Марк 4
4
Тум убзрурикан тахалус
1Исайи хъана гьюлихъ аьгъювалар улупурайи. Дугълан гьадмукьан халкь илтӀибшнайики, Думу люткейиъ эуз мажбур шулу, ва лютке гьюлʼинаси цӀиб хъапӀру, хъа халкь гьюлихъ гъузру. 2Исайи дурариз тахалусариинди гизафдарикан аьгъювалар тувуйи, ва Чан улупбариъ кӀуйи:
3– Хъебехъай: нежбер тум убзуз удучӀвуру. 4Убзурайиган, гьацӀар удрар рякъюхъ дахьру – дурар, жакьвар дуфну, удуру. 5Сакьюдар удрар гъван ккайи, руг цӀибтӀан алдру йишвʼин дахьру, ва дурар ухди ктучӀвуру, гьаз гъапиш ругдин гъат чӀиллиб вуйи. 6Ригъ гъапӀган, дурар чурхуру ва, ччивар зяифди хьпаз лигну, ерццуру. 7ГьацӀар удрар зазарин тумрягъ гъяхьру, аьхю гъахьи зазари дурар ккаъру, ва дяхни кӀул апӀдар. 8Хъа жара удрар авадан ругдик кахьру, ктучӀвуру, аьхю шулу ва сумчӀур, йирхьцӀур ва варж ражари артухъ бегьер тувру.
9Хъасин Исайи гъапи:
– Шлин ибариз ебхьураш, гъит ебхьри!
Исайи тахалусдин мяна ачухъ апӀуб
10Чпи ялгъузди гъузиган, йицӀикьюрид ученикарина Исайихъди хъайидари Дугъхьан, гьаз гьамци, тахалусариинди кӀураш, гьерхру.
11– Учвуз Аллагьдин Паччагьлугъдин сир аьгъю хьуб тувначвуз, – кӀуру дурариз Исайи, – хъа аьгъдрудариз тахалусариинди кӀура. 12Фицики дурар лигури шулу, хъа рябкъюрдар, хъпехъури шулу, хъа гъавриъ ахъурдар. Жараси вуйиш, дурарихьан Аллагьдихьинди илтӀикӀуз шуйи ва дурарилан хил алдабгъидийи.
Тум убзрурикан вуйи тахалус ктибтуб
13Хъа Дугъу дурариз кӀуру:
– Мегер учву гьаму тахалусдин гъавриъ ахъундарнучва? Хъа учву жара тахалусарин фици гъавриъ ахъдичва? 14Убзрури Аллагьдин гаф убзуру. 15ГьацӀар адмийир рякъюхъинди дахьу удрариз барабар ву. Дурариз Аллагьдин гаф ебхьуру, ва гьадму сяаьт, иблис дуфну, дурарин кӀваъ гъубзу гаф гьитӀибкӀуру. 16ГьацӀар адмийир гъван ккайи йишвʼина ахьу удрариз барабар ву. Дурари, гаф гъеебхьубси, дишла шадди кьабул апӀуру. 17Хъа дурарикк ччив ккадар, гьаддиз дурар цӀиб вахтназтӀан вуйидар дар. Аллагьдин гафналантина чпихъ хъергруган, ясана саб хатӀа-бала гъядябхъруган, дурар гьадму сяаьт гафнахьан гьудучӀвуру. 18ГьацӀар зазаригъ гъяхьу удрариз барабар ву. Мурар гаф ебхьрудар ву, 19хъа гьар йигъандин гъайгъушнари, девлетнахъ хъергували ва жара тямягьари Аллагьдин гаф кӀваълан гьапӀуз гъитру, ва диди бегьер хури шулдар. 20Хъа гьацӀар авадан ругдик кахьу удрариз барабар ву. Мурар гаф ебхьрудар ва думу кьабул апӀрудар ву, ва диди саспиган сумчӀур ражари, саспиган йирхьцӀур ражари, хъа саспиган варж ражари артухъ бегьер хури шулу.
Учвуз айиб ишлетмиш апӀури гъузай
21Исайи хъана дурариз кӀуру:
– Чирагъ хулаз, дидʼин гъаб иливуз, ясана краватдикк ккивуз, хруб вуйин? Ваъ, думу чан йишвʼин дивру! 22ЧӀатинди удудубчӀвди гъубзру фукӀа жиниб адар ва фукӀара гьитӀибкӀнайиб адар. 23Шлик ибар каш, гъит ебхьри!
24Хъа Дугъу гьамцира кӀуру:
– Учвуз ебхьурайибдиз фикир тувай. Фициб уьлчмейиинди учву ебцураш, гьацибдиинди учвузра ебциди ва артухъдира кади иливиди. 25Шлиз аш, дугъаз хъана тувди, хъа шлиз адарш, айибра тадабгъиди.
Хъубкьру удрикан тахалус
26Дугъу кӀуру:
– Аллагьдин Паччагьлугъ, думу фициб ву? Думу адмийи ругдиз тум гатӀабхьувалсиб ву. 27Йишвну адми ахуру, йигъ шулади гъудужвуру, хъа тум гьадму вахтна ктубчӀвуру ва аьхю шулу – хъа думу фици аьхю шулаш, адмийизра аьгъдар. 28Ругди чав-чалан бегьер хуру: сифте чар ктубчӀвуру, хъа кӀул апӀуру, хъасин кӀул удрарихьди абцӀру. 29Удар хъубкьиган, адми дишла дагьрихъан хъчӀихуру, гьаз гъапиш иган хъубкьна.
Диликан тахалус
30Исайи хъана кӀуру:
– Аллагьдин Паччагьлугъ фтихь тевуз шул? Ясана фициб тахалусдиинди дидкан пуз шул? 31Думу дюнʼяйиин варитӀан бицӀи дилихь тевуз шул. 32Хъа думу кивган, ктубчӀвуру ва бистниъ айидарик варитӀан аьхю шулу. Дидʼин гьацисдар аьхю кюлер илиршуруки, дурарин сирнарикк жакьварихьанра кмиди дусуз шулу.
33Гьамцдар гизаф тахалусариинди Дугъу дурарихьан аннамиш апӀуз шлукьан аьгъювалар улупуйи. 34Тахалусариинди дарди Дугъу фукӀара кӀурдайи, хъа Учв Чан ученикарихъди гъузиган, дурариз вари ктибтуйи.
Исайи тӀурфан дебккуб
35Гьадму йигъан хябяхъган, Дугъу дурариз кӀуру:
– Гъачай, гьюлин тмуну гъирагъдихъинди сирнав апӀухьа.
36Дурар, халкь гъитну, Исайихъди люткейиъ эъру. Дурарихъди жара люткйирра хъайи. 37Гужал микӀ утӀубччвуру ва лепйир люткейикан йивури, думу шту абцӀрайи. 38Иса люткейин кьялхъян йишваъ, кӀуликк гутара ккивну даахнайи. Люткейиъ айидари Думу хъиргру ва кӀуру:
– Мялим! Ухьу ккахьрайиваликан Увуз вижна ктарнуз дарш?!
39Гьадмуган Думу гъудужвну, микӀлаз сикин хьуз амур апӀуру ва штуз кӀуру:
– Сикин йибхь! Мирибшван!
40МикӀ сикин шулу, ва архаинвал абхъру.
– Гьаз гьамкьан гучӀбяхяр вучва? – кӀуру дурариз Исайи. – СацӀибкьан хъугъвал адаринчвуз дарш?
41Дурарик лап яман гучӀ кабхъру, ва чиб-чпикна кӀуру:
– Му фуж ву, эгер микӀра, гьюлра Мугъахъ хъпехъураш?
Currently Selected:
Марк 4: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Марк 4
4
Тум убзрурикан тахалус
1Исайи хъана гьюлихъ аьгъювалар улупурайи. Дугълан гьадмукьан халкь илтӀибшнайики, Думу люткейиъ эуз мажбур шулу, ва лютке гьюлʼинаси цӀиб хъапӀру, хъа халкь гьюлихъ гъузру. 2Исайи дурариз тахалусариинди гизафдарикан аьгъювалар тувуйи, ва Чан улупбариъ кӀуйи:
3– Хъебехъай: нежбер тум убзуз удучӀвуру. 4Убзурайиган, гьацӀар удрар рякъюхъ дахьру – дурар, жакьвар дуфну, удуру. 5Сакьюдар удрар гъван ккайи, руг цӀибтӀан алдру йишвʼин дахьру, ва дурар ухди ктучӀвуру, гьаз гъапиш ругдин гъат чӀиллиб вуйи. 6Ригъ гъапӀган, дурар чурхуру ва, ччивар зяифди хьпаз лигну, ерццуру. 7ГьацӀар удрар зазарин тумрягъ гъяхьру, аьхю гъахьи зазари дурар ккаъру, ва дяхни кӀул апӀдар. 8Хъа жара удрар авадан ругдик кахьру, ктучӀвуру, аьхю шулу ва сумчӀур, йирхьцӀур ва варж ражари артухъ бегьер тувру.
9Хъасин Исайи гъапи:
– Шлин ибариз ебхьураш, гъит ебхьри!
Исайи тахалусдин мяна ачухъ апӀуб
10Чпи ялгъузди гъузиган, йицӀикьюрид ученикарина Исайихъди хъайидари Дугъхьан, гьаз гьамци, тахалусариинди кӀураш, гьерхру.
11– Учвуз Аллагьдин Паччагьлугъдин сир аьгъю хьуб тувначвуз, – кӀуру дурариз Исайи, – хъа аьгъдрудариз тахалусариинди кӀура. 12Фицики дурар лигури шулу, хъа рябкъюрдар, хъпехъури шулу, хъа гъавриъ ахъурдар. Жараси вуйиш, дурарихьан Аллагьдихьинди илтӀикӀуз шуйи ва дурарилан хил алдабгъидийи.
Тум убзрурикан вуйи тахалус ктибтуб
13Хъа Дугъу дурариз кӀуру:
– Мегер учву гьаму тахалусдин гъавриъ ахъундарнучва? Хъа учву жара тахалусарин фици гъавриъ ахъдичва? 14Убзрури Аллагьдин гаф убзуру. 15ГьацӀар адмийир рякъюхъинди дахьу удрариз барабар ву. Дурариз Аллагьдин гаф ебхьуру, ва гьадму сяаьт, иблис дуфну, дурарин кӀваъ гъубзу гаф гьитӀибкӀуру. 16ГьацӀар адмийир гъван ккайи йишвʼина ахьу удрариз барабар ву. Дурари, гаф гъеебхьубси, дишла шадди кьабул апӀуру. 17Хъа дурарикк ччив ккадар, гьаддиз дурар цӀиб вахтназтӀан вуйидар дар. Аллагьдин гафналантина чпихъ хъергруган, ясана саб хатӀа-бала гъядябхъруган, дурар гьадму сяаьт гафнахьан гьудучӀвуру. 18ГьацӀар зазаригъ гъяхьу удрариз барабар ву. Мурар гаф ебхьрудар ву, 19хъа гьар йигъандин гъайгъушнари, девлетнахъ хъергували ва жара тямягьари Аллагьдин гаф кӀваълан гьапӀуз гъитру, ва диди бегьер хури шулдар. 20Хъа гьацӀар авадан ругдик кахьу удрариз барабар ву. Мурар гаф ебхьрудар ва думу кьабул апӀрудар ву, ва диди саспиган сумчӀур ражари, саспиган йирхьцӀур ражари, хъа саспиган варж ражари артухъ бегьер хури шулу.
Учвуз айиб ишлетмиш апӀури гъузай
21Исайи хъана дурариз кӀуру:
– Чирагъ хулаз, дидʼин гъаб иливуз, ясана краватдикк ккивуз, хруб вуйин? Ваъ, думу чан йишвʼин дивру! 22ЧӀатинди удудубчӀвди гъубзру фукӀа жиниб адар ва фукӀара гьитӀибкӀнайиб адар. 23Шлик ибар каш, гъит ебхьри!
24Хъа Дугъу гьамцира кӀуру:
– Учвуз ебхьурайибдиз фикир тувай. Фициб уьлчмейиинди учву ебцураш, гьацибдиинди учвузра ебциди ва артухъдира кади иливиди. 25Шлиз аш, дугъаз хъана тувди, хъа шлиз адарш, айибра тадабгъиди.
Хъубкьру удрикан тахалус
26Дугъу кӀуру:
– Аллагьдин Паччагьлугъ, думу фициб ву? Думу адмийи ругдиз тум гатӀабхьувалсиб ву. 27Йишвну адми ахуру, йигъ шулади гъудужвуру, хъа тум гьадму вахтна ктубчӀвуру ва аьхю шулу – хъа думу фици аьхю шулаш, адмийизра аьгъдар. 28Ругди чав-чалан бегьер хуру: сифте чар ктубчӀвуру, хъа кӀул апӀуру, хъасин кӀул удрарихьди абцӀру. 29Удар хъубкьиган, адми дишла дагьрихъан хъчӀихуру, гьаз гъапиш иган хъубкьна.
Диликан тахалус
30Исайи хъана кӀуру:
– Аллагьдин Паччагьлугъ фтихь тевуз шул? Ясана фициб тахалусдиинди дидкан пуз шул? 31Думу дюнʼяйиин варитӀан бицӀи дилихь тевуз шул. 32Хъа думу кивган, ктубчӀвуру ва бистниъ айидарик варитӀан аьхю шулу. Дидʼин гьацисдар аьхю кюлер илиршуруки, дурарин сирнарикк жакьварихьанра кмиди дусуз шулу.
33Гьамцдар гизаф тахалусариинди Дугъу дурарихьан аннамиш апӀуз шлукьан аьгъювалар улупуйи. 34Тахалусариинди дарди Дугъу фукӀара кӀурдайи, хъа Учв Чан ученикарихъди гъузиган, дурариз вари ктибтуйи.
Исайи тӀурфан дебккуб
35Гьадму йигъан хябяхъган, Дугъу дурариз кӀуру:
– Гъачай, гьюлин тмуну гъирагъдихъинди сирнав апӀухьа.
36Дурар, халкь гъитну, Исайихъди люткейиъ эъру. Дурарихъди жара люткйирра хъайи. 37Гужал микӀ утӀубччвуру ва лепйир люткейикан йивури, думу шту абцӀрайи. 38Иса люткейин кьялхъян йишваъ, кӀуликк гутара ккивну даахнайи. Люткейиъ айидари Думу хъиргру ва кӀуру:
– Мялим! Ухьу ккахьрайиваликан Увуз вижна ктарнуз дарш?!
39Гьадмуган Думу гъудужвну, микӀлаз сикин хьуз амур апӀуру ва штуз кӀуру:
– Сикин йибхь! Мирибшван!
40МикӀ сикин шулу, ва архаинвал абхъру.
– Гьаз гьамкьан гучӀбяхяр вучва? – кӀуру дурариз Исайи. – СацӀибкьан хъугъвал адаринчвуз дарш?
41Дурарик лап яман гучӀ кабхъру, ва чиб-чпикна кӀуру:
– Му фуж ву, эгер микӀра, гьюлра Мугъахъ хъпехъураш?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023