Acts 6
6
tēpakohp owīcihtāsowak
1namōya kinwēs ē‑kī-ispayik ē‑ati-mihcēticik otāpwēhtamowak, kī‑māyi-wīcēhtowak ōki Greek kā‑itowēcik Jewak ēkwa kayahtē Jewak. ōki Greek kā‑itowēcik itwēwak osīkāwiskwēmiwāwa ēkāya ē‑nākatohkātimiht tahto kīsikāw kā‑miyimiht sōniyāwa kotaka mōsiskwēwa. 2ēkosi ōki nīsosāp itisahwākanak natomēwak kahkiyaw otāpwēhtamowak ēkwa ōmisi itēwak, “namōya kwayask kitōtēnānaw ēkāya kita-kiskinohamākēyahk kisē-manitow opīkiskwēwin ēkwa ē‑otamihikoyahk sōniyāw. 3ēkosi kiyawāw niciwāmitik, mahti nawasōnihkok kiyawāw ohci tēpakohp nāpēwak ē‑miyo-kanawāpamihcik ē‑sākaskinēskākocik kā‑kanātisiyit ahcāhkwa ēkwa ē‑iyinīsicik. ēkwa kika-miyānawak ōma ka‑nīkānīstāhkik itisīhcikēwin. 4niyanān wiya nayēstaw nika-atoskātēnān kita-ayamihāyāhk ēkwa kita-kakēskihkēmoyāhk.”
5kahkiyaw ē‑ihtasicik kī‑miywēyihtamwak ē‑itasowēyit itisahwākana. ēkwa nawasōnēwak Stephena kwayask ē‑tāpowakēyihtamiyit ēkwa ē‑sākaskinēskākoyit kā‑kanātisiyit ahcāhkwa. ēkwa kotakak kā‑otinācik Philipa, Prochorusa, Nicanora, Timona, Parmenasa, ēkwa Nicolausa, ēwako pītosiyiniw, Antioch ē‑ohcīt, namōya kayās Jewa otayamihāwin isi ē‑kī-kwēski-ayamihāt. 6ōki kā‑māmawēyaticik kī‑itohtahēwak itisahwākana ēkwa ē‑sāmināyit ostikwāniyihk kī‑ayamihēstamawēwak.
7ayiwāk ati ayisiyiniwak kī‑tāpowakēyihtamwak otitwēwin kisē-manitow. otāpwēhtamowak Jerusalemihk ayiwāk kī‑ati-mihcētiwak ēkwa mihcēt otayamihēwiyiniwak kī‑pimitisahamwak ōma miywācimowin.
Stephen otināw
8Stephen mistahi kī‑miyikowisiw ēkwa kisē-manitowa ē‑miyikot sōhkātisiwin. mihcēt mamāhtāwi-kīkwaya ēkwa māmaskātamowina kī‑tōtam. 9māka ātiht nāpēwa Jewa otipēyimisowa ē‑kī-awākaniwicik ē‑kī-ohtohtēyit Cyrene askīhk ēkwa Alexandria ohci kī‑ayāsitēmik. ēwakonik ōki ēkwa kotakak Jewak Cilicia ohci ēkwa Asia wīstawāw kī‑ānwēhtawēwak Stephena. 10māka Stephen kā‑kanātisiyit ahcāhkwa kī‑miyikow iyinīsiwin ēkwa ōma kā‑pīkiskwēt namwāc nānitaw kī‑itik. 11ēkosi ōki kī‑masinahikēhēwak ātiht nāpēwa kita-kiyāskīmāyit, ōmisi kita-itwēyit, “nikī-pēhtawānān ēkāya kwayask ē‑itāt Mosesa ēkwa kisē-manitowa.” 12kī‑kisiwāhēwak ayisiyiniwa ēkwa onīkānīwa ēkwa kā‑kiskinohamākēyit wiyasiwēwin. kī‑otihtinēwak Stephena ēkwa itohtahēwak Jewa onīkānīwa. 13kī‑pīhtikwahēwak ātiht nāpēwa kita-kiyāskīmāyit, ōmisi ē‑itwēyit, “awa nāpēw tāpitawi piyotam kihcihtwāwi-kihci-ayamihēwikamik ēkwa owiyasiwēwiniyiw Mosesa. 14nikī-pēhtawānān ē‑itwēt, ‘awa Jesus Nazarethihk ohci kita-pīkonam ōma kihcihtwāwi-kihci-ayamihēwikamik, ēkwa kita-pītosi-isīyinīkēyāhk ēkāya kita-pimitisahamāhk Moses okiskinohamākēwin.’” 15ēkota kahkiyaw aniki kā‑apicik kitāpamēwak Stephena ēkwa wāpahtamwak ohkwākaniyiw ē‑wāsitēyik tāpiskōc okīsikowa.
Currently Selected:
Acts 6: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
Acts 6
6
tēpakohp owīcihtāsowak
1namōya kinwēs ē‑kī-ispayik ē‑ati-mihcēticik otāpwēhtamowak, kī‑māyi-wīcēhtowak ōki Greek kā‑itowēcik Jewak ēkwa kayahtē Jewak. ōki Greek kā‑itowēcik itwēwak osīkāwiskwēmiwāwa ēkāya ē‑nākatohkātimiht tahto kīsikāw kā‑miyimiht sōniyāwa kotaka mōsiskwēwa. 2ēkosi ōki nīsosāp itisahwākanak natomēwak kahkiyaw otāpwēhtamowak ēkwa ōmisi itēwak, “namōya kwayask kitōtēnānaw ēkāya kita-kiskinohamākēyahk kisē-manitow opīkiskwēwin ēkwa ē‑otamihikoyahk sōniyāw. 3ēkosi kiyawāw niciwāmitik, mahti nawasōnihkok kiyawāw ohci tēpakohp nāpēwak ē‑miyo-kanawāpamihcik ē‑sākaskinēskākocik kā‑kanātisiyit ahcāhkwa ēkwa ē‑iyinīsicik. ēkwa kika-miyānawak ōma ka‑nīkānīstāhkik itisīhcikēwin. 4niyanān wiya nayēstaw nika-atoskātēnān kita-ayamihāyāhk ēkwa kita-kakēskihkēmoyāhk.”
5kahkiyaw ē‑ihtasicik kī‑miywēyihtamwak ē‑itasowēyit itisahwākana. ēkwa nawasōnēwak Stephena kwayask ē‑tāpowakēyihtamiyit ēkwa ē‑sākaskinēskākoyit kā‑kanātisiyit ahcāhkwa. ēkwa kotakak kā‑otinācik Philipa, Prochorusa, Nicanora, Timona, Parmenasa, ēkwa Nicolausa, ēwako pītosiyiniw, Antioch ē‑ohcīt, namōya kayās Jewa otayamihāwin isi ē‑kī-kwēski-ayamihāt. 6ōki kā‑māmawēyaticik kī‑itohtahēwak itisahwākana ēkwa ē‑sāmināyit ostikwāniyihk kī‑ayamihēstamawēwak.
7ayiwāk ati ayisiyiniwak kī‑tāpowakēyihtamwak otitwēwin kisē-manitow. otāpwēhtamowak Jerusalemihk ayiwāk kī‑ati-mihcētiwak ēkwa mihcēt otayamihēwiyiniwak kī‑pimitisahamwak ōma miywācimowin.
Stephen otināw
8Stephen mistahi kī‑miyikowisiw ēkwa kisē-manitowa ē‑miyikot sōhkātisiwin. mihcēt mamāhtāwi-kīkwaya ēkwa māmaskātamowina kī‑tōtam. 9māka ātiht nāpēwa Jewa otipēyimisowa ē‑kī-awākaniwicik ē‑kī-ohtohtēyit Cyrene askīhk ēkwa Alexandria ohci kī‑ayāsitēmik. ēwakonik ōki ēkwa kotakak Jewak Cilicia ohci ēkwa Asia wīstawāw kī‑ānwēhtawēwak Stephena. 10māka Stephen kā‑kanātisiyit ahcāhkwa kī‑miyikow iyinīsiwin ēkwa ōma kā‑pīkiskwēt namwāc nānitaw kī‑itik. 11ēkosi ōki kī‑masinahikēhēwak ātiht nāpēwa kita-kiyāskīmāyit, ōmisi kita-itwēyit, “nikī-pēhtawānān ēkāya kwayask ē‑itāt Mosesa ēkwa kisē-manitowa.” 12kī‑kisiwāhēwak ayisiyiniwa ēkwa onīkānīwa ēkwa kā‑kiskinohamākēyit wiyasiwēwin. kī‑otihtinēwak Stephena ēkwa itohtahēwak Jewa onīkānīwa. 13kī‑pīhtikwahēwak ātiht nāpēwa kita-kiyāskīmāyit, ōmisi ē‑itwēyit, “awa nāpēw tāpitawi piyotam kihcihtwāwi-kihci-ayamihēwikamik ēkwa owiyasiwēwiniyiw Mosesa. 14nikī-pēhtawānān ē‑itwēt, ‘awa Jesus Nazarethihk ohci kita-pīkonam ōma kihcihtwāwi-kihci-ayamihēwikamik, ēkwa kita-pītosi-isīyinīkēyāhk ēkāya kita-pimitisahamāhk Moses okiskinohamākēwin.’” 15ēkota kahkiyaw aniki kā‑apicik kitāpamēwak Stephena ēkwa wāpahtamwak ohkwākaniyiw ē‑wāsitēyik tāpiskōc okīsikowa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society