьундар. 44Дурари, Иса жарадарихъди гъюрашул кӀури, фикир апӀуру. Хъа сад йигъандин рякъ ккадапӀиган, дурари багахьлуйирин ва таниш вуйидарин арайиъ Иса агуз хъюгъру. 45Хъа чпиз Иса дидрихъиган, Дугъахъ лицури Ерусалимдиз хътакуру. 46Шубуд йигълан Думу, Аллагьдин хулаъ мялимарин арайиъ деъну, дурарихъ хъпехъури ва дурариз суалар туври рякъюру. 47Исайихъ хъпехъурайидар вари Дугъан фагьумлувалиин ва Дугъан жавабариин мюгьтал духьнайи. 48Душваъ Иса гъяркъиган, абйир-бабар мюгьтал гъахьи. Дадайи Дугъаз гъапну:
– Я жан Бай! Уву учкан гьапӀунва? Магьа узуна Яв адашди зурба хажалат кади Уву агури гъахьунча.
49Исайи дурариз гъапи:
– Узу гьаз агури гъахьунчва? Мегер учвуз узу йиз Адашдин ужагъдиъ духьну ккуниб аьгъданчвуз?
50Амма дурар Дугъу гъапи гафарин гъаври ахъундайи.
51Хъа Иса дурарихъди Назаретдиз гъюру ва мютӀюгъ шулу. Дугъан дадайи вари гьаму ляхнар чан кӀваъ уьрхюри шуйи. 52Иса гьам фагьумлувалиъ, гьам яшнаъ улихьна гъягъюри гъахьну. Думу Аллагьдизра, инсанаризра ккунди гъузру.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023