ᒉᓂᓯᐢ 21
21
1ᑳ ᑎᐯᔨᐦᒋᑫᐟ ᒫᑲ ᑭ ᐅᑎᐦᒋᐸᔨᑐᐁᐧᐤ ᓭᕒᐊᐦᐊᐧ ᒣᐧᐦᒋ ᑳ ᑭ ᐃᑌᐧᐟ, ᒥᓇ ᑳ ᑎᐯᔨᐦᒋᑫᐟ ᑭ ᑐᑕᐁᐧᐤ ᓭᕒᐊᐦᐊᐧ ᒣᐧᐦᒋ ᑳ ᑭ ᐃᓯ ᐃᐧᐦᑕᕽ. 2#ᐦᐃᐸᕒᐅᐊᐧ 11:11ᒋᑫᒫ ᓭᕒᐊᐦ ᑭ ᐊᔮᐁᐧᐤ ᐊᐋᐧᓯᓴ, ᒥᓇ ᐁ ᑭ ᓂᐦᑖᐃᐧᑭᑕᒪᐋᐧᐟ ᐁᑊᕒᐁᐋᒪ ᑫ ᐅᑯᓯᓯᔨᐟ ᐁ ᑭᓭᔨᓂᐃᐧᔨᐟ, ᒣᐧᐦᒋ ᐁ ᑎᐱᐸᔨᐠ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ. 3ᐁᑊᕒᐁᐋᒼ ᒫᑲ ᑭ ᐃᐧᔦᐤ ᐅᑯᓯᓴ ᑳ ᑭ ᓂᐦᑖᐃᐧᑭᑕᒫᐦᐟ, ᓭᕒᐊᐦᐊᐧ ᑳ ᑭ ᓂᐦᑖᐃᐧᑭᑕᒫᑯᐟ, ᐋᐃᓴᐠ. 4#ᒉᓂᓯᐢ 17:12; ᐃᓯᐦᒋᑫᐃᐧᓂᐋᐧᐊᐧ 7:8ᐁᑊᕒᐁᐋᒼ ᒫᑲ ᑭ ᓴᕒᑲᒼᓴᐃᓯᐃᐧᐁᐤ ᐋᐃᓴᑲ ᐅᑯᓯᓴ ᐁ ᐊᑎ ᐊᔨᓈᓀᐅ ᑭᓯᑳᔨᐠ, ᒣᐧᐦᒋ ᑭᓭᒪᓂᑐᐊᐧ ᑳ ᑭ ᐃᓯ ᓯᐦᑭᒥᑯᐟ. 5ᐁᑊᕒᐁᐋᒼ ᒫᑲ ᑭ ᒥᑖᐦᑐᒥᑕᓇᐁᐧ ᐱᐳᓀᐧᐤ, ᐃᐢᐱ ᐅᑯᓯᓴ ᐋᐃᓴᑲ ᑳ ᑭ ᓂᐦᑖᐃᐧᑭᑕᒫᐦᐟ. 6ᓭᕒᐊᐦ ᒫᑲ ᐃᑌᐧᐤ, ᑭᓭᒪᓂᑐ ᓂ ᑭ ᐃᓯᐃᐠ ᑭᑕ ᐹᐦᐱᐊᐧᐠ, ᐁᑯᓯ ᒫᑲ ᑲᐦᑭᔭᐤ ᑫ ᐯᐦᑕᐦᑭᐠ ᓂ ᑲ ᐃᐧᒋ ᐹᐦᐱᒥᑲᐧᐠ. 7ᐃᑌᐧᐤ ᒥᓇ, ᐊᐁᐧᓇ ᐅ ᑲ ᑭ ᐃᑖᐦᐟ ᐁᑊᕒᐁᐋᒪ, ᐊᓇ ᓭᕒᐊᐦ ᑭᑕ ᐅᐟ ᐊᐋᐧᓯᒥᓯᐟ? ᒋᑫᒫ ᓂ ᑭ ᓂᐦᑖᐃᐧᑭᑕᒪᐋᐧᐤ ᐅᑯᓯᓴ ᓵᓴᐩ ᐁ ᑭᓭᔨᓂᐃᐧᐟ.
8ᐊᓇ ᐊᐋᐧᓯᐢ ᒫᑲ ᑭ ᑭᔨᐱᑭᐤ ᒥᓇ ᐁ ᑭ ᐳᓂ ᓄᐦᑐᐟ; ᐁᑊᕒᐁᐋᒼ ᒫᑲ ᑭ ᑭᐦᒋ ᐃᐧᑯᑫᐤ ᐊᓂᒪ ᐁ ᑭᓯᑳᐠ ᐋᐃᓴᐠ ᑳ ᐳᓂ ᓄᐦᑐᐟ. 9ᓭᕒᐊᐦ ᒫᑲ ᑭ ᐋᐧᐸᒣᐤ ᐅᑯᓯᓯᔨᐊᐧ ᐊᓂᐦᐃ ᐃᒋᑊᐟ ᐃᐢᑫᐧᐊᐧ ᑳ ᑭ ᓂᐦᑖᐃᐧᑭᑕᒪᐋᐧᔨᐟ ᐁᑊᕒᐁᐋᒪ ᐁ ᐸᐦᐱᓯᒥᐁᐧᔨᐟ. 10#ᑲᓬᐁᓯᔭᓇ 4:29,30ᑭ ᐃᑌᐤ ᒫᑲ ᐁᑊᕒᐁᐋᒪ, ᐊᐧᔭᐃᐧᐁᐧᐱᐣ ᐊᐊᐧ ᐊᑐᐢᑫᔮᑲᓂᐢᑫᐧᐤ ᒥᓇ ᐅᑯᓯᓴ, ᒋᑫᒫ ᐅᑯᓯᓴ ᐊᐊᐧ ᐊᑐᐢᑫᔮᑲᓂᐢᑫᐧᐤ ᓇᒪᐃᐧᔭ ᑭᑕ ᐃᐧᒋ ᑎᐯᔨᐦᑕᒧᒣᐤ ᓂᑯᓯᓴ ᐋᐃᓴᑲ ᐅᑎ. 11ᐅᒪ ᒫᑲ ᓈᐢᐱᐨ ᑭ ᐋᔨᒫᐱᓯᐣ ᐁᑊᕒᐁᐋᒼ ᐅᑯᓯᓴ ᐅᐦᒋ. 12#ᕒᐅᒪᓇ 9:7; ᐦᐃᐸᕒᐅᐊᐧ 11:18ᑭᓭᒪᓂᑐ ᒫᑲ ᑭ ᐃᑌᐤ ᐁᑊᕒᐁᐋᒪ, ᐁᑳᐃᐧᔭ ᑭ ᑲ ᐃᐧ ᐋᔨᒫᐱᓯᓂᐣ ᐅᐢᑭᓂᑭᐢ ᐅᐦᒋ ᐊᐦᐳ ᑭᐟ ᐊᑐᐢᑫᔮᑲᓂᐢᑫᐧᒼ; ᓇᑐᐦᑕ ᑲᐦᑭᔭᐤ ᐊᓂᒪ ᓭᕒᐊᐦ ᑳ ᑭ ᐃᑌᐧᐠ, ᒋᑫᒫ ᐋᐃᓴᐠ ᑭᑕ ᐅᐦᒋ ᐃᐧᒋᑳᓱᐊᐧᐠ ᑭᐟ ᐊᐋᐧᓯᒥᓴᐠ. 13ᒥᓇ ᒫᑲ ᐅᑯᓯᓴ ᐊᓇ ᐊᑐᐢᑫᔮᑲᓂᐢᑫᐧᐤ ᓂ ᑲ ᐅᐦᒋ ᐅᓯᐦᐋᐊᐧᐠ ᐯᔭᑯᐢᑳᐣ ᐊᔨᓯᔨᓂᐊᐧᐠ ᒋᑫᒫ ᑭᔭ ᑭᐟ ᐊᐋᐧᓯᒥᐢ.
14ᐁᑊᕒᐁᐋᒼ ᒫᑲ ᑭ ᐊᐧᓂᐢᑳᐤ ᐃᐧᐸᐨ ᐁ ᑫᑭᓭᐹᔮᐠ, ᐁ ᑭ ᐅᑎᓈᐟ ᐸᐦᑫᐧᓯᑲᓇ ᒥᓇ ᐯᔭᐠ ᐊᓯᐊᐧᒋᑲᐣ ᓂᐱ, ᐁᑯᓯ ᐁ ᑭ ᒥᔮᐟ ᐦᐁᑳᕒᐊ ᐁ ᓇᔭᑕᐋᐟ ᒥᓇ ᐊᓂᐦᐃ ᐊᐋᐧᓯᓴ, ᐁᑯᓯ ᑭ ᓯᐯᐧᑎᓴᐁᐧᐤ; ᐁᑯᓯ ᑭ ᓯᐯᐧᑌᐤ ᐁ ᑭ ᐸᐹᒧᑌᐟ ᐊᓂᑕ ᐱᕒᓯᐸ ᐱᑲᐧᑕᐢᑭᕽ. 15ᐊᓂᒪ ᒫᑲ ᓂᐱ ᐊᓯᐊᐧᒋᑲᓂᕽ ᑭ ᒣᐦᒋᐸᔨᐤ ᐁᑯᓯ ᑭ ᐸᑭᑎᓀᐤ ᐊᓂᐦᐃ ᐊᐋᐧᓯᓴ ᓯᐹᐦᑯᑊ ᓂᐱᓯᕽ. 16ᑭ ᓯᐯᐧᑌᐤ ᒫᑲ ᐋᐧᔭᐃᐧᐢ ᐁ ᐅᐦᑕᐱᐢᑕᐋᐧᐟ, ᓈᐣᑕᐤ ᑭᑕ ᑭ ᐅᑎᐦᒋ ᐱᒧᑕᑫᐧᕽ ᐃᔨᑯᕽ; ᒋᑫᒫ ᑭ ᐃᑌᐧᐤ, ᑭᔮᒼ ᓇᒪᐃᐧᔭ ᓂ ᑲ ᐋᐧᐸᒫᐤ ᐊᐋᐧᓯᐢ ᐁ ᐳᓂ ᐱᒫᑎᓯᐟ. ᐋᐧᔭᐃᐧᐢ ᒫᑲ ᑭ ᐅᐦᑕᐱᐢᑕᐁᐧᐤ ᐁᑯᓯ ᐁ ᑭ ᒫᑕᑌᐧᒧᐟ. 17ᑭᓭᒪᓂᑐ ᒫᑲ ᐯᑕᐁᐧᐤ ᐊᓂᐦᐃ ᐅᐢᑭᓂᑭᓴ ᐁᑯᓯ ᑭᓭᒪᓂᑐ ᐅᑭᓯᑯᒪ ᑭ ᑌᐹᐧᑌᐤ ᐦᐁᑳᕒᐊ ᑭᐦᒋ ᑭᓯᑯᕽ ᐅᐦᒋ ᐅᒥᓯ ᐁ ᐃᑖᐟ, ᑖᓀᐦᑎᔭᐣ ᐦᐁᑳᕒ? ᐁᑳᐃᐧᔭ ᓭᑭᓯ; ᒋᑫᒫ ᑭᓭᒪᓂᑐ ᑭ ᐯᐦᑕᐁᐧᐤ ᐅᐢᑭᓂᑭᓴ ᐃᑕ ᐁ ᐊᔮᔨᐟ. 18ᐸᓯᑯ, ᐅᐦᐱᐣ ᐊᓇ ᐅᐢᑭᓂᑭᐢ ᒥᓇ ᓯᑐᐣ ᑭᒋᐦᒋᕽ ᒋᑫᒫ ᓂ ᑲ ᐃᓯᐋᐤ ᑭᑕ ᑭᐢᑕᐢᑳᓀᓯᐟ. 19ᑭᓭᒪᓂᑐ ᒫᑲ ᔪᑌᓇᒣᐧᐤ ᐅᐢᑭᓯᑯᔨᐊᐧ, ᐁᑯᓯ ᐋᐧᐸᐦᑕᒼ ᒧᓇᐃᐹᓂᔨᐤ, ᑭ ᐃᑐᐦᑌᐤ ᒫᑲ ᐁ ᑭ ᓵᑲᐢᑭᓇᑖᐟ ᐊᓯᐊᐧᒋᑲᐣ ᓂᐱ, ᐁ ᑭ ᒥᔮᐟ ᒫᑲ ᐅᐢᑭᓂᑭᓴ ᑭᑕ ᒥᓂᐦᑫᐧᔨᐟ. 20ᐁᑯᓯ ᑭᓭᒪᓂᑐ ᑭ ᐃᐧᒉᐁᐧᐤ ᐊᓂᐦᐃ ᐅᐢᑭᓂᑭᓴ ᐁᑯᓯ ᑭ ᑭᔨᐱᑭᐤ; ᐱᑲᐧᑕᐢᑭᕽ ᒫᑲ ᑭ ᐅᐟ ᐃᐦᑖᐃᐧᓂᐤ ᒥᓇ ᑭ ᓂᐦᑖ ᐱᒧᑕᑫᐧᐤ. 21ᑭ ᐅᐟ ᐃᐦᑖᐃᐧᓂᐤ ᒫᑲ ᐊᓂᒪ ᐱᑲᐧᑕᐢᑭ ᐯᕒᐋᐣ; ᐁᑯᓯ ᐅᑳᐃᐧᔭ ᑭ ᐅᑎᓇᒫᐠ ᑭᑕ ᐃᐧᐃᐧᐟ ᐃᐢᑫᐊᐧ ᐃᒋᑊᐟ ᐊᐢᑭᕽ ᐅᐦᒋ.
22 #
ᒉᓂᓯᐢ 26:26
ᑭ ᐊᔨᑭᐣ ᒫᑲ ᐁᑯᐢᐱ ᐊᐱᒥᓬᐃᐠ ᒥᓇ ᐹᐃᑲᓬ ᐅ ᑭᐦᒋ ᓯᒫᑲᓂᓯᐃᐧᑭᒫᒪ ᑭ ᐱᑭᐢᑳᐧᑌᐊᐧᐠ ᐁᑊᕒᐁᐋᒪ, ᐁ ᐃᑖᒋᐠ, ᑭᓭᒪᓂᑐ ᑭ ᐃᐧᒉᐃᐧᐠ ᑲᐦᑭᔭᐤ ᑳ ᐊᔨᓯᒋᑫᔭᐣ; 23ᐁᑲᐧ ᒫᑲ ᑭᐦᒋ ᐃᓯᐣ ᑭᓭᒪᓂᑐ ᐁ ᐊᐢᐱᒧᔭᐣ ᐁᑳ ᑭᑕ ᑲᔦᓯᐃᔭᐣ ᓂᔭ, ᐊᐦᐳ ᓂᑯᓯᐢ, ᐊᐦᐳ ᓂᑯᓯᐢ ᐅᑯᓯᓴ; ᒫᑲ ᑳ ᑭ ᐃᓯ ᑭᓭᐋᐧᑐᑖᑖᐣ ᐁᑯᓯ ᑫ ᑐᑕᐃᐧᔭᐣ ᒥᓇ ᑫ ᑐᑕᒪᐣ ᐊᓂᒪ ᐊᐢᑭ ᐃᑕ ᑳ ᑭ ᐊᔭᔮᔭᐣ. 24ᐁᑊᕒᐁᐋᒼ ᒫᑲ ᑭ ᐃᑌᐧᐤ, ᓂ ᑲ ᑭᐦᒋ ᐃᑖᐧᐣ. 25ᐁᑊᕒᐁᐋᒼ ᒫᑲ ᑭ ᑭᑐᑌᐤ ᐊᐱᒥᓬᐃᑲ ᐊᓂᒪ ᐅᐦᒋ ᒧᓇᐦᐃᐹᐣ, ᐅᐟ ᐊᑐᐢᑫᔮᑲᓇ ᐊᐱᒥᓬᐃᐠ ᑳ ᑭ ᒪᐢᑲᑌᐧᔨᐟ. 26ᐁᑯᓯ ᐊᐱᒥᓬᐃᐠ ᑭ ᐃᑌᐧᐤ, ᓇᒪᐃᐧᔭ ᓂ ᑭᐢᑫᔨᑌᐣ ᐊᐁᐧᓇ ᐅᒥᓯ ᑳ ᑭ ᐃᐦᑐᑕᕽ; ᐊᐦᐳ ᓇᒪᐃᐧᔭ ᑯᐦ ᐃᐧᐦᑕᒪᐃᐧᐣ, ᐊᐦᐳ ᓇᒪᐃᐧᔭ ᓄᐦ ᐯᐦᑌᐣ; ᐁᑫᐧᔮᐠ ᐊᓄᐦᐨ ᑳ ᑭᓯᑳᐠ. 27ᐁᑊᕒᐁᐋᒼ ᒫᑲ ᑭ ᐅᑎᓀᐤ ᒫᔭᑎᐦᑲᐧ ᒥᓇ ᒧᐢᑐᓴᐧ ᐁ ᑭ ᒥᔮᐟ ᐊᐱᒥᓬᐃᑲ; ᑖᐱᐢᑯᐨ ᒫᑲ ᑭ ᐃᐧᒋᐦᐃᓯᒋᑫᒥᑐᐊᐧᐠ. 28ᐁᑯᓯ ᐁᑊᕒᐁᐋᒼ ᑭ ᐱᐢᑭᑕᔦᐤ ᑌᐸᑯᑊ ᓄᓭ ᒫᔭᑎᐦᑯᓯᓴ. 29ᐊᐱᒥᓬᐃᐠ ᒫᑲ ᑭ ᐃᑌᐤ ᐁᑊᕒᐁᐋᒪ, ᑖᓂᓯ ᐁᑌᔨᒪᒋᐠ ᐅᑭ ᑌᐸᑯᑊ ᓄᓭ ᒫᔭᑎᐦᑯᓯᓴᐠ ᑳ ᐱᐢᑭᑕᔭᒋᐠ? 30ᑭ ᐃᑌᐧᐤ ᒫᑲ, ᐅᑭ ᑌᐸᑯᑊ ᓄᓭ ᒫᔮᑎᑯᓯᓴᐠ ᑭ ᑲ ᐅᑎᓈᐊᐧᐠ ᓂᒋᐦᒋᕽ ᐅᐦᒋ, ᑭᑕ ᐋᒋᒥᒋᐠ ᐁ ᑭ ᒧᓇᐦᐊᒫᐣ ᐅᒪ ᒧᓇᐦᐃᐹᐣ. 31ᐁᐊᐧᑯ ᐅᐦᒋ ᒫᑲ ᐱᕒᓯᐸ ᑭ ᐃᓯᔨᐦᑳᑕᒼ ᐁᑯᑕ; ᒋᑫᒫ ᐁᑯᑕ ᑖᐱᐢᑯᐨ ᑭ ᑭᐦᒋ ᐃᑌᐧᐊᐧᐠ. 32ᐁᑯᓯ ᐅᒪ ᑳ ᐃᓯ ᐃᐧᒋᐦᐃᓯᒋᑫᒥᑐᒋᐠ ᐁᑯᑕ ᐱᕒᓯᐸ; ᐊᐱᒥᓬᐃᐠ ᒫᑲ ᑭ ᐸᓯᑯ ᒥᓇ ᐹᐃᑲᓬ ᐅ ᑭᐦᒋ ᓯᒫᑲᓂᓯᐃᐧᑭᒫᒪ, ᐁ ᑭ ᐃᓯ ᑭᐁᐧᒋᐠ ᐱᓬᐃᐢᑎᓇ ᐅᐟ ᐊᐢᑭᔨᕽ.
33ᐁᑊᕒᐁᐋᒼ ᒫᑲ ᑭ ᑭᐢᑎᑳᑌᐤ ᑖᒪᕒᐃᐢᐠ ᒥᐢᑎᑲᐧ ᐊᓂᑕ ᐱᕒᓯᐸ, ᐁᑯᑕ ᒫᑲ ᐁ ᑭ ᒪᐃᐧᒧᐢᑕᕽ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᑳᑭᑫ ᐁᔮᐟ ᑭᓭᒪᓂᑐ. 34ᐁᑊᕒᐁᐋᒼ ᒫᑲ ᑭ ᐊᔭᔮᐤ ᐱᓬᐃᐢᑎᓇ ᐅᐟ ᐊᐢᑭᔨᕽ ᒥᐦᒉᑐ ᑭᓯᑳᐊᐧ.
Currently Selected:
ᒉᓂᓯᐢ 21: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
