ᒉᓂᓯᐢ 11
11
1ᑭ ᐯᔭᑲᐧᐣ ᒫᑲ ᐃᓯ ᑭᓭᐧᐃᐧᐣ ᒥᓯᐁᐧ ᐊᐢᑭᕽ, ᒥᓇ ᑭ ᐯᔭᑲᐧᐣ ᐱᑭᐢᑫᐧᐃᐧᐣ. 2ᑭ ᐊᔨᑭᐣ ᒫᑲ ᐋᐧᐸᓄᑖᕽ ᐁ ᐊᑎ ᐊᔨᐢᐱᒋᒋᐠ, ᑭ ᒥᐢᑲᒪᐧᐠ ᒪᐢᑯᑌᐤ ᐊᓂᑕ ᓵᐃᓇᕒ ᐊᐢᑭᕽ, ᐁᑯᓯ ᐁᑯᑕ ᑭ ᐃᐧᑭᐊᐧᐠ. 3ᐁᑯᓯ ᑭ ᐊᔨᑎᑐᐊᐧᐠ, ᐦᐋᐤ, ᒫᐦᑎ ᐅᓯᐦᐋᑖᓂᐠ ᐊᓯᓂᑳᓇᐠ ᐁᑯᓯ ᑭᓯᓵᐧᑖᓂᐠ ᒥᑐᓂ. ᐁᑯᓯ ᐊᓯᓂᑳᓇ ᑭ ᐊᔮᐁᐧᐊᐧᐠ ᐁ ᐅᐟ ᐊᓯᓂᒥᒋᐠ ᒥᓇ ᐊᐢᑭᐃᐧᐱᑭᐊᐧ ᑭ ᐊᓯᐢᑭᑳᑫᐊᐧᐠ. 4ᒥᓇ ᐅᒥᓯ ᑭ ᐃᑌᐧᐊᐧᐠ, ᐦᐋᐤ, ᒫᐦᑎ ᐅᓯᐦᑖᑖᐠ ᐅᑌᓇᐤ ᒥᓇ ᒥᓯᐋᐧᐢᑳᐦᐃᑲᐣ ᑕᐦᑯᐨ ᑭᑕ ᓵᒥᑎᕽ ᑭᓯᑯᕽ; ᐁᑯᓯ ᐅᓯᐦᑖᐧᓱᑖᐠ ᐃᐧᔪᐃᐧᐣ ᐁᑳ ᑭᑕ ᓯᓭᐧᑎᓴᐦᐅᑲᐃᐧᔭᕽ ᐁᐢᐱᒑᐠ ᒥᓯᐁᐧ ᐊᐢᑭ. 5ᐁᑯᓯ ᑳ ᑎᐯᔨᐦᒋᑫᐟ ᑭ ᐯ ᔮᓯᐤ ᐁ ᐯ ᓇᑕᐃᐧ ᐋᐧᐸᐦᑕᕽ ᐅᑌᓇᐤ ᒥᓇ ᒥᓯᐋᐧᐢᑳᐦᐃᑲᐣ ᐊᔨᓯᔨᓂᐃᐧ ᐊᐋᐧᓯᓴᐠ ᑳ ᐅᓯᐦᑖᒋᐠ. 6ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᒫᑎᑲ, ᐯᔭᑯᐊᐧᐠ ᐊᔨᓯᔨᓂᐊᐧᐠ, ᒥᓇ ᑲᐦᑭᔭᐤ ᐯᔭᑲᐧᐣ ᐁ ᐃᓯ ᑭᓭᐧᒋᐠ; ᒥᓇ ᐅᒪ ᑭ ᓯᐯᐧᑐᑕᒪᐧᐠ; ᐁᑲᐧ ᒫᑲ ᓇᒪᐃᐧᔭ ᑲᑕ ᑭ ᓇᑳᓈᐊᐧᐠ ᑭᑲᐧᐩ, ᐁᑌᔨᑕᑲᐧᐃᐧ ᐁ ᐃᐧ ᑐᑕᐦᑭᐠ. 7ᐦᐋᐤ, ᒫᐦᑎ ᔪᓯᑐᑕᑖᐣ, ᐁᑯᑕ ᒫᑲ ᒥᑯᐢᑳᒋᐦᑖᑕᐣ ᐅᐟ ᐃᓯ ᑭᓭᐧᐃᐧᓂᐋᐧᐤ, ᑭᑕ ᐃᓯ ᐁᑳ ᓇᓀᓯᑐᑕᑐᒋᐠ ᐅ ᐱᑭᐢᑫᐧᐃᐧᓂᐊᐧᕽ. 8ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᓴᓯᓭᐧᑎᓴᐁᐧᐤ ᐁᑯᑕ ᐅᐦᒋ ᒥᓯᐁᐧᐢᑲᒥᐠ ᐃᓯ; ᐁᑯᓯ ᒫᑲ ᑭ ᐳᓂᑖᐊᐧᐠ ᐁ ᐃᐧ ᐅᓯᐦᑕᒋᐠ ᐅᑌᓇᐤ. 9ᐁᐊᐧᑯ ᐅᐦᒋ ᒫᑲ ᐯᐱᓬ ᑳ ᑭ ᐃᑕᒥᕽ; ᒋᑫᒫ ᑳ ᑎᐯᔨᐦᒋᑫᐟ ᐁᑯᑕ ᑭ ᒥᑯᐢᑳᒋᑕᐤ ᑲᐦᑭᔭᐤ ᑳ ᑭ ᐃᓯ ᐱᑭᐢᑳᐧᓂᐊᐧᕽ ᐊᐢᑭᕽ; ᒥᓇ ᐁᑯᑕ ᐅᐦᒋ ᑳ ᑎᐯᔨᐦᒋᑫᐟ ᑭ ᓵᓯᓭᐧᑎᓴᐁᐧᐤ ᒥᓯᐁᐧᐢᑲᒥᐠ.
10ᐁᐊᐧᑯ ᐅᒪ ᑭ ᐊᑎ ᐊᐃᓯ ᐊᔮᓂᐢᑫ ᐱᒫᑎᓯᐤ ᓭᒼ; ᓭᒼ ᒥᑖᐦᑐᒥᑕᓇᐤ ᑭ ᑕᐦᑐ ᐱᐳᓀᐧᐤ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐋᕒᐹᐠᓵᐟ, ᑳ ᓂᓱ ᐱᐳᓂᔨᐠ ᐁ ᑭ ᐳᓂ ᐃᐢᑭᐯᐠ. 11ᓭᒼ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᐋᕒᐹᐠᓵᐟ, ᓂᔮᓇᓈᐧᐤ ᒥᑕᐦᑐᒥᑕᓇ ᐱᐳᓇᐧ, ᐁᑯᓯ ᐁ ᑭ ᐊᑎ ᐅᑯᓯᓯᐟ ᒥᓇ ᐅᑖᓂᓯᐟ.
12ᐋᕒᐹᐠᓵᐟ ᒫᑲ ᑭ ᐱᒫᑎᓯᐤ ᓂᐢᑐᒥᑕᓇᐤ ᓂᔮᓇᓄᓵᑊ ᑕᐦᑐ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᓭᓬᐊ: 13ᐋᕒᐹᐠᓵᐟ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᓭᓬᐊ, ᓀᐋᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐ ᐱᐳᓇᐧ, ᐁᑯᓯ ᐁ ᑭ ᐊᑎ ᐅᑯᓯᓯᐟ ᒥᓇ ᐅᑖᓂᓯᐟ.
14ᓭᓬᐊ ᒫᑲ ᑭ ᐱᒫᑎᓯᐤ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐃᐸᕒ: 15ᓭᓬᐊ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᐃᐸᕒ ᓀᐋᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐ ᐱᐳᓇᐧ, ᐁᑯᓯ ᐁ ᑭ ᐊᑎ ᐅᑯᓯᓯᐟ ᒥᓇ ᐅᑖᓂᓯᐟ.
16ᒥᓇ ᐃᐸᕒ ᑭ ᐱᒫᑎᓯᐤ ᓂᐢᑐᒥᑕᓇᐤ ᓀᐅᐧᓵᑊ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐱᓬᐁᐠ: 17ᐃᐸᕒ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᐱᓬᐁᐠ ᓀᐋᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
18ᐱᓬᐁᐠ ᒫᑲ ᑭ ᐱᒫᑎᓯᐤ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᕒᐃᐅ: 19ᒥᓇ ᐱᓬᐁᐠ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᕒᐃᐅ ᓂᓵᐧᐤ ᒥᑕᐦᑐᒥᑕᓇᐤ ᒥᓇ ᑫᑳᐟ ᒥᑕᐦᑐᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
20ᒥᓇ ᕒᐃᐅ ᑭ ᐱᒫᑎᓯᐤ ᓂᐢᑐᒥᑕᓇᐤ ᓂᓱᓵᑊ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᓯᕒᐊᐠ: 21ᕒᐃᐅ ᒪᑳ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᓯᕒᐊᐠ ᓂᓵᐧᐤ ᒥᑖᐦᑐᒥᑕᓇᐤ ᒥᓇ ᑌᐸᑯᑊ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
22ᒥᓇ ᓯᕒᐊᐠ ᑭ ᐱᒫᑎᓯᐤ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᓀᐦᐅᕒ: 23ᓯᕒᐊᐠ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᓀᐦᐅᕒ ᓂᓵᐧᐤ ᒥᑖᐦᑐᒥᑕᓇᐤ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
24ᒥᓇ ᓀᐦᐅᕒ ᑭ ᐱᒫᑎᓯᐤ ᑫᑳᐟ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᑎᕒᐊ: 25ᓀᐦᐅᕒ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᑎᕒᐊ ᐯᔭᑳᐧᐤ ᒥᑖᐦᑐᒥᑕᓇᐤ ᒥᓇ ᑫᑳᐟ ᓂᓯᑕᓇᐤ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑕᓂᓯᐟ.
26ᒥᓇ ᑎᕒᐊ ᑭ ᐱᒫᑎᓯᐤ ᑌᐸᑯᑊ ᑕᐦᑐ ᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐁᑊᕒᐋᒼ, ᓀᐦᐅᕒ, ᒥᓇ ᐦᐊᕒᐋᐣ.
27ᐁᐊᐧᑯ ᐅᒪ ᑳ ᑭ ᐃᓯ ᐊᔮᓂᐢᑫ ᐱᒫᑎᓯᐟ ᑎᕒᐊ; ᑎᕒᐊ ᑭ ᓂᐦᑖᐃᐧᑭᐦᐁᐤ ᐁᑊᕒᐋᒼ, ᒥᓇ ᓀᐦᐅᕒ, ᒥᓇ ᐦᐊᕒᐋᐣ; ᒥᓇ ᐦᐊᕒᐋᐣ ᑭ ᓂᐦᑖᐃᐧᑭᐦᐁᐤ ᓬᐋᐟ. 28ᐦᐊᕒᐋᐣ ᒫᑲ ᑭ ᓂᐱᐤ ᒪᐧᔦᐢ ᐅᑖᐃᐧᔭ ᑎᕒᐊᐊᐧ ᐊᓂᑕ ᐅ ᓂᐦᑖᐃᐧᑭᐊᐧᐢᑭᕽ, ᐊᓂᑕ ᐊᕒ ᑳᓬᑎᓈᕽ. 29ᐁᑊᕒᐋᒼ ᒫᑲ, ᒥᓇ ᓀᐦᐅᕒ ᑭ ᐃᐧᐃᐧᐊᐧᐠ, ᓭᕒᐊᐩ ᑭ ᐃᓯᔨᐦᑳᓱᔨᐊᐧ ᐃᐧᐊᐧ ᐁᑊᕒᐋᒼ; ᒫᑲ ᓀᐦᐅᕒ ᐃᐧᐊᐧ ᒥᓬᑲ ᑭ ᐃᓯᔨᐦᑳᓱᔨᐊᐧ, ᐅᑖᓂᓴ ᐦᐊᕒᐋᐣ ᐅᑖᐃᐧᔭ ᒥᓬᑲ, ᒥᓇ ᐅᑖᐃᐧᔭ ᐃᐢᑲ. 30ᒫᑲ ᓭᕒᐊᐩ ᑭ ᐱᓯᓯᑯᓯᐤ, ᓇᒪᐃᐧᔭ ᑭ ᐅᐟ ᐊᐋᐧᓯᒥᓯᐤ. 31ᐁᑯᓯ ᑎᕒᐊ ᑭ ᐅᑎᓀᐤ ᐁᑊᕒᐋᒪ ᐅᑯᓯᓴ, ᒥᓇ ᓬᐋᑕ ᐅᑯᓯᓴ ᐦᐊᕒᐋᐣ ᐅᑯᓯᓴ ᐅᑯᓯᓯᔨᐊᐧ, ᒥᓇ ᓭᕒᐊᐩ ᐅᐢᑎᒪ ᐅᑯᓯᓴ ᐁᑊᕒᐋᒼ ᐃᐧᐃᐧᔨᐊᐧ; ᐁᑯᓯ ᐁ ᑭ ᐯ ᐅᐦᒋ ᐊᐧᔭᐃᐧᒋᐠ ᐊᕒ ᑳᓬᑎᓈᕽ ᐁ ᑭ ᐯ ᐃᑐᐦᑌᒋᐠ ᑫᓇᐣ ᐊᐢᑭᕽ, ᒥᓇ ᐁ ᑭ ᐯ ᑕᑯᓯᑲᐧᐤ ᐊᓂᑕ ᐦᐊᕒᐋᐣ, ᐁᑯᑕ ᒫᑲ ᑭ ᐃᐧᑭᐊᐧᐠ. 32ᐊᓂᐦᐃ ᒫᑲ ᐅ ᑭᓯᑳᒪ ᑎᕒᐊ ᑭ ᓂᓵᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᐣ ᑕᐦᑐ ᐱᐳᓀᐧᐤ: ᑎᕒᐊ ᒫᑲ ᑭ ᓂᐱᐤ ᐊᓂᑕ ᐦᐊᕒᐋᐣ.
Currently Selected:
ᒉᓂᓯᐢ 11: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 11
11
1ᑭ ᐯᔭᑲᐧᐣ ᒫᑲ ᐃᓯ ᑭᓭᐧᐃᐧᐣ ᒥᓯᐁᐧ ᐊᐢᑭᕽ, ᒥᓇ ᑭ ᐯᔭᑲᐧᐣ ᐱᑭᐢᑫᐧᐃᐧᐣ. 2ᑭ ᐊᔨᑭᐣ ᒫᑲ ᐋᐧᐸᓄᑖᕽ ᐁ ᐊᑎ ᐊᔨᐢᐱᒋᒋᐠ, ᑭ ᒥᐢᑲᒪᐧᐠ ᒪᐢᑯᑌᐤ ᐊᓂᑕ ᓵᐃᓇᕒ ᐊᐢᑭᕽ, ᐁᑯᓯ ᐁᑯᑕ ᑭ ᐃᐧᑭᐊᐧᐠ. 3ᐁᑯᓯ ᑭ ᐊᔨᑎᑐᐊᐧᐠ, ᐦᐋᐤ, ᒫᐦᑎ ᐅᓯᐦᐋᑖᓂᐠ ᐊᓯᓂᑳᓇᐠ ᐁᑯᓯ ᑭᓯᓵᐧᑖᓂᐠ ᒥᑐᓂ. ᐁᑯᓯ ᐊᓯᓂᑳᓇ ᑭ ᐊᔮᐁᐧᐊᐧᐠ ᐁ ᐅᐟ ᐊᓯᓂᒥᒋᐠ ᒥᓇ ᐊᐢᑭᐃᐧᐱᑭᐊᐧ ᑭ ᐊᓯᐢᑭᑳᑫᐊᐧᐠ. 4ᒥᓇ ᐅᒥᓯ ᑭ ᐃᑌᐧᐊᐧᐠ, ᐦᐋᐤ, ᒫᐦᑎ ᐅᓯᐦᑖᑖᐠ ᐅᑌᓇᐤ ᒥᓇ ᒥᓯᐋᐧᐢᑳᐦᐃᑲᐣ ᑕᐦᑯᐨ ᑭᑕ ᓵᒥᑎᕽ ᑭᓯᑯᕽ; ᐁᑯᓯ ᐅᓯᐦᑖᐧᓱᑖᐠ ᐃᐧᔪᐃᐧᐣ ᐁᑳ ᑭᑕ ᓯᓭᐧᑎᓴᐦᐅᑲᐃᐧᔭᕽ ᐁᐢᐱᒑᐠ ᒥᓯᐁᐧ ᐊᐢᑭ. 5ᐁᑯᓯ ᑳ ᑎᐯᔨᐦᒋᑫᐟ ᑭ ᐯ ᔮᓯᐤ ᐁ ᐯ ᓇᑕᐃᐧ ᐋᐧᐸᐦᑕᕽ ᐅᑌᓇᐤ ᒥᓇ ᒥᓯᐋᐧᐢᑳᐦᐃᑲᐣ ᐊᔨᓯᔨᓂᐃᐧ ᐊᐋᐧᓯᓴᐠ ᑳ ᐅᓯᐦᑖᒋᐠ. 6ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᒫᑎᑲ, ᐯᔭᑯᐊᐧᐠ ᐊᔨᓯᔨᓂᐊᐧᐠ, ᒥᓇ ᑲᐦᑭᔭᐤ ᐯᔭᑲᐧᐣ ᐁ ᐃᓯ ᑭᓭᐧᒋᐠ; ᒥᓇ ᐅᒪ ᑭ ᓯᐯᐧᑐᑕᒪᐧᐠ; ᐁᑲᐧ ᒫᑲ ᓇᒪᐃᐧᔭ ᑲᑕ ᑭ ᓇᑳᓈᐊᐧᐠ ᑭᑲᐧᐩ, ᐁᑌᔨᑕᑲᐧᐃᐧ ᐁ ᐃᐧ ᑐᑕᐦᑭᐠ. 7ᐦᐋᐤ, ᒫᐦᑎ ᔪᓯᑐᑕᑖᐣ, ᐁᑯᑕ ᒫᑲ ᒥᑯᐢᑳᒋᐦᑖᑕᐣ ᐅᐟ ᐃᓯ ᑭᓭᐧᐃᐧᓂᐋᐧᐤ, ᑭᑕ ᐃᓯ ᐁᑳ ᓇᓀᓯᑐᑕᑐᒋᐠ ᐅ ᐱᑭᐢᑫᐧᐃᐧᓂᐊᐧᕽ. 8ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᓴᓯᓭᐧᑎᓴᐁᐧᐤ ᐁᑯᑕ ᐅᐦᒋ ᒥᓯᐁᐧᐢᑲᒥᐠ ᐃᓯ; ᐁᑯᓯ ᒫᑲ ᑭ ᐳᓂᑖᐊᐧᐠ ᐁ ᐃᐧ ᐅᓯᐦᑕᒋᐠ ᐅᑌᓇᐤ. 9ᐁᐊᐧᑯ ᐅᐦᒋ ᒫᑲ ᐯᐱᓬ ᑳ ᑭ ᐃᑕᒥᕽ; ᒋᑫᒫ ᑳ ᑎᐯᔨᐦᒋᑫᐟ ᐁᑯᑕ ᑭ ᒥᑯᐢᑳᒋᑕᐤ ᑲᐦᑭᔭᐤ ᑳ ᑭ ᐃᓯ ᐱᑭᐢᑳᐧᓂᐊᐧᕽ ᐊᐢᑭᕽ; ᒥᓇ ᐁᑯᑕ ᐅᐦᒋ ᑳ ᑎᐯᔨᐦᒋᑫᐟ ᑭ ᓵᓯᓭᐧᑎᓴᐁᐧᐤ ᒥᓯᐁᐧᐢᑲᒥᐠ.
10ᐁᐊᐧᑯ ᐅᒪ ᑭ ᐊᑎ ᐊᐃᓯ ᐊᔮᓂᐢᑫ ᐱᒫᑎᓯᐤ ᓭᒼ; ᓭᒼ ᒥᑖᐦᑐᒥᑕᓇᐤ ᑭ ᑕᐦᑐ ᐱᐳᓀᐧᐤ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐋᕒᐹᐠᓵᐟ, ᑳ ᓂᓱ ᐱᐳᓂᔨᐠ ᐁ ᑭ ᐳᓂ ᐃᐢᑭᐯᐠ. 11ᓭᒼ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᐋᕒᐹᐠᓵᐟ, ᓂᔮᓇᓈᐧᐤ ᒥᑕᐦᑐᒥᑕᓇ ᐱᐳᓇᐧ, ᐁᑯᓯ ᐁ ᑭ ᐊᑎ ᐅᑯᓯᓯᐟ ᒥᓇ ᐅᑖᓂᓯᐟ.
12ᐋᕒᐹᐠᓵᐟ ᒫᑲ ᑭ ᐱᒫᑎᓯᐤ ᓂᐢᑐᒥᑕᓇᐤ ᓂᔮᓇᓄᓵᑊ ᑕᐦᑐ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᓭᓬᐊ: 13ᐋᕒᐹᐠᓵᐟ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᓭᓬᐊ, ᓀᐋᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐ ᐱᐳᓇᐧ, ᐁᑯᓯ ᐁ ᑭ ᐊᑎ ᐅᑯᓯᓯᐟ ᒥᓇ ᐅᑖᓂᓯᐟ.
14ᓭᓬᐊ ᒫᑲ ᑭ ᐱᒫᑎᓯᐤ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐃᐸᕒ: 15ᓭᓬᐊ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᐃᐸᕒ ᓀᐋᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐ ᐱᐳᓇᐧ, ᐁᑯᓯ ᐁ ᑭ ᐊᑎ ᐅᑯᓯᓯᐟ ᒥᓇ ᐅᑖᓂᓯᐟ.
16ᒥᓇ ᐃᐸᕒ ᑭ ᐱᒫᑎᓯᐤ ᓂᐢᑐᒥᑕᓇᐤ ᓀᐅᐧᓵᑊ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐱᓬᐁᐠ: 17ᐃᐸᕒ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᐱᓬᐁᐠ ᓀᐋᐧᐤ ᒥᑖᐦᑐᒥᑕᓇᐤ ᒥᓇ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
18ᐱᓬᐁᐠ ᒫᑲ ᑭ ᐱᒫᑎᓯᐤ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᕒᐃᐅ: 19ᒥᓇ ᐱᓬᐁᐠ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᕒᐃᐅ ᓂᓵᐧᐤ ᒥᑕᐦᑐᒥᑕᓇᐤ ᒥᓇ ᑫᑳᐟ ᒥᑕᐦᑐᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
20ᒥᓇ ᕒᐃᐅ ᑭ ᐱᒫᑎᓯᐤ ᓂᐢᑐᒥᑕᓇᐤ ᓂᓱᓵᑊ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᓯᕒᐊᐠ: 21ᕒᐃᐅ ᒪᑳ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᓯᕒᐊᐠ ᓂᓵᐧᐤ ᒥᑖᐦᑐᒥᑕᓇᐤ ᒥᓇ ᑌᐸᑯᑊ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
22ᒥᓇ ᓯᕒᐊᐠ ᑭ ᐱᒫᑎᓯᐤ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᓀᐦᐅᕒ: 23ᓯᕒᐊᐠ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᓀᐦᐅᕒ ᓂᓵᐧᐤ ᒥᑖᐦᑐᒥᑕᓇᐤ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑖᓂᓯᐟ.
24ᒥᓇ ᓀᐦᐅᕒ ᑭ ᐱᒫᑎᓯᐤ ᑫᑳᐟ ᓂᐢᑐᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᑎᕒᐊ: 25ᓀᐦᐅᕒ ᒫᑲ ᑭ ᐱᒫᑎᓯᐤ ᑳ ᑭ ᓂᐦᑖᐃᐧᑭᐦᐋᐟ ᑎᕒᐊ ᐯᔭᑳᐧᐤ ᒥᑖᐦᑐᒥᑕᓇᐤ ᒥᓇ ᑫᑳᐟ ᓂᓯᑕᓇᐤ ᐱᐳᓇᐧ, ᐁᑯᓯ ᐁ ᑭ ᐊᑎ ᐊᔪᑯᓯᓯᐟ ᒥᓇ ᐅᑕᓂᓯᐟ.
26ᒥᓇ ᑎᕒᐊ ᑭ ᐱᒫᑎᓯᐤ ᑌᐸᑯᑊ ᑕᐦᑐ ᒥᑕᓇᐤ ᐱᐳᓇᐧ, ᐁᑯᓯ ᑭ ᓂᐦᑖᐃᐧᑭᐦᐁᐤ ᐁᑊᕒᐋᒼ, ᓀᐦᐅᕒ, ᒥᓇ ᐦᐊᕒᐋᐣ.
27ᐁᐊᐧᑯ ᐅᒪ ᑳ ᑭ ᐃᓯ ᐊᔮᓂᐢᑫ ᐱᒫᑎᓯᐟ ᑎᕒᐊ; ᑎᕒᐊ ᑭ ᓂᐦᑖᐃᐧᑭᐦᐁᐤ ᐁᑊᕒᐋᒼ, ᒥᓇ ᓀᐦᐅᕒ, ᒥᓇ ᐦᐊᕒᐋᐣ; ᒥᓇ ᐦᐊᕒᐋᐣ ᑭ ᓂᐦᑖᐃᐧᑭᐦᐁᐤ ᓬᐋᐟ. 28ᐦᐊᕒᐋᐣ ᒫᑲ ᑭ ᓂᐱᐤ ᒪᐧᔦᐢ ᐅᑖᐃᐧᔭ ᑎᕒᐊᐊᐧ ᐊᓂᑕ ᐅ ᓂᐦᑖᐃᐧᑭᐊᐧᐢᑭᕽ, ᐊᓂᑕ ᐊᕒ ᑳᓬᑎᓈᕽ. 29ᐁᑊᕒᐋᒼ ᒫᑲ, ᒥᓇ ᓀᐦᐅᕒ ᑭ ᐃᐧᐃᐧᐊᐧᐠ, ᓭᕒᐊᐩ ᑭ ᐃᓯᔨᐦᑳᓱᔨᐊᐧ ᐃᐧᐊᐧ ᐁᑊᕒᐋᒼ; ᒫᑲ ᓀᐦᐅᕒ ᐃᐧᐊᐧ ᒥᓬᑲ ᑭ ᐃᓯᔨᐦᑳᓱᔨᐊᐧ, ᐅᑖᓂᓴ ᐦᐊᕒᐋᐣ ᐅᑖᐃᐧᔭ ᒥᓬᑲ, ᒥᓇ ᐅᑖᐃᐧᔭ ᐃᐢᑲ. 30ᒫᑲ ᓭᕒᐊᐩ ᑭ ᐱᓯᓯᑯᓯᐤ, ᓇᒪᐃᐧᔭ ᑭ ᐅᐟ ᐊᐋᐧᓯᒥᓯᐤ. 31ᐁᑯᓯ ᑎᕒᐊ ᑭ ᐅᑎᓀᐤ ᐁᑊᕒᐋᒪ ᐅᑯᓯᓴ, ᒥᓇ ᓬᐋᑕ ᐅᑯᓯᓴ ᐦᐊᕒᐋᐣ ᐅᑯᓯᓴ ᐅᑯᓯᓯᔨᐊᐧ, ᒥᓇ ᓭᕒᐊᐩ ᐅᐢᑎᒪ ᐅᑯᓯᓴ ᐁᑊᕒᐋᒼ ᐃᐧᐃᐧᔨᐊᐧ; ᐁᑯᓯ ᐁ ᑭ ᐯ ᐅᐦᒋ ᐊᐧᔭᐃᐧᒋᐠ ᐊᕒ ᑳᓬᑎᓈᕽ ᐁ ᑭ ᐯ ᐃᑐᐦᑌᒋᐠ ᑫᓇᐣ ᐊᐢᑭᕽ, ᒥᓇ ᐁ ᑭ ᐯ ᑕᑯᓯᑲᐧᐤ ᐊᓂᑕ ᐦᐊᕒᐋᐣ, ᐁᑯᑕ ᒫᑲ ᑭ ᐃᐧᑭᐊᐧᐠ. 32ᐊᓂᐦᐃ ᒫᑲ ᐅ ᑭᓯᑳᒪ ᑎᕒᐊ ᑭ ᓂᓵᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᐣ ᑕᐦᑐ ᐱᐳᓀᐧᐤ: ᑎᕒᐊ ᒫᑲ ᑭ ᓂᐱᐤ ᐊᓂᑕ ᐦᐊᕒᐋᐣ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.