ᒉᓂᓯᐢ 23
23
1ᓭᕒᐊᐦ ᒫᑲ ᑭ ᐱᒫᑎᓯᐤ ᒥᑖᐦᑐᒥᑕᓇᐤ ᓂᓯᑕᓇᐤ ᑌᐸᑯᑊ ᐊᔨᐋᐧᐠ ᑕᐦᑐ ᐱᐳᐣ; ᐁᐊᐧᑯ ᐅᒪ ᑳ ᑕᐦᑐᐱᐳᓀᐧᐟ ᐁ ᐱᒫᑎᓯᐟ ᓭᕒᐊᐦ; 2ᑭ ᐳᓂ ᐱᒫᑎᓯᐤ ᒫᑲ ᓭᕒᐊᐦ ᐊᓂᑕ ᑭᕒᐃᐊᐦᐟ ᐋᕒᐸ (ᐁᐊᐧᑳᐧᓂᒪ ᐦᐁᐸᕒᐊᐣ) ᑫᓇᐣ ᐊᐢᑭᕽ; ᐁᑊᕒᐁᐋᒼ ᒫᑲ ᑭ ᐯ ᑭᓯᓈᑌᔨᑕᒼ ᒥᓇ ᑭ ᐯ ᓇᑕᐃᐧ ᒪᐃᐧᑳᑌᐤ ᓭᕒᐊᐦᐊᐧ.
3ᐁᑊᕒᐁᐋᒼ ᒫᑲ ᑭ ᐸᓯᑯ ᐁ ᑭ ᐊᐱᐢᑕᐋᐧᐟ ᐅᓂᐳᒪ, ᐁ ᑭ ᑭᑐᑖᐟ ᐊᓂᐦᐃ ᐅᐟ ᐊᐋᐧᓯᒥᓴ ᐦᐁᐟ ᐁ ᐃᑌᐧᐟ, 4#ᐦᐃᐸᕒᐅᐊᐧ 11:9,13; ᐃᓯᐦᒋᑫᐃᐧᓂᐋᐧᐊᐧ 7:16ᓂ ᒫᓂᑌᐃᐧᐣ ᒥᓇ ᑭ ᐃᐧᑭᑫᒧᑐᑖᑎᓈᐋᐧᐤ; ᒥᔨᐠ ᑭᑕ ᑎᐯᔨᐦᑕᒫᐣ ᓇᐦᐃᓂᑐᐃᐧ ᐊᐢᑭ, ᑭᑕ ᓇᐦᐃᓇᐠ ᓄᓂᐳᒼ ᑭᑕ ᐳᓈᐸᒪᐠ. 5ᐅᐟ ᐊᐋᐧᓯᒥᓴ ᐦᐁᐟ ᒫᑲ ᑭ ᓇᐢᑫᐧᐊᐧᓯᒣᐊᐧᐠ ᐁᑊᕒᐁᐋᒪ, ᐅᒥᓯ ᐁ ᐃᑖᒋᐠ, 6ᓇᑐᐦᑕᐃᐧᓈᐣ, ᓂᐟ ᐅᑭᒫᒼ ᒥᐢᑕᐦᐃ ᑯᑭᒫᐃᐧᐣ ᐅᑕ ᑳ ᐊᔮᔮᕽ; ᐁ ᓇᐊᐧᓱᐊᐧᑫᔨᑖᑲᐧᕽ ᓂ ᓇᐦᐃᓂᑐᐃᐧᑲᒥᑯᓈᐣ ᐁᑯᑕ ᑭ ᑲ ᓇᐃᓈᐤ ᑯᓂᐳᒼ; ᓇᒪᐃᐧᔭ ᐊᐃᐧᔭᐠ ᓂᔭᓈᐣ ᑭ ᑲ ᓵᑭᑕᒫᐠ ᐅ ᓇᐦᐃᓂᑐᐃᐧᑲᒥᐠ, ᐱᑯ ᑭᑕ ᓇᐃᓇᒋᐠ ᐊᓂᑭ ᑯᓂᐳᒪᐠ. 7ᐁᑊᕒᐁᐋᒼ ᒫᑲ ᑭ ᓂᐸᐃᐧᐤ ᐁᑯᓯ ᐁ ᑭ ᓇᐊᐧᑭᐢᑕᐊᐧᐟ ᐊᔨᓯᔨᓂᐊᐤ ᐁᑯᑕ ᑯᑕᐢᑭᔨᐟ, ᐦᐁᐟ ᐅᐟ ᐊᐋᐧᓯᒥᓴ ᐅᑎ. 8ᑭ ᐃᐧᒋᐱᑭᐢᑫᐧᒣᐤ ᒫᑲ ᐁ ᐃᑖᐟ, ᑭᐢᐱᐣ ᐁᑌᔨᑕᒧᐁᐧᑫᐧ ᑭᑕ ᓇᐦᐃᓇᐠ ᓄᓂᐳᒼ ᑭᑕ ᐳᓈᐸᒪᐠ; ᓇᑐᐦᑕᐃᐧᐟ ᒥᓇ ᑳᑭᓯᒧᑐᑖᕽ ᓂᔭ ᐅᐦᒋ ᐁᑊᕒᐊᐣ ᐅᑯᓯᓴ ᓵᐦᐋᕒ, 9ᑭᑕ ᒥᔨᐟ ᒫᐠᐱᓬᐊ ᐋᐧᑎ ᑳ ᐊᔮᐟ, ᐊᓂᒪ ᑭᓯᐸᓄᕽ ᐅ ᑭᐢᑎᑳᓂᕽ ᑳ ᐊᔮᔨᐠ; ᒋᑫᒫ ᒥᑐᓂ ᐁ ᐃᑕᑭᑌᐠ ᓂ ᑲ ᐃᓯ ᒥᔨᐠ ᒣᑳᐧᐨ ᐃᑕ ᐁ ᐊᔮᔦᐠ ᑭᑕ ᑎᐱᔭᐁᐧᐃᐧᓯᔮᐣ ᓇᐦᐃᓂᑐᐃᐧ ᐊᐢᑭ. 10ᐁᑊᕒᐊᐣ ᒫᑲ ᐁᑯᑕ ᒣᑳᐧᐨ ᐅᐟ ᐊᐋᐧᓯᒥᓯᔨᐊᐧ ᐦᐁᐟ ᑭ ᐊᐱᐤ; ᐁᑯᓯ ᐁᑊᕒᐊᐣ ᐊᓇ ᐦᐃᑕᐃᐟ ᑭ ᓇᐢᑫᐧᐊᐧᓯᒣᐤ ᐁᑊᕒᐁᐋᒪ ᐁ ᐯᐦᑖᑯᐟ ᐊᓂᐦᐃ ᐦᐁᐟ ᐅᐟ ᐊᐋᐧᓯᒥᓴ, ᑲᐦᑭᔭᐤ ᐅᑎ ᑳ ᐱᐦᑐᑫᒋᐠ ᐁ ᐃᐢᑳᐧᑌᒥᐊᐧᕽ ᐅᑌᓇᐤ, ᐁ ᐃᑌᐧᐟ, 11ᓇᒪᐃᐧᔭ ᓂᐟ ᐅᑭᒫᒼ, ᓇᑐᐦᑕᐃᐧᐣ, ᑭᐢᑎᑳᐣ ᑭ ᒥᔨᑎᐣ ᒥᓇ ᐋᐧᑎ ᐁᑯᑕ ᑳ ᐊᔮᐠ ᑭ ᒥᔨᑎᐣ; ᐁ ᑲᓇᐋᐧᐸᒥᔨᐟ ᐅᑯᓯᓯᐋᐧᐊᐧ ᓂᐟ ᐃᔨᓂᒪᐠ ᑭ ᒥᔨᑎᐣ; ᓇᐦᐃᐣ ᑯᓂᐳᒼ. 12ᐁᑊᕒᐁᐋᒼ ᒫᑲ ᑭ ᓇᐊᐧᑭᐢᑕᐁᐧᐤ ᐊᔨᓯᔨᓂᐊᐧ ᐁᑯᑕ ᑯᑕᐢᑭᔨᐟ. 13ᑭ ᑭᑐᑌᐤ ᒫᑲ ᐁᑊᕒᐊᓇ ᐁ ᓇᑐᐦᑖᑯᐟ ᐊᔨᓯᔨᓂᐊᐧ ᐁᑯᑕ ᑯᑕᐢᑭᔨᐟ, ᐁ ᐃᑌᐧᐟ, ᒫᑲ ᑭᐢᐱᐣ ᐃᑌᔨᑕᒪᓂ ᑭ ᐸᑯᓭᔨᒥᑎᐣ ᓇᑐᐦᑕᐃᐧᐣ; ᑭ ᑲ ᒥᔨᑎᐣ ᐁᑕᑭᑌᐠ ᑭᐢᑎᑳᐣ, ᐅᑎᓇᒪᐃᐧᐣ, ᐁᑯᓯ ᓂ ᑲ ᓇᐦᐃᓈᐊᐧᐠ ᓄᓂᐳᒪᐠ ᐁᑯᑕ. 14ᐁᑊᕒᐊᐣ ᒫᑲ ᑭ ᓇᐢᑫᐧᐊᐧᓯᒣᐤ ᐁᑊᕒᐁᐋᒪ ᐁ ᐃᑖᐟ, 15ᓂᐟ ᐅᑭᒫᒼ ᓇᑐᐦᑕᐃᐧᐣ, ᐊᓂᒪ ᐊᐢᑭ ᓀᐋᐧᐤ ᒥᑖᐦᑐᒥᑕᓇᐤ ᐋᐧᐱᐢᑭ ᓱᓂᔮᐊᐧᐠ ᐃᑕᑭᑌᐤ ᑫᑲᐧᐩ, ᒫᑲ ᐃᐧᔭ ᐁᐊᐧᑯ ᑭᔮᓇᐤ ᐁ ᐊᑖᐦᑐᔭᕽ? ᓇᐦᐃᐣ ᒫᑲ ᑯᓂᐳᒼ. 16ᐁᑊᕒᐁᐋᒼ ᒫᑲ ᑭ ᓇᑐᐦᑕᐁᐧᐤ ᐁᑊᕒᐊᓇ; ᐁᑊᕒᐁᐋᒼ ᒫᑲ ᑭ ᑎᐸᐯᐢᑯᑕᒪᐁᐧᐤ ᐁᑊᕒᐊᓇ ᐊᓂᐦᐃ ᓱᓂᔮᐊᐧ ᑳ ᑭ ᐃᐧᔭᐟ ᐁ ᓇᑐᐦᑖᑯᐟ ᐊᓂᐦᐃ ᐦᐁᐟ ᐅᐟ ᐊᐋᐧᓯᒥᓴ, ᓀᐋᐧᐤ ᒥᑖᐦᑐᒥᑕᓇᐤ ᐋᐧᐱᐢᑭ ᓱᓂᔮᐊᐧᐠ ᑳ ᐃᑕᑭᒋᑫᒋᐠ ᐅᑕᑖᐁᐧᐊᐧᐠ.
17ᐅ ᑭᐢᑎᑳᐣ ᒫᑲ ᐁᑊᕒᐊᐣ ᑳ ᑭ ᐊᔭᐠ ᐊᓂᑕ ᒫᐠᐱᓬᐊ, ᒋᑭ ᒫᒼᕒᐃ, ᑭᐢᑎᑳᐣ ᒥᓇ ᐋᐧᑎ ᐁᑯᑕ ᑳ ᑭ ᐊᔮᐠ, ᒥᓇ ᑲᐦᑭᔭᐤ ᒥᐢᑎᑲᐧᐠ ᑭᐢᑎᑳᓂᕽ ᑳ ᑭ ᐊᔮᒋᐠ, ᒥᓯᐁᐧ ᐋᐧᐢᑳ ᑲᑫᓯᐸᓄᕽ ᑳ ᑭ ᐊᔮᒋᐠ ᑭ ᑫᐦᒋᓈᔦᔨᑖᑯᑕᒪᐋᐧᐤ. 18ᐃᐧᔮ ᐁᑊᕒᐁᐋᒼ ᑭᑕ ᑎᐱᔭᐁᐧᐃᐧᓯᐟ ᐁᑯᑕ ᐁ ᐊᔮᒋᐠ ᐦᐁᐟ ᐅᐟ ᐊᐋᐧᓯᒥᓴ, ᐁ ᐋᐧᐸᐦᑕᒥᔨᐟ ᑲᐦᑭᔭᐤ ᑳ ᐱᐦᑐᑫᔨᐟ ᐃᐢᑳᐧᑌᒥᕽ ᐅᑌᓈᕽ. 19ᒣᐧᐢᑕᐢ ᐃᔨᑯᕽ ᒫᑲ ᐁᑊᕒᐁᐋᒼ ᑭ ᓇᐦᐃᓀᐤ ᓭᕒᐊᐦᐊᐧ ᐃᐧᐊᐧ ᐁᑯᑕ ᐋᐧᑎᕽ ᒫᐠᐱᓬᐊ ᑭᐢᑎᑳᓂᕽ ᒋᑭ ᒫᒼᕒᐃ ᐁ ᐊᔮᐠ; ᐁᐊᐧᑯ ᐊᓂᒪ ᐦᐁᐸᕒᐊᐣ ᑫᓇᐣ ᐊᐢᑭᕽ. 20ᐊᓂᒪ ᒫᑲ ᑭᐢᑎᑳᐣ, ᒥᓇ ᐋᐧᑎ ᐁᑯᑕ ᑳ ᐊᔮᐠ, ᑭ ᑫᐦᒋᓈᔦᔨᑖᑯᑖᐧᐠ ᐁᑊᕒᐁᐋᒼ ᐊᓂᐦᐃ ᐦᐁᐟ ᐅᐟ ᐊᐋᐧᓯᒥᓴ ᑭᑕ ᑎᐱᔭᐁᐧᐃᐧᓯᐟ ᓇᐦᐃᓂᑐᐃᐧ ᐊᐢᑭ.
Currently Selected:
ᒉᓂᓯᐢ 23: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
