Лука 20
20
ТӀумутӀчйирикан тахалус
1Гьадму сад йигъан, Исайи Аллагьдин хулан гьяятдиъ Ужувлан хабарнакан аьгъювалар улупурайи вахтна, агъсакъларра хъади Дугъахьна жугьдарин аьхюну маллйирна аьлимар дуфну, 2Дугъаз кӀуру:
– Учуз, Уву му ляхнар фициб гьюкмиинди апӀураш, Увуз мициб гьюкум шли тувнаш, йип.
3Исайи дурариз жаваб вуди кӀуру:
– Узура учвуз саб суал тувдиза, йипай Узуз: 4Ягьʼяйин штуан апӀувал аьршариан вуйин, даршиш инсанарихьан?
5Дурари, фикрарикк ккахъну, чиб-чпикди гьамци пуз хъюгъру:
– Эгер ухьу «аьршариан» гъапиш, Дугъу пиди: «Учву дугъахъ гьаз хъугъундарчва?» 6Хъа эгер «инсанарихьан» гъапиш, гьадмуган вари халкьди ухьʼина гъван уьлюбхиди, гьаз гъапиш халкь, Ягьʼя пайгъамбар ву кӀури, хъугъна.
7Гьаддиз дурари: «Наънан вуш аьгъдарчуз» гъапнийи. 8Исайи дураризра гъапи:
– Узура пидарзачвуз, фициб гьюкмиинди му апӀураш.
9Хъасин халкьдихьинди илдицну, Дугъу гьамциб тахалус ктибтуру:
– Сар касди тӀумтӀин багъ ибтру, ва тӀумутӀчйирихьна арендайиз тувру ва учв хайлин вахтназ удучӀвну гъягъюру. 10Вахт гъабхьиган, дугъу тӀумутӀчйирихьна чан пай тӀумтӀар хуз лукӀ гьаъру, амма дурари лукӀ дурччвну, фукӀара тутрувди утӀуккуру. 11Хъана жара лукӀ гьаъру, ва думура дурччвну, сюгмиш дапӀну, фукӀа хьтарди хътауру. 12Хъана шубурпирра гьаъру, дурари думура дурччвну, зийнар дапӀну, хътӀурккуру. 13Гьадмуган тӀумтӀин багъдин эйсийи гъапну: «Узу гьапӀну ккунду? Йиз масан бай гьаъдиза, белки, думу дяркъну, дурариз нач шул».
14Хъа думу гъяркъиган, тӀумутӀчйири чпин арайиъ гьамци фикир апӀуру: «Му эйсийин ирсчи ву, гъачай думу йивну йикӀухьа, ирс ухьуз гъубзди». 15Думу, багъдиан адаъну, йикӀуру. Багъдин эйсийи дурарикан гьапӀди? 16Учв дуфну, му тӀумутӀчйир йихиди ва багъ жарадарихьна тувди.
Му гъеебхьдари кӀуруки:
– Дициб ляхин саб вахтнара дарибшри!
17Хъа Исайи, дурарилан ул илбицну, гьерху:
– Хъа му дибикӀнайибдин мяна фу ву: «Устйири гатӀабхьу гъван мурччвануб гъабхьну?» 18Гьадму гъвандиина ахъу гьарсар парчйир хьиди, хъа думу гъван шилʼина абхъиш, чархьиди.
19Жугьдарин аьхюну маллйирна аьлимар Исайи ктибту тахалус чпикан вуйибдин гъаври ахъру. Дурари гьадмуган, Иса йикӀбан бадали, саб багьна абгури гъахьну, хъа халкьдихьан гучӀуйи.
Паччагьдинуб паччагьдиз, Аллагьдинуб Аллагьдиз
20Хъасин Дугъʼин ул алди гъитру, Дугъахъ футнакрар хъитру. Дурари, чпи зиълан дугъриди улупури, Дугъу гъапи гафарикан багьна дапӀну, хъасин Иса гьюкумдарин хилиз тувбан бадали, чарйир агуз хъюгъру.
21Сабан дурари Исайихьан гьерхру:
– Мялим! Учуз Уву гьякь кӀурайиб ва аьгъювалар улупурайиб, гьич сарин машназ дилигди инсанар Аллагьдин дугъри рякъюъ тӀаърайиб аьгъячуз. 22Учуз йип: Учу Римдин паччагьдиз налук тувуз хай шулин, дарш шулдарин?
23Исайи дурарин аьмалдарвалин гъаври ахъну, гъапи:
24– Узуз пул улупай: мидик шлин шикилна ччвур ка?
Дурари: «Рим паччагьдин» – пну, жаваб тувру. 25Дугъу дурариз кӀуру:
– Гьаци вуйиган, паччагьдинуб паччагьдиз, хъа Аллагьдинуб Аллагьдиз тувай.
26Гьамци халкьдин улихь, Исайин гафариъ гьякьсузвал абгуз даршиди, Дугъан жавабниин мюгьтал духьну, дурар ккебехъу.
Ургур чвуччвуз гъушу сар хпирикан
27Гьадму вахтна гъачӀидар чӀиви шлуб дар кӀурайи саддукйирикан сакьюдари дуфну гьерхру:
28– Мялим! Мусайи учуз, эгер хпир айи чве веледар даршиди гъачӀиш, гьадгъан хпир тмуну чвуччву гъадагъну, чан чвуччвун тум арайиз дубхьну ккунду, кӀури дибикӀна. 29Ургур чве гъахьну: сарпир, хпир духну, велед даршиди гъакӀну. 30Гьадму хпир кьюрпи чвуччву чаз дитну, хъа гьадмура велед даршиди гъакӀну. 31Думу хпир шубурпири, хъасин – вари ургрид чвйирира чпиз дитри, велед даршиди, вари чвйир гъийихну. 32Аьхирки гьадму дишагьлира гъакӀну. 33Гьаци вуйиган, гъиямат йигъан вари чӀиви шлуган, думу шлин хпир хьиди? Ургрид чвйиризра думу швуваз гъушнийи аьхир!
34Исайи дурариз жаваб вуди гъапи:
– Гьамус яшамиш шулайи гьаму аьсрин веледари швушвар хура ва швуваз гъягъюра. 35Хъа ккудудубкӀру уьмриз гъачӀихъан чӀиви хьуз лайикь вуйидари душваъ я швушвар хурдар, я швуваз гъягъюрдар. 36Дурарихьан сарун йикӀузра хьидар, фицики дурар малайикарси ву. Хъа дурар чӀиви хьувалиинди Аллагьдин веледар ву.
37Хъа гъийихдар чӀиви хьуб дугъридан гьякь вуйивал Мусайира улупураки: учв зазран рукнахь хьайиган Агъайиз «Ибрагьимдин Аллагь, Исакьдин Аллагь ва Якьубдин Аллагь» гъапнийики. 38Аллагь дийихнайидарин ваъ, хъа чӀивидарин Аллагь ву, фицики дугъандар вари чӀивидар ву.
39Мидиз аьлимарикан бязидари гъапну:
– Мялим! Уву дурариз ужуди гъапунва.
40Сарун сарира Исайихьан гьич сабдиканра гьерхуз кӀубанвал гъапӀундар.
Месигь шлин Бай ву?
41Хъа Исайи дурариз кӀуру:
– Гьаз Месигь Давудгъярин Бай ву кӀура? 42-43Чав Давудри Мяълийирин китабдиъ кӀура:
«Аллагьди йиз Агъайиз гъапну:
Узу Яв душмнар, духну,
Яв ликарикк дахьайизкьан,
Йиз арччул гъвалахъ деъ».
44Давудри Дугъаз Агъа кӀура, гьаци вуйиган Думу дугъан Бай фици хьидихъа?
Аьлимарихьан ихтият хьуб
45Вари халкь хъпехъурайиган, Исайи Чан ученикариз кӀуру:
46-47– Ярхи палтар алди лицру къанунчйирихьан ихтият йихьай. Дурариз чпин тяриф апӀури, халкьар уч шлушвариъ чпи тебрик апӀури ккунду, мистариъ ва ипӀру-убхърушвариъ варитӀан гьюрматлу йишвариин деуз ккунидар ву. Дурари ачӀни хпарин хулар тадагъну хътитӀуру, кьюб маш гъяди гъудгнар апӀуру. Дурариз варитӀан яман жаза хьибди.
Currently Selected:
Лука 20: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Лука 20
20
ТӀумутӀчйирикан тахалус
1Гьадму сад йигъан, Исайи Аллагьдин хулан гьяятдиъ Ужувлан хабарнакан аьгъювалар улупурайи вахтна, агъсакъларра хъади Дугъахьна жугьдарин аьхюну маллйирна аьлимар дуфну, 2Дугъаз кӀуру:
– Учуз, Уву му ляхнар фициб гьюкмиинди апӀураш, Увуз мициб гьюкум шли тувнаш, йип.
3Исайи дурариз жаваб вуди кӀуру:
– Узура учвуз саб суал тувдиза, йипай Узуз: 4Ягьʼяйин штуан апӀувал аьршариан вуйин, даршиш инсанарихьан?
5Дурари, фикрарикк ккахъну, чиб-чпикди гьамци пуз хъюгъру:
– Эгер ухьу «аьршариан» гъапиш, Дугъу пиди: «Учву дугъахъ гьаз хъугъундарчва?» 6Хъа эгер «инсанарихьан» гъапиш, гьадмуган вари халкьди ухьʼина гъван уьлюбхиди, гьаз гъапиш халкь, Ягьʼя пайгъамбар ву кӀури, хъугъна.
7Гьаддиз дурари: «Наънан вуш аьгъдарчуз» гъапнийи. 8Исайи дураризра гъапи:
– Узура пидарзачвуз, фициб гьюкмиинди му апӀураш.
9Хъасин халкьдихьинди илдицну, Дугъу гьамциб тахалус ктибтуру:
– Сар касди тӀумтӀин багъ ибтру, ва тӀумутӀчйирихьна арендайиз тувру ва учв хайлин вахтназ удучӀвну гъягъюру. 10Вахт гъабхьиган, дугъу тӀумутӀчйирихьна чан пай тӀумтӀар хуз лукӀ гьаъру, амма дурари лукӀ дурччвну, фукӀара тутрувди утӀуккуру. 11Хъана жара лукӀ гьаъру, ва думура дурччвну, сюгмиш дапӀну, фукӀа хьтарди хътауру. 12Хъана шубурпирра гьаъру, дурари думура дурччвну, зийнар дапӀну, хътӀурккуру. 13Гьадмуган тӀумтӀин багъдин эйсийи гъапну: «Узу гьапӀну ккунду? Йиз масан бай гьаъдиза, белки, думу дяркъну, дурариз нач шул».
14Хъа думу гъяркъиган, тӀумутӀчйири чпин арайиъ гьамци фикир апӀуру: «Му эйсийин ирсчи ву, гъачай думу йивну йикӀухьа, ирс ухьуз гъубзди». 15Думу, багъдиан адаъну, йикӀуру. Багъдин эйсийи дурарикан гьапӀди? 16Учв дуфну, му тӀумутӀчйир йихиди ва багъ жарадарихьна тувди.
Му гъеебхьдари кӀуруки:
– Дициб ляхин саб вахтнара дарибшри!
17Хъа Исайи, дурарилан ул илбицну, гьерху:
– Хъа му дибикӀнайибдин мяна фу ву: «Устйири гатӀабхьу гъван мурччвануб гъабхьну?» 18Гьадму гъвандиина ахъу гьарсар парчйир хьиди, хъа думу гъван шилʼина абхъиш, чархьиди.
19Жугьдарин аьхюну маллйирна аьлимар Исайи ктибту тахалус чпикан вуйибдин гъаври ахъру. Дурари гьадмуган, Иса йикӀбан бадали, саб багьна абгури гъахьну, хъа халкьдихьан гучӀуйи.
Паччагьдинуб паччагьдиз, Аллагьдинуб Аллагьдиз
20Хъасин Дугъʼин ул алди гъитру, Дугъахъ футнакрар хъитру. Дурари, чпи зиълан дугъриди улупури, Дугъу гъапи гафарикан багьна дапӀну, хъасин Иса гьюкумдарин хилиз тувбан бадали, чарйир агуз хъюгъру.
21Сабан дурари Исайихьан гьерхру:
– Мялим! Учуз Уву гьякь кӀурайиб ва аьгъювалар улупурайиб, гьич сарин машназ дилигди инсанар Аллагьдин дугъри рякъюъ тӀаърайиб аьгъячуз. 22Учуз йип: Учу Римдин паччагьдиз налук тувуз хай шулин, дарш шулдарин?
23Исайи дурарин аьмалдарвалин гъаври ахъну, гъапи:
24– Узуз пул улупай: мидик шлин шикилна ччвур ка?
Дурари: «Рим паччагьдин» – пну, жаваб тувру. 25Дугъу дурариз кӀуру:
– Гьаци вуйиган, паччагьдинуб паччагьдиз, хъа Аллагьдинуб Аллагьдиз тувай.
26Гьамци халкьдин улихь, Исайин гафариъ гьякьсузвал абгуз даршиди, Дугъан жавабниин мюгьтал духьну, дурар ккебехъу.
Ургур чвуччвуз гъушу сар хпирикан
27Гьадму вахтна гъачӀидар чӀиви шлуб дар кӀурайи саддукйирикан сакьюдари дуфну гьерхру:
28– Мялим! Мусайи учуз, эгер хпир айи чве веледар даршиди гъачӀиш, гьадгъан хпир тмуну чвуччву гъадагъну, чан чвуччвун тум арайиз дубхьну ккунду, кӀури дибикӀна. 29Ургур чве гъахьну: сарпир, хпир духну, велед даршиди гъакӀну. 30Гьадму хпир кьюрпи чвуччву чаз дитну, хъа гьадмура велед даршиди гъакӀну. 31Думу хпир шубурпири, хъасин – вари ургрид чвйирира чпиз дитри, велед даршиди, вари чвйир гъийихну. 32Аьхирки гьадму дишагьлира гъакӀну. 33Гьаци вуйиган, гъиямат йигъан вари чӀиви шлуган, думу шлин хпир хьиди? Ургрид чвйиризра думу швуваз гъушнийи аьхир!
34Исайи дурариз жаваб вуди гъапи:
– Гьамус яшамиш шулайи гьаму аьсрин веледари швушвар хура ва швуваз гъягъюра. 35Хъа ккудудубкӀру уьмриз гъачӀихъан чӀиви хьуз лайикь вуйидари душваъ я швушвар хурдар, я швуваз гъягъюрдар. 36Дурарихьан сарун йикӀузра хьидар, фицики дурар малайикарси ву. Хъа дурар чӀиви хьувалиинди Аллагьдин веледар ву.
37Хъа гъийихдар чӀиви хьуб дугъридан гьякь вуйивал Мусайира улупураки: учв зазран рукнахь хьайиган Агъайиз «Ибрагьимдин Аллагь, Исакьдин Аллагь ва Якьубдин Аллагь» гъапнийики. 38Аллагь дийихнайидарин ваъ, хъа чӀивидарин Аллагь ву, фицики дугъандар вари чӀивидар ву.
39Мидиз аьлимарикан бязидари гъапну:
– Мялим! Уву дурариз ужуди гъапунва.
40Сарун сарира Исайихьан гьич сабдиканра гьерхуз кӀубанвал гъапӀундар.
Месигь шлин Бай ву?
41Хъа Исайи дурариз кӀуру:
– Гьаз Месигь Давудгъярин Бай ву кӀура? 42-43Чав Давудри Мяълийирин китабдиъ кӀура:
«Аллагьди йиз Агъайиз гъапну:
Узу Яв душмнар, духну,
Яв ликарикк дахьайизкьан,
Йиз арччул гъвалахъ деъ».
44Давудри Дугъаз Агъа кӀура, гьаци вуйиган Думу дугъан Бай фици хьидихъа?
Аьлимарихьан ихтият хьуб
45Вари халкь хъпехъурайиган, Исайи Чан ученикариз кӀуру:
46-47– Ярхи палтар алди лицру къанунчйирихьан ихтият йихьай. Дурариз чпин тяриф апӀури, халкьар уч шлушвариъ чпи тебрик апӀури ккунду, мистариъ ва ипӀру-убхърушвариъ варитӀан гьюрматлу йишвариин деуз ккунидар ву. Дурари ачӀни хпарин хулар тадагъну хътитӀуру, кьюб маш гъяди гъудгнар апӀуру. Дурариз варитӀан яман жаза хьибди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023