Марк 15
15
Пилатди Исайихьан силис гъадабгъуб
1ГвачӀнин ухди аьхю маллйир, агъсакълар, къанунчйир ва вари заан диванханайин членар мажлисдиз уч шулу ва къарар адабгъуру. Иса, хилар йитӀну, духну, Пилатдин хилиз тувру.
2Пилатди Дугъхьан гьерхру:
– Уву «жугьдарин Паччагь» вуна?
– Увура гьаци кӀурадарна, – пну, жаваб тувру Исайи.
3Аьхюну маллйири Дугъак гизаф тахсрар кирчуйи, 4гьадмуган Пилатди Дугъхьан хъана гьерхру:
– Уву гьаз жаваб туврадарва! Лиг, Увук фукьан тахсрар кирчраш.
5Амма Исайи дугъазра фукӀа гъапундайи, хъа Пилат мидʼин гизаф мюгьтал гъахьнийи.
Пилатдин Иса азад апӀуз дав чалишмишʼвалар
6Халкьдин тӀалабназ лигну, Пасхайин машкварган дурари ккун гъапӀу сар дидиснайир деетру аьдат ади гъабхьнийи. 7Наразивалар ахьнайиган, адми йивну гъачӀи, гъалабулугъ гъитӀибккдарихъди дидиснайи сар Варава кӀурурра дустагъдиъ айи. 8Халкьди, Пилатдихьна дуфну, дугъкан муганайиз айи аьдат тамам апӀуб ккун апӀуру. 9Пилатди дурариз гъапи:
– Учвуз ккундуш «жугьдарин Паччагь» деетуза?
10Пилатдиз аьхю маллйири Иса бахилвалиан масу тувнайиваликан аьгъяйи.
11Хъа аьхю маллйири халкь, Варава деетбан бадали, Пилатдикан тӀалаб апӀуз алауру.
12– Учву «жугьдарин Паччагь» кӀурайирикан гьапӀза? – кӀуру хъана Пилатди.
13– Думу хачрак карс! – кӀури, чӀигъар апӀуру дурари.
14– Фу чӀуруб гъапӀнухъа Мугъу? – кӀуру дурариз Пилатди.
Амма дурари имбубсан артухъ чӀигъар апӀуйи:
– Думу хачрак карс!
15Халкьдиз учв ужур хьузди, Пилатди Варава деетуру, хъа Иса гъирмажарихьди урччвуз гъитну, хачрак карсуз эскрарин хилиз тувру.
16Гъаравлари Думу айитӀ гьяятдизди, паччагьдин тахт шлушвазди гъахуру ва эскрарин дестейиз дих апӀуру. 17Дурари Дугъʼин аку-элвен халат алабхьну, хъа кӀулʼин зазарикан гъубху тажсиб улубкӀуру, 18ва Думу «тебрик» апӀуз хъюгъру: «Яшамиш ишри „жугьдарин Паччагь“!»
19Хъасин Дугъан кӀуллан маргъар йивуйи, Дугъак тутйир катӀуйи ва, Дугъан улихь кьамкьарихъди дусну, хътӀерццури, икрам апӀуйи. 20Чпиз ккунибкьан Исайикан рихшанд дапӀну, Дугъхъан халат хътибтуру ва хачрак карсуз гъахуру.
Хачриин Исайин аьзабар
21Думу дариз зигуз гъахуру. Сар багхьантина гъягъюрайирихьди (Думу гъулʼан гъюрайи Александринна Рауфдин адаш, Киринея кӀурушвʼан вуйи Симон вуйи) Дугъан хач гъабхуз гъитру. 22Думу Голгофа кӀурушвахьна хуру (илтӀибкӀиган, душван ччвур «Келле» кӀуру гаф ву). 23Дугъаз фикрихъан хътаъру дармнар кайи чяхир убхъуз теклиф апӀуйи, хъа Дугъу гъубхъундайи. 24Думу хачрак карсру. Эскрари, чпиз гьардиз фунуб алабхъуруш, Дугъан палтар пай апӀури, тупут ипру.
25Иса дариз зигурайиган, гвачӀин сяаьт урчӀвуб вуйи. 26«Жугьдарин Паччагь» ву кӀури тахсир кипну, гьамци дибикӀнайи кьул Дугъан кӀулихъ кибхнайи. 27Дугъахъди сатӀиди кьюр гъачагъра дариз гъизигнийи: Дугъхьан сар – арччул, тмунур – гагул терефназди. [28]#15:28 Грекарин саспи БикӀбариъ гьамци кӀура: «Гьамци Гирами бикӀбариъ дибикӀнайиб тамам гъабхьнийи: „Думу гъачгъарин арайиъ дерккнийи“».
29Душвхьантина гьудучӀвну гъягърудари Дугъаз люкьнар апӀуйи, намуссуз кӀуруганси кӀулар тӀурччвуйи ва кӀуйи:
– Эй Аллагьдин хал дабгърур ва шубуд йигъан диврур! 30Уву Жвуву Жвув уьрх, кудучӀв хачракан! – 31гьамци зивзивар кчӀикьуйи Дугъкан къанунчйирра хъади аьхю маллйири.
– Жарадар уьрхюйи, – кӀуйи дурари, – хъа Чахьан Учв уьрхюз шуладар! 32Месигь, Израилин Паччагь! Ич уларикк, гъит, учуз рякъюри, хачракан кудучӀври – гьадмуган учу Дугъахъ хъугъдича!
Гьеле Дугъахъди сатӀиди дариз дизигнайидарра кмиди Дугъак кялхъюйи.
Исайин аьжал
33Лисхъантина тап сяаьт шуббаризкьан вари дюнʼяйиин мучӀушин алабхъуру. 34Хъа сяаьт шубубди Исайи аьхю дихниинди гьарай апӀуру:
– Элахи, Элахи, лама шевактани? (яна «Йиз Аллагь, Йиз Аллагь! Гьаз Уву Узу гъитунва?»)
35Душван багахь дийигънайидарикан бязидари, Дугъан гафар гъеерхьиган, кӀуйи:
– Ебхьурайчвуз, Илʼясдиз дих апӀура!
36Хъа сар кас, жаргъну дуфну, бамбагсибдиз сирке зигуз гъитну, маргълик кибтӀну, Дугъаз убхъуз туври, кӀуру:
– Гьамус лигухьа, Му ктагъуз Илʼяс гъюруш – гъюрдарш.
37Исайи, чӀветӀ дапӀну, рюгь деебтуру.
38Аллагьдин хулаъ, Гирамишвахь гьибхнайи чарч зиълансина кӀаназкьан кьюб йишвʼина чӀябгъюру. 39Хачран багахь дийигънайи юзбашийиз, Исайилан фици ил алдабгънуш, рябкъюру ва кӀуру:
– Дугъриданна Му Кас Аллагьдин Бай вуйи.
40Душвахь, ярхлаан лигури, сакьюдар дишагьлийирра хьайи. Дурарин арайиъ Магдалайиан вуйи Марʼям, бицӀирнур Якьубдинна Юсийин дада Марʼям ва Саломея айи. 41Иса Галилейиъ айиган, мурар Гьадгъахъди ва Гьадгъан гъайгъушнаъ шуйи. Дугъахъди Ерусалимдиз гъафи хъана жара дишагьлийирра мушвахь хьайи.
Исайин беден накьвдиъ ивуб
42Сарун хябяхъ шулайи. Хъа му йигъ, султ йигъан улихь хьимбу жвуми йигъ вуди хьпаз дилигну, 43жугьдарин заан диванханайиъ кьувват айи, гьацира Аллагьдин Паччагьлугъдиз ккилигурайи Аримафейиан вуйи Юсуфди, кӀубанвал кади Пилатдихьна дуфну, Исайин беден чан ихтиярназ тӀалаб апӀуру. 44Думу гьамкьан ухди йикӀбиин Пилат мюгьтал духьнайи ва, юзбашийиз дих дапӀну, Иса ухди дукӀнаш, гьерхру. 45Юзбашийикан гьаци вуйиб аьгъю дапӀну, дугъу Юсуфдиз дубкӀнайи беден гъадабгъуз ихтияр тувру. 46Дугъу кафан гъадабгъну, беден кадабгъну, дидгъян гъибиржуру ва гъарзариъ утӀубкнайи накьвдиъ ивну, душваз учӀврушвахь гъван гьипру.
47Хъа Магдалайиан вуйи Марʼямна Юсийин дада Марʼям, Думу наан кивраш, лигурайи.
Currently Selected:
Марк 15: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Марк 15
15
Пилатди Исайихьан силис гъадабгъуб
1ГвачӀнин ухди аьхю маллйир, агъсакълар, къанунчйир ва вари заан диванханайин членар мажлисдиз уч шулу ва къарар адабгъуру. Иса, хилар йитӀну, духну, Пилатдин хилиз тувру.
2Пилатди Дугъхьан гьерхру:
– Уву «жугьдарин Паччагь» вуна?
– Увура гьаци кӀурадарна, – пну, жаваб тувру Исайи.
3Аьхюну маллйири Дугъак гизаф тахсрар кирчуйи, 4гьадмуган Пилатди Дугъхьан хъана гьерхру:
– Уву гьаз жаваб туврадарва! Лиг, Увук фукьан тахсрар кирчраш.
5Амма Исайи дугъазра фукӀа гъапундайи, хъа Пилат мидʼин гизаф мюгьтал гъахьнийи.
Пилатдин Иса азад апӀуз дав чалишмишʼвалар
6Халкьдин тӀалабназ лигну, Пасхайин машкварган дурари ккун гъапӀу сар дидиснайир деетру аьдат ади гъабхьнийи. 7Наразивалар ахьнайиган, адми йивну гъачӀи, гъалабулугъ гъитӀибккдарихъди дидиснайи сар Варава кӀурурра дустагъдиъ айи. 8Халкьди, Пилатдихьна дуфну, дугъкан муганайиз айи аьдат тамам апӀуб ккун апӀуру. 9Пилатди дурариз гъапи:
– Учвуз ккундуш «жугьдарин Паччагь» деетуза?
10Пилатдиз аьхю маллйири Иса бахилвалиан масу тувнайиваликан аьгъяйи.
11Хъа аьхю маллйири халкь, Варава деетбан бадали, Пилатдикан тӀалаб апӀуз алауру.
12– Учву «жугьдарин Паччагь» кӀурайирикан гьапӀза? – кӀуру хъана Пилатди.
13– Думу хачрак карс! – кӀури, чӀигъар апӀуру дурари.
14– Фу чӀуруб гъапӀнухъа Мугъу? – кӀуру дурариз Пилатди.
Амма дурари имбубсан артухъ чӀигъар апӀуйи:
– Думу хачрак карс!
15Халкьдиз учв ужур хьузди, Пилатди Варава деетуру, хъа Иса гъирмажарихьди урччвуз гъитну, хачрак карсуз эскрарин хилиз тувру.
16Гъаравлари Думу айитӀ гьяятдизди, паччагьдин тахт шлушвазди гъахуру ва эскрарин дестейиз дих апӀуру. 17Дурари Дугъʼин аку-элвен халат алабхьну, хъа кӀулʼин зазарикан гъубху тажсиб улубкӀуру, 18ва Думу «тебрик» апӀуз хъюгъру: «Яшамиш ишри „жугьдарин Паччагь“!»
19Хъасин Дугъан кӀуллан маргъар йивуйи, Дугъак тутйир катӀуйи ва, Дугъан улихь кьамкьарихъди дусну, хътӀерццури, икрам апӀуйи. 20Чпиз ккунибкьан Исайикан рихшанд дапӀну, Дугъхъан халат хътибтуру ва хачрак карсуз гъахуру.
Хачриин Исайин аьзабар
21Думу дариз зигуз гъахуру. Сар багхьантина гъягъюрайирихьди (Думу гъулʼан гъюрайи Александринна Рауфдин адаш, Киринея кӀурушвʼан вуйи Симон вуйи) Дугъан хач гъабхуз гъитру. 22Думу Голгофа кӀурушвахьна хуру (илтӀибкӀиган, душван ччвур «Келле» кӀуру гаф ву). 23Дугъаз фикрихъан хътаъру дармнар кайи чяхир убхъуз теклиф апӀуйи, хъа Дугъу гъубхъундайи. 24Думу хачрак карсру. Эскрари, чпиз гьардиз фунуб алабхъуруш, Дугъан палтар пай апӀури, тупут ипру.
25Иса дариз зигурайиган, гвачӀин сяаьт урчӀвуб вуйи. 26«Жугьдарин Паччагь» ву кӀури тахсир кипну, гьамци дибикӀнайи кьул Дугъан кӀулихъ кибхнайи. 27Дугъахъди сатӀиди кьюр гъачагъра дариз гъизигнийи: Дугъхьан сар – арччул, тмунур – гагул терефназди. [28]#15:28 Грекарин саспи БикӀбариъ гьамци кӀура: «Гьамци Гирами бикӀбариъ дибикӀнайиб тамам гъабхьнийи: „Думу гъачгъарин арайиъ дерккнийи“».
29Душвхьантина гьудучӀвну гъягърудари Дугъаз люкьнар апӀуйи, намуссуз кӀуруганси кӀулар тӀурччвуйи ва кӀуйи:
– Эй Аллагьдин хал дабгърур ва шубуд йигъан диврур! 30Уву Жвуву Жвув уьрх, кудучӀв хачракан! – 31гьамци зивзивар кчӀикьуйи Дугъкан къанунчйирра хъади аьхю маллйири.
– Жарадар уьрхюйи, – кӀуйи дурари, – хъа Чахьан Учв уьрхюз шуладар! 32Месигь, Израилин Паччагь! Ич уларикк, гъит, учуз рякъюри, хачракан кудучӀври – гьадмуган учу Дугъахъ хъугъдича!
Гьеле Дугъахъди сатӀиди дариз дизигнайидарра кмиди Дугъак кялхъюйи.
Исайин аьжал
33Лисхъантина тап сяаьт шуббаризкьан вари дюнʼяйиин мучӀушин алабхъуру. 34Хъа сяаьт шубубди Исайи аьхю дихниинди гьарай апӀуру:
– Элахи, Элахи, лама шевактани? (яна «Йиз Аллагь, Йиз Аллагь! Гьаз Уву Узу гъитунва?»)
35Душван багахь дийигънайидарикан бязидари, Дугъан гафар гъеерхьиган, кӀуйи:
– Ебхьурайчвуз, Илʼясдиз дих апӀура!
36Хъа сар кас, жаргъну дуфну, бамбагсибдиз сирке зигуз гъитну, маргълик кибтӀну, Дугъаз убхъуз туври, кӀуру:
– Гьамус лигухьа, Му ктагъуз Илʼяс гъюруш – гъюрдарш.
37Исайи, чӀветӀ дапӀну, рюгь деебтуру.
38Аллагьдин хулаъ, Гирамишвахь гьибхнайи чарч зиълансина кӀаназкьан кьюб йишвʼина чӀябгъюру. 39Хачран багахь дийигънайи юзбашийиз, Исайилан фици ил алдабгънуш, рябкъюру ва кӀуру:
– Дугъриданна Му Кас Аллагьдин Бай вуйи.
40Душвахь, ярхлаан лигури, сакьюдар дишагьлийирра хьайи. Дурарин арайиъ Магдалайиан вуйи Марʼям, бицӀирнур Якьубдинна Юсийин дада Марʼям ва Саломея айи. 41Иса Галилейиъ айиган, мурар Гьадгъахъди ва Гьадгъан гъайгъушнаъ шуйи. Дугъахъди Ерусалимдиз гъафи хъана жара дишагьлийирра мушвахь хьайи.
Исайин беден накьвдиъ ивуб
42Сарун хябяхъ шулайи. Хъа му йигъ, султ йигъан улихь хьимбу жвуми йигъ вуди хьпаз дилигну, 43жугьдарин заан диванханайиъ кьувват айи, гьацира Аллагьдин Паччагьлугъдиз ккилигурайи Аримафейиан вуйи Юсуфди, кӀубанвал кади Пилатдихьна дуфну, Исайин беден чан ихтиярназ тӀалаб апӀуру. 44Думу гьамкьан ухди йикӀбиин Пилат мюгьтал духьнайи ва, юзбашийиз дих дапӀну, Иса ухди дукӀнаш, гьерхру. 45Юзбашийикан гьаци вуйиб аьгъю дапӀну, дугъу Юсуфдиз дубкӀнайи беден гъадабгъуз ихтияр тувру. 46Дугъу кафан гъадабгъну, беден кадабгъну, дидгъян гъибиржуру ва гъарзариъ утӀубкнайи накьвдиъ ивну, душваз учӀврушвахь гъван гьипру.
47Хъа Магдалайиан вуйи Марʼямна Юсийин дада Марʼям, Думу наан кивраш, лигурайи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023